- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
შე-ფა-შე - ტაქტიკური ნოვაცია საქართველოს კალათბურთელთა ნაკრებში [VIDEO]
![შე-ფა-შე - ტაქტიკური ნოვაცია საქართველოს კალათბურთელთა ნაკრებში [VIDEO]](images/new_photo/01/2017/QARTULI/BASKET/NAKREBI/TEAM/georgian-basketball-national-team-13082017-0001.jpg)
<p>საქართველოს კალათბურთელთა ნაკრებმა თბილისის მერიის თასი მოიგო <br> რას ნიშნავს შე-ფა-შე? 1998 წელს ბრაზილიის ნაკრების მთავარი იარაღი რო-რო-ს დუეტი იყო: რონალდომ და რომარიომ გულშემატკივარს ბევრი ლამაზი თამაში აჩუქეს. ახლახან დაშლილი ემ-ეს-ენ (MSN) რას ნიშნავს, ყველას კარგად მოეხსენება - მესი, სუარესი, ნეიმარი, ტრიო, რომელმაც 2015 წელს ჩემპიონთა თასი მოიგო და ბევრ მეტოქეს სცემდა შიშის ზარს.</p><p>ზედა აბზაცის წაკითხვის შემდეგ შერლოკ ჰოლმსობა სულაც არ სჭირდება შე-ფა-შე-ს გაშიფვრას: <strong>შენგელია-ფაჩულია-შერმადინი</strong>. მათ ერთობლივად არც ჩემპიონთა ლიგა მოუგიათ და არც მსოფლიოს ჩემპიონატი, ევრობასკეტისთვის ემზადებიან. შენგელია ევროპის ერთ-ერთი საუკეთესო ფორვარდია, შერმადინი ესპანეთის საუკეთესო ცენტრად აღიარეს, ფაჩულია კი NBA-ს ჩემპიონია.</p><p>ასეთ წინა ხაზს ევროპის ბევრი ტოპ-გუნდი ინატრებდა. ამიტომაც თქვა ჩეხეთის ნაკრების მთავარმა მწვრთნელმა რონენ გინსბურგმა - ევროპაში ერთ-ერთი საუკეთესო გუნდი გყავთო. თუმცა კომპლიმენტიდან საქმემდე დიდი შრომა, გრძელი გზა და 20 დღეა.</p><p><p><div style="text-align: center;"><span style="color: #ff0000;"><strong>თამაში 1</strong></span></div></p> საქართველოს ნაკრების მთავარმა მწვრთნელმა <strong>ილიას ზუროსმა </strong>წლეულს პირველად სწორედ ჩეხეთთან მატჩებში გამოსცადა შე-ფა-შე-ს ტაქტიკა. ამის საშუალება მანამდე არც ჰქონდა, გუნდს ზაზა ფაჩულია თბილისის მერიის თასის წინ შეუერთდა. <strong></p><p>იგორ კოკოშკოვი</strong> მათი ერთდროულად მოედანზე გამოყვანას ყოველთვის ერიდებოდა, 2009 წელს კურიოზული შემთხვევის გამო მოხვდნენ ზაზა და გიორგი ერთდროულად სასტარტო ხუთეულში: მწვრთნელებმა ცინცაძის ნაცვლად სასტარტოში შერმადინი ჩაწერეს, თუმცა სადავო გდების შემდეგ პირველივე შესაძლებლობისას გიორგი მოედნიდან გაიყვანეს. 2012 წელს ფაჩულია და შერმადინი მოედანზე ჰოლანდიაშიც გამოჩნდნენ ერთდროულად, მაგრამ მხოლოდ 2-3 წუთით.</p><p>ილიას ზუროსის მოსვლის შემდეგ ორმაგი ცენტრის ტაქტიკამ მეტი აქტუალურობა შეიძინა. შარშან, მონტენეგროსთან მატჩებისას მთავარმა მწვრთნელმა გიო და ზაზა ვუჩევიჩსა და დუბლიევიჩს მიამაგრა, შესარჩევი ეტაპის დასრულების შემდეგ კი თქვა - ორმაგი ცენტრის გამოყენება მეტოქის სიმაღლიდან გამომდინარე გადავწყვიტეო. ჩეხეთის ნაკრები ტანდაბალი გუნდია (ცენტრები, იან ვესელი და ონდრეი ბალვინი ევრობასკეტზე არ ითამაშებენ), შესაბამისად, შერმადინისა და ფაჩულიას მოედანზე ერთდროულად გამოყვანა მოწინააღმდეგის სიმაღლით ვერ იქნებოდა განპირობებული.</p><p><em>- ყველა მწვრთნელს პატივს ვცემ, განსაკუთრებით, იგორ კოკოშკოვს, რომელმაც დიდი მოცულობის სამუშაო გასწია საქართველოს ნაკრებში. მას ჰქონდა თავისი სტრატეგია. ისევე, როგორც იგორი, ტაქტიკას მეც ყოველ ციკლში შემადგენლობიდან გამომდინარე ვარჩევ. წლეულს ვერ დაგვეხმარება <strong>ვიქტორ სანიკიძე</strong>, კარგი უნივერსალი. შენგელია, ფაჩულია და შერმადინი მოედანზე ერთდროულად აქამდეც შემიყვანია, თუმცა ამ ევროპის ჩემპიონატისთვის ტაქტიკის ნაწილად იქცევა,</em> - აღნიშნა ილიას ზუროსმა.</p><p>11 აგვისტოს მატჩის მეოთხე პერიოდის დასაწყისში სწორედ ასეთი ტაქტიკით შევუტიეთ და დიდი უპირატესობაც მოვიპოვეთ. მსუბუქ ფორვარდად შენგელია იდგა, მძიმე ფორვარდად - ფაჩულია, ხოლო ცენტრად - შერმადინი. გამოდის, რომ ზაზას და თოკოს ამპლუები შეეცვალათ. ეს ნამდვილად არ იქნება პრობლემა, რადგან შენგელია მშვენივრად ატარებს ბურთს, NBA-ში მსუბუქ ფორვარდადაც თამაშობდა და მსროლელადაც, გამთამაშებელს ეხმარებოდა. კარგადაც გამოსდიოდა.</p><p>სამი წლის წინათ ფაჩულია "მილუოკიში" შეტევების ორგანიზებით იყო დაკავებული: ბურთს სამქულიანის რკალთან იღებდა და პარტნიორებს ისეთი პასებით ამარაგებდა, ამერიკელი ჟურნალისტები გაკვირვებით წერდნენ - ცენტრია თუ პლეიმეიქერიო. ჩეხეთთან პირველ მატჩში სწორედ მილუოკური ეპიზოდი ვიხილეთ: ფაჩულიამ პერიმეტრიდან ისეთი პასი მისცა შერმადინს, ცენტრს ისღა დარჩენოდა, მშვიდად ჩაეგდო. ჩაგდება კი, შერმადინს კარგად რომ ეხერხება, მშვენივრად მოგეხსენებათ.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="/mthavariii/video.html?view=video&video=10028" target="_blank"><img src="/media/images/new_photo/01/2017/QARTULI/BASKET/NAKREBI/TEAM/tornike-shengelia-2017-929319239123213.jpg" border="0" alt="Sportall.Ge" title="შე-ფა-შე - ტაქტიკური ნოვაცია საქართველოს კალათბურთელთა ნაკრებში [VIDEO]" width="297" /></a></p><p></strong></span></span></div></p></p><p>როდესაც 207, 212 და 216 სმ სიმაღლის ევროპის მასშტაბის კალათბურთელები უტევენ, ერთმანეთისთვის სივრცეების გამოთავისუფლებაც არ შეეშლებათ, კომუნიკაციაც და რთული იქნება მათი შეტევების შეკავება. საქმე უიოლდებათ პერიმეტრის მოთამაშეებსაც: <strong>გიორგი ცინცაძე, მანუჩარ მარკოიშვილი, მაიკლ დიქსონი, დუდა სანაძე</strong> თუ ტანმაღალ პარტნიორს კარგ პოზიციაში ვერ მოძებნიან, თავისუფლად სტყორცნიან სამქულიანებს. თუ ჩავარდა, ხომ კარგი, თუ არა - როგორ გინდა ბურთი მოუხსნა შერმადინს, ფაჩულიასა და შენგელიას ერთდროულად?!</p><p><em>- მე, თორნიკე და ზაზა შეხვედრის რაღაც პერიოდში ერთად ვიყავით მოედანზე, ამ ტაქტიკაზეც ვმუშაობთ. ძალიან მნიშვნელოვანია, როგორ შევეწყობით, როგორ ვითამაშებთ ევროპის ჩემპიონატზე. ჩვენი მწვრთნელი საინტერესო გადაწყვეტილებებს იღებს და იმედს ვიქონიებ, რომ ევრობასკეტზე ყველაფერი კარგად ჩაივლის</em>, - იმედიანადაა გიორგი შერმადინი.</p><p>იდეალურ ტაქტიკას მივაგენით, ევროპის ჩემპიონები გავმხდარვართ და ეგ არის! - ნაკრების პერსპექტივა, შესაძლოა, მკაფიო, ნათელ ფერებში გამოჩნდა. ამის სურვილი ნამდვილად გვაქვს, თუმცა, ხომ მოგეხსენებათ, რამდენი აღმართიცაა, იმდენია დაღმართი. ნებისმიერ ტაქტიკას შეიძლება მოვუძებნოთ ნაკლოვანება. 210 სმ-ს გადაცილებული კალათბურთელი 180-სანტიმეტრიანზე სწრაფად რომ ვერ ირბენს, ცხადია. შე-ფა-შე-ს ტაქტიკას შესაძლოა, მეტოქეებმა მაღალი ტემპი და სამქულიანები დაუპირისპირონ (მაგალითისთვის: ევრობასკეტზე ჩვენს მეტოქე ისრაელს არ ჰყავს მაღალი დონის ნომინალური ცენტრი). როგორ უნდა მოვიქცეთ ასეთ დროს? ავყვეთ მეტოქეს და მოვხსნათ თამაშიდან ფაჩულია და შერმადინი? ამას უშუალოდ მატჩი გვიჩვენებს.</p><p>ჩეხეთთან პირველმა შეხვედრამ გვიჩვენა, რომ საქართველოს ნაკრები ის გუნდი არ არის, მეტოქის ტაქტიკას რომ წამოეგება, თავადაც კარგად შეუძლია საკუთარ დაკრულზე აცეკვოს მოწინააღმდეგე. ჩეხებსაც ტანდაბალი გუნდი ჰყავდათ, მაგრამ ვერც სისწრაფეში გვაჯობეს და ვერც მათმა სამქულიანებმა დაგვაკლო რამე. ეს იყო პირველ მატჩში, მეორეში... მეორეზე ქვემოთ წაიკითხავთ.</p><p><em>- თამაშამდე, როდესაც საქართველოს ნაკრების შემადგენლობას გადახედავ, ხვდები, რომ ძალიან დიდი უპირატესობა აქვს. საქართველოს უპირატესობა განსაკუთრებით ფარქვეშ იყო შესამჩნევი. საბოლოო ჯამში, წინა ხაზის შეჩერება ვერ შევძელით და ამან გადაწყვიტა მატჩის ბედი,</em> - აღიარა რონენ გინსბურგმა.</p><p>ჩეხეთთან გამოჩნდა, რომ მძიმე ფორვარდობა ფაჩულიასთვის შესაძლოა, ოპტიმალური ამპლუა იყოს. 11 აგვისტოს სამმაგ დუბლს მიუახლოვდა: 14 ქულა, 11 მოხსნა, 8 პასი. მას ამერიკაში თვით კაირი ირვინგის დევნაც უწევს (ბლოკის შემდეგ გოლდენსტეიტელები მეტოქეებს რომ ცვლიან) და სწორი მიდგომით, გაცილებით ტანდაბალი მოწინააღმდეგეების მეურვეობაც შეუძლია.</p><p>თუმცა იყო მომენტი, ზუროსის ახალმა ტაქტიკამ ჩეხები ვერ დააბნია და გაქცევაც მოაწყვეს. სწორედ ამიტომ ილაპარაკა ზაზა ფაჩულიამ კომუნიკაციაზე:</p><p><em>- ძალიან კარგი ნაკრები გვყავს. ჩეხებს გამოკვეთილი ცენტრი არ ჰყავთ და ეს გამოვიყენეთ. ყველას ვერ შეაჩერებ, თუმცა მთელი თამაშის განმავლობაში დამაჯერებლად ვითამაშეთ. მთავარია, გავიმარჯვეთ. ვფიქრობ, მოედანზე უფრო მეტი კომუნიკაციაა საჭირო, განსაკუთრებით, დაცვაში. დამერწმუნეთ, კარგი დაცვის გარეშე თამაშს ვერ მოიგებ. გვაქვს ჩვენი სისტემა და ამ სისტემის მიხედვით ვმუშაობთ. რაც უფრო დრო გავა და მივუახლოვდებით ევრობასკეტს, უფრო წინ წავალთ, უფრო დაიხვეწება თამაშის ხარისხი.</em></p><p><p><div style="text-align: center;"><span style="color: #ff0000;"><strong>თამაში 2</strong></span></div></p> პარასკევის მატჩის შემდეგ ყველა ორმაგი ცენტრის ტაქტიკაზე მსჯელობდა, კვირას კი მწვრთნელმა ილიას ზუროსმა ზაზა ფაჩულია და გიორგი შერმადინი ერთმანეთს ერთხელაც არ შეუწყვილა. მიზეზი გასაგებია: ჩეხეთმა მაღალი ტემპი შემოგვთავაზა, თავიდანვე გაგვასწრო და პირველ ტაიმში ისედაც მძიმედ მოძრავი გუნდი მეტად აღარ დაამძიმა.</p><p>ჩეხეთის ნაკრები კარგად აწყობილ, დაზეთილ "შკოდას" მოგაგონებდათ, განსაკუთრებით, დაცვაში: რადგან წინა მატჩში უპირატესობა საქართველოს ჰქონდა, მწვრთნელმა რონენ გინსბურგმა დიდი ყურადღება სამწამიანი ზონის გამაგრებას დაუთმო. ფაჩულია, შერმადინი ან შენგელია ფარქვეშ ბურთს რომ მიიღებდნენ, მეურვის გარდა, კიდევ ერთი ჩეხი ეწებებოდათ, რიგ ეპიზოდებში ჩვენი შემტევები სამი მეტოქის გარემოცვაშიც ექცეოდნენ. მეტოქე საკმაოდ ხისტადაც თამაშობდა. ასეთ დროს ფარქვეშიდან ქულების მოგროვება ძალიან რთულია. შედეგად, სამწამიანიდან მხოლოდ 22 ქულას მოვუყარეთ თავი, მაშინ, როცა წინა მატჩში ამ პოზიციიდან 40 ქულა ჩავაგდეთ.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</p><p><a href="http://sportall.ge/galerea/videogalerea.html?view=video&video=10032" target="_blank"><img src="/media/images/new_photo/01/2017/QARTULI/BASKET/NAKREBI/TEAM/tornike shengelia 13082017 001.jpg" border="0" alt="Sportall.Ge" title="შე-ფა-შე - ტაქტიკური ნოვაცია საქართველოს კალათბურთელთა ნაკრებში [VIDEO]" width="297" /></a></strong></span></span></div></p></p><p>როდესაც ერთ ქართველზე სამი ჩეხი მოდის, თავისუფალ პოზიციაში ორი ჩვენიანი რჩება. თუმცა ჩვენი გუშინდელი მეტოქე იმდენად კარგად კეტავდა ზონებს, დროულად ასწრებდა საწყის პოზიციაზე დაბრუნებას, რომ შეტევაში ბევრი არაფერი გამოგვდიოდა. ზოგს, შესაძლოა, 2015 წელს ჰოლანდიასთან ევრობასკეტის გახსნითი მატჩი გაახსენდა, რომელშიც მეტოქემ საქართველოს ნაკრების პოტენციალი დაცვით გააბათილა.</p><p>ჩეხების ასეთმა გარჯამ ჩვენი ნაკრების მთავარი მწვრთნელი გააბრაზა, ჩვენ კი უამრავ ნიუანსზე დაგვაფიქრა: ევრობასკეტზე ხომ ასეთ დაცვას ბევრი გუნდი ითამაშებს, რა უნდა მოვუხერხოთ?</p><p>სწორედ იმისთვისაა საკონტროლო შეხვედრები, რომ ზემოთ დასმულ შეკითხვებს პასუხები მოვუძებნოთ და ოფიციალურ მატჩებში განვახორციელოთ. ილიას ზუროსმა დიდი შესვენების შემდეგ ჩეხეთის აგრესიას დაცვითი აგრესია დაუპირისპირა. თუ პირველ ნახევარში მეტოქეს სამქულიანებიცა და საშუალო ტყორცნებიც მისდიოდა, მეორეში სტუმრებსაც გაუჭირდათ საქართველოს კალათისკენ გზის გაკვალვა.</p><p>ასეთ პირობებში კი ჩვენმა ნაკრებმა ნელ-ნელა ანგარიშში სხვაობის შემცირებას მიჰყო ხელი და საფინალო სირენამდე 2:37 წუთით ადრე მანუჩარ მარკოიშვილის სამქულიანით სხვაობა მინიმუმამდე დაიყვანა - 61:62.</p><p>ეს იყო კლასის ხარჯზე მოპოვებული სამი ქულა: ფაჩულიამ თავისიცა და მარკოიშვილის მეტოქეც ბლოკით შეაჩერა, ხოლო თავისუფალ პოზიციაზე მყოფი მანუ დროულად შენიშნა გიორგი ცინცაძემ. მარკოიშვილს კი კრიტიკულ მომენტში ბევრი სამქულიანი ჩაუგდია. გავიხსენოთ თუნდაც 2012 წელს ბოსნიასთან ნატყორცნი სამიანები... ასეთი ეპიზოდი ჩეხეთთან შეხვედრებში ცოტა იყო. არადა, საქართველოს ნაკრებს ბევრი სჭირდება. პერიმეტრიდან ჩამგდებებიც გვყავს და ბლოკის სპეციალისტებიც.</p><p>საფინალო სირენამდე 1:35 წუთით ადრე დაფიქსირდა ეპიზოდი, რომელმაც მატჩის ბედი ჩვენ სასარგებლოდ გადაწყვიტა: ჰრუბანზე მსაჯებმა გარბენი დააფიქსირეს, საპასუხო შეტევაში კი შენგელიამ ორქულიანი ჩააგდო, თან ჯარიმის ტყორცნის უფლება მიიღო. ჩეხების მწვრთნელი რონენ გინსბურგი გაცხარდა, გარბენს აპროტესტებდა, იმდენი ემოცია გადმოაფრქვია, რომ მსაჯებისგან ორი ტექნიკური დაიმსახურა და მოედნის დატოვება მოუწია.</p><p><em>- იმ მომენტში ნამდვილად ავღელდი. ბოდიშს მოვუხდი მსაჯებს, </em>- განაცხადა რონენ გინსბურგმა.<em> - ასეთ დროს ბევრს წყვეტს გამოცდილება. ჩვენ შეგვეძლო, სხვაობა ორი ქულით გაგვეზარდა, სანაცვლოდ კი საკუთარ კალათში 6 ქულა მივიღეთ. საქართველოს ნაკრებს კი წუთ-ნახევარში თამაშს ვეღარ შემოუტრიალებ.</p><p></em></p><p><span style="color: #808080;"><strong>ილიას ზუროსი:</strong></span></p><p><em>- პირველ რიგში, ჩვენს ერთგულ გულშემატკივარს გადავუხდი მადლობას. ჩვენთვის მათი მხარდაჭერა მნიშვნელოვანია, განსაკუთრებით, ასეთ ცხელ ზაფხულში.</p><p>ვეთამაშეთ ისეთ კარგად გაწვრთნილ გუნდს, რომლის მსგავსი მანამდე არ შეგვხვედრია. ჩეხებს 3-ქულიანების სროლა შეუძლიათ. მაღალი მოთამაშეებიც წარმატებულად ტყორცნიდნენ შორიდან.</p><p>კმაყოფილი ვარ ჩვენი გუნდის თამაშით. ვცადეთ სხვადასხვა კომბინაცია, რომელიც ვარჯიშებზე არ გაგვივლია და აქამდე არ გამოგვიყენებია. სანამ ათენის ტურნირზე წავალთ, უნდა დავხვეწოთ და აღმოვფხვრათ პრობლემები როგორც დაცვაში, ასევე შეტევაში. წინ კიდევ 20 დღე გვაქვს და ევრობასკეტამდე კარგად უნდა მოვემზადოთ. ჩვენი მთავარი მიზანი დაცვის გაძლიერებაა.</p><p></em></p><p><span style="color: #3366ff;"><strong>თბილისის მერიის თასი 2017</strong></span></p><p>11 აგვისტო, თბილისი, 5500 მაყურებელი</p><p><em><strong>საქართველო-ჩეხეთი 87:76</strong></em></p><p>20:20, 25:18, 24:21, 18:17</p><p>12 აგვისტო, თბილისი, 6000 მაყურებელი</p><p><em><strong>ჩეხეთი-საქართველო 64:68</strong></em></p><p>19:12, 18:19, 10:20, 17:17</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
-
Dimitri
Rac sheizleba bevri mayurebeli,, Darbazi unda ivsebodes aucileblad, ... carmatebebi chvens niches da ratkmaunda gamarjveba .... rac shexeba big Z. Kidev ertxel Vulocav am familiar gamarjvebas.
-
დდდ
გასაგებია რომ სათადარიგოები გვჭირდება რომ ძირითადები დაასვენონ მაგრამ ესე ტრაგედიასაც ნუ შევქმნით,ჩვენი ძირითადის ბიჭები პროფესიონალები არიან და არც გადატვირთული გრაფიკით თამაშები უკვირთ,ცოტას მიეხმარებიან სათადარიგოებიც და გავალთ ფონს
-
დიდ-ტაქტიკოსი
შერ შე ლა ფამ სჯობს მე მგონი ანუ ეძიე ქალი!შერმადინი შენგელია ლონდარიძე ფაჩულია:))
-
პაატა
ტაქტიკური ნოვაციაო, რომ წერთ, ისიც დაწერეთ ბარემ რომ ეს ნოვაცია სამწუხაროდ დიდ წილად ვერ გამოყენებადი ტაქტიკური მონახაზია.ევრობასკეტზე ჯგუფიდან გასვლა (დიდი იმედი მაქვს შევძლებთ!!!) 100%-ით ზუროსის დამსახურება იქნება. აბა ევრობასკეტზე 7 კალათბურთელით (საიდანაც ერთი, ცინცაძე, უკიდურესად არასტაბილური კალათბრუთელია) წარმატების მიღწევა ფაქტიურად შეუძლებელია.
-
ლუკა
სერიოზულ წარმატებაზე საუბარი ჩვენი სათადარიგო სკამით რთულია. სტარტერებმა უნდა იტვირთონ უმეტესი ტვირთი. სანიკიძის და ბურჯანაძის არყოფნა სერიოზული დანაკლისია. ვინ შეასრულებს მათ როლს? ვერავის ვერ ვხედავ. მაღალ დონეზე ზედიზედ მიბმული თამაშები დაღლის ჩვენს სტარტერებს და სუსტი სათადარიგოს პირობებში ვერ ვხედავ გამოსავალს. ლიტვასთან თამაშში რაც გააკეთა ლიტვის მწვრთნელმა, იგივეს გააკეთებს ისრაელშიც. გრძელი სატადარიგო სკამის და ხშირი როტაციის ხარჯზე დააპირებს ჩვენი სტარტერების დაღლას. ბითაძე, ლონდარიძე და ბერიშვილი ჩეხეთთან ცუდად გამოიყურებოდნენ, არ ვიცი მათ თუ წაიყვანს ზუროსი. აღარაფერს ვამბობ ბოისაზე და გამყრელიძეზე. თუ ჩვენი სათადარიგოები ისე ითამაშებენ როგორც ბოლო თამაშებში, ძალიან რთულად გვექნება საქმე.
-
სააკაძე
კარგია რომ მოიგეს, მაგრამ ეს მხოლოდ ამხანაგური თამაშები იყო (ლატვია, ლიტვა ჩეხეთი), ზაზას ჩემი დიდი პატივიცემის მიუხედავად ერთი შემოლაწუნება სჭირდება.
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
ანდრონიკაშვილის ტრავმა სერიოზული არ აღმოჩნდა
[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?
"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
[VIDEO] ოფიციალურად: თორნიკე შენგელია "ბარსელონას" კალათბურთელია
ზუროსი: შედეგი ისტორიულია - ოლიმპიადის საკვალიფიკაციო ტურნირშიც მივიღებთ მონაწილეობას
შერმადინის შედეგიანობა ვალენსიასთან გამარჯვებით ვერ დაფასდა
შენგელიას გარეშე - საქართველოს ნაკრებმა პოლონეთში ივარჯიშა
[VIDEO] შენგელიას მორიგი კარგი მატჩი - "ვირტუსმა" "ბრეშა" მეორე მატჩშიც დაამარცხა
ეროვნულ ნაკრებში ილიას ზუროსის ერა დასრულდა!
[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89
შერმადინის მორიგი კარგი მატჩი - "ტენერიფე" პლეი-ოფს გამარჯვებით იწყებს
ზუროსი: ახლა თავს უფრო ქართველად ვგრძნობ, ვიდრე ბერძენად
შერმადინის 10 ქულა და "ტენერიფეს" ზედიზედ მე-5 მოგება ჩემპიონთა ლიგაში
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
საქართველოს ნაკრებმა მეორე სპარინგ-მატჩი ესტონეთთან გამართა და 70:75 დამარცხდა
ანდრონიკაშვილის ტრავმა სერიოზული არ აღმოჩნდა
[VIDEO] შენგელიას გმირობა - თოკომ მხოლოდ 3 წუთი ითამაშა და "ვირტუსი" ნახევარფინალში გაიყვანა
სამწუხარო ამბავი - შენგელიას თანაგუნდელს სიმსივნე აღმოაჩნდა
საქართველოს ნაკრები ისტორიულ მსოფლიოზე - კარგი და ცუდი, გამოსასწორებელი და "გამოუსწორებელი" - თაობათა ცვლა ისევ ზუროსთან ერთად?!
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
ილიას ზუროსმა ბერძნული გუნდი ჩაიბარა
შერმადინი "სარაგოსასთან" მატჩის MVP გახდა - ქართველის მორიგი კარგი მატჩი ლიგა ენდესაში [VIDEO]
შენგელიას გარეშე, ბევრი წუნით და უკეთესის იმედით - საქართველოს ნაკრები ლიეტუვასთან დამარცხდა
"მუდამ ქართული კალათბურთის მნიშვნელოვანი ნაწილი იქნებით" - შენგელია ზუროსს გულთბილად დაემშვიდობა
შენგელიას კარგი მატჩი საკმარისი არ აღმოჩნდა - "ვირტუსს" ნახევარფინალამდე კვლავ 1 მოგება აშორებს
შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს
[VIDEO] შერმადინის კარგი მატჩი - "ტენერიფემ" ასპარეზობა მესამე ადგილზე დაასრულა
"ანდორასთან" ორმაგი დუბლით შერმადინი ესპანეთის ლიგის ტურის საუკეთესო მოთამაშე გახდა