<p>შვეიცარიის ქალაქ მიესში გამართულ I საკვალიფიკაციო ეტაპის წილისყრაზე საქართველოს ჩემპიონის მეტოქე გაირკვევა <br> შვეიცარიის ქალაქ მიესში გაიმართება საკალათბურთო ჩემპიონთა თასის წილისყრა, რომლისადმი ინტერესი ნამდვილად არ გაგვიჩნდებოდა, რომ არა თბილისის "დინამო".</p><p>საქართველოს ჩემპიონი ამ შეჯიბრებაში პირველი საკვალიფიკაციო ეტაპიდან ჩაერთვება. 2012 წლის შემდეგ სწორედ დინამოელებმა დაარღვიეს "სიჩუმე" და ქართველები ევროსარბიელზე დაგვაბრუნეს. წილისყრა თბილისის დროით 16:00 საათზე დაიწყება.</p><p><a href="/kalatburti/qarthuli-kalathburthi/skhvadaskhva/105913-vithamashoth-evrothasebze-da-ethiopiasac-aghar-shegvadareben.html" target="_blank"><span style="color: #0000ff;">- ვითამაშოთ ევროთასებზე და ეთიოპიასაც აღარ შეგვადარებენ</span></a></p><p>2017-18 წლების სეზონში ჩემპიონთა თასის ჯგუფურ ეტაპზე 32 გუნდი ითამაშებს, რომელთაგან 8 საკვალიფიკაციო ეტაპის გავლით გავა. მათ შორის მოხვედრას ეცდება "დინამოც". პირველ საკვალიფიკაციოზე მისი სავარაუდო მეტოქეები არიან: "ანტვერპენი" (ბელგია), "ხუვენტუდი" (ესპანეთი), "ვიტაუტასი" (ლიტვა), "სარატოვი" (რუსეთი), "ბენფიკა" (პორტუგალია), "კალევი" (ესტონეთი), "ლუდვიგსბურგი" (გერმანია), "მინსკი" (ბელორუსი).</p><p>ეს რვა გუნდი წილისყრისას შეუწყვილდება: "კაპფენბერგს" (ავსტრია), "სარაევოს" (ბოსნია), "კერავნოსს" (კვიპროსი), "პრიშტინას" (კოსოვო), "სოკოლს" (მაკედონია), "გრონინგენის" (ჰოლანდია), "ლულეას" (შვედეთი), "დინამოს" (საქართველო).</p><p>მეორე საკვალიფიკაციო ეტაპზე გამსვლელი გუნდები ორი მატჩის ჯამში გამოვლინდება. პირველი შეხვედრები 19 სექტემბერს გაიმართება, მეორე - 21 სექტემბერს. ცნობილია ისიც, რომ "დინამოს" კალათში მოხვედრილი გუნდები 19-ში შინ ითამაშებენ.</p><p>ასე რომ, სექტემბერში ქართველ გულშემატკივარს მოწყენის დრო არ ექნება - ჯერ საქართველოს ნაკრების მატჩებს მიადევნებს თვალს, ევრობასკეტის დასრულების მერე (17 სექტემბერს) კი ჩემპიონთა თასზე "დინამოზე" გადაერთვება.</p><p>მეორე საკვალიფიკაციო ეტაპი 24 და 26 სექტემბერს შედგება. მასში პირველი საკვალიფიკაციოს გამარჯვებული რვა გუნდი დაწყვილდება განთესილებთან: "ფეჰერვარი" (უნგრეთი), "ბაკენი" (დანია), "აკადემიკი" (ბულგარეთი), "ბუდიველნიკი" (უკრაინა), "კატაია" (ფინეთი), "მორნარი" (მონტენეგრო), "ნიჟნი ნოვგოროდი" (რუსეთი), "კლუჟი" (რუმინეთი).</p><p>აქვე ჩამოგითვლით მესამე საკვალიფიკაციო ეტაპის მონაწილეებს: "ბრიუსელი" (ბელგია), "იუვენტუსი" (ლიტვა), "ესტუდიანტესი" (ესპანეთი), "ნანტერი" (საფრანგეთი), "ორლანდინა" (იტალია), "კარშიაკა" (თურქეთი), "როსა რადომი" (პოლონეთი), "ბონი" (გერმანია).</p><p>ჯგუფურ ეტაპზე ადგილები გარანტირებული აქვთ: აეკ-ს (საბერძნეთი), "არისს" (საბერძნეთი), "მონაკოს" (საფრანგეთი), "ბანვითს" (თურქეთი), "ოოსტენდეს" (ბელგია), "ჰოლონს" (ისრაელი), "ტენერიფეს" (ესპანეთი), "ბაიერუთს" (გერმანია), "ნეპტუნასს" (ლიტვა), "ოლიმპიას" (სლოვენია), "ბეშიქთაშს" (თურქეთი), "ნიმბურკს" (ჩეხეთი), "დინამო სასარის" (იტალია), "შალონს" (საფრანგეთი), "კრასნოიარსკს" (რუსეთი), "ოლდენბურგს" (გერმანია), "გაზიანთეფს" (თურქეთი), პაოკ-ს (საბერძნეთი), "აველინოს" (იტალია), "სტრასბურს" (საფრანგეთი), "ზიელონა გორას" (პოლონეთი), "ვენეციას" (იტალია), "ვენტსპილსს" (ლატვია), "მურსიას" (ესპანეთი).</p><p>როგორც ხედავთ, საკალათბურთო ჩემპიონთა თასზე სერიოზულმა გუნდებმა მოიყარეს თავი. მაგალითისთვის "ტენერიფეც" გამოდგება, რომელიც რამდენიმე თვის განმავლობაში ესპანეთის ჩემპიონატს ედგა სათავეში. ასეთ გუნდებთან კარგი ბიუჯეტი და ძლიერი შემადგენლობაა საჭირო.</p><p>დღეს რთული სათქმელია, როგორი იქნება დინამოელთა შემადგენლობა, მაგრამ, როგორც კლუბის პრეზიდენტმა <strong>ვახტანგ ნაცვლიშვილმა</strong> აღნიშნა, გათვლა უფრო ფიბას თასზეა. ჩემპიონთა ლიგის ჯგუფში ვერმოხვედრის შემთხვევაში გუნდები ფიბას თასზე გადაინაცვლებენ და ჯგუფურ ეტაპზე ითამაშებენ.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ფიბა-ს ქართველი მსაჯებისა და კომისრის ევროგრაფიკი ცნობილია
მარკოიშვილი "გალათასარაის" მთავარი მწვრთნელია
ფიბა ევროპის თასი "თბილისი არენაზე": "ბათუმი" ჩეხურ "ოპავას" უმასპინძლებს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა
ოფიციალურად: "კრისტალ პალასს" ახალი მთავარი მწვრთნელი ჰყავს
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
შევჩენკომ უკრაინის ნაკრების მწვრთნელს მხარდაჭერა გამოუცხადა
მატჩის დღე! რა შეუძლია საქართველოს ნაკრებს?
საკალათბურთო კლუბ "დინამოში" პირველი ლეგიონერი გამოჩნდა
მომავალი სეზონიდან სუპერლიგაში გუნდების რაოდენობა 10-მდე გაიზრდება
ნიკა ცქიტიშვილი: არ ვიცი, ნაკრებში რატომ არ მიძახებენ
უკვე ოფიციალურად: საკალათბურთო კლუბი "დინამო" ევროპას დაუბრუნდა
მარკოიშვილი და ცქიტიშვილი თბილისის "დინამოში"?
თბილისის "დინამო" ესპანურ "ხუვენტუტთან" დამარცხდა [VIDEO]
"დინამო" "ხუვენტუტთან" 20 ქულით დამარცხდა
ვითამაშოთ ევროთასებზე და ეთიოპიასაც აღარ შეგვადარებენ
ირაკლი ხოშტარია: "ხუვენტუდს" მომზადებულები ვხვდებით
დინამო VS ხუვენტუდი - ახალი ისტორიის დასაწყისი
დინამო-ხუვენტუტი 60:72 - საფანტი არ გვეყო [VIDEO]