<p>დღეს, 12 ივლისს, საქართველოში მიმდინარე 19-წლამდელ ფეხბურთელთა ევროპის ჩემპიონატზე ნახევარფინალური მატჩები გაიმართება <br> დღეს, 12 ივლისს, საქართველოში მიმდინარე 19-წლამდელ ფეხბურთელთა ევროპის ჩემპიონატზე ნახევარფინალური მატჩები გაიმართება: "დავით პეტრიაშვილზე" A ჯგუფის პირველადგილოსანი პორტუგალიისა და B ჯგუფში მეორე პოზიციაზე გასული ჰოლანდიის მატჩი 17 საათზე დაიწყება, ხოლო B ჯგუფის გამარჯვებული ინგლისი A ჯგუფის მეორეადგილოსან ჩეხეთს "მიხეილ მესხზე" 20 საათისთვის ელოდება.</p><p>წინა დღეს კი სასტუმრო "ჰუალინგში" ნახევარფინალისტი გუნდების მთავარი მწვრთნელები და გუნდების კაპიტნები მედიას შეხვდნენ. სწორედ ამ შეხვედრის შემდეგ გაირკვა, რომ ნახევარფინალებში უეფა ახალ წესებს აამოქმედებს. ეს ამბავი ჟურნალისტებს უეფას მედიაოფიცერმა <strong>მამუკა კვარაცხელიამ</strong> ამცნო.</p><p>"თუ დამატებითი დრო დაინიშნება, გუნდს მე-4 შეცვლის განხორციელების უფლება მიეცემა. ასევე მოხდება, თუ გუნდი ძირითად დროში ფეხბურთელს მოედნიდან არ გაიყვანს, დამატებით დროში ოთხი ფეხბურთელის შეცვლის საშუალება ექნება", - ამბობს კვარაცხელია.</p><p>მაგრამ ეს ყველაფერი არ არის. მნიშვნელოვანი სიახლეა პენალტების სერიებშიც:</p><p>"თერთმეტმეტრიანების სერიას პირველი გუნდი დაიწყებს, მეორე გუნდი კი ზედიზედ ორს დაარტყამს, შემდეგ პირველი გუნდი შეასრულებს ორ დარტყმას, მეორე ერთს და ასე შემდეგ. ბოლოს ერთ-ერთით ამთავრებენ. მაგრამ გამარჯვებული თუ არ გამოვლინდა, შესრულება ისევ ამ წესით დაიწყება და ასე იქნება გამარჯვებულის გამოვლენამდე".</p><p><p><div style="text-align: center;"><span style="color: #ff0000;"><strong>პორტუგალია-ჰოლანდია</strong></span></div></p> <strong>მაარტენ სტეკელენბურგი</strong>, ჰოლანდიის 19-წლამდელთა ნაკრების მთავარი მწვრთნელი:</p><p>"ძალიან ძლიერ ჯგუფში მოვხვდით და გეგმებიც აქედან გამომდინარე შევადგინეთ. ვცდილობდით, თითოეულ მეტოქესთან გამარჯვებისთვის გვებრძოლა და მაქსიმალური შედეგი გვეჩვენებინა. გუნდმა გერმანიასთან მოგებით დაიწყო და კარგი ფეხბურთი აჩვენა. მჯერა, უფრო და უფრო მოვუმატებთ, რადგან ფეხბურთელები ფიზიკური და ფსიქოლოგიური თვალსაზრისით კარგ მდგომარეობაში არიან.</p><p>შესაძლოა, პორტუგალიასთან, რომელიც ძალიან ძლიერი და კარგი გუნდია, ერთ-ერთი ლიდერი, თავდამსხმელი ჟოელ პირუ დაგვაკლდეს, მაგრამ მატჩს მაინც კარგ მდგომარეობაში ვხვდებით.</p><p>მიმაჩნია, რომ მაყურებელს საინტერესო თამაში ელის. აქ კარგი პირობებია - სასტუმრო, მაყურებელი, სავარჯიშო და სათამაშო მოედნები. განსაკუთრებით კარგი საფარი იყო გორში. ჰოლანდიაში მსგავს ტურნირებს სათანადოდ არ აფასებენ, საქართველოში კი გულშემატკივრები მრავლად მოდიან თამაშებზე. ახალგაზრდა მოთამაშეების წინსვლისთვის მსგავსი ტურნირები ძალიან მნიშვნელოვანია".</p><p><strong>ჯასტინ ბილოუ</strong>, ჰოლანდიის 19-წლამდელთა ნაკრების კაპიტანი:</p><p>"ძალიან გახარებული ვარ, ნახევარფინალში რომ გავედით. ტურნირზე უძლიერეს ნაკრებებს შევხვდით და დავამტკიცეთ, რომ პირველობისთვის ბრძოლას ვიმსახურებდით. ახლა კი 19-წლამდელთა ევროპის ჩემპიონატის ერთ-ერთ საუკეთესო გუნდს ვხვდებით".</p><p><strong>ელიო სოუზა</strong>, პორტუგალიის 19-წლამდელთა ნაკრების მთავარი მწვრთნელი:</p><p>"შესაძლოა, ბევრი ფიქრობს, რომ A ჯგუფში უფრო სუსტი გუნდები იყვნენ, ვიდრე B-ში, მაგრამ მე ასე არ მგონია. მაგალითად, საქართველოსთან პირველივე შეხვედრა უმძიმესი გამოდგა ჩვენთვის და წარმატებას რთულ ბრძოლაში მივაღწიეთ. მაგრამ ის მახარებს, რომ მერე უკეთ ავთამაშდით და მოვუმატეთ.</p><p>ჩემი გუნდის მჯერა, რადგან მენტალურად ძლიერები ვართ და ნახევარფინალს დიდი მოლოდინით ვხვდებით. ჰოლანდია ყველაზე ძლიერი გუნდია, რომელსაც ამ ტურნირზე შევხვდებით. ეს ორი სხვადასხვა სტილის გუნდის თამაში იქნება და ვფიქრობ, მაყურებელი კარგ ფეხბურთს იხილავს. რაც შეეხება ევროპის ჩემპიონატს მთლიანობაში, ძალიან მომეწონა სტადიონები, მოედნები, მაყურებლის დამოკიდებულება და ემოციური მიდგომა. ეს ფეხბურთელებისთვის დიდი სტიმული იყო. ჩემი აზრით, ორგანიზაცია ძალიან მაღალ დონეზეა".</p><p><strong>ბრუნო პაზი</strong>, პორტუგალიის 19-წლამდელთა ნაკრების კაპიტანი:</p><p>"მძიმე თამაში გველის, რადგან ჰოლანდიამ თავის ჯგუფში ძალიან კარგი ფეხბურთი აჩვენა. მართალია, ინგლისთან წააგეს, მაგრამ მაინც ტურნირის ერთ-ერთ ფავორიტად რჩებიან".</p><p><p><div style="text-align: center;"><span style="color: #ff0000;"><strong>ინგლისი-ჩეხეთი</strong></span></div></p> <strong>კიტ დაუნინგი</strong>, ინგლისის 19-წლამდელთა ნაკრების მთავარი მწვრთნელი:</p><p>"ჯერ მადლობა ორგანიზატორებსა და ქართველ ხალხს, რომლებიც ასე კარგად დაგვხვდნენ და ტურნირის მაღალ დონეზე ორგანიზება მოახერხეს...</p><p>პატივისცემას გამოვხატავ ჩეხეთის ნაკრების მიმართ, რადგან ამ გუნდმა სავსე ტრიბუნების თვალწინ მასპინძელთა ძლიერ ნაკრებს მოუგო. მაგრამ კმაყოფილი ვარ არა მხოლოდ ჩვენი შედეგებით, არამედ თამაშის ხარისხითაც. სამწუხაროდ, გერმანიასთან ტრევო ჩალობა დაგვიშავდა და 3 თვე ვერ ითამაშებს. ანდრე დოზელის ტრავმა კი საშიში არ არის და, შესაძლოა, ნახევარფინალში დაგვეხმაროს.</p><p>საერთოდ, იმედიანად ვარ განწყობილი და მჯერა, კიდევ უფრო მოვუმატებთ".</p><p><strong>ჯეი და სილვა</strong>, ინგლისის 19-წლამდელთა ნაკრების კაპიტანი:</p><p>"ჩვენთვის ეს ტურნირი წინსვლისა და თავის გამოჩენის დიდი შანსია. ასევე, ეს არის იმის შანსიც, რომ გავახაროთ ჩვენი ოჯახები და ქვეყანა".</p><p><strong>იან სუხოპარეკი</strong>, ჩეხეთის 19-წლამდელთა ნაკრების მთავარი მწვრთნელი:</p><p>"ნახევარფინალში გასვლამ ძალიან გაგვახარა. მოუთმენლად ველოდებით მატჩს ფეხბურთის სამშობლოს წარმომადგენლებთან. ინგლისი ორგანიზებული გუნდია, ჰყავს ძლიერი ინდივიდუალისტები და ტურნირის მთავარი ფავორიტიცაა. თუმცა ჩვენი მიზანი მხოლოდ გამარჯვება და ფინალში თამაშია...</p><p>რაც შეეხება საქართველოსთან მატჩში მომხდარ ინციდენტს, ასეთი რამ ფეხბურთში ხდება და ამის გაკონტროლება შეუძლებელია. არ არის გამორიცხული, ინციდენტში ჩვენმა მოთამაშეებმაც შეიტანეს გარკვეული წვლილი, როცა გოლი განაწყენებული ქართველი გულშემატკივრების წინ აღნიშნეს...</p><p>საერთოდ კი, სტადიონზე საოცარი ატმოსფერო იყო. დიდი მადლობა გულშემატკივარს, რომელმაც ასეთი გარემო შექმნა, ერთ უარყოფით ფაქტზე ყურადღების გამახვილება კი არასწორად მიმაჩნია".</p><p><strong>ონდრეი შაშინკა</strong>, ჩეხეთის 19-წლამდელთა ნაკრების კაპიტანი:</p><p>"კარგი მატჩები ჩავატარეთ, ძლიერი მეტოქეები გვყავდა და კარგი ფეხბურთი ვაჩვენეთ. ძლიერ გუნდს ვხვდებით, მაგრამ პლუსები ჩვენც გვაქვს და მის გამოყენებას ვეცდებით".</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"ცვლილებები აუცილებელია" - უეფამ ჯანი ინფანტინოს გადადგომა მოითხოვა
დე ლაურენტისი: ფეხბურთი ავადაა - ოსიმენის ტრანსფერი?
მამუკა კვარაცხელია: კვარა ჩემთვის საუკეთესოა!
უეფას გამარჯვება და პერესის კაპიტულაცია - სუპერლიგა ოფიციალურად დაიხურა
ლევან კობიაშვილი: ვთვლი, რომ ჩვენ ამ ყველაფერს ღირსეულად გავართვით თავი
აშშ დაეხმარა. ისრაელს არ მოკვეთენ - რუსეთი დაბრუნებას ითხოვს
მამუკა კვარაცხელია: ზაფხულის დასაწყისში "ქართული ფეხბურთის აკვანი" მზად იქნება
ეს საქართველოსთვის სასარგებლოა - ჩეფერინი უეფას პრეზიდენტად დარჩენას აპირებს
U19. ევროპის ჩემპიონატი: ღირსეული და დამსახურებული [VIDEO]
"ბეტონის შემოღობვა ხიფათს შექმნის, თუკი ფეხბურთელი ახლო მანძილიდან შეეჯახა"
რატომ უნდა ჩამოშორდნენ გამგეობები სტადიონების მშენებლობას
სანქცია: უეფამ საქართველო აშკარად დაინდო!
ევროპის 19-წლამდელთა ჩემპიონატმა საქართველოს 33 მლნ ლარი მოუტანა!
ელიო სოუზა: ამისთვის მადლობა უეფას და ქართულ მხარეს
უეფამ გიორგი არაბიძე ევროპის 19-წლამდელთა ჩემპიონატის აღმოჩენებში შეიყვანა
"ახალ ოლიმპიურ სასახლეში", მამუკა კვარაცხელიას წიგნის, "სამასმეერთე"-ს პრეზენტაცია გაიმართა
მშვენიერ ქვეყანაში ვართ - 19-წლამდელთა ნაკრებების მწვრთნელთა პრესკონფერენცია
THE GUARDIAN: უეფას პრეზიდენტის პოსტზე შეიძლება ჩეფერინი კობიაშვილმა შეცვალოს
მამუკა კვარაცხელია: 7 შვილის მამა, მორწმუნე მართლმადიდებელი ტარიელ ხეჩიკაშვილი რომ არა...
გიორგი ყიფიანი: მარცხის მიუხედავად, ჩვენი გეგმები არ იცვლება