ჩემპიონთა ლიგა. ფინალი. იუვენტუსი-რეალი: პაემანი ისტორიასთან [VIDEO]

"რეალმა" ჩემპიონთა თასი მეთორმეტედ მოიგო ზინედინ ზიდანმა - ცეკვა მომინდაო; კრიშტიანო რონალდომ მთელი სანათესაო ჩაიყვანა მინდორზე; მარსელომ ჩემპიონთა თასში თავისი შვილი ჩასვა; მეკარეებმა "პრინსიპალიტის" კარის ბადის მოჭრა დაიწყეს...ასე ზეიმობდა მადრიდის "რეალი" დუოდესიმოს - ჩემპიონთა თასის რეკორდულად მე-12 მოპოვებას, იქვე კი "იუვენტუსის" ფეხბურთელები იდგნენ, ჯიჯი ბუფონის თამადობით და სეზონში ტიტულების ჰეთ თრიკის შესრულების დაკარგულ შანსს მისტიროდნენ...<div style="text-align: center;">თამაში</div> მასიმილიანო ალეგრიმ 3-4-1-2 შემოგვთავაზა. ბარძალი-ბონუჩი-კიელინის ტრიოზე ამ სეზონში კარგის მეტი რა ითქმის, კარს კი ლეგენდარული ბუფონი იცავდა. ფლანგის ბრაზილიელებს, დანი ალვეშსა და ალექს სანდროს შუა ხაზში ექსრეალელი ხედირა და პიანიჩი ეხმარებოდნენ. პაულო დიბალა მანჯუკიჩისა და იგუაინის უკან მოქმედებდა. ზინედინ ზიდანის შემტევი ტრიოც "იუვეს" ანალოგიურად უტევდა. დიბალას "როლს" ისკო ასრულებდა, რომლის წინაც ბენზემა და რონალდო მოქმედებდნენ. დაცვაში "რეალი" კვარტეტით მოქმედებდა, შუა ხაზში კი ჩვეული ტრიოთი - კროოსი, კაზემირო, მოდრიჩი.დასაწყისი "იუვენტუსისა" გამოდგა და იტალიური გუნდი მე-7 წუთზე ანგარიშსაც გახსნიდა, კეილორ ნავასს სასწაულებრივ რომ არ მოეგერიებინა პიანიჩის შორეული დარტყმული.ნელ-ნელა "რეალმა" გამოასწორა მდგომარეობა და მე-20 წუთზე ანგარიშიც გახსნა: დანი კარვახალის პასი კრიშტიანომ მიიღო, პორტუგალიელის დარტყმული კი რიკოშეტის დახმარებით ბუფონის კარში აღმოჩნდა."იუვეს" პასუხი იყო მომენტალური და ძალიან ეფექტური - "ბებერი ქალბატონის" იერიში, თითქოს, ჩაიშალა, ისე უგერგილოდ მიაჩეჩა ბურთი პიპიტამ მანჯუკიჩს, რომელიც პირველ ტაიმში საუკეთესო იყო მოედანზე, მაგრამ ხორვატმა აკრობატულ ნახტომში დაარტყა და კეილორ ნავასი პირღია დატოვა.შესვენების შემდეგ სულ სხვა "რეალი" გამოვიდა. "სამეფო კლუბმა" ნელ-ნელა საკუთარ ნახევარს მიაჯაჭვა "იუვენტუსი", სადღაც გაქრა მანჯუკიჩის სიმწვავე მარცხენა ფლანგიდან, ჩაიკარგა დიბალა, ერთი დანი ალვეში აქტიურობდა და ისიც ძალიან დაბალი მარგი ქმედების კოეფიციენტით. ისკომ მოსინჯა შორი მანძილიდან, შემდეგ კი კაზემიროს ჯერიც დადგა. ბრაზილიელის შორეული დარტყმა ალბათ, არ იქნებოდა საბედისწერო, ბურთი ხედირას რომ არ მოხვედროდა და მიმართულება არ ეცვალა. ბუფონმა "იუვე" ვერ გადაარჩინა - 2:1.64-ე წუთზე კი კრიშტიანო რონალდოს გოლს უკვე საკონტროლო გასროლა ეთქმის. მოდრიჩმა ალექს სანდროს დაასწრო, ფლანგიდან ჩააწოდა და კრიშტიანომ ახლო მანძილიდან გაიტანა.ამის მერე, მეოთხე გოლამდე ყველაზე მეტად კუადრადოს გაძევება დაგვამახსოვრდა, შეცვლაზე შესულმა მეორე გაფრთხილება სერხიო რამოსთან უხეშობისთვის მიიღო, რომელიც "რეალის" კაპიტანმა კარგა გვარიანად გააფორმა.90-ე წუთზე ანგარიშს წერტილი მარკო ასენსიომ დაუსვა, რომელმაც მარსელოს დაუფასა საგოლე პასი - 4:1 და "რეალმა" ჩემპიონთა თასი შეინარჩუნა.<div style="text-align: center;">იხილეთ ვიდეო <a href="/mtavari/video.html?view=video&video=9775" target="_blank" style="font-size: x-small; text-align: center;"><img src="pictures/artimages/image16/ea8ee6eb1e4fb983ce31b7f3c397df8e.jpg" border="0" alt="Sportall.Ge" title="მადრიდის "რეალმა" ჩემპიონთა ლიგაზე ზედიზედ მეორედ გაიმარჯვა [VIDEO]" /></a></div><div style="text-align: center;">მატჩის შემდეგ</div> ზინედინ ზიდანი (რეალი): "სეზონი გამოვიდა ფანტასტიკური, უნდა მივულოცო "რეალის" ყველა ფეხბურთელს. ამ კონტინგენტით ბევრის მიღწევა შეგვიძლია, თუკი ისევ მუხლმოუხრელად ვიშრომებთ. ძალიან ბედნიერი ვარ. შესაძლოა, ეს გარეგნულად ნაკლებად მეტყობა, მაგრამ მენდეთ, ასეა. მსოფლიოს საუკეთესო მწვრთნელი ვარ? არა, არა, რას ამბობთ...რა თქმა უნდა, "რეალში" ვრჩები. უკვე მომდევნო სეზონზე ფიქრს ვიწყებ".კრიშტიანო რონალდო (რეალი): "ასეთი სიუჟეტისთვის მზად ვიყავი. თუკი გუნდის თითოეული ფეხბურთელი მთელი სეზონის განმავლობაში ბევრს მუშაობს, გუნდი აუცილებლად მოიგებს პრესტიჟულ ტიტულებს. შესვენებაზე ზიდანი ძალიან პოზიტიური კუთხით დაგველაპარაკა და გვითხრა, რომ ჩვენი სჯერა. ეს სეზონის ბრწყინვალე, გაუგონარი დასასრულია. ჩვენ პირველებმა შევძელით ლიგის მოგება ზედიზედ. თან, ფინალში ორი გოლი გავიტანე.ამას დავუმატოთ, ესპანეთის ჩემპიონატის მოგება, გავხდი ლიგის ბომბარდირი, მეტი რაღა უნდა ინატრო?! ახლა კი მინდა მაქსიმალურად ვისიამოვნო ამ უნიკალური მიღწევით. კიდევ ერთი "ოქროს ბურთი"? ვნახოთ".გარეთ ბეილი (რეალი): "საოცარი ამბავია, ქალაქიც ყოველმხრივ მზად დაუხვდა ფინალს. როცა საკუთარ ქალაქში იგებ ჩემპიონთა თასს, ეს ორმაგად სასიხარულოა. ჩემთვის მძიმე სეზონი გამოდგა, ბევრს ვშრომობდი, რომ ტრავმებისთვის მეჯობნა და ისევ ფორმაში შევსულიყავი. შესვენებაზე უნდა გვეგრძნო მეტი თვითრწმენა, რომ მეორე ტაიმში ჩვენი მომენტები გამოგვეყენებინა. ასეც მოხდა".ისკო (რეალი): "პირველი ტაიმი ძალიან მძიმე გამოდგა. ეს იმიტომ, რომ "იუვე" ძალიან ძლიერი მეტოქეა. მაგრამ მეორეში "რეალმა" საუკეთესო ფეხბურთი ითამაშა და დამსახურებულად მოიგო".სერხიო რამოსი (რეალი): "გუნდით და მთლიანად კლუბით ვამაყობ. დღეს "რეალს" ისტორიასთან პაემანი ჰქონდა და ჩვენ გამოვიყენეთ ეს. თავიდანვე გვსურდა კარგი ფეხბურთის ჩვენება და გამარჯვება. კი, გვქონდა შეცდომები, მაგრამ გამარჯვება დავიმსახურეთ. ძალიან ვამაყობთ იმით, რომ ჩემპიონთა ლიგა ზედიზედ ორჯერ მოვიგეთ. ჩემპიონის ხასიათი გამოვავლინეთ".ალვარო მორატა (რეალი): "არ ვიცი, ვრჩები თუ არა "რეალში"; ისიც არ ვიცი, ეს ჩემზეა დამოკიდებული თუ არა. ახლა კი მინდა, გუნდთან ერთად ვიზეიმო".ჯანლუიჯი ბუფონი (იუვენტუსი): "ძალიან იმედგაცრუებულები ვართ. გვეგონა, რომ ყველაფერი გავაკეთეთ იმისთვის, რომ ჩემპიონთა ლიგა მოგვეგო. ძალიან კარგი პირველი ტაიმი ვითამაშეთ და "რეალს" უამრავი პრობლემა შევუქმენით, მაგრამ, როგორც ჩანს, ამ ტურნირზე აუცილებელია ნებისმიერი წინაღობის გადალახვა. პირველ ტაიმში მეტი ენერგია დავხარჯეთ და ნაკლებად ვიხეირეთ, "რეალმა" კი პირიქით - მეორეში იყოჩაღა. კარგად გამოჩნდა "რეალის" კლასი, ძალა და უნარი, მოიგოს ასეთი მატჩები. მათ დამსახურებულად გაიმარჯვეს".მასიმილიანო ალეგრი (იუვენტუსი): "ძალიან ვამაყობ იმით, რასაც ბიჭებმა ამ სეზონში მიაღწიეს. აქ ტიტულის მოსაგებად ჩამოვედით, მაგრამ არ გამოგვივიდა. პირველ ტაიმში კარგად ვითამაშეთ, მაგრამ ჩვენი შანსები ვერ გამოვიყენეთ. პიანიჩს მუხლი სტკიოდა და ამიტომ შევცვალე. "რეალმა" ტემპს უმატა და 15-წუთიანი კოშმარი მოგვიწყო. მეორე ტაიმში რიკოშეტით გაშვებულმა გოლმა ფსიქოლოგიურად გაგვტეხა. ამის მერე ჩვენ უნდა გვებრძოლა გაათმაგებული ძალით. აი, როცა ასე ვითამაშებთ, ვიტყვი, რომ კიდევ უფრო განვვითარდით. ამ დროს კი მესამე გოლი გავუშვით. მომავალ სეზონში კვლავ სამივე ტურნირის მოგებას ვგეგმავთ. დღევანდელი გამოცდილება უნდა გამოვიყენოთ და ამ ახალი მოტივაციით ვიბრძოლოთ ფინალში გასვლისთვის. ყველამ კარგად იცის, რაში გვაქვს მოსამატებელი".იუვენტუსი-რეალი 1:4გოლები: 0:1 რონალდო (20), 1:1 მანჯუკიჩი (27), 1:2 კაზემირო (61), 1:3 რონალდო (64), 1:4 ასენსიო (90)იუვენტუსი (3-4-1-2): ბუფონი - ბარძალი (66. კუადრადო), ბონუჩი, კიელინი - დანი ალვეში, პიანიჩი (71. მარკიზიო), ხედირა, ალექს სანდრო - დიბალა (78. ლემინა) - იგუაინი, მანჯუკიჩირეალი (4-3-1-2): ნავასი - კარვახალი, სერხიო რამოსი, ვარანი, მარსელო - კროოსი (89. მორატა), კაზემირო, მოდრიჩი - ისკო (82. ასენსიო) - ბენზემა (77. ბეილი), რონალდოგაძევება: კუადრადო (84)ბურთის ფლობა: 44-56; დარტყმა: 11-18 (4-5); კუთხური: 1-1; თამაშგარე: 3-1; ჯარიმა: 23:18; გაფრთხილება: 5-4; პასები: 418-541 (353-491)მაყურებელი: 65 842ყოველდღიური სპორტული გაზეთი "ლელო"<a href="/fexburti/evroturnirebi/chempiontha-liga/104870-turinshi-momkhdari-tcyletis-shokismomgvreli-kadrebi-videophoto.html" target="_blank" style="font-size: 12.16px;">- ტურინში მომხდარი ჭყლეტის შოკისმომგვრელი კადრები [VIDEO+PHOTO]</a> <a href="/fexburti/evroturnirebi/chempiontha-liga/104869-krishtiano-ronaldo-vinc-me-maktirikebda-moutsevth-khma-chaigdon.html" target="_blank" style="font-size: 12.16px;">- კრიშტიანო რონალდო: ვინც მე მაკტირიკებდა, მოუწევთ ხმა ჩაიგდონ</a> <a href="/fexburti/evroturnirebi/chempiontha-liga/104873-zinedin-zidani-isethi-shegrdzneba-maqvs-rom-akhla-cekvas-davitsyeb.html" target="_blank" style="font-size: 12.16px;">- ზინედინ ზიდანი: ისეთი შეგრძნება მაქვს, რომ ახლა ცეკვას დავიწყებ</a>

GEO

1984 წლიდან ვარ ბარსელონას გულშემატკივარი. დღეს შედეგიდანაც და მთელი სეზონიდანაც ჩანს, რომ რეალი საუკეთესო ფორმაშია და სეზონის საუკეთესო გუნდია. თუმცა მინდა რეალის გულშემატკივრებს ვუთხრა ერთი რამ. თუ იძახით რომ პირველად მოიგო 2 ჯერ ზედიზედ რეალმაო, მაშინ რატომ იძახით რომ 12- ჯერ აქვსო მოგებული? 1956 და 1960 წლის ჩათვლით სულ რეალი იგებდა ევროპის ჩემპიონთა თასს. რაც ჩემპიონთა ლიგა დაერქვა ამ ტურნირს მას შემდეგ 6 ჯერ მოიგო რეალმა.
mixo

ამ სტატიის ავტორი ალბათ დილა-საღამოს მესის შერებილ თმებზე და ნაკოლკებზე ლოცულობს. რონალდო რომ ვითომ გააშაყირა. ჩვენთან ხომ ჟურნალისტები არ არსებობენ, მითუმეტეს სპორტული.
guro

:D- მართალი ხარ ნამდვილი ბარსას ფან კლუბია აქ გახსნილი და ახლა ბოღმა ახჩობთ!! რეალმა მართლა მეფურად ითამაშა და დაუმტკიცაა ყველას კიდევ ერთხელ რომ ყველაზე მაღლა დგას და მუდამ ასე იქნება! ასეთი სპორტული ჟურნალისტების ხელში კიდე კარგადაა ქართული ფეხბურთი მერე გამოხტება მავანი :ქებული: სპ, ჟურნალისტები და უნამუსოდ გვსაყვედურობენ ხალხს რუსულ არხებზე რატომ უყურებთო თამაშებსო..... ბარემ მიაწერეთ :რეალის მოძულე და ბარსას მადიდებელი გაზეთი!:
საოცრება სახელად კრიშტიანო

რაც წელს ჩ.ლ.-ზე რონალდომ გააკეთა ეს ფანტასტიკის სფეროდანაა.10 ბურთი ბოლო 3 თამაშში განსაკუთრებულად დაცვაში ძლიერ გუნდებთან,თანაც ყველა ერთმანეთზე ლამაზი ასეთი ხომ ისტორიას არ ახსოვს.ოქროს ბურთის შემდეგ მეგონა ნელნელა ფეხბურთიდან წავიდოდა,მან კი ალბათ დიდი ვარჯშისა და თავდადების შედეგად ისეთ ფორმას მიაღწია და დიდი სიხარული აჩუქა ფეხბურთის ნამდვილ გულშემატკივრებს.მისი სწრაფვა ყველაფერში პირველი იყოს მაგალითი უნდა იყოს ყველა სპორტსმენისთვის.სტატია კი დაბალი ინტელექტის ბარსას ფანებისთვისაა გულის მოსაფხანად დაწერილი.ასე ნამდვილი ჟურნალუსტები არ წერენ.
123

სტატიის ავტორი ნახე რაა:))))) რამ დაგაბოღმა ასე ბიჭო?რეალის რეკორდებს და წამატებებს 2 საუკუნე რომ ვერ დაეწევა ბარსა მაგან ხოარა?:)))))))))
U

ფეხბურთი მიყვარს,მაგრამ არც ერთი ქვეყნის საფეხბურთო კლუბს არ ვუგულშემატკივრებ არასდროს.
ლევან კალანდია

სტატია წავიკითხე, იგრძნობა, რომ ამის დამწერი ნადვილად არ ქომაგობდა სამეფო კლუბს :) რამოსმა გვარიანად გააფორმაო - ის კი არ უთქვამს, რომ შიპებიანი ბუცი დააბიჯა და რატომ გამორიცხა, რომ არ ეტკინებოდა ფეხბურთელს. ამიტომაც მიყვარს ევროპული პრესა, რომელმა გამოცემამ იკადრა იმის დაწერა, რომ რონალდომ მთელი სანათესაო ჩაიყვანა მინდორზე გამარჯვების შემდეგ :)
sormona

ვეთანხმები, მართლაც სამარცხვინოა ჟურნალისტის მხრიდან ასეთი არაობიექტურობა. ალბად უფროსიც ბარსას ფანია თორემ ასეთი ჟურნალისტი კიდე მუშაობს??? :):):)ვთქვათ არ არის ბარსას ფანი, მაშინ გამოდის უვიცია ასეთ ფაქტებზე რომ ყურადღებას არ ამახვილებს. ანუ ყველა ვარიანში არაპროფესიონალია :):):)
mesi

რეალმა კი არ მოიგო დიდმა ფულმა მოიგო ლიგა 600 მილიონი გადახდილი მოტამაჰეებჰი . მაგხელა ფულიტ ჰიხურას გახდება სუპერ კლუბი
:D

გაზეთი ლელო არის ბარსას ფანკლუბი,თან ბოღმიანი!!! საოცარი რეკორდები დააფიქირ რეალმა და კერძოდ რონალდომ, მაგრამ ერთი საქებარისიტყვაც არ წერია მაგათზე... 1. რეალმა ზედიზედ მოიგო ჩემპიონთა ლიგა რაც ვერცერთმა გუნდამა ვერ შეძლო.2. მე 500 გოლი გაიტანა ლიგაზე, 3. რონალდომ მესისი გადაასწრო და ბომბარდირი გახადა 12 გოლით. 4. რონალდო გახდა პირველი მოთამაშე რომელიც ლიგაზე 6 სეზონის განმავლობაში იტანს 10-ზე მეტ გოლს. 5. რონალდომ კარიერის 600-ე გოლი გაიტანა. 6. რეალმა წესლ ყველა მატჩში გაიტანა გოლი და რეკორდი გრძელდება....... წარმომიდგენია ბარსას რო იგივე გაეკეთებინა რა ხტბები დაიწერებოდა..... სამაგიეროდ სტატიის ავტორი წერს რომ რონალდომ მთელი მისი სანათასაო ჩაიყვანა სტადიონზე და რამოსმა კარგად გააფორმა ჯარიმა...... ამიტომაა ქართული სპორტული დაზოგადად ჟურნალისტიკა იქ სადაც უნდა იყოს!!!!!!!!

ოსიმენის რეკორდი - ის ჩემპიონთა ლიგის ბომბარდირია

ოსიმენის ჰეთ-თრიკი, "ბრიუგესა" და" ბარსელონას" საბრძოლო ფრე და ზარია "სან სიროზე"

[VIDEO] კურტუას გმირობები საკმარისი არ აღმოჩნდა - მამარდაშვილის "ლივერპულმა" "რეალი" დაამარცხა

"ნაპოლი" "მანჩესტერ იუნაიტედის" კიდევ ერთ ფეხბურთელის დამატებას ცდილობს

ევროპის საკლუბო ჩემპიონატზე "გოლდენ გორის" შემადგენლობა ცნობილია

ბერნარდო სილვამ შესაძლოა, "მანჩესტერ სიტი" დატოვოს

[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა

ჰაკიმი აფრიკის საუკეთესო ფეხბურთელად დაასახელეს

საქართველოს ნაკრებმა ფიფას რეიტინგში რეგრესი განიცადა

რუსი მეკარე ნორვეგიის ნაკრებში თამაშს აპირებს

გოგლიჩიძე "ბოლონიასთან", ალბათ, ვერ ითამაშებს

"კოშმარი საქართველოსთან დასრულდა - ეს ტრიუმფია" - ბულგარული მედია

"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა

"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ

რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო

კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს

"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე

"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ

"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ

"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ

"საკადრო შიმშილი გვაქვს, რასაც მენტალური პრობლემები ემატება" - რა თქვა სანიოლმა ბულგარეთთან მატჩის შემდეგ?

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

[VIDEO] შმეიხელს მოედნის ცენტრიდან გაუტანეს - შოტლანდიის ნაკრები 27 წლის შემდეგ მსოფლიო ჩემპიონატზე პირველად ითამაშებს!

ზინედინ ზიდანმა ფეხბურთის ისტორიაში საუკეთესო კლუბი დაასახელა

ვან დერ ვაარტი: რონალდო ერთადერთია, რომლის სასქესო ორგანო "რეალში" არ მინახავს

მანჯუკიჩი "მილანში" ჩაირიცხა - იბრაჰიმოვიჩი მეტოქეებს ემუქრება

რამოსი არ ჩერდება - ლეგენდარული ესპანელი მექსიკის ჩემპიონატის მატჩში ამ ქმედების გამო გააძევეს [VIDEO]

ზიდანმა განმარტა, რატომ დაასრულა საფეხბურთო კარიერა 34 წლის ასაკში

16 წლის ქართველი ტალანტი "იუვენტუსში" - ყველაფერი მალე უნდა გადაწყდეს

"ნა***რო ციგანო, დაცვა სიკვდილისგან ვერ გიხსნის" - სერბს ემუქრებიან

ბუფონის შვილი ჩეხეთის 18-წლამდე ნაკრებში გამოიძახეს

"ლამის ვიტირე" - არგენტინელი "იუვენტუსზე" ნაწყენია

"მადრიდის რეალზე" ფიქრის დრო საერთოდ არ მრჩება" - კაზემირო

ბუფონის მიერ დაბლოკილი მოურინიო - როგორ გახდა იტალიის ნაკრების მწვრთნელი გატუზო

"ნაპოლის" მომდევნო სეზონში ახალი მწვრთნელი ეყოლება

როგორ მოიპარა "პერუჯამ" "ბებერი ქალბატონის" ღიმილი?

"არავითარი კლოპი, "ნაპოლი" მან უნდა ჩაიბაროს" - ფედელემ დე ლაურენტისს კიდევ ერთი რჩევა მისცა

"მილანი" კიდევ ერთ ცნობილ ვეტერანს დაიმატებს

"მესი თუ რონალდო?" - ლინეკერმა არჩევანი გააკეთა

Gazzetta dello Sport: მამარდაშვილი "იუვენტუსის" პრიორიტეტი აღარაა

"სამწვრთნელო საქმიანობას მალე დავუბრუნდები" - ზინედინ ზიდანი

მესი სიაში ვერ მოხვდა - რამოსმა დაასახელა 2 შემტევი, ვის წინააღმდეგაც თამაში ყველაზე მეტად უჭირდა

აი, ამიტომ წავა კონტე "ნაპოლიდან" - იტალიურმა პრესამ ყველაფერი განმარტა

"ბუფონი და აკინფეევი ამით ერთმანეთს ჰგვანან"- მირალემ პიანიჩი

ბუცები, ბურთები და ბუკინისტები – აპრილი, სპორტი და წიგნები

ჩემპიონთა ლიგის ფინალის ფაქტები და სტატისტიკა: "რეალისა" და რონალდოს რეკორდები

"ჩემთვის ის ყველა დროის საუკეთესო მწვრთნელია" - რა თქვა ზიდანმა?

მეორე ფეხბურთელი ისტორიაში - სილვაზე წინ ახლა მხოლოდ მანჯუკიჩია

გრიზმანი შესაძლოა, სერხიო რამოსის თანაგუნდელი გახდეს

ალეგრიმ დაადასტურა - ლუკა მოდრიჩი კარიერას "მილანში" განაგრძობს

ზიდანის ერთ-ერთი ვაჟი ალჟირის ნაკრებში ითამაშებს

მარიო მანჯუკიჩმა "მანჩესტერში" გადაბარგება გადაწყვიტა

მათეუსი: მარადონა საუკეთესო იყო, ჩემს შემდეგ - მესი თუ რონალდო?

რამოსი სავარაუდოდ, კარიერას არგენტინაში განაგრძობს

სერხიო რამოსის მომავალი კლუბი ცნობილია

ბონიფისი ან ვლაჰოვიჩი - "მილანი" ფორვარდის დამატებას ცდილობს

რიბერიმ გიოტცე და მანჯუკიჩი "ფიორენტინაში" გადაიპატიჟა

სიტუაცია შეიცვალა - რას შეპირდა დე ლაურენტისი კონტეს?

ყველაფერი გადაწყდა - ზიდანი საფრანგეთის ნაკრების მწვრთნელი გახდება

"რეალი" თავდამსხმელს იჯარით "ლიონში" გაუშვებს

"გოლების გატანა ლა ლიგაში უფრო მარტივია, ვიდრე საუდის არაბეთში" - რონალდო

ჯანლუიჯი ბუფონის შვილმა თქვა, რატომ გადაწყვიტა ჩეხეთის ნაკრებში თამაში

რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო

სერხიო რამოსი: "ოქროს ბურთს" მას მივცემდი...

"ასეთი რაღაცები რაში გჭირდება?" - კროოსმა ვინისიუსი გააკრიტიკა

"იუვენტუსი" მოტამ ჩაიბარა

[VIDEO] რონალდოს გაძევება და მარცხი დუბლინში - სომხეთს შეუძლია პორტუგალია მუნდიალის გარეშე დატოვოს

მარიო მანჯუკიჩი ყატარის "ალ-დუჰაილში" გადაბარგდა

"ჩემს თავს გამოვრიცხავ" - კურტუამ ამჟამად ევროპის სამი საუკეთესო მეკარე დაასახელა

მოლაპარაკებები ჩიხში შევიდა - "რეალი" ვინისიუსის გასაყიდად მზადაა

დებიუტი პროფესიონალურ დონეზე - ბუფონის შვილს რამდენიმე წუთი დაუთმეს და ჩეხეთის ნაკრებში ელიან