- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
არშემდგარი სანახაობა
<p>უკრაინელმა მძიმეწონოსანმა ვიტალი კლიჩკომ კრივის ისტორიაში ერთ-ერთი ყველაზე სასაცილო ბრძოლა მოიგო და კარიერაში მეექვსედ WBC-ის ტიტული დაიცვა <br> უკრაინელმა მძიმეწონოსანმა ვიტალი კლიჩკომ კარიერაში მეექვსედ დაიცვა WBC-ის ტიტული, თანაც ამისთვის არ დასჭირვებია ენერგიის დახარჯვა და მთელი თავისი ოსტატობის გამოვლენა.</p><p>კიოლნში გამართული ბრძოლის პირველივე რაუნდში უკრაინელმა ნოკდაუნში გაგზავნა კუბელი ოდლანიერ სოლისი, რომელმაც რიგზე დაცემის შემდეგ მუხლი დაიზიანა და უარი თქვა ბრძოლის გაგრძელებაზე. ასე დასრულდა კრივის ისტორიაში ერთ-ერთი ყველაზე სასაცილო და კურიოზული ბრძოლა.</p><p>* * *</p><p>რინგზე დაბრუნებიდან ორწლინახევრის განმავლობაში უფროსმა კლიჩკომ ექვსი ბრძოლის გამართვა მოასწრო და ყველაში გამარჯვებული გამოვიდა. ბოლო შეხვედრაში ვიტალიმ ისე გალახა შენონ ბრიგსი, რომ ეს უკანასკნელი საავადმყოფოში აღმოჩნდა. ბრიგსმა, რომელმაც 12 რაუნდი გაუძლო უკრაინელის დარტყმებს, კუნთი გაიწყვიტა, ტვინის შერყევა მიიღო და სახის რამდენიმე ძვალი გაიტეხა. ასე რომ, უფროსი კლიჩკოს წინააღმდეგ რინგზე გასვლა ცოტათი საშიშიც კი გახდა, რადგან შეიძლება ნებისმიერი მოწინააღმდეგე ინვალიდი გახდეს. თუმცა მისი პოტენციური მეტოქეები სხვა მიზეზითაც ამბობდნენ უარს უკრაინელის წინააღმდეგ რინგზე გასვლაზე.</p><p>კერძოდ, რუსი ნიკოლაი ვალუევი თითქმის ორი წელი ცდილობდა ვიტალისთან მოლაპარაკებას, მაგრამ ჰონორარის ოდენობაზე ვერ მოურიგდა. ძმები კლიჩოკები არა მარტო კარგი მოკრივეები, არამედ მოხერხებული ბიზნესმენებიც არიან - ისინი პრომოუტერულ კომპანია K2-ს ფლობენ და ფინანსურ ბრძოლებშიც ისევე სტაბილურად იმარჯვებენ, როგორც რინგზე. აქედან გამომდინარე, ბოლო დროს მათ მიერ დამარცხებულ მოწინააღმდეგეებს ექსპერტები "ტომრებს" უწოდებდნენ, თუმცა ამ სიტყვის ხმარება ოდლანიერ სოლისთან მიმართებაში არ იქნებოდა მართებული. 30 წლის ოლიმპიური ჩემპიონი და სამგზის მსოფლიოს ჩემპიონი, პროფესიულ რინგზე 17 ბრძოლა და არც ერთი დამარცხება - ასეთი იყო კუბელის დოსიე ამ ბრძოლის წინ. სოლისს მართლაც გააჩნდა ძალიან ძლიერი და მოხერხებული მოკრივის რეპუტაცია, ვისაც რეალურად შეეძლო ვიტალისთვის პრობლემების შექმნა.</p><p>"სოლისმა იცის, რომ ეს მთელი მისი ცხოვრების შანსია. კლიჩკოს ბოლო მოწინააღმდეგეებისგან განსხვავებით, მას არა ფული, არამედ ტიტული აინტერესებს. როგორ ფორმაშია ბრძოლის წინ? მოდით ამაზე შეხვედრის შემდეგ ვილაპარაკოთ, როცა მას საჩემპიონო ქამარი ექნება, ვიტალის კი საავადმყოფოში გაგზავნიან", - ტრაბახობდა კუბელის პრომოუტერი აჰმეთ ონერი.</p><p>ასეთ რეპლიკებს ყველა მიჩვეულია, სამაგიეროდ, კრივის მოყვარულები ჩააფიქრა ვიტალის განცხადებებმა: "სოლისი იმაზე უკეთეს ფორმაშია, ვიდრე მეგონა", ან "ნოკაუტს ვერ გპირდებით"... ბევრს სჯეროდა, რომ უკრაინელს, როგორც იქნა ღირსეული მეტოქე გამოუჩნდა.</p><p>* * *</p><p>ბრძოლის წინ გერმანულმა გაზეთმა "ბილდმა" ძმები კლიჩკოების კარიერის საწყისი ეტაპიდან სახალისო დეტალები გაიხსენა. როგორც გაირკვა, მათ სერიოზულად სთავაზობდნენ ფსევდონიმების აღებას: ვალტერ და ვილი კლიჩმანები. ასე უფრო იოლი იქნებოდა უკრაინელთა "გაპიარება" გერმანული პუბლიკის წინაშე. ძმებმა უარი თქვეს და სწორადაც მოიქცნენ - გერმანიაში მათ ადგილობრივ მოკრივეებზე მეტ პატივს სცემენ.</p><p>გასაკვირი არ არის, რომ კიოლნის Lanxess-Arenaზე ანშლაგი იყო. მაყურებელი დიდ ბრძოლასა და კლიჩკოს მორიგ გამარჯვებას ელოდა. უკრაინელმა მართლაც მოიგო, მაგრამ განრისხებული პუბლიკა აღშფოთებული ტოვებდა სტადიონს - მათ პრაქტიკულად არაფერში გადაიხადეს სოლიდური თანხა.</p><p>კლიჩკო მძიმე მუსიკის თანხლებით გავიდა კორტზე. მის სახეზე ვერანაირ ემოციას ვერ ამოიკითხავდით, სამაგიეროდ იღიმებოდა მისი ძმა - IBF-სა და WBO-ის ჩემპიონი ვლადიმერ კლიჩკო, რომელიც თითქოს წინასწარ გრძნობდა ვიტალის ტრიუმფს. ამ დროს სოლისი რინგზე თავის კუთხეში უცნაურ ცეკვას ასრულებდა, სეკუნდანტები კი მხარზე ხელის დარტყმით ამხნევებდნენ პრეტენდენტს.</p><p>პირველი რაუნდი სოლისმა ცოცხლად დაიწყო. მან რამდენჯერმე მოარტყა კლიჩკოს, უკრაინელის შეტევას კარგი კონტრშეტევით უპასუხა. სერიოზული არაფერი, მაგრამ კუბელმა თითქოს მიგვანიშნა, რომ წინ დაძაბული და თანაბარი ბრძოლა გველოდა.</p><p>შესაძლოა, ასეც ყოფილიყო, რომ არა სასტარტო რაუნდის ბოლოს უსიამოვნო მომენტი, რომელიც სოლისს შეემთხვა. კუბელი იმ დროისთვის ძალიან გათამამდა, პირველ ნომრად მოქმედება გადაწყვიტა და რაუნდიც თითქოს მას უნდა მოეგო, მაგრამ ბოლო წამებზე თავში მოხვდა ვიტალის ჯები. დარტყმა არც თუ ისე ძლიერი იყო, თუმცა სოლისი მოულოდნელად რინგზე დაეცა. რეფერიმ ათი წამის ათვლა დაიწყო, კუბელი ბოლოსკენ წამოდგა, რინგზე არამყარად იდგა და სახეზე ტკივილი ჰქონდა აღბეჭდილი. სწორედ ეს გახდა ბრძოლის გაჩერების მიზეზი. ჩემპიონი კუბელს მივარდა და რაღაცის ახსნა დაუწყო.</p><p>როგორც ჩანს, ვიტალი მაყურებელზე ფიქრობდა, რომელმაც გამაყრუებელი სტვენა ატეხა. ბილეთებში გადახდილი ფულის სანაცვლოდ მას უფრო მეტის ნახვა სურდა, ვიდრე სამწუთიანი დაზვერვისა და ერთი ორი დარტყმისა, მაგრამ გამეორებაზე გამოჩნდა, რომ სოლისის მხრიდან სიმულაციას არ ჰქონია ადგილი - მას მართლაც გადაუბრუნდა ფეხი და ამას ტრავმა მოჰყვა.</p><p>ცოტა ხანში სოლისმა ბოდიში მოუხადა მაყურებელს, მისი პრომოუტერი აჰმეთ ონერი კი მიღებული შოკისგან ხმას ვერ იღებდა. კლიჩკოც არ იყო გახარებული ასეთი სცენარით და დიდი ხანი უხდიდა ბოდიშს თავის ერთგულ პუბლიკას.</p><p>ახლა, სავარაუდოდ, უფროს კლიჩკოს მორიგი ბრძოლა სექტემბერში ექნება პოლონელ ტომაშ ადამეკთან, რომელთანაც წინასწარი კონტრაქტი ორი თვის წინ გააფორმა, მის ძმას კი სადღაც ივნისში ან ივლისში ტიტულების გამაერთიანებელი შეხვედრა ელის WBA-ის ჩემპიონ დევიდ ჰეის წინააღმდეგ.</p><p>* * *</p><p>ბრძოლის შემდეგ ვიტალი კლიჩკომ მცირე ინტერვიუ მისცა ტელეარხ Sky Sport-ს: "მზად ვიყავი კარგი ბრძოლის ჩასატარებლად და იმედი მქონდა, რომ ბრძოლა ერთ რაუნდზე მეტხანს გაგრძელდებოდა, მაგრამ ეს კრივია - ერთი დარტყმა და ყველაფერი დასრულდა."</p><p>რამდენიმე თვის შემდეგ ვიტალის 40 წელი შეუსრულდება და რინგიდან სავარაუდო წასვლის შესახებ მან ასე უპასუხა: "თავს შესანიშნავად ვგრნობ, დიდი გამოცდილება გამაჩნია, ჩემი სხეული მემორჩილება. ისეთი შეგრძნება მაქვს, რომ მსოფლიოში ვერავინ დამამარცხებს."</p><p>ამ სიტყვების შემდეგ ვიტალის ვლადიმერ კლიჩკო მოუახლოვდა და უფროსმა ძმამ დაამატა: "არ მინდა ვლადიმერთან ჩხუბი, რადგან ის ერთადერთია, ვინც შეიძლება დამამარცხოს."</p><p>დევიდ ჰეისთან დაკავშირებით ვიტალიმ ასეთი კომენტარი გააკეთა: "დევიდ ჰეის გაუმართლა, რომ ჩემს ძმასთან უწევს შეხვედრა, რადგან მე უფრო მტკივნეულად და სწრაფად დავასრულებდი საქმეს. ვლადიმერის წინააღმდეგ ბრძოლა 12 რაუნდი გაგრძელდება და ბოლო რაუნდში ჩემი ძმა მას ნოკაუტში გაგზავნის."</p><p>"დევიდ ჰეიმ უფრო სუსტთან ანუ ჩემთან ბრძოლა აირჩია. დღევანდელი შეხვედრის შემდეგ ის იტყოდა: "ვიტალი ჯერ არა, შემდეგი ვლადიმერი იყოს, რადგან ის უმცროსი და სუსტია". ასე რომ, ჰეი მე მერგება", - ეს უკვე ვლადიმერ კლიჩკოს სიტყვებია.</p><p>.</p>
[VIDEO] აზერბაიჯანელი მწვრთნელი მსაჯს რინგზე ფიზიკურად გაუსწორდა - კადეტთა ევროპის ჩემპიონატის სკანდალური მომენტი
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
ბერლინში დაუმარცხებელი ჩეჩენი მოკრივე მოკლეს
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია