- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დიდი გამარჯვების 55-ე წელი: თბილისის "დინამოს" ევროპული ოდისეა
<p>1962 წლის 29 ივნისს თბილისის "დინამომ" მადრიდის "რეალი" დაამარცხა და ევროპის ჩემპიონთა თასი მოიპოვა <br> 1958 წელს საფრანგეთის სპორტულმა გაზეთმა "ეკიპმა" ევროპის საკლუბო გუნდებისთვის დააწესა სპეციალური პრიზი - "ვერცხლის კალათა". ზედიზედ ორჯერ იგი რიგის არმიელებმა დაიმსახურეს. 1960 წელს მთავარი პრიზისთვის ბრძოლაში ბალტიისპირელებთან ერთად ქართველი კალათბურთელებიც ჩაებნენ.</p><p>"დინამომ" ჯერ ბუქარესტის არმიის კლუბი (კკა) ჩამოიშორა გზიდან - 83:87, 90:68; მერე თასის გათამაშების ორგზის ფინალისტს - სოფიის "აკადემიკს" აჯობა. სოფიაში ქართველებმა გაიმარჯვეს 76:64. საქართველოს დედაქალაქში სტუმრები უკეთ გამოიყურებოდნენ, მაგრამ წაგებას მაინც ვერ გადაურჩნენ - 69:72. ნახევარფინალში "დინამომ" "ბარსელონის" მძლეველი ვარშავის "პოლონია" დაამარცხა - 88:65, 64:61.</p><p>ფინალში თასის ორგზის მფლობელ რიგის ასკ-ს დაუპირისპირდა. ფინალური პაექრობის პირველი მატჩი 10 მაისს თბილისში გაიმართა. მასპინძლებმა ის 10-ქულიანი სხვაობით წააგეს (51:61), ხუთი დღის შემდეგ კი განმეორებითი შეხვედრაც დათმეს - 62:69. ბალტიისპირელებმა ევროპის ჩემპიონთა თასი ზედიზედ მესამედ დაიმსახურეს.</p><p><p><div style="text-align: center;"><span style="color: #ff0000;"><strong>მეორე შეტევა "ვერცხლის კალათაზე"</strong></span></div></p> <strong>გიორგი ავალიშვილის</strong> მიერ საათივით აწყობილ თბილისის "დინამოს" 1961 წლიდან <strong>ოთარ ქორქია </strong>ჩაუდგა სათავეში. მისი ხელმძღვანელობით გუნდმა იმ წელიწადს საკავშირო ჩემპიონატზე ვერცხლის მედალი დაიმსახურა. ოქროს მედლები მოსკოველმა არმიელებმა მოიპოვეს, რომლებიც იმავე 1961 წელს ევროპის ჩემპიონთა თასსაც შესწვდნენ.</p><p>სწორედ ამ გარემოებამ განაპირობა დინამოელთა მეორედ მონაწილეობა ევროპულ ოდისეაში, მერვედფინალში ჩვენები კვლავ რუმინელ არმიელებს დაუპირისპირდნენ. პირველი მატჩი ბუქარესტში გაიმართა. "დინამომ" "ზვეზდას" მხოლოდ ქულით (77:76) სძლია. განმეორებითი მატჩი ჩვენებმა ხუთი ქულით მოიგეს - 82:77.</p><p>შემდეგ ქართველი კალათბურთელების მეტოქე იყო თურქეთის ჩემპიონი "დარუშაფაკი". თურქები ამ შეხვედრაში წარმატებაზეც კი ფიქრობდნენ და ამ მიზნით მასპინძლებმა გუნდის შემადგენლობა ორი მაღალი კლასის მოთამაშით - ნედრეთ უიგუნითა და ჰაშიმულქუ იაქინით გააძლიერეს. "დინამომ" პირველივე წუთებზე მოპოვებული უპირატესობა ბოლომდე შეინარჩუნა და 80:67 გაიმარჯვა. ჩვენებმა მეორე დღეს ამხანაგური მატჩი სტამბოლის სამხედრო-საზღვაო სკოლის გუნდთანაც მოიგეს.</p><p>ორთაბრძოლის შემდეგ დინამოელებთან რამდენიმე უცნობი მივიდა.</p><p>"ჩვენ აქაური ქართველები ვართ, - თქვა ერთ-ერთმა. - ადრეც გვინდოდა თქვენთან მოსვლა, მაგრამ გვეშინოდა, რომ თამაშს წააგებდით, თავსაც შეირცხვენდით და ჩვენც შეგვარცხვენდით. ჩვენთვის კი ყველაფერი ქართული წმინდაა"...</p><p>ქართველმა კალათბურთელებმა განმეორებით მატჩშიც გაახარეს გულშემატკივრები - ორთაბრძოლა 84:49 მოიგეს და ნახევარფინალში მოსკოვის ცსკა-სთან თამაშის უფლება მოიპოვეს.</p><p><img src="pictures/artimages/image17/f9de72b6bd47fd748bce43566b2240ff.jpg" border="0" alt="Sportall.Ge" title="დიდი გამარჯვების 55-ე წელი: თბილისის "დინამოს" ევროპული ოდისეა" /></p><p><p><div style="text-align: center;"><span style="color: #ff0000;"><strong>დუელი ჩემპიონთან </strong></span></div></p> ყოფილ საბჭოეთში ყოველთვის ცდილობდნენ, არმიას უძლეველი გუნდი ჰყოლოდა, ამიტომ უძლიერესი სპორტსმენები მოსკოვის ცსკა-ში იყრიდნენ თავს. 1961 წელს სწორედ მოსკოველმა არმიელებმა მოიპოვეს ქვეყნის ჩემპიონობა და "ვერცხლის კალათაც". მომდევნო წელს 25 აპრილს საბჭოეთის დედაქალაქში პირველი ნახევარფინალური მატჩი ქართველთა უპირატესობით წარიმართა და "დინამოს" გამარჯვებით (75:71) დასრულდა..</p><p>ქართველი კალათბურთელების ამ წარმატებამ ძალიან შეაშფოთა საკავშირო სპორტკომიტეტის მესვეურები. ატყდა ერთი ვაიუშველებელი. ცნობილია, რომ განმეორებით მატჩამდე არ შეწყვეტილა საბჭოეთის დედაქალაქიდან ტელეფონის ზარები - შეხვედრა უნდა დათმოთ, რადგან ცსკა თასის მფლობელი და უფრო გამოცდილი გუნდია, ამიტომ ფინალში ქვეყნის ღირსებას ის უკეთ დაიცავსო.</p><p>ჩვენები, ცხადია, ცოცხალი თავით არაფრის დათმობას არ აპირებდნენ. თბილისში პირველ ტაიმი მასპინძლებმა ერთი ქულით მოიგეს - 33:32. შესვენების შემდეგ "დინამოს" ინიციატივა ხელიდან არ გაუშვია და ორთაბრძოლაც ლოგიკურ დასასრულამდე მიიყვანა - 74:66.</p><p><p><div style="text-align: center;"><span style="color: #ff0000;"><strong>ქარიშხალმა "რეალს" გადაუქროლა</strong></span></div></p> "ვერცხლის კალათას" მოსაპოვებლად თბილისის "დინამოს" კალათბურთელებს კიდევ ერთი ბარიერი უნდა გადაელახათ - მადრიდის "რეალი" (პირენელეებმა ზედიზედ დაამარცხეს მაროკოს "კასაბლანკა" - 82:38, 84:46, იტალიის "ინისი" - 80:82, 83:62; პოლონეთის "ლეგია" - 62:73, 100:71. ლუბლიანის "ოლიმპია" - 92:105, 69:53 და ფინალში გავიდნენ). სწორედ რომ ერთი ბრძოლა, რადგან ფრანკომ სამეფო კლუბს საბჭოთა კავშირში ჩამოსვლის უფლება არ მისცა და დინამოელთა მასპინძლობაზეც უარი თქვა. მატჩი გაიმართა ნეიტრალურ მოედანზე - 1962 წლის 29 ივნისს ჟენევაში.</p><p>მადრიდელი კალათბურთელები მონდომებით ემზადებოდნენ ამ პაექრობისთვის, მათს შემადგენლობაში ნბა-ს ორი წევრი თამაშობდა - ჰეიტაუერი (205 სმ) და მორისონი (203 სმ). ჰეიტაუერს ამერიკაში ჯერი ლუკასთან ერთად კალათბურთის ვარსკვლავს უწოდებდნენ.</p><p>მატჩი გარდამავალი უპირატესობით წარიმართა - ხან ერთი გუნდი იყო წინ, ხან - მეორე. პირველი ნახევრის დამთავრებამდე შესამჩნევად ათამაშდა ჰეიტაუერი, თუმცა მისი დარაჯი პეტროვიც (თბილისელებმა ფინალური მატჩის წინ დიამატეს მოსკოვის "დინამოს" ორმეტრიანი გიგანტი) ენერგიულად უტევდა ესპანელთა კალათს. ტაიმის მიწურულს "დინამო" ორი ქულით დაწინაურდა - 38:36.</p><p>შესვენების შემდეგ ქართველთა უპირატესობა უფრო შესამჩნევი გახდა, პაექრობაც მათ მოიგეს - 90:83 და ევროპის ჩემპიონთა თასი მოიპოვეს..</p><p>იმ ისტორიული გამარჯვებიდან 55 წელი მიილია.</p><p><span style="color: #3366ff;"><strong>1962. ევროპის ჩემპიონთა თასი. ფინალი</strong></span></p><p><em><strong> დინამო-რეალი 90:83</strong></em></p><p>38:36, 52:47</p><p><span style="text-decoration: underline;">დინამო</span></p><p>5. ლევან მოსეშვილი 3</p><p>6. გურამ მინაშვილი 9</p><p>7. ილარიონ ხაზარაძე 2</p><p>8. რევაზ გოგელია 0</p><p>9. ვალერი ალთაბაევი 17</p><p>10. ანზორ ლეჟავა 16</p><p>11. ლევან ინწკირველი 3</p><p>12. ვლადიმერ უგრეხელიძე 14</p><p>13. ალექსანდრე კილაძე 14</p><p>14. ალექსანდრე პეტროვი 12</p><p>16. ამირან სხიერელი 0</p><p>მწვრთნელი: ოთარ ქორქია</p><p><span style="text-decoration: underline;">რეალი</span></p><p>4. პედრო ლოპი 0</p><p>5. ჯოსე-რამონ დურანდი 0</p><p>6. ხულიო დესკარტინი 0</p><p>7. მანუელ საინსი 4</p><p>8. ხოსე ლუისი 5</p><p>9. ანტონიო პალმერო 0</p><p>10. ემილიანო როდრიგესი 21</p><p>11. კარლოს სევილიანო 11</p><p>12. უეინ ჰაიტაუერი 30</p><p>13. სტენლი მორისონი 12</p><p>14. ლორენცო ალოცენი 0</p><p>მწვრთნელი: პედრო ფერანდესი</p><p><p><div style="text-align: center;"><span style="color: #ff0000;"><strong>* * *</strong></span></div></p> "ოცდაათი წელიწადია, თვალს ვადევნებ ევროპის კალათბურთელთა თამაშს, მაგრამ ასეთი საინტერესო ბრძოლა ჯერ არ მინახავს. "რეალი" ქარიშხალი და ტექნიკა იყო, "დინამო" - ქარიშხალი, ტექნიკა და სათამაშო დისციპლინა", - განაცხადა მატჩის შემდეგ კალათბურთის საერთაშორისო ფედერაციის გენერალურმა მდივანმა უილიამ ჯონსმა, რომელმაც თბილისელები "ვერცხლის კალათით" დააჯილდოვა.</p><p><p><div style="text-align: center;"><span style="color: #ff0000;"><strong>* * *</strong></span></div></p> ჟენევაში გამართულ დაუვიწყარ მატჩს ესწრებოდა 82 წლის ემიგრანტი ქართველი მწერალი <strong>გრიგოლ რობაქიძე</strong>. ეს მის ცხოვრებაში, ალბათ, ყველაზე დიდი უკანასკნელი სიხარული იყო, რადგან იგი 1962 წლის 19 ნოემბერს გარდაიცვალა.</p><p>თბილისის "დინამოს" გამარჯვებით გამოწვეული აღტაცება მან აღწერა დისადმი (ლიდა რობაქიძე) მოწერილ ორ წერილში. გთავაზობთ ამონარიდებს:</p><p>"ქართველები თამაშობდნენ აუღელვებლად, შეწყობილად, მეტოდიურად - აქ, სჩანდა უთუოდ ხელი მათი ხელმძღვანელის: ოთარ ქორქიასი... ყვირილი, ხივილი, განგაში - არავითარ გავლენას არ ახდენდა მათზე. არ ამჩნევდნენ თუ არ იმჩნევდნენ. აღმოაჩნდათ გასაოცარი წვართი ხასიათის.</p><p>მე ძალიან ვღელავდი. გასაგებია: სისხლი! ეს გამარჯვება ქართველების დიდად მნიშვნელოვანია. დავინახე ყამირითგან ამოხეთქილი ძალა ქართული:</p><p>მაგარი...</p><p>გამარჯვებულები არ "აყვიჩილებულან". ერთი მათგანის სახეზეც ვერ ამოიკითხავდი: "ხომ გაჯობეთ!" ზრდილად, რაინდულად, ქართველურად გაუწოდეს ხელი მოპირდაპირეთ. დაუვიწყარი სურათია!..</p><p>ეს ისეთი დიდი ამბავია, რომ იგი სპორტულ გამარჯვებას სცილდება: ბევრად, ბევრად მეტია უკანასკნელზე. როგორც ქართველი - მე მხრებში გავიმართე".</p><p><p><div style="text-align: center;"><span style="color: #ff0000;"><strong>* * *</strong></span></div></p> "რეალთან" 1962 წლის 29 ივნისის მატჩის მოკლე სტენოგრამა, რომელიც 1962 წლის 5 ივლისის გაზეთ "ლელოში" დაიბეჭდა:</p><p>"პირველი წუთი - ალთაბაევის ორი სროლა და "დინამოს" მიჰყავს ანგარიში - 4:0.</p><p>მე-3 წუთი - ხაზარაძის, ლუისის, ჰეიტაუერის და როდრიგესის სროლები - 6:6.</p><p>მე-5 წუთი - ესპანელები გადიან წინ - 12:8. მაგრამ ლეჟავას და მინაშვილის წყალობით ანგარიში თანაბრდება - 14:14.</p><p>მე-7 წუთი - წინ უკვე "დინამოა" - 17:14.</p><p>მე-9 წუთი - უგრეხელიძეს ცვლის კილაძე. "დინამო" წინაა - 19:16.</p><p>პირველი ტაიმი - 38:36 "დინამოს" სასარგებლოდ.</p><p><span style="text-decoration: underline;">შესვენების შემდეგ</span></p><p>მე-3 წუთი! ბრძოლა თანაბარია. ლეჟავას, უგრეხელიძის, კილაძისა და მინაშვილის სროლებს ესპანელები 12 ქულით პასუხობენ. ანგარიშია 48:48.</p><p>მე-6 წუთი - ანგარიში სწრაფად იცვლება. ტემპი მაღალია. თამაში "დინამოს" მიჰყავს 3 ქულით.</p><p>მე-13 წუთი - "დინამო" წინაა 4 ქულით - 70:66.</p><p>მე-19 წუთი - თამაში, ფაქტობრივად, აქ დამთავრდა. მოსეშვილმა და ინწკირველმა წერტილი დაუსვეს საბჭოთა კალათბურთელების გამარჯვებას - 90:83".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
ss
ვაჰ, დრონი, დრონი ...
-
jumber
მაშინ კაკო ყაჩაღის არ იყოს მეც თორმეტი წლისა ვიყავი,დღესავით მახსოვს უბნის ბიჭები ბათუმში,რადიომიმღების მეშვეობით,როგორ ვგულშემატკივრობდით დინამოს.თითქმის იგივე ემოციები გვქონდა,როგორც 1981 წლის 13 მაისს.
"NBA-ის ჩემპიონებს, მსოფლიო ჩემპიონებს არ უნდა ვუწოდებდეთ, მათ ევროლიგის ბევრი გუნდი დაამარცხებდა" - თურქეთის ნაკრებისა და "პანათინაიკოსის" მწვრთნელი
[VIDEO] იოკიჩი VS დონჩიჩი - სერბეთის ნაკრებმა სლოვენია 34 ქულით დაამარცხა
3x3Geotour2025-ის ბათუმის ტურის გამარჯვებული გახდა ჩეტი | 12 ფინალისტი შეიკრა
გოგლიჩიძემ ითამაშა - "უდინეზემ" სტუმრად "ინტერს" მოუგო
"ბენფიკამ" უკრაინელი ფეხბურთელი დაიმატა
"ნიუკასლის" ახალი რეკორდი - "კაჭკაჭებმა" ვოლტემადე შეიძინეს
"ლაიფციგი" ამ ზაფხულს შესაძლოა, კიდევ ერთმა ფორვარდმა დატოვოს
"მანჩესტერ იუნაიტედი" მარტინესის ვარიანტს მიუბრუნდა - არგენტინელი შესაძლოა, "ოლდ ტრაფორდზე" ვიხილოთ
ჯეკსონის საინტერესო ტრანსფერი - მიუნხენში ჩავიდა, მაგრამ "ჩელსიმ" მისი დაბრუნება მოითხოვა
ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება
კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა
"სიმართლე უნდა ვთქვათ... "მეცთან" ბოლო მატჩში მიქაუტაძეზე ეს მომეჩვენა" - "ლიონის" ყოფილი ფეხბურთელი ქართველის გაყიდვაზე
ცნობილი გამოცემების პროგნოზები - მამარდაშვილი სანაკრებო პაუზას შესაძლოა, 1 თვის უთამაშებელი შეხვდეს
"ლიონმა" გიორგი მიქაუტაძის შემცვლელი დაიმატა
"დილა" და "გაგრა" სამ-სამი ქულით
ანგისას გოლი 90+5-ე წუთზე - "ნაპოლიმ" "კალიარის" სძლია
ქოჩორაშვილი სასტარტოში იყო - "სპორტინგმა" სახლში "პორტუსთან" წააგო
[VIDEO] ნევეშის სუპერგოლები და კვარაცხელია შეცვლაზე - პსჟ-მ "ტულუზას" მოუგო
საქართველოსთან მარცხის შემდეგ ესპანეთმა ხასიათი გამოისწორა - სკარიოლოს გუნდმა ბოსნია და ჰერცეგოვინა გაანადგურა
[VIDEO] ნაკრების მატჩების წინ კიტეიშვილმა ტრავმა მიიღო და შეცვალეს
დავითაშვილმა შეუცვლელად ითამაშა - "სენტ-ეტიენმა" "გრენობლს" ვერ მოუგო
"ტულუზასთან" მატჩში პსჟ-ს სასტარტო შემადგენლობა ცნობილია
დონჩიჩის 39 ქულა საკმარისი არ აღმოჩნდა - სლოვენია საფრანგეთთანაც დამარცხდა
[ერთი გმირობის ამბავი] ქორქია VS აშშ
"ᓥᓣᓗᓐᓘᓡᓛᓐ" ᓡᓐᓥᓐᓠᓗᓕᓔᓚᓝᓡ ᓡᓣᓞᓔᓠᓗᓐᓡᓘᓡᓗᓕᓘᓡ ᓛᓐᓢᓩᕨᓘ "ᓓᓘᓜᓐᓛᓝ" ᓓᓐᕐᓛᓐᓠᓪᓮᓐ
ᓡ
ᕥᓝᓠᓥᓘᕐ VS ᕐᓨᓨ - ᓔᕠᕗᕘ ᓒᕛᓘᓠᓝᓑᓘᓡ ᓐᓛᓑᕐᕕᕘ
გურამ მინაშვილი - აზარტი, ჟინი, ბრძოლა...
გივი ბიჭიაშვილი: რუსი მსაჯები სპეციალურად სწავლობდნენ ჩვენებურ გინებას
საკალათბურთო ისტორია: ევროპული ოქროების ქვეყანა