ქვაცაბაიას პოლონური ბარიერი

საჩოქბურთო ფორუმებზე ეკა გორგოძე სამი ჩოგნის დალეწვითა და მეტოქის მამისთვის რუსულად შეურაცხყოფით გამოირჩა ფრანგული ამიენის საერთაშორისო ტურნირის (10 ათასი დოლარი) მეორე ეტაპი ერთმა ქართველმა გადალახა - მე-6 ნომრად განთესილმა სოფიო ქვაცაბაიამ (415) ჩეხ ლუსი კრიეგშმანოვას (477) აჯობა - 6:1, 6:4. აი, მე-2 ნომრად განთესილმა სოფიო შაფათავამ (279) კი მოულოდნელად იტალიელ ნასტასია ბურნეტთან (660) წააგო - 2:6, 7:5, 4:6.კი დავწერეთ მოულოდნელადო, მაგრამ, აგერ უკვე კარგა ხანია, რაც 22 წლის ქართველი სუსტად ასპარეზობს და, თუ ასე გააგრძელა, რეიტინგში შედარებით მაღალ ადგილს მალე გაანიავებს. ბოლო ხეირიანი ტურნირი, რომელიც შაფათავამ ჩაატარა, ოქტომბრით არის დათარიღებული, როცა ხარკოვის 25-ათასიანში მან თანამემამულე ოქსანა კალაშნიკოვასთან (188) წააგო ნახევარფინალი. საქმე იქამდეც მივიდა, რომ შაფათავა 10-ათასიანი (ანუ ყველაზე დაბალი რანგის) ტურნირებს პირველ-მეორე წრეებში ემშვიდობება.მეოთხედფინალში ქვაცაბაიას მეტოქე თავისივე მეწყვილე, ხორვატი მარია აბრამოვიჩი (628) იყო. ჩვენებურმა ორ სეტში, 6:4, 6:3 იმარჯვა. ასე გავიდა 22 წლის ქართველი ამიენის ტურნირის ნახევარფინალში, სადაც მას მე-7 ნომრად განთესილი პოლონელი პაულა კანია (421) შეხვდა. დაძაბული შეხვედრა 18 წლის პოლონელის გამარჯვებით დასრულდა და ფინალშიც ის გავიდა - 4:6, 6:3, 7:6 (6). ქვაცაბაიამ ამიენში 6 სარეიტინგო ქულა დაიბევა.წყვილთა თანრიგში შაფათავასა და თათია მიქაძის (285) მე-3 ნომრად განთესილი წყვილი ნახევარფინალში ჩეხებთან (გერლოვა, კრიეგშმანოვა) დამარცხდა - 2:6, 3:6. მეორე ნახევარფინალში კი ქვაცაბაია და აბრამოვიჩი - მე-4 ნომრად განთესილ პოლონელებთან (კანია, სობასკიევიჩი) - 5:7, 6:4, 5:10.ქართველები საფრანგეთში ქალაქს გამოიცვლიან, ამიენიდან გონესში გადავლენ, თუმცა იქაურ საერთაშორისო ტურნირში არ იქნება თათია მიქაძე (285), მხოლოდ შაფათავა და ქვაცაბაია იასპარეზებენ.თურქულ ანთალიაში მიჯრით რამდენიმე 10-ათასიანი ტურნირი იმართება. ახალში სამი ურეიტინგო ქართველი ჩაერთო: თამარ ცხაკაია (16 წლის), ანი გოგვაძე (15 წლის) და ბარბარე ერისთავი (15 წლის). სამივე მათგანი მე-2 საკვალიფიკაციო ბადიდან ჩაება ასპარეზობაში, მაგრამ სამივე დამარცხდა. ცხაკაია რუმინელ ენაჩესთან - 0:6, 1:6, გოგვაძე - სერბ სუნკიჩთან - 0:6, 1:6 და ერისთავი - ბრაზილიელ გარსიასთან - 1:6, 0:6. როგორც ხედავთ, საიმედო არაფერი ჩანს, გოგონებმა თითო გეიმის მოგება ძვლივს შეძლეს, არადა მათი მეტოქეები ათასეულის არიერგარდში იმყოფებიან. ძირითად ბადეში ეკა გორგოძე (552) ითამაშებს.არ შეიძლება გვერდი ავუაროთ თემას, რომელიც ბულგარულ წყაროებსა და საჩოგბურთო ფორუმზე ამოვიკითხეთ. წინა კვირაში ეკა გორგოძე ბულგარელ დია ევტიმოვასთან მატჩში მერვედფინალში დამარცხდა. 19 წლის პერსპექტიული ჩოგბურთელისთვის ვერაფერი საამაყოა 10-ათასიანი ტურნირის მეორე წრეში მარცხი, მაგრამ თავი დავანებოთ შედეგს, კორტზე მოქცევასაც ხომ აქვს მნიშვნელობა. გორგოძის შემთხვევაში კი მსგავსი რამ პირველად არ დაუწერიათ - ევტიმოვასთან მატჩში ქართველს პირველ სეტში სამი ჩოგანი დაულეწია, ერთხელ კი ევტიმოვას მამისთვის რუსულად შეურაცხყოფაც მიუყენებია, რისთვისაც თამაშის არბიტრს დაუსჯია.ოქსანა კალაშნიკოვა (188) ჩინეთის ქალაქ კუნმინში 25-ათასიან ტურნირში იასპარეზებს, სადაც ის ძირითად ბადეშია.

yuna

ჩემს სოფიკოს რაც შეეხება...მარხავთ 3 წელია და ვერაფრით დამარხეთ....ვერ მიხვდით რომ არ ეშვება თავის საყვარელ საქმეს ყველა ბარიერის მოიუხედავად და მაინც მიაღწევს იმას, რაც ყველზე ძალიან უნდა.....ისევ ლელო და ლელო.....არ მორჩით .....დამირეკეთ ძალიან გთხოვთ......გელოდებით....იუნა შაფათავა
yuna

ნიკა, მაგარია :) რესპექტ:) თქვენც აგიხსნათ გოგოები რას აკეთებენ საფრანგეთში? კალენდარს დახედეთ და მიხვდებით...საკლუბო ტურნირებზე ფულს აკეთებენ და შუალედებში ამ შეჯიბრებებზე გამოდიან...იმიტომ რომ მარტში მხოლოდ ამერიკა- ავსტრალია-ჩინეთშია შეჯობრებები და დაფინანსება- როგორც ყოველთვის- ნულია...რას გადაეკიდეთ ამ უპატრონო ბავშვებს? პატრონიანებზე რაოტმ არ წერთ რომ ფულში ბანაობენ და შედეგი მაინც უსუსურია...ისე დაწერეთ - ვინმემ იკითხოს რითი არსებობენ......დიდი მადლობა დაფასებისთვის...და დარეკეთ ხოლმე თუ გაინტერესებთ რა ხდება და რატომ...სიამოვნებით გაგცემთ ნებისმიეირ სპორტსმენი პასუხს....მე კი წარმატებებს ვუსურვებ გოგოებს....

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

[VIDEO] მაგიური დუელი ტურინში - სინერმა ალკარასი დაამარცხა

ამჯერად აშშ-ში - ხამესის თავგადასავალი MLS-ში გაგრძელდება

დაბრუნებას განიხილავენ - "მანჩესტერ იუნაიტედს" სკოტ მაკტომინეის კვლავ თავის რიგებში ხილვა სურს

ტერ შტეგენი გუნდს გამოიცვლის, თუმცა კატალონიაში დარჩება

[VIDEO] "არსენალმა" "ასტონ ვილა" დაშალა - ემერი "ემირეითსზე" შეაჩერეს...

სერხიო რამოსი შეიძლება საფრანგეთში დაბრუნდეს

სასაჩუქრე ნაკრებები მამაკაცისთვის - PSP-ში საახალწლო ფასდაკლება გელოდებათ

"ლიგის ფინალიდან რამდენიმე თვის შემდეგაც ამ მატჩზე ფიქრობდა" - ვისენსმა გავრდიოლასთან მუშაობის პერიოდი გაიხსენა

"ფლორენტინო პერესმა საფეხბურთო სამყარო შეცვალა" - რონალდომ "რეალის" პრეზიდენტის მიმართ უდიდესი პატივისცემა გამოხატა

ერთ ნაბიჯში "სიტისთან" - დღეს სემენიო "ბორნმუთში" სავარაუდოდ, ბოლო მატჩს ჩაატარებს

"ეს ძალიან რთული დრო იყო, ერთი გუნდი არ ვიყავით" - ვიტინიამ პსჟ-ში მძიმე პერიოდი გაიხსენა

"რომამ" მარტივად მოიგო და მე-4 ადგილზე გადავიდა

[VIDEO] ულამაზესი კადრები - ასე აღნიშნეს პსჟ-ის ფანებმა წარმატებული 2025 წელი

[VIDEO] იოკიჩის მძიმე ტრავმა? "დენვერი" "მაიამისთან" დამარცხდა, სერბმა კი მოედანი ნაადრევად დატოვა

[VIDEO] ჩაკვეტაძის "უოტფორდმა" კვლავ იმარჯვა და უკვე პლეი-ოფის ზონაშია

საქართველოს ნაკრებმა სეზონის ბოლო მატჩში საუდის არაბეთთან ფრედ ითამაშა

[VIDEO] მატჩისას მეკარე იძულებული გახდა ჩაი დაელია

სპერციანი სერია A-ში - "ინტერში" სომხური დუეტი იქნება?

7-კაცა | გიორგი ნოზაძე - შეიყვარე და გამოგვყევი

საქმე სერიოზულადაა. წიტაიშვილს რიგი დაუდგა - ბუნდესლიგის კლუბი წინადადებას ამზადებს

"შახტარს" აზაროვი და კიდევ შვიდი ფეხბურთელი დატოვებს