<p>საქართველოს XXIX ჩემპიონატი. ეროვნული ლიგა. XXII ტური <br> უწყვეტ ჯაჭვად აწყობილი წაგებების 4-მატჩიანი სერია ეროვნულ ლიგაში "დილამ" "საბურთალოსთანაც" ვერ შეწყვიტა და ახლა უკვე ზედიზედ მეხუთედ დატოვა მოედანი დამარცხებულმა. თუმცა აქედან, თუ პირველ სამ შემთხვევაში გორელებს გოლები მაინც გაჰქონდათ, ახლა უკვე გატანასაც ვერ ახერხებენ, ბოლო ორ პაექრობაში კი სულაც 7 გოლი მიიღეს. ამას დავუმატოთ გუნდის გასავარდნ ზონაში დამკვიდრება და კრიზისიც სახეზეა!</p><p>თავის მხრივ, "საბურთალო" უკანასკნელ შეხვედრებში გოლებს აღარ უშვებს. სტუმარი მატჩის დებიუტიდანვე ბურთის ფლობაზე აკეთებდა აქცენტს და თამაშიც მეტწილად გორელთა ნახევარზე მიმდინარეობდა. დაცვის ხაზი "დილასთვის" წლეულს განსაკუთრებით პრობლემურია და მწვრთნელმა ეს რგოლი "საბურთალოსთან" მატჩის წინ კიდევ ერთხელ რომ გადაახალისა, არ გაგვკვირვებია.</p><p>თბილისელები მოკლე გადაცემებით გადადიოდნენ შეტევაში და კომბინაციებსაც ასევე მოკლე პასებით აგებდნენ. მათ მცდელობას, გორელთა გუნდის დაცვის ხაზში სივრცეები მოეძებნათ, უშედეგოდ არ ჩაუვლია, მაგრამ გიორგი ჭიაბრიშვილის ფეხბურთელებმა ამ სივრცეებიდან შექმნილი ერთობ სახეირო მომენტები შესვენებამდე გოლად ვერ აქციეს.</p><p>ყველაზე ახლოს ანგარიშის გახსნასთან "საბურთალო" დავით ვოლკოვისა და ლუკა ლაკვეხელიანის მიერ ახლო მანძილიდან დარტყმებისას იყო.</p><p>გიორგი დარასელიას წინ ბრაზილიელი ფლავიო ჰყავდა გამწესებული, რომელსაც თანაგუნდელები კონტრშეტევებისას პასებით ამარაგებდნენ, ყოველ შემთხვევაში, ცდილობდნენ ამას. შეხვედრის დასაწყისში, ერთ ეპიზოდში, ბრაზილიელი თითქმის დაუსხლტა მეურვეებს, მაგრამ ჯარიმის ზღვარზე შეაჩერეს. ცოტა მოგვიანებით კი საჯარიმოში შეჭრა და ბურთის კარისკენ სახიფათოდ გაგზავნაც შეძლო.</p><p>მეორე ტაიმი იმავე სცენარით წარიმართა. ჭიაბრიშვილის გუნდი მოედნის ცენტრში უფრო ნაყოფიერად თამაშობდა. სტუმრების უპირატესობა ამჯერად გატანილ გოლშიც აისახა. გოლის ეპიზოდში მასპინძელთა დაცვა ჩავარდა - საგოლე კომბინაციის მიწურულს "საბურთალოს" ზედიზედ სამჯერ მიეცა გატანის რეალური შანსი, მათგან მესამეს - ტაბლოზე ანგარიშის შეცვლა მოჰყვა - 0:1.</p><p>გაშვებული გოლის შემდეგ "დილა" უფრო გამოცოცხლდა. გორელებმა საშუალო დისტანციიდან დარტყმებს მოუხშირეს და ჯერ ძარია, შემდეგ პედრინიო და პაპავა დროის ათწუთიან მონაკვეთში ზედიზედ დაემუქრნენ კუპატაძის კარს. უწინდელზე გაცილებით ფხიანმა შეტევებმა გორელები თანდათან გაათამამა და ისინი მეტოქის საჯარიმოს მისადგომებს გაუშინაურდნენ.</p><p>უკან დახეული "საბურთალო" კი თავის ნახევარზე გამაგრდა. მასპინძლების გულშემატკივარი, ალბათ, ელოდა თავისი გუნდისგან გოლს, თუმცა ხეირი ისევ სტუმრებმა ნახეს და "დილას" ქომაგის, ისევე, როგორც მასპინძელი ფეხბურთელების იმედი ბიძინაშვილის გოლმა მოკლა.</p><p>დარჩენილ 10 წუთში თამაშის ტემპმა იკლო და ის ენთუზიაზმი, რაც "დილას" მოქმედებაში 0:1-ზე მკვეთრად იგრძნობოდა, 0:2-ზე უკვალოდ გაქრა.</p><p>ახლა გორელ გულშემატკივრებს ის აწუხებთ, მათი გუნდის კვალი ქვეყნის ელიტარულ ლიგაშიც არ გაქრეს. დამარცხებების უწყვეტმა ჯაჭვმა "დილას" ძალიან ცუდად შემოუჭირა.</p><p>სულ სხვა საფიქრალი აქვს "საბურთალოს", რომელიც გაცილებით იმედიანი მიზნებისა და ამოცანებისთვის ბრძოლასაა შეჭიდებული.</p><p><span style="color: #3366ff;"><strong>მატჩის სტენოგრამა</strong></span></p><p><strong>8'</strong> - მასპინძლების კონტრშეტევისას ნუბიო ფლავიო კინაღამ დაუსხლტა სტუმართა მცველებს, თუმცა ჯარიმის ხარჯზე შეძლეს მისი შეჩერება.</p><p><strong>20'</strong> - ლაშა შინდაგორიძის მიერ "დილას" კარის გასწვრივ ჩაწოდებულ ბურთს გიორგი ბეგაშვილი ვერ შეწვდა და ვოლკოვმა საკმაოდ ახლო მანძილიდან შეძლო, თავით დაერტყა, თუმცა ააცილა მიზანს.</p><p><strong>35'</strong> - ლუკა ლაკვეხელიანმა თითქმის იმავე პოზიციიდან სცადა ბედი, საიდანაც იქამდე ვოლკოვმა ფეხით გაგზავნა ბურთი კარისკენ, მაგრამ მასაც დააკლდა სიზუსტე.</p><p><strong>36'</strong> - ფლავიომ ცრუ მოძრაობით გვერდი აუარა თბილისელ მცველებს და კარისკენ დაარტყა. თბილისელი მცველები გადაეფარნენ ბურთს და გუნდი გადაარჩინეს.</p><p><strong>55'</strong> - გოლი! "დილას" საჯარიმოში ფლანგური ჩაწოდებისას კარიდან ხუთიოდ მეტრში მყოფ ლაკვეხელიანს მიეცა გატანის კარგი შანსი, მაგრამ ბურთს კარგად ვერ შესწვდა. უკუგდებულზე კი დაამატეს სტუმრებმა, მაგრამ ახლა უკვე ბეგაშვილმა მოიგერია ბურთი, თუმცა ხარაიშვილის დამატებულს ვეღარაფერი მოუხერხა - 0:1.</p><p><strong>60'</strong> - ირაკლი ძარიას მიერ საჯარიმოს მისადგომებიდან დარტყმული ლაზარე კუპატაძემ კუთხურზე მოიგერია.</p><p><strong>72'</strong> - გიორგი პაპავას ძლიერად დარტყმული კარში კი წავიდა, მაგრამ მეკარემ ისევ ივარგა.</p><p><strong>80'</strong> - გოლი! "საბურთალოს" მორიგი იერიში შედეგიანი გამოდგა - ნადარაიას მიერ კარის გასწვრივ შეგდებული ბურთი შეცვლაზე შესულმა ბიძინაშვილმა ბადეში გაახვია - 0:2.</p><p><span style="color: #3366ff;"><strong>ეროვნული ლიგა. XXII ტური</strong></span></p><p>10.08. გორი. "თენგიზ ბურჯანაძე"</p><p><em><strong>დილა-საბურთალო 0:2</strong></em></p><p>გოლები: 0:1 ხარაიშვილი (55), 0:2 ბიძინაშვილი (80)</p><p><span style="text-decoration: underline;">დილა (4-1-4-1):</span> ბეგაშვილი - პაპავა, აბუბაქარი, კუსიანი, სოფრომაძე - რაზმაძე - კირკიტაძე (46. ალჰასანი), პედრინიო, ძარია (61. მოდებაძე), ტარავალიე (80. აშორტია) - ფლავიო.</p><p>სათადარიგოები: მუჯრიშვილი, ნონიკაშვილი, ჭეჭელაშვილი, ქარქუზაშვილი</p><p>მწვრთნელი: გიორგი დარასელია</p><p><span style="text-decoration: underline;">საბურთალო (4-5-1):</span> კუპატაძე - იაშვილი, მარგველაშვილი, ცნობილაძე, ლაკვეხელიანი (63. ნადარაია) - შინდაგორიძე, თარხნიშვილი, მამუჩაშვილი, ხარაიშვილი, ვოლკოვი (76. ბიძინაშვილი) - კოხრეიძე (65. მუიეცი).</p><p>სათადარიგოები: გოშაძე, მალი, გვარაძე, თედ. გრიგალაშვილი</p><p>მწვრთნელი: გიორგი ჭიაბრიშვილი</p><p><span style="text-decoration: underline;">გაფრთხილება:</span> მარგველაშვილი (8), ძარია (44), კოხერიძე (63), კუპატაძე (69), მამუჩაშვილი (71)</p><p><span style="text-decoration: underline;">არბიტრი:</span> გ. ვადაჭკორია</p><p><span style="color: #3366ff;"><strong>სხვა მატჩები </strong></span></p><p><span style="text-decoration: underline;">11 აგვისტო</span></p><p>თბილისი. "მიხეილ მესხი" (სათადარიგო). 18:00</p><p><strong>ლოკომოტივი-ტორპედო</strong></p><p>ურთიერთშეხვედრები</p><p>32: +7 =9-16, 23-41</p><p>I-II წრე 1:1, 0:2</p><p><span style="text-decoration: underline;">12 აგვისტო</span></p><p>სამტრედია. "ეროსი მანჯგალაძე". 18:00</p><p><strong>სამტრედია-დინამო (თბ)</strong></p><p>ურთიერთშეხვედრები</p><p>35: +5 =3 -27, 22-85</p><p>დისკვალიფიკაცია</p><p>ლაშა თოთაძე (დინამო)</p><p>I-II წრე 0:2, 2:3</p><p><span style="text-decoration: underline;">13 აგვისტო</span></p><p>ივანწმინდა. 18:00</p><p><strong>ჩიხურა-დინამო (ბთ)</strong></p><p>ურთიერთშეხვედრები</p><p>10: +4 =3 -3, 9-6</p><p>დისკვალიფიკაცია</p><p>ლაშა ჩიკვაიძე (ჩიხურა)</p><p>I-II წრე 0:1, 0:0</p><p>ბათუმი. "რაგბი არენა". 20:00</p><p><strong>შუქურა-კოლხეთი</strong></p><p>ურთიერთშეხვედრები</p><p>8: +2 =3 -3, 11-14</p><p>დისკვალიფიკაცია</p><p>ვარლამ კილასონია (კოლხეთი)</p><p>I-II წრე 2:4, 0:0</p><p><span style="color: #3366ff;"><strong>ბომბარდირები</strong></span></p><p>ი. სიხარულიძე (ლოკომოტივი) 15</p><p>ბ. არაბული (დინამო თბ) 11</p><p>დ. ტატანაშვილი (ჩიხურა) 11</p><p>მ. კოვტალიუკი (კოლ/დინ თბ) 10</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მაურიდეს როკე ჯუნიორს ფინეთში წარმატებული ოპერაცია ჩაუტარდა
ჯაბა კანკავა თბილისის "დინამოს" დაემშვიდობა
VIDEO | ეროვნული ლიგა | იბერია 1999 1-0 გაგრა. გეგმა ძაგანიამ ჩაშალა!
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"დილამ" 19 წლის ბურკინა ფასოელი მცველი დაიმატა
ეროვნული ლიგა 2026 | ზამთრის სატრანსფერო კამპანია. ვინ გაძლიერდა, ვინ დასუსტდა...
ირაკლი ბიძინაშვილმა ლატვიაში პირველი გოლი გაიტანა
"შევარდენის" მთავარ მწვრთნელად გიორგი დარასელია დაინიშნა
ეროვნული ლიგა. XXVIII ტური. "ლოკომოტივი" - "საბურთალო" [LIVE]
ეროვნული ლიგა. XXV ტური: გაბედავას დუბლი და დარასელიას "სამტრედია" ისევ აგებს
ლატვიურმა "ელგავამ" ირაკლი ბიძინაშვილი წარადგინა
"ლოკომოტივიდან" ფეხბურთელები მიდიან - 3 ახალწვეული "საბურთალოში"
"სიონის" მწვრთნელად სოსიაშვილი დანიშნეს
"ძალიან დაბალი დონის ჩემპიონატი გვაქვს, ყოველი წელი უარესია" - გიორგი ჭიაბრიშვილი "გარეჯთან" გამარჯვების შემდეგ
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
ევროტურნირების წინ, "საბურთალო" მთავარმა მწვრთნელმა დატოვა
ეროვნული ლიგის VII ტურის მიმოხილვა და სიმბოლური ნაკრები
"საბურთალო" ტრადიციას არ ღალატობს - 17 წლის ფეხბურთელის წარმატებული დებიუტი
ორი 11:0 ქართული კლუბების მონაწილეობით - მოსამზადებელი ეტაპი
ხარაიშვილი თურქული კლუბის ფეხბურთელი გახდა
ქუთაისის "ტორპედომ" ორი ქართველი ფეხბურთელი დაიმატა
ჩაკვეტაძის ორი საგოლე პასი და ტრავმა - "სლოვანმა" სტუმრად მოულოდნელად "ბაზელს" სძლია [VIDEO]
თბილისის "დინამომ" გიორგი ხარაიშვილი დაიმატა
"ეს ადამიანი მწვრთნელია თუ ექსპერტი, ვერ ჩამოყალიბდა. სისულელეა, რასაც საუბრობს" - ლევან კობიაშვილი გიორგი ჭიაბრიშვილის განცხადებას გამოეხმაურა
ხარაიშვილი სეზონის ბოლომდე თბილისის "დინამოში" დარჩება
გიორგი დარასელია "სამტრედიის" მთავარი მწვრთნელი გახდა
ჩხუბი მწვრთნელსა და ფეხბურთელს შორის - "იბერიამ" ღუდუშაური მთავარი გუნდიდან მოკვეთა
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
გიორგი დარასელია გორის "დილას" აღარ გაწვრთნის
"უღმერთოები ხართ ბიჭო? ღმერთის როგორ არ გეშინიათ?" - გიორგი ხარაიშვილი ქვეყანაში განვითარებულ ბოლოდროინდელ მოვლენებს ეხმაურება
"მისი შეფასება არაკორექტული იყო" - ჭიაბრიშვილმა კობიაშვილის განცხადებას უპასუხა
გიორგი ხარაიშვილი თბილისის "დინამოში" დაბრუნდა
"ეს საქმისადმი არასწორი მიდგომაა" - ჭიაბრიშვილი გეგუჩაძის "იბერიადან" წასვლას გამოეხმაურა
[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?
ოფიციალურად: ბათუმის "დინამოს" ჭიაბრიშვილი გაწვრთნის
გიორგი ჭიაბრიშვილი: ქართულ საკლუბო ფეხბურთში, ბათუმის "დინამო" გამორჩეული პროექტია
ეროვნული ლიგა. XXX ტური. "ტორპედო" - "საბურთალო" [LIVE]
"დილამ" კვლავ მოიგო, "დინამო თბილისი"-"სამგურალი" ფრედ დასრულდა
საბურთალო-დინამო(ბთ) 2:0 - "ჯოკერმა" ისევ გაჭრა [VIDEO]
ეროვნული ლიგა. XII ტური: "ლოკომოტივი" "საბურთალოსთან" დამარცხდა [VIDEO]