- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
17-წლამდელთა ელიტთვრამეტეული ცნობილია
<p>კობა ჟორჟიკაშვილის ნაკრები დღეს შეიკრიბება, 22 მარტს კი საფრანგეთში გაემგზავრება და ელიტრაუნდისთვის მზადებას იქ გააგრძელებს <br> საქართველოს 17-წლამდელთა ნაკრები მცირე შესვენების შემდეგ მზადებას დღეიდან განაახლებს. ესპანეთიდან დაბრუნების შემდეგ კობა ჟორჟიკაშვილმა ბიჭები კლუბებში დააბრუნა, დღეს კი გუნდს მიხეილ მესხის სახელობის სტადიონზე შეკრებს.</p><p>ქართველი 17-წლამდელები თბილისში 22 მარტამდე ინტენსიურად ივარჯიშებენ, 22-ში კი საფრანგეთში გაფრინდებიან და ევროპის ჩემპიონატის შესარჩევი ტურნირის ელიტრაუნდისთვის მზადებას იქ განაგრძობენ. სავარაუდო იყო, რომ მადრიდში ესპანელ 17-წლამდელებთან ჩატარებული ორი საკონტროლო მატჩის შემდეგ ჩვენს გუნდს სპარინგ-პარტნიორები კიდევ გამოუჩნდებოდნენ, მაგრამ გაირკვა, რომ ელიტრაუნდის სტარტამდე საქართველოს ნაკრები მხოლოდ ვარჯიშით შემოიფარგლება.</p><p>"მზადების ინტენსიური პროგრამა შევადგინეთ, რათა ელიტრაუნდს ოპტიმალური კონდიციებით შევხვდეთ. ვიხსენებ აქამდე ჩატარებულ ყველა შეკრებასა თუ მატჩს და ვფიქრობ, რომ აქამდე სწორი გზით მოვედით და ჩვენი შრომა შედეგით უნდა დაფასდეს. ბრძოლისუნარიანი, ყველა რგოლში ძლიერად დაკომპლექტებული გუნდი გვყავს და ჩვენი ოპტიმიზმიც საფუძვლიანია. ყველაფერი გეგმის მიხედვით მიდის, ბიჭების მონდომებით კმაყოფილი ვარ და იმედია, რაიმე დაბრკოლება არ შეგვექმნება", - გვითხრა ჟორჟიკაშვილმა.</p><p>დაბრკოლებაში მან, უპირველესად, ფეხბურთელთა ჯანმრთელობის მდგომარეობა იგულისხმა. საბედნიეროდ, დღეისთვის ნაკრების ყველა წევრი თავს კარგად გრძნობს და ღმერთმა ქნას, ელიტრაუნდს ოპტიმალური შემადგენლობით შევხვდეთ.</p><p>ჟორჟიკაშვილი იმითაც კმაყოფილია, რომ ბოლო დღეებში ჩვენი ჯგუფის მასპინძლისა და ფავორიტის, საფრანგეთის ნაკრების მატჩების ვიდეოჩანაწერების მოპოვება და ნახვა შეძლო. ნაკრების სამწვრთნელო შტაბს ფრანგთა ბოლო სამი ოფიციალური შეხვედრის ჩანაწერი აქვს, მეტოქის თამაშებს ფეხბურთელებსაც აჩვენებს და ამ გუნდის დადებით და უარყოფით მხარეებზე ესაუბრება. საფრანგეთის 17-წლამდელთა ნაკრები პირველ შესარჩევ ეტაპზე კვიპროსთან ერთად თამაშობდა და სწორედ ამის გამოისობით ჟორჟიკაშვილს "სამფეროვანთა" ვიდეოჩანაწერები ჩვენი ეროვნული ნაკრების თავკაცმა თემურ ქეცბაიამ მიაწოდა.</p><p>შეგახსენებთ, კიდევ ერთ მეტოქეს, ბელარუსს, საქართველოს ნაკრები შარშან პალანგის საერთაშორისო ტურნირზე შეხვდა და ჩვენი გუნდის თავკაცებს ამ გუნდზე სხვა ინფორმაციებიც აქვთ, ნორვეგიას კი ჟორჟიკაშვილი და მისი ასისტენტები უშუალოდ საფრანგეთში დააკვირდებიან.</p><p>დღეიდან შეკრებაზე ნაკრების 16 წევრი გადავა, ბაიერნელი ლუკას ჰუფნაგელი და ბეერსხოტელი ნიკა ტარყაშვილი კი თანაგუნდელებს პირდაპირ საფრანგეთში შეურთდებიან. საქართველოს ნაკრების სამწვრთნელო შტაბი მათი მომზადების მაღალ დონეში დარწმუნებულია. "ბაიერნისა" და "ბეერსხოტის" 17-წლამდელთა მწვრთნელებმა ქართული მხარის თხოვნა გაითვალისწინეს და ჰუფნაგელსა და ტარყაშვილს ელიტრაუნდამდე დარჩენილ პერიოდში ზომიერად ტვირთავენ.</p><p>როგორც მოსალოდნელი იყო, ესპანური ვოიაჟის შემდეგ ჩვენი გუნდის 18-კაციან შემადგენლობაში ცვლილებები აღარ მომხდარა და საქართველოს ნაკრების საელიტრაუნდე განაცხადი ასეთი იქნება:</p><p><strong>მეკარეები:</strong> გაბრიელ თებიძე (ოლიმპი), გიორგი ბერია (მერანი, მარტვილი);</p><p><strong>მცველები:</strong> დაჩი ცნობილაძე (ოლიმპი), სულხან კახიძე (ქობულეთი), ნიკა სანდოხაძე (დინამო), ცოტნე მონიავა (მერანი, მარტვილი), სანდრო ჭიღვარია, დავით მთივლიშვილი (ორივე - 35-ე საფეხბურთო სკოლა);</p><p><strong>ნახევარმცველები:</strong> ლუკას ჰუფნაგელი (ბაიერნი), გოგი გოგიჩაიშვილი (ქუთაისი), ავთანდილ ენდელაძე (ბაია), ნიკა დიასამიძე (ბათუმი), თეიმურაზ მარკოზაშვილი (მერანი, თბილისი), შალვა ექვთიმიშვილი (35-ე საფეხბურთო სკოლა);</p><p><strong>თავდამსხმელები:</strong> ბაჩანა არაბული (ოლიმპი), გურამ სამუშია (ბაია), გიორგი ფანცულაია (ოლიმპი), ნიკა ტარყაშვილი (ბეერსხოტი).</p><p>ახლა კი ელიტრაუნდში ჩვენი ჯგუფის კალენდარსა და მსაჯებს გადავხედოთ. შეგახსენებთ, ფინალურ ეტაპზე თამაშის უფლებას მხოლოდ ჯგუფის გამარჯვებული მოიპოვებს. პირველი ტურის მატჩი საფრანგეთისა და საქართველოს 17-წლამდელთა შორის ნანტის მთავარ სტადიონ "ლა ბოჟუარზე" ჩატარდება. სხვათა შორის, ამავე არენაზე 2007 წელს ამ ქვეყნების ეროვნულმა ნაკრებებმა ითამაშეს. ის მატჩი ფრანგთა გამარჯვებით, 1:0 დასრულდა.</p><p><em>25 მარტი</em></p><p><em><strong>ნორვეგია-ბელარუსი</strong></em></p><p>სენტ ჰერბლაინი, "ვალ დე შეზინი"</p><p>არბიტრი: შ. მარჩინიაკი (პოლონეთი)</p><p><em><strong>საქართველო-საფრანგეთი</strong></em></p><p>ნანტი, "ლა ბოჟუარი"</p><p>არბიტრი: ა. სიდროპულოსი (საბერძნეთი)</p><p><em>27 მარტი</em></p><p><em><strong>ბელარუსი-საქართველო</strong></em></p><p>ვინიო დე ბრეტანი, "მუნისიპალი"</p><p>არბიტრი: ა. სიდროპულოსი (საბერძნეთი)</p><p><em><strong>ნორვეგია-საფრანგეთი</strong></em></p><p>ნანტი, "მარსელ სოპინი"</p><p>არბიტრი: დ. მაკელი (ჰოლანდია)</p><p><em>30 მარტი</em></p><p><em><strong>საქართველო-ნორვეგია</strong></em></p><p>ნანტი, "მარსელ სოპინი"</p><p>არბიტრი: დ. მაკელი (ჰოლანდია)</p><p><em><strong>საფრანგეთი-ბელარუსი</strong></em></p><p>კარკეფუ, "მულინ ბოისო"</p><p>არბიტრი: შ. მარჩინიაკი (პოლონეთი)</p>
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ