გლობუსი ივიცასია

სამთო-სათხილამურო სპორტში მსოფლიოს თასზე ხორვატი ივიცა კოსტელიჩი მეტოქეებისთვის მიუღწეველია დასასრულს მიუახლოვდა სამთო-სათხილამურო სპორტში მსოფლიოს თასის გათამაშება. მომავალ კვირას ფინალური ეტაპი გაიმართება, თუმცა მამაკაცებს შორის მთავარი გამარჯვებული უკვე გარკვეულია. შაბათს ნორვეგიის კურორტ კვიტფიელში ხორვატი ივიცა კოსტელიჩი სწრაფდაშვებაში 21-ე ადგილზე გავიდა, მაგრამ ესეც საკმარისი აღმოჩნდა გენერალურ კლასიფიკაციაში საბოლოო გამარჯვების გასაფორმებლად. სეზონის დასრულებამდე ხუთი სტარტით ადრე ხორვატი მიუღწევადი გახდა კონკურენტებისთვის, რადგან უახლოეს მდევარ დიდიე კუშს ის 500 ქულაზე მეტს უგებს.კოსტელიჩმა ბრწყინვალე სეზონი ჩაატარა და კარიერაში პირველად გაიფორმა მსოფლიოს თასზე გამარჯვება. განსაკუთრებით შთამბეჭდავი იყო ივიცა იანვარში, როცა შვიდჯერ მივიდა ფინიშთან პირველი. კოსტელიჩი მამაკაცებს შორის მსოფლიოს თასის პირველი ხორვატი ჩემპიონია. მისმა დამ - იანიცამ ქალებში ბროლის გლობუსი სამჯერ მოიგო."ეს პრიზი ჩემი ოცნება იყო და მისთვის მრავალი წლის განმავლობაში ვიბრძოდი. მსოფლიოს თასის საერთო ჩათვლაში გამარჯვება ყველაზე მნიშვნელოვანი მიღწევაა ჩვენს სახეობაში. წარმატებული სპორტსმენების გარემოცვაში ვიზრდებოდი. იანიცამ სეზონი სამჯერ მოიგო და ის ყოველთვის მისაბაძი მაგალითი იყო ჩემთვის. ამაყი ვარ, რომ შევძელი ამის გაკეთება. იანვარში ჩემი გამოსვლა უნიკალური იყო - ძალიან ბევრი სტარტი მოვიგე. იმედი მაქვს, სოჭის ოლიმპიადაზე შევძლებ სათანადო კონკურენციის გამოჩენას", - განაცხადა მსოფლიოს თასის ახალმა გამარჯვებულმა.სწრაფდაშვება ავსტრიელმა მიხაელ ვალჰოფერმა მოიგო, რომელიც ამ სეზონის შემდეგ კარიერას ასრულებს. მას შეუძლია მაჟორულ ნოტაზე დაასრულოს დიდ სპორტში გამოსვლა - სწრაფდაშვების ჩათვლაში 14 ქულით უსწრებს უახლოეს მდევარს და მცირე ბროლის გლობუსის მოპოვების რეალური შანსი აქვს.საერთო ჩათვლა1. ივიცა კოსტელიჩი (ხორ) - 1324; 2. დიდიე კუში (შვეიცარია) - 806; 3. კარლო იანკა (შვეიც) - 738; 4. აქსელ ლუნდ სვინდალი (ნორ) - 725; 5. სილვან ცურბრიგენი (შვეიც) - 723; 6. რომედ ბაუმანი (ავსტრია) - 685...* * *ქალებს შორის გენერალურ კლასიფიკაციაში კი, ალბათ, ბოლო მომენტამდე შეუძლებელი იქნება სეზონის ტრიუმფატორის დასახელება. გასულ უქმეებზე ორი სტარტი გაიმართა ჩეხეთის კურორტ სპინდლერუვში. მსოფლიოს თასის ლიდერი მარია რიში 98 ქულით უგებდა მთავარ კონკურენტ ლინდსი ვონს, მაგრამ ახლა მათ შორის სხვაობა სულ რაღაც 23 ქულას შეადგენს.გერმანელმა რიშმა ორივე სტარტი ჩააგდო: გიგანტურ სლალომში ჩასათვლელ ზონაში ვერ მოხვდა, სლალომში კი საერთოდ ფინიშამდე ვერ მივიდა. ეს დისციპლინები ამერიკელი ვონისთვის ყოველთვის მოუხერხებლად ითვლებოდა, მაგრამ მსოფლიოს თასის მოქმედმა მფლობელმა ამჯერად სტაბილური გამოსვლა აჩვენა - გიგანტურ სლალომში მესამე ადგილი დაიკავა (მიმდინარე სეზონში ამ დისციპლინაში საუკეთესო შედეგი - მეოთხე ადგილი ჰქონდა), სლალომში კი მე-16 ადგილი დაიკავა. ვიღაცამ ამ შედეგს, შეიძლება, ჩავარდნა უწოდოს, მაგრამ ეს ასე არ არის - ვონმა ნოემბერის შემდეგ პირველად მიაღწია სლალომის ეტაპზე ფინიშს. რაც მთავარია, მე-16 ადგილმა რიშთან ჩამორჩენის 15 ქულით შემცირების საშუალება მისცა და როგორც გითხარით, ახლა სხვაობა მარიასა და ლინდსის შორის მიზერულ 23 ქულას შეადგენს.ამასობაში, გაირკვა სეზონის კიდევ ერთი ლაურეატი ქალებს შორის. როგორც მოსალოდნელი იყო, სლალომში ბროლის მცირე გლობუსი ავსტრიელმა მარლის შილდმა დაისაკუთრა. წელს მას ამ სახეობაში კონკურენტი არ ჰქოლია - შილდმა სეზონში მეექვსე სლალომი მოიგო. მისი დომინირება შაბათის სტარტის დროს კიდევ ერთხელ დამტკიცდა. პირველ ცდაზე სერიოზული შეცდომის მიუხედავად, საუკეთესო დრო აჩვენა და მეორე დაშვების დროსაც ყველა კონკურენტი უკან ჩამოიტოვა.სამთო-სათხილამურო სპორტში 2010-11 წლების სეზონი მომავალ კვირას შვეიცარიის კურორტ ლენზერჰაიდში დასრულდება. იქ ოთხი სტარტია დაგეგმილი - სწრაფდაშვება, სუპერგიგანტი, გიგანტური სლალომი და სპეციალური სლალომი.სპინდლერუვი (ჩეხეთი)ქალები. სლალომი1. მარლის შილდი (ავსტრია) - 1:43.85 (50.02+53.83); 2. კატრინ ცეტელი (ავსტრია) - 1:44.78 (50.20+54.58); 3. ტინა მაზე (სლოვენ) - 1:45.01 (50.74+54.27); 4. მარია პიეტილაე-ჰოლმნერი (შვედ) - 1:45.41 (50.68+54.73); 5. ვერონიკა ზუზულოვა (სლოვაკ) - 1:45.42 (50.96+54.46); 6. მანუელა მოელგი (იტალია) - 1:45.60 (50.92+54.68).გიგანტური სლალომი1. ვიქტორია რებენსბურგი (გერ) - 2:15.22 (1:06.62+1:08.60); 2. დენიზე კარბონი (იტა) - 2:16.48 (1:07.31+1:09.17); 3. ლინდსი ვონი (აშშ) - 2:16.67 (1:07.63+1:09.04); 4. ტინა მაზე (სლოვენ) - 2:16.72 (1:07.26+1:09.46); 5. ფედერიკა ბრინიონე (იტა) - 2:16.74 (1:06.94+1:09.80); 6. ჯულია მანკუზო (აშშ) - 2:17.03 (1:07.68+1:09.35).საერთო ჩათვლა1. მარია რიში (გერ) - 1678; 2. ლინდსი ვონი (აშშ) - 1655; 3. ტინა მაზე (ნორ) - 1003; 4. ელიზაბეტ გიორგლი (ავსტრია) - 932; 5. ჯულია მანკუზო (აშშ) - 876; 6. ტანია პოუტიაინენი (ფინ) - 729...

სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება

ფიგურულ სრიალში ქართულმა წყვილმა გრან პრიზე ოქროს მედალი მოიპოვა

მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა