- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
წინ დიდი სეზონია
<p>ცნობილმა ბრიტანელმა ექსპერტმა და ანალიტიკოსმა ჯეიმს ალენმა ITV-ის ოფიციალურ ვებგვერდზე ახალი სეზონის საინტერესო პრევიუ შემოგვთავაზა <br> ცნობილმა ბრიტანელმა ექსპერტმა და ანალიტიკოსმა ჯეიმს ალენმა ITV-ის ოფიციალურ ვებგვერდზე შემოგვთავაზა ახალი სეზონის საინტერესო პრევიუ...</p><p>ჯეიმს ალენი: "ამ კვირას იწყება ახალი სეზონი და ეს შესანიშნავი პერიოდია - ყველას ქულათა ერთნაირი რაოდენობა აქვს და ყველაზე საინტერესო წინ გველოდება.</p><p>ზამთრის ტესტების შემდეგ ისეთი შთაბეჭდილება შეიქმნა, რომ "რედ ბული" და "ფერარი" იბრძოლებენ ლიდერობისთვის. ისინი ინარჩუნებენ იმ ტემპს, რომლითაც გასული სეზონი დაასრულეს, მაგრამ საინტერესოა, ვინ გაუწევს ამ დუეტს კონკურენციას?</p><p>ბოლო რამდენიმე კვირის განმავლობაში ყველა აკვირდებოდა "მაკლარენისა" და "მერსედესის" გამოსვლას - წესით ორივემ უნდა იბრძოლოს ლიდერობისთვის, მაგრამ ტესტებზე გარკვეულ პრობლემებს წააწყდნენ.</p><p>"მაკლარენი" სხვებზე გვიან შეუერთდა ტესტებს. მან იქ რთული მანქანა გამოიყვანა, რომელსაც არაერთი ინოვაციური ტექნიკური სიახლე გამოარჩევდა. ამან გუნდს ბოლიდის ნაკლები საიმედოობა მოუტანა, ასეთ პირობებში კი სისწრაფეზე მუშაობა ყოველთვის რთულია.</p><p>ისეთი შეგრძნება არსებობს, რომ "მაკლარენი" ახალ სეზონს იმაზე ცუდად დაიწყებს, ვიდრე ამას გუნდში იმედოვნებდნენ, მაგრამ მოსალოდნელია უკვე ჩემპიონატის მსვლელობისას სერიოზული პროგრესი. მთავარია, გუნდმა სეზონის სტარტზე არ დაკარგოს ბევრი ქულა.</p><p>ტესტების დასაწყისში "მერსედესიც" აგებდა კონკურენტებთან, მაგრამ გუნდმა ეს მანქანის სერიოზული განახლებისთვის მზადებით ახსნა. პირველ ტესტებზე გერმანული ბოლიდის პირველი ვერსია თითქმის წამს აგებდა ლიდერებთან და ბევრმა "მერსედესის" მორიგ ფიასკოზე დაიწყო ლაპარაკი. გუნდმა ძალიან ადრე შეწყვიტა გასულ წელს მანქანის დახვეწაზე ზრუნვა და უკვე ზაფხულში გადაერთო 2011 წლის ბოლიდის შექმნაზე. ნუთუ ისევ შეცდომა იქნა დაშვებული?</p><p>ბარსელონას ფინალური ტესტებისთვის ინჟინრებმა ბევრი ახალი ტექნიკური გადაწყვეტა შემოგვთავაზეს, რითაც გაუმჯობესდა მოჭიდების ძალა. მანქანა სწრაფია - მიხაელ შუმახერმა ბარსელონას ტესტებზე საუკეთესო დრო აჩვენა და ახლა ყველა ცდილობს ერთი რამის გარკვევას - ხომ არ აჯობა მანქანის დახვეწაში ყველას "მერსედესმა"?</p><p>ჩემი ვარაუდი ასეთია: "მერსედესის" მანქანები ახლოს არიან ორ პოტენციურ ლიდერთან, მაგრამ ოდნავ მაინც ჩამორჩებიან. მელბურნში და უფრო მეტად მალაიზიაში გავიგებთ, რამდენად ზუსტად ასახავს ბარსელონას ტესტების შედეგები ძალთა რეალურ თანაფარდობას. კარგი იქნება შუმახერისა და როსბერგის ლიდერთა შორის ხილვა. მიხაელს კარგი შედეგები სჭირდება იმისთვის, რომ გაამართლოს დიდ სპორტში დაბრუნება, ნიკო კი დიდი ხანია ოცნებობს ფორმულა 1-ში პირველ გამარჯვებაზე. შესაძლოა, წლევანდელმა მანქანამ მისცეს მას ამ ოცნების რეალიზების საშუალება.</p><p>ასე რომ, მოუთმენლად ველოდები სეზონის დაწყებას. "პირელის" საბურავზე გადასვლა შეცვლის რბოლების სცენარს. გაიზრდება პიტსტოპების რაოდენობა და სტრატეგიის მხრივ ეს იქნება ძალიან საინტერესო ჩემპიონატი.</p><p>პირველად 1970 წლიდან სტარტზე გავა მსოფლიოს ხუთი ჩემპიონი - ეს ყველაზე უკეთ გამოხატავს მომავალ სეზონში კონკურენციის სიმძაფრეს".</p><p><strong>ფეტელს წასვლა შეუძლია</p><p></strong>"რედ ბულის" მფლობელმა დიტერ მატეშიცმა კომენტარი გაუკეთა ცოტა ხნის წინ გავრცელებული ინფორმაციას იმის შესახებ, რომ გუნდის ლიდერმა სებასტიან ფეტელმა 2014 წლის ბოლომდე გააფორმა კონტრაქტი ავსტრიულ საჯინიბოსთან. გაზეთ Frankfurter Allgemeine-თვის მიცემულ ინტერვიუში მატეშიცმა განაცხადა, რომ მსოფლიოს ჩემპიონს მოქმედების გარკვეული თავისუფლება რჩება...</p><p>"თუ ამ პერიოდში ჩვენ ვერ შევძლებთ სებასტიანისთვის კონკურენტუნარიანი მანქანის შეთავაზებას, მას აქვს უფლება მოითხოვოს კონტრაქის გაუქმება, სხვა გუნდში წარმატების უკეთესი შანსის მისაღებად. ასეთ სიტუაციაში ვერ წარმომიდგენია, რომ ჩვენ შეიძლება ხელი შევუშალოთ მისი კარიერის განვითარებას.</p><p>არ არსებობს ჩემპიონატში ძლიერი გუნდი, რომელსაც არ უნდოდეს მისი გადაბირება, მაგრამ ვფიქრობ, ფეტელი მოისურვებს დარჩენას - ჩვენ ერთად გავაგრძელეთ კონტრაქტი, რომლის მიხედვითაც გუნდის ამოცანაა მისთვის ღირსეული მანქანის შეთავაზება", - განაცხადა მატეშიცმა.</p><p><strong>მაკლარენის ერთგული</p><p></strong>"მაკლარენის" პილოტმა ლუის ჰემილტონმა უარყო ბოლო დროს პრესაში გავრცელებული ჭორი იმის შესახებ, თითქოს უახლოეს პერიოდში "რედ ბულში" აპირებდეს გადასვლას. ცნობილია, რომ ავსტრიული გუნდის მეორე პილოტს მარკ უებერს ამ სეზონის შემდეგ უმთავრდება კონტრაქტი და პრესა სწორედ მის შემცვლელად მოიაზრებს ბრიტანელ პილოტს.</p><p>"მაკლარენი" - განსაკუთრებულია გუნდია, - ამბობს ჰემილტონი. - აქ შეკრებილნი არიან ნამდვილი პროფესიონალები, რომლებიც უმაღლესი მიზნებისთვის იბრძვიან. ჩემი გული ყოველთვის აქ დარჩება. არ ვაპირებ გუნდის დატოვებას".</p><p>ამასობაში, 2011 წლის ჩემპიონატის სტარტამდე ცოტა ხნით ადრე "მაკლარენის" ბოსმა მარტინ უიტმარშმა განაცხადა, რომ ბრიტანული საჯინიბოს ახალი მანქანის კონსტრუქციაში სერიოზული ცვლილებები ჯერ კიდევ ავსტრალიის გრანპრიმდე იგეგმება. შეგახსენებთ, რომ ადრე გუნდის ორივე პილოტმა - ლუის ჰემილტონმა და ჯენსონ ბატონმა უკმაყოფილება გამოთქვეს ახალი ბოლიდით. ჰემილტონმა ისიც კი განაცხადა, რომ ეს მანქანა წელს ბევრს ვერაფერს მიაღწევს.</p><p>"დღეისთვის მეც უკმაყოფილო ვარ ახალი ბოლიდით, - ამბობს უიტმარში. - ტესტების შედეგებით კმაყოფილი არავინ დარჩენილა. ავსტრალიის გრანპრიმდე შევიტანთ კონსტრუქციაში კარდინალურ ცვლილებებს. რა თქმა უნდა, რისკზე მივდივართ, მაგრამ დარწმუნებული ვარ - გუნდი სწორ გზას ადგას. იმედი ვიქონიოთ, რომ ეს რისკი გაამართლებს და მანქანა უფრო კონკურენტუნარიანი იქნება. სიმართლე გითხრათ, რამდენიმე წინა სიახლემ არ იმუშავა და ამიტომაც გვიწევს სწრაფად ბევრი რამის შეცვლა".</p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...
სპერციანს მყიდველების რიგი დაუდგა - სად გააგრძელებს კარიერას სომეხი ფეხბურთელი?
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია