<p>გთავაზობთ რამდენიმე სახალისო ამბავს საფეხბურთო ისტორიიდან <br> ფეხბურთი მძიმე რამაა, ვიდრე მოედანზე სათამაშოდ გახვალ, უამრავი ოფლი უნდა დაღვარო, რომ ტრიბუნებიდან ხალხმა ტაში დაგიკრას. სახუმარო ამბავი ნამდვილად არ არის!</p><p>თუმცა, რატომაც არა - სწორედ რომ დაძაბული შრომის შემდეგ გჭირდება კაცს ხუმრობა, გართობა განტვირთვა. ჰოდა, გავერთოთ და განვიტვირთოთ.</p><p>გთავაზობთ რამდენიმე სახალისო ამბავს საფეხბურთო ისტორიიდან.</p><p><p><div style="text-align: center;"><span style="color: #ff0000;"><strong>სიტყვის მსაჯი</strong></span></div></p> იტალიაში, ორი ქვედალიგელი გუნდის, "კოსტამასნაგასა" და "ბარცაგეზეს" მატჩის შემდეგ გულშემატკივარი "შთამბეჭდავი" სანახაობის მომსწრე გახდა: 40 წლის გვერდითმა არბიტრმა ფაბიო ბრუზადელიმ მთლად გაიხადა და მოედანზე დედიშობილა შევარდა.</p><p>სიტყვის კაცი ყოფილა: ნაძლევი დაუდვია, რომლის მიხედვით, თუ "კოსტამასნაგა" მოიგებდა, მოედანზე შიშველი უნდა შესულიყო. არადა, არბიტრს სერიოზული ფორა ჰქონდა - "კოსტამასნაგას" იმ სეზონში მანამდე ერთადერთი მოგება ჰქონდა. "ბარცაგეზეს" კი 2:0 აჯობა.</p><p>11-მეტრიანი მარათონი</p><p>"ლითლთაუნისა" და "სტორტეს ჰოლის" მატჩი ფრედ 1:1 დასრულდა. გამარჯვებული 11-მეტრიანების სერიას უნდა გამოევლინა. მივიდა ლითლთაუნელი, დაარტყა, მეკარემ აუღო; მივიდა ჰოლელი - იმასაც აუღო... თითო მეკარემ 17 დარტყმა მოიგერია, ისე რომ ერთი გოლიც არ გაუშვია. დაღამდა, სერია გულშემატკივართა მანქანების სინათლის ფონზე გაგრძელდა...</p><p>...და გინესის რეკორდების წიგნში შესვლით დასრულდა. მეკარეებმა ხომ ერთმანეთის მიყოლებით 34 პენალტი აიღეს.</p><p><p><div style="text-align: center;"><span style="color: #ff0000;"><strong>პაიჭაძე და... ლენინი</strong></span></div></p> საბჭოეთის დროს ქართული ფეხბურთი გენერალ ჯინჭარაძეს ებარა. დიდი ავტორიტეტი ჰქონდა. თუმცა როდესაც "დინამოს" წარმატებებმა იკლო, ცეკაში დაიბარეს და რეზერვების არასათანადოდ მომზადებაში დასდეს ბრალი.</p><p>- რამდენი საფეხბურთო სკოლა შექმენით, მაგრამ ერთი პაიჭაძეც ვერ გაზარდეთ! - უყვიროდა პარტიული ბოსი.</p><p>გენერალი ჯინჭარაძე არ დაიბნა:</p><p>- თქვენთან ყველაფერი კარგადაა? ყოველ ფეხის ნაბიჯზე პარტიული სკოლაა, მაგრამ ერთი ლენინიც ვერ მოგიმზადებიათ!</p><p><p><div style="text-align: center;"><span style="color: #ff0000;"><strong>ფეხბურთელები ციდან</strong></span></div></p> ბრაზილიის შტატის, გუანაბარას, ჩემპიონატის მსვლელობისას "ფლამენგოს" ფეხბურთელები მოედანზე 9 კაცით გამოვიდნენ. "ამერიკამ" ერთი გოლი გაუტანა და დაწინაურდა, მაგრამ მალე ციდან დახმარება მოვიდა - "მარაკანას" სტადიონზე ვერტმფრენმა "ფლამენგოს" ორი ფეხბურთელი ჩამოიყვანა და გუნდიც წაგებას გადაურჩა - 1:1.</p><p><strong></p><p></strong> <p><div style="text-align: center;"><span style="color: #ff0000;"><strong>თვითგაძევება</strong></span></div></p> ინგლისის ერთ-ერთ სამოყვარულო ლიგაში არბიტრმა საკუთარი თავი გააძევა. 63-ე წუთზე "როიალ მეილის" ფეხბურთელებმა "პიტესრბოროს" გოლი გაუტანეს. პიტესრბოროელთა მეკარე გაცხარდა, მსაჯს მივარდა - შენ ხომ ჩვენს სასარგებლოდ არასოდეს სტვენო.</p><p>ეს იყო ბოლო წვეთი არბიტრ ედნი უეინის მოთმინების ფიალაში, ერთი დარტყმით მეკარეს თვალი ჩაულურჯა. წამიერად მან დანაშაული გაიაზრა, ჯიბიდან წითელი ბარათი ამოიღო, საკუთარ თავს უჩვენა და მატჩიც დასრულებულად გამოაცხადა - არბიტრი აღარ გყავთო.</p><p>ედნი უეინი პარალელურად თავს ტრაილერის მძღოლობით ირჩენდა.</p><p><p><div style="text-align: center;"><span style="color: #ff0000;"><strong>ქომაგის დაბადება</strong></span></div></p> "ყველაზე პატარა გულშემატკივარი ჩვენს ქვეყანაში ცხოვრობს", - წერდა 60-იან წლებში ერთ-ერთი ინგლისური გაზეთი. ასეც იყო - ედი ჰარტფორდი "სტოკ სიტისა" და "არსენალის" მატჩის მსვლელობისას დაიბადა და უამრავი პრივილეგიაც მიიღო:</p><p>იმავე დღეს ახალდაბადებულს საფეხბურთო ბურთი აჩუქეს მატჩის მონაწილე ყველა ფეხბურთელის ავტოგრაფით; გადასცეს 50 ფუნტი სტერლინგი; "სტოკ სიტის" მენეჯერმა სახალხოდ გამოაცხადა, რომ პატარა ედი გუნდის თილისმად იქცეოდა და ყოველ გასვლით მატჩზე წაიყვანდნენ.</p><p><p><div style="text-align: center;"><span style="color: #ff0000;"><strong>პანღური</strong></span></div></p> ოთარ გაბელიას მონათხრობიდან:</p><p>- ხარკოვში ვეთამაშებით "მეტალისტს". ბარემ გეტყვით, რომ ჩემი სიდედრი წარმოშობით ხარკოველია. წვიმს, საშინელი ამინდია. არ მიგვდის თამაში. მესამე ბურთი რომ გავუშვი, მინდორზე ფოტორეპორტიორი შემოვარდა და სიტყვასიტყვით მითხრა: "ვინიმაი ტრეტიუ ბანკუ". ჯერ ისედაც გაგიჟებული ვარ და ამან ხომ მთლად გადამრია კაცი. წიხლი ვუთავაზე და გავეკიდე. ფოტოაპარატი ასფალტზე გაუტყდა, მე არ დამიმტვრევია. დისკვალიფიკაციას გადავრჩი - ფოტოგრაფს არ ჰქონდა მინდორზე შესვლის უფლება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა
როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
ბასილაშვილი მეცის ჩელენჯერს ტრავმის გამო ჩაეხსნა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს