<p>რაგბის კავშირის საშეჯიბრო კომიტეტის თავმჯდომარე, ნიაზ მამრიკიშვილი ქართული რაგბის შემდგომ განვითარებაზე საუბრობს</p><p><br> რაგბიში საქართველოს პირველობაში მონაწილეობის განცხადების წარდგენის ვადა 11 მარტს ამოიწურა. ახლა უკვე დაზუსტებითაა ცნობილი, რომ უმაღლეს და პირველ ლიგაში 8-8 გუნდი იასპარეზებს. გუშინ რაგბის კავშირში მთელი სამუშაო დღე მომავალ შეჯიბრებებთან დაკავშირებული ორგანიზაციული საკითხების მოგვარებით იყო დატვირთული.</p><p>საგულისხმოა, რომ სპორტის არც ერთ სათამაშო სახეობაში არ არის საქართველოში სპორტული კალენდარი ისე "დამძიმებული", როგორც რაგბიში. უმაღლესი და პირველი ლიგის კლუბების გარდა თავიანთ პირველობებს ჩაატარებს დუბლიორთა შემადგენლობა, მეორე ლიგა, ა და ბ ლიგები (შესაბამისად აღმოსავლეთი და დასავლეთი ზონები), დაგეგმილია აგრეთვე შვიდკაცა ჩემპიონატი სამ ტურად, საქართველოს თასის გათამაშება, ბავშვთა ტურნირები, ქვიშის რაგბი... ასპარეზობები აპრილდან დეკემბერის ჩათვლით გაგრძელდება.</p><p>როგორც ხედავთ, რაგბი მთელს საქართველოში განეფინა და აქტიური სპორტული ცხოვრების სტიმულად იქცა. მაგრამ ერთია კლუბებისა და გუნდების განუხრელი ზრდა, მეორე დონე, რაც კადრების და მათი კვალიფიკაციის პირდაპირპროპორციულია. როგორაა ამ თვალსაზრისით მდგომარეობა?</p><p>- რაც მთავარია, თვითდინებაზე არაა მიშვებული საქმე, ყველაფერი ორგანიზაციულ ჩარჩოში ჯდება, მივდივართ წინ - განვითარება-სრულყოფისკენ გვეუბნება რაგბის კავშირის საშეჯიბრო კომიტეტის თავმჯდომარე, ნიაზ მამრიკიშვილი, რომელსაც ახლა, აპრილის მოახლოებასთან დაკავშირებით, ყველაზე მეტად მოძალებია საქმე. მცირე დრო ჩვენთან სასაუბროდ მაინც გამონახა.</p><p>-<strong> ბატონო ნიაზ, კადრებზე გვინდა გკითხოთ, რაგბის პოპულარობა განუხრელად იზრდება, დღეს მისი თამაში ქვეყნის ნებისმიერ ქალაქში თუ სოფელში სურთ. რა კეთდება კადრების მოსამზადებლად?</p><p></strong>- ჯერ იმას გეტყვით, რომ ყველაფერს ვაკეთებთ, რათა კადრების დეფიციტი არ შეიქმნას. მოთხოვნას არ ჩამოვრჩეთ. გვეხმარებიან ყოფილი მორაგბეებიც. პარალელურად მიმდინარეობს მათი კვალიფიკაციის ამაღლების პროცესი.</p><p>-<strong> რა პრინციპით და რა გზით?</p><p></strong>- ჩამოყალიბებულია ლიცენზირების სისტემა, რომელსაც გიორგი ჭუმბურიძე ხელმძღვანელობს. იგი უფლებამოსილია შესაბამისი საერთაშორისო სტრუქტურების მიერ ჩაატაროს მეცადინეობები ანუ სწავლება-ტესტირება. წელიწადში ორჯერ ბარდება ტესტები. მხოლოდ ამის შემდეგ გაიცემა ლიცენზია. აქვე გეტყვით, რომ უკვე 2012 წლიდან ულიცენზიოდ არც ერთ მწვრთნელს არ ექნება ჯგუფებთან თუ გუნდებთან მუშაობის უფლება.</p><p>-<strong> ბარემ მსაჯებზეც ვთქვათ...</p><p></strong>- მსაჯთა მომზადება და კვალიფიკაციის ამაღლებაც ორგანიზებულად მიმდინარეობს. ამ მიზნით მსაჯთა კომიტეტის პირველი ფილიალი შეიქმნა დასავლეთ საქართველოში და დიმიტრი ფულარიას ხელმძღვანელობით ცოდნას რეგიონის 18 მსაჯი იმაღლებს. კვალიფიკაციის ხარისხის მონიტორინგს თბილისიდან ჩასული სპეციალისტები ნოდარ რობიტაშვილი და უჩა ნარიმანიძე ჩაატარებენ.</p><p>-<strong> აღმოსავლეთ საქართველოში რამდენია ჩართული მსაჯთა სწავლებაში...</p><p></strong>- აბიტურიენტებიანად ორმოცდაათამდე. სწავლების პროცესი ინტენსიურად მიმდინარეობს კვირაში ორი დღე. აქაც ტესტირება წელიწადში ორჯერ ტარდება და ცოდნის შესაბამისად ენიჭებათ კვალიფიკაცია. რაც აქვს, იმის დაცვაც აუცილებელია, მაგრამ ყველა უფრო მაღალ დონეზეა ორიენტირებული, რაც უდავოდ კარგია.</p><p>-<strong> უცხოეთიდან მსაჯების მოწვევას ხომ არ გეგმავთ...</p><p></strong>- ასეთი პრაქტიკა არსებობს, მაგრამ წლეულს რამდენად იქნება შესაძლებელი, ძნელი სათქმელია.</p><p>-<strong> რატომ?</p><p></strong>- ფინანსები! თუმცა წინა წლების მსგავსად, პლეი-ოფის სტადიაში ალბათ წავალთ ამ ნაბიჯზე. ახალი პროექტით გვინდა მოწვეული მსაჯები გაუძღვნენ მატჩებს, მაგრამ ეს ჯერ იდეის დონეზეა, ვნახოთ!..</p><p><strong>ესაუბრა თენგიზ თომაშვილი</strong></p><p>.</p>
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში