კულტჰარდი: "პირელი" მოგვცემს იმას, რაც ყველაზე მეტად გვინდოდა

წარსულში ცნობილმა შოტლანდელმა პილოტმა ახალი სეზონის შესახებ თავისი აზრი გამოთქვა წარსულში ცნობილმა შოტლანდელმა პილოტმა დევიდ კულტჰარდმა ჟურნალ "ავტოსპორტის" მკითხველებს გაუზიარა თავისი მოსაზრებები ახალი სეზონის შესახებ: წესების ცვლილებებზე, ტიტულის პრეტენდენტებზე... აგრეთვე იმაზე, რომ "მერსედესსაც" შეუძლია საჩემპიონო ბრძოლაში ჩართვა.წელს ყველაზე მეტი ლაპარაკი იქნება საბურავებზე. "პირელის" ახალი საბურავები მოგვცემს იმას, რაც თითოეულ ჩვენთაგანს ყველაზე მეტად უნდოდა: არაპროგნოზირებად რბოლებს. მთელი ჩემი კარიერის განმავლობაში მიხდებოდა ისეთ სიტუაციებთან გამკლავება, როგორიცაა მოულოდნელი წვიმა ან ასფალტის მაქსიმალურ ტემპერატურამდე გახურება. საბურავის მდგომარეობაზე ბევრი რამ იქნება დამოკიდებული - განსაკუთრებით მაშინ, როცა ჯერ რთულია ტრასასთან მოჭიდების დონის შესახებ მსჯელობა. ასეთ დროს შეიძლება ბევრი სიურპრიზი მოხდეს. ზოგიერთი პილოტი ჩიოდა საბურავების ხარისხის გამო, მაგრამ მე მიმაჩნია, რომ ეს სეზონის შემადგენელი ნაწილია. თანაც ყველა თანაბარ სიტუაციაში იმყოფება.შარშანდელთან შედარებით სიჩქარეში სხვაობა უდიდესი იქნება. KERS-ის სისტემის დაბრუნება და მოძრავი ანტიფრთა პილოტებს აიძულებს უფრო ყურადღებით იცქირონ უკანა ხედვის სარკეში. KERS-ის შემთხვევაში თავად შეგიძლიათ გამოიყენოთ ეს სისტემა - დააჭიროთ ხელი ღილაკს იმ მომენტში, როცა მეტოქე გიტევთ. უკანა ანტიფრთის შემთხვევაში კი დაუცველი რჩებით შეტევაზე გადმოსული პილოტის წინააღმდეგ.მაგრამ, ხომ გახსოვთ, რა მოხდა შარშან ვალენსიაში მარკ უებერისა და ჰეიკი კოვალაინენის ინციდენტისას? სისწრაფეში დიდი სხვაობა ძალიან მაშინებს.* * *არსებობს თუ არა ისეთი რამ, რაც სებასტიან ფეტელსა და "რედ ბულს" ხელს შეუშლის ზედიზედ მეორე ტიტულის მოპოვებაში? ახალი ბოლიდი შესანიშნავად გამოიყურება, სებაც იმ დონეზე იმყოფება, როგორც მსოფლიოს ჩემპიონს შეჰფერის. მე კვლავინდებურად მივიჩნევ მას ფეხზე მყარად მდგარ, ენერგიით აღსავსე ახალგაზრდად, რომელიც მზად არის დაიცვას თავისი ტიტული და მაჟორულ ნოტაზე გააგრძელოს ჯერჯერობით მოკლე, მაგრამ უკვე შთამბეჭდავი კარიერა.რაც შეეხება მარკ უებერს, მას მხოლოდ კვალიფიკაციაზე მეათედი წამის გაბათილება სჭირდება - ასეთია სხვაობა სტარტზე პოულსა და მეორე ადგილს შორის. შეიძლება თუ არა სასტარტო პოზიცია ნაკლებად მნიშვნელოვანი იყოს ამ სეზონში? სავარაუდოდ ასეა, მაგრამ სწორედ კვალიფიკაციაში ტემპი იყო გასულ სეზონში "რედ ბულის" პილოტების ერთადერთი განმასხვავებელი ნიშანი."ფერარი" მსოფლიოს ჩემპიონატზე მისი დაარსების დღიდან გამოდის და შარშანდელი შედეგი მოულოდნელობა არ ყოფილა: "სკუდერიას" ტრიუმფის მომენტებიც ჰქონდა და სამწუხარო ჩავარდნებიც. ეს ყველაზე მძლავრი საჯინიბოა. შეიძლება ბევრს არ მოსწონდეს ეს, მაგრამ "ფერარი" ფორმულა 1-ის განუყოფელი ნაწილია და ფერნანდო ალონსოს მეთაურობით ის "რედ ბულის" მთავარ კონკურენტად მიიჩნევა."მაკლარენს" იმდენად დიდი ძალა და რესურსი აქვს, რომ შეუძლია წინ იაროს სხვებისგან განსხვავებული გზით. ეჭვგარეშეა, რომ ბოლო რამდენიმე წელია ამ საჯინიბოს განვითარების უსწრაფესი ტემპი ჰქონდა, მაგრამ ისიც ფაქტია, რომ ბრიტანელები 1998 წლის შემდეგ ვერ ახერხებენ კონსტრუქტორთა თასის მოგებას. მართალია, რამდენიმე წლის წინ ლუის ჰემილტონმა ტიტული მოიგო, მაგრამ აშკარაა, რომ "მაკლარენის" მექანიზმი ბოლომდე მყობრად ვერ მუშაობს."მაკლარენი" ის გუნდია, რომელიც წარმატებას არის მოწყურებული, ასე რომ დადგა ტრიუმფით ტკბობის დრო და არა იმაზე ჩივილი: "რა ახლოს ვიყავით ტიტულთან".* * *ბევრი რამ შეიცვალა "მერსედესში" იმისთვის, რომ ბოლიდი მაქსიმალურად ყოფილიყო ადაპტირებული მიხაელ შუმახერის პილოტირების სტილთან. როცა "ჰონდა"-"ბრაუნი"-"მერსედესის" ევოლუციას უყურებ, რთული მისახვედრია რატომ წააგო ამ გუნდმა უფრო მეტი, ვიდრე სხვა რომელიმე საქარხნო გუნდმა. მაგრამ მთავარი ის არის, რომ ეს პრობლემა საჯინიბოს ხელმძღვანელებმა გულთან ახლოს მიიტანეს და მდგომარეობის გამოსწორება გადაწყვიტეს.ბევრი რამ იქნება დამოკიდებული ამ სეზონში მათ გამოსვლაზე - განსაკუთრებით მნიშვნელოვანია როგორი შედეგები ექნება მიხაელს ნიკო როსბერგთან შედარებით. ერთი რამ უნდა გვახსოვდეს - ამ გუნდმა იცის, როგორ უნდა მოიგოს ტიტულები. ეჭვი არ უნდა შეგვეპაროს იმაში, რომ "მერსედესს" ძალუძს დაუბრუნდეს საჩემპიონო ბრძოლას, მაგრამ, როგორც ჩანს, თავიდან ის ცოტათი უკან იქნება ლიდერებთან შედარებით.ნებისმიერ შემთხვევაში, "მერსედესს", ისევე როგორც სხვა გუნდებსა და გულშემატკივრებს წინ საინტერესო სეზონი ელით.

ქართველი ველოსპორტსმენების წარმატება საერთაშორისო ასპარეზზე- 2 ოქროს, 1 ვერცხლის და 2 ბრინჯაოს მედალი

[VIDEO] „საქართველოს ეროვნული ლატარია“ აგრძელებს სპორტის მხარდაჭერას და აქტიურად მონაწილეობს სოციალური ინიციატივების ხელშეწყობაში

Aprilia Racing-ის ისტორიული გამარჯვება MotoGP-ს რბოლაში!

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა

ზივზივაძის გარეშე - "ჰაიდენჰაიმმა" "შტუტგარტთან" ქულები გაიყო

გულიაშვილის 71 წუთი - "რასინგმა" მოიგო და ისევ ლიდერია

[VIDEO] დიოკერეშის და ეზეს დუბლები, ტუდორის მძიმე დებიუტი - "არსენალმა" "ტოტენჰემი" გაანადგურა