<p>თბილისის "საბურთალოს" ბრაზილიელი ფეხბურთელი საინტერესო თემებზე საუბრობს <br> ვაგნერ გონსალვესი 17 წლის იყო, საფრანგეთში, კორსიკაზე რომ წაიყვანეს და "ბასტიას" დუბლშემადგენლობაში ჩარიცხეს.</p><p>ბრაზილიელი შემტევი ნახევარმცველი, რომელიც 1996 წელს დაიბადა, პერსპექტიული მოთამაშე რომ იყო, ქვეყნის პასპორტი მისცეს და მომავალს დიდი იმედებით უყურებდა...</p><p>მაგრამ ტრავმის გამო, საფრანგეთი დატოვა და, ალბათ, ვერ წარმოიდგენდა, რომ ოდესმე საქართველოში აღმოჩნდებოდა. შარშან ზაფხულში მან "საბურთალოსთან" გააფორმა კონტრაქტი და მალევე შეეწყო გუნდს.</p><p>ახლა უკვე "საბურთალოა" მის გარეშე წარმოუდგენელი. წლეულს ის კლუბის ერთ-ერთ ლიდერად ჩამოყალიბდა და ეროვნული ლიგის საუკეთესო მოთამაშეებში შემთხვევით არ ხვდება.</p><p>სწრაფი, ტექნიკური, ძალიან ეფექტური და სასარგებლო გარემარბი ჩვენი ლიგის ტოპფეხბურთელებშია და ერთ-ერთი მათგანია, ვის გამოც სტადიონზე მისვლა ნამდვილად ღირს.</p><p>ის არაერთხელ მოხვდა "ლელოს" სიმბოლურ ნაკრებში, ახლახან კი ეროვნული ლიგის ვებგვერდმაც დაასახელა პირველი წრის რჩეულთა შორის. ვაგნერმა ჩემპიონატის პირველ 11 მატჩში 4 გოლი გაიტანა და 6 საგოლე პასი მიითვალა.</p><p>"ლელომ" ვაგნერთან ეს ინტერვიუ "დილასთან" მატჩამდე ჩაწერა...</p><p><strong>- მოდით, ჯერ გაგვარკვიეთ, როგორ იწერება და გამოითქმის ზუსტად თქვენი გვარი - გონსალვეში, გონშალვეში თუ გონსალვესი?</strong></p><p>- (დამარცვლით) მე ვარ ვაგნერ გონ-სალ-ვე-სი!.</p><p><strong>- თითქმის ერთი წელია, რაც "საბურთალოში" ხართ. თქვენი თამაშიდან გამომდინარე, შეიძლება ითქვას, რომ აქაურობას და გუნდს გაუშინაურდით...</strong></p><p>- დიახ, ასეა, რადგან ისეთ გარემოში, ისეთ ფეხბურთელებთან და მწვრთნელებთან მოვხვდი, გაშინაურება არ გამჭირვებია. თავს ძალიან კარგად ვგრძნობ და მოხარული ვარ, "საბურთალოში" თამაშით და საქართველოში ყოფნით.</p><p><strong>- ვიდრე ჩამოხვიდოდით, იცოდით რამე საქართველოზე?</strong></p><p>- (იცინის) სიმართლე გითხრათ?</p><p><strong>- რა თქმა უნდა?!</strong></p><p>- არაფერიც არ ვიცოდი. ჩემმა ბელგიელმა მენეჯერმა საქართველოში თამაში რომ შემომთავაზა, მითხრა - "საბურთალო" პერსპექტიული და ახალგაზრდული კლუბიაო. ამის შემდეგ, ინტერნეტში შევედი და თქვენს ქვეყანაზე, ასევე ჩემს მომავალ კლუბზე, რაღაცები გავიგე. ეს იყო და ეს.</p><p><strong>- ინტერნეტში მოპოვებული და არსებული ინფორმაციები, შესაძლოა, ერთმანეთისგან განსხვავდებოდეს. რეალურად რა დაგხვდათ საქართველოში?</strong></p><p>- დამხვდა ნორმალური პირობები, კარგი გარემო და მშვენიერი საწვრთნელი პროცესი. ახლა რომ ვუკვირდები, მიხარია, რომ არჩევანში არ შევცდი. "საბურთალო" კარგი გუნდია და იმ ფეხბურთს თამაშობს, რაც მე მომწონს. ხალხიც ძალიან თბილად და პატივისცემით არის ჩემ მიმართ განწყობილი.</p><p><strong>- საფრანგეთში "ბასტიას" დუბლშემადგენლობაში გითამაშიათ და საინტერესოა, ამ ორი ჩემპიონატის დონეს შორის ძალიან დიდი სხვაობაა?</strong></p><p>- სიმართლე გითხრათ, იქ ხშირად ვაწყდებოდი არაპროფესიონალიზმს, საქართველოში კი პირიქითაა.</p><p><strong>- მოიცათ, საფრანგეთში საქმეს არაპროფესიულად უდგებიან?!</strong></p><p>- მე კონკრეტულად "ბასტიას" დუბლები ვიგულისხმე.</p><p><strong>- კარგი თამაშის შემდეგ საქართველოში გამორჩეულ მოთამაშეს არავინ დატოვებს და საინტერესოა, რამდენ ხანს აპირებთ "საბურთალოში" დარჩენას?</strong></p><p>- ამ ეტაპზე არაფრის თქმა არ შემიძლია. დღეს მხოლოდ ის ვიცი ზუსტად, რომ "საბურთალოს" ფეხბურთელი ვარ და მინდა, ამ კლუბთან ერთად ბევრ წარმატებას მივაღწიო.</p><p><strong>- შეთავაზების შემთხვევაში, საქართველოს მოქალაქეობას მიიღებდით და ითამაშებდით ჩვენს ნაკრებში?</strong></p><p>- სიმართლე გითხრათ, ამაზე მეც მიფიქრია და...</p><p><strong>- ...და რა?!</strong></p><p>- შესაძლებელია, საქართველოს მოქალაქეობა მივიღო. ამაზე იყო ლაპარაკი და კონკრეტული ნაბიჯებიც გადაიდგა, მაგრამ ხელს იურიდიული პრობლემები გვიშლის. ვნახოთ...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
hm
ჰუფნაგელზე უკეთესია? ეხლა არ სთქვათ მეორე ბუნდესლიგა საქართველოს ჩემპიონატზე დაბალიაო და პროფესიონალიზმით ჩამოუვარდებაო. ლუკამ ბაიერნის ყველა ასაკობრივი გამოიარა! აი პროფესინალი და თანამედროვე ფეხბურთში განათლებული...მაგრამ რად გინდა ვიღაცას ეხვეწებიან!
Georgian
საინტერესო ფეხბურთელია და კარგი იქნება თუ მისცემენ საქართველოს მოქალაქეობას. წარმატებები ვაგნერ!
besik61
საცოდავი საქართველო,ამის დონის ფეხბურთელი თუ აღარ გვყავს ქვეყანაში,კარგად ყოფილა ჩვენი საქმე...
ქომაგი
მართალია, უნდა მივცეთ ასეთ მონდომებულ და ნორმალური დონის ფეხბურთელებს ჩვენ ბედოვლათ ნაკრებში თამაშის საშუალება. რატომაც არა, იქნებ ცოტა ამოქაჩონ. მითუმეტეს რომ წინა ხაზში მაგარი კრიზისი გვაქვს. აქამდც უნდა გაეკეთებინათ ეს სვლა ნაკრების მენეჯმენტს და ნატურალიზება მოეხდინათ ვინმე მაღალი დონის უცხოელის.
თენგო
ამ სტატიის ავტორმა ჯერ რენე ფერეირას ქება დიდებით წაიღო ტვინი,და ეხლა ამას მიადგა.
zura
რაუნდა ნაკრებში კიარა ზუსტადაც რომ უნდა.. ამის დარი ფეხბურთელი 3-4 თუქინება ქართველი.. საფრანგეთი, ესპანეთი და ბევრი გრანდი ქვეყანა მიმართავას ნატურალზიაციას და ჩვენ რა გავხდით ვითომ ? ძალიან სწრაფი და ტექნიკური ბიჭია.. იმედი მაქვს მისცემენ საქართველოს ნაკრებში თამაშის შანსს... ყოველშემთხევაში ჩვენი ფეხბურთელებივით არაპროფესიანალი არაა !!!
ალეკსანდრე
იმ ქართველებს მიხედეთ ჯობს რუსეთში , უკრაინაში და სხვაგან რომ თამაშობენ და ზოგს ქართული პასპორტი არა აქვს! ნახეს რა ვარსკვლავი
besik61
ამათ ხომ არ გაუბერეს,რა უნდა მაგას საქართველოს ნაკრებში???
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
ყაზახებმა ქართველებისთვის კარგად ნაცნობი ჯონ ვან'ტ სხიპი დანიშვნიდან 3 თვეში დაითხოვეს
"საქართველოს ნაკრები კარგად გამოიყურებოდა" - რა თქვა ზაბარნიმ გუშინდელი მატჩის შემდეგ
[PHOTO] ახლო მეგობრები - უკრაინის ნაკრების წევრმა მატჩის შემდეგ საქართველოს ნაკრების ფეხბურთელთან გადაღებული ფოტო გამოაქვეყნა
სვანაძე: ასე გაგრძელება არ შეიძლება - გულშემატკივრების რეაქციას კარგი თამაშით უნდა ვუპასუხოთ
უკრაინელთა მწვრთნელი: საქართველო არაფრითაა უნგრეთზე ან უკრაინაზე სუსტი - აბსურდულ სიტუაციაში გავიმარჯვეთ
როგორი შეფასებები მიიღეს საქართველოს ნაკრების ფეხბურთელებმა უკრაინასთან მატჩში?
ჩრდილოეთ ირლანდია უნგრეთს ფრედ ეთამაშა და A დივიზიონში აღზევდა
[ექსკლუზივი] გიორგი ხარაიშვილი გერმანიაში მიდის
ეროვნული ლიგა. XXX ტური. "ტორპედო" - "საბურთალო" [LIVE]
ევროტურნირების წინ, "საბურთალო" მთავარმა მწვრთნელმა დატოვა
"საბურთალოს" ბრაზილიელი ლეგიონერი დაუბრუნდა
ტრანსფერი: "საბურთალომ" ვაგნერ გონსალვესი ბელგიაში იჯარით გაუშვა
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ორი 11:0 ქართული კლუბების მონაწილეობით - მოსამზადებელი ეტაპი
ეროვნული ლიგა. XXVIII ტური. "ლოკომოტივი" - "საბურთალო" [LIVE]
"დილამ" ბარბადოსელი შემტევი დაიმატა - გონსალვესი წავიდა
ბათუმის "დინამომ" ახალწვეულები წარადგინა
დინამო(ბთ)-საბურთალო 0:1 - დანავსულ წრეში [VIDEO]
"ლოკომოტივიდან" ფეხბურთელები მიდიან - 3 ახალწვეული "საბურთალოში"