პიკეს ცრემლები, ანუ რა იქნება კატალონიის რეფერენდუმის შემდეგ [VIDEO]

შაყირის მოყვარული ჟერარდ პიკეს წარმოდგენა, თუ როგორ ტირის სიცილისგან, იოლია. აი, უბრალოდ მტირალი პიკეს ნახვა კი ძნელია, თუმცა 1-ელ ოქტომბერს ჩვენ ეს ვნახეთ. მან რამდენჯერმე ვერ შეიკავა ემოცია, თუმცა თავისი სათქმელი მან მაინც ბოლომდე ჩაამთავრა..."ყველას აქვს ხმის უფლება. შეგიძლია, აირჩიო "კი", ან "არა", ან სულაც ცარიელი დატოვო ბლანკი. მთავარი კი ისაა, რომ შენ ამ ყველაფრის უფლება გაქვს. ესპანეთში ხალხს დიდხანს არ ჰქონდა ხმის უფლება. ახლა გვაქვს და ჩვენი ვალიცაა ამ უფლების დაცვა, - აქ პიკემ ცრემლი ვერ შეიკავა. - თავს კატალონიელად ვგრძნობ. ვამაყობ ჩემი ხალხით და იმით, რომ აგრესიის არც ერთი შემთხვევა არ ყოფილა ჩვენი მხრიდან. სამაგიეროდ კი, გამოგვიგზავნეს პოლიცია და ჯარი. მათ ასე მოქცევის უფლება არ ჰქონდათ".ამის შემდეგ პიკეს სპორტიც გაახსენდა: "ვფიქრობ, რომ ესპანეთის ნაკრებში თამაში კიდევ შემიძლია. ვიცი, რომ ბევრი ესპანელი იზიარებს დემოკრატიულ ღირებულებებს. ამაში დარწმუნებული რომ არ ვიყო, ნაკრებში აღარ გავჩერდებოდი. მწვრთნელი ან ვინმე ხუნტიდან... ბოდიში, ფედერაცია უნდა მეთქვა, თუ იტყვის, რომ ჩემი თამაში ნაკრებში პრობლემაა - გავერიდები. 2018 წლის მუნდიალის მერე წავალ", - ეს ხმამაღალი განაცხადი პიკემ "ბარსელონა"-"ლას პალმასის" კინაღამ ჩაშლილი მატჩის შემდეგ განაცხადა. სხვათა შორის, პიკე იმათ რიგებში იყო, ვისაც მატჩის ჩაშლა სურდა."ნაკრებში თამაში პატრიოტიზმის საკითხი არაა. ნუთუ, გჯერათ, რომ ყველაზე პატრიოტები ნაკრებში თამაშობენ? არა, რა თქმა უნდა. ხშირად ნაკრებებში არიან ნატურალიზებული სპორტსმენებიც, რომლებიც იმასვე არ გრძნობენ, რასაც მათი გუნდელები. ეროვნული ნაკრები პატრიოტიზმის კონკურსში ნუ გეშლებათ", - თქვა "ბარსას" მცველმა.<h4>რატომ დარდობს ასე?</h4> კატალონიურ რეფერენდუმს არც ერთ შემთხვევაში არ ჰქონდა იურიდიული ძალა. მეტიც, კატალონიის მცხოვრებთა უმეტესობა არ იყო გამოყოფის მომხრე, მაგრამ აქ ესპანეთის ხელისუფლება ჩაერია და ყველაფერი გაართულა. რეფერენდუმი კანონგარეშედ გამოაცხადეს, 14 კატალონიელი პოლიტიკოსი დაიჭირეს. კატალონიელებს ვერ გადაათქმევინეს და მოქმედებაზე გადავიდნენ. 300-ზე მეტი კატალონიელი დაშავდა რეფერენდუმის დღეს. დაშავდნენ ესპანელი პოლიციელებიც.ჟერარდმა ხმის მიცემა შეძლო. იგი არავის უცემია ხმის მიცემის შემდეგ, მაგრამ ფეხბურთელმა შეიტყო, რა შეემთხვათ სხვებს. ცეცხლზე ნავთი დაასხა ესპანეთის საგარეო საქმეთა მინისტრმა ალფონსო დასტისმა:"რეფერენდუმი დიქტატორების იარაღია", - როგორ მოგწონთ? ან ეს - "კატალონიელები ნაცისტური ტაქტიკით მოქმედებენ, ეს არის ძალადობა დემოკრატიაზე".ყველანაირი შეხედულება შეიძლება გქონდეთ კატალონიის დამოუკიდებლობის შესახებ, მაგრამ მინისტრის ამ სიტყვების შემდეგ თვით პიკეს გამონათქვამებიც კი წინასწარ აწონ-დაწონილი და მოზომილი მოჩანს.<h4>რა ვერ შეამჩნია?</h4> ძალადობა ბარსელონას ქუჩებში, რომლის ინიციატორები ხშირად სწორედ მომიტინგეები იყვნენ. ასობით კადრი გავრცელდა, სადაც ჩანს, თუ როგორ მისდევენ დემონსტრანტები პოლიციელებს ქვებითა და სხვა საგნებით შეიარაღებულები. ასე რომ, პროტესტი არც ისე მშვიდობიანი იყო, როგორც ამას "ბარსას" ვარსკვლავი წარმოგვიდგენს.რეფერენდუმზე 2,5 მილიონი ადამიანი მივიდა, რომელთა 90%-მა ხმა დამოუკიდებლობას დაუჭირა. ეს კი ცოტაა, რადგან კატალონიაში 7 მილიონი ადამიანი ცხოვრობს. რა მოხდება მომავალში, არავინ იცის. პრემიერ-მინისტრი მარიანო რახოი აცხადებს, რომ დიალოგის კარს ჯერ არ ხურავს, მაგრამ კატალონიის მთავრობის ხელმძღვანელი კარლეს პუჩდემონი აცხადებს, რომ მისმა ხალხმა მოიპოვა უფლება სუვერენიტეტზე.<h4>რა შუაშია აქ ფეხბურთი?</h4> ...შუაში კი არა, თავშია. კრიზისის ფონზე, კითხვა - ითამაშებს თუ არა პიკე ესპანეთის ნაკრებში - მეათეხარისხოვანი ჩანს, მაგრამ რა ვთქვათ "ბარსელონას" ბედზე?კატალონიის დამოუკიდებლობის შემთხვევაში ესპანეთი არა მარტო მძლავრად განვითარებულ მხარეს კარგავს, ლა ლიგა დაშლის პირას რჩება. ცალკე ფიფა აშინებს ფედერაციას, რომ არ გაბედოს "ბარსას" მოკვეთა, წინააღმდეგ შემთხვევაში, შესაძლოა, მუნდიალმა "ფურია როხას" გარეშე ჩაიაროს. თუმცა მადრიდში ყველაზე მეტად იმის ეშინიათ, რომ "ბარსა" თავად წავა და მას ვერ დააკავებენ, მაგრამ დავუბრუნდეთ პიკეს...დიახ, პიკე ჯერაც საჭიროა ნაკრებში, მაგრამ ამ იძულებითი ქორწინებიდან ორივე მხარემ ბევრი სარგებელი უკვე ნახა და მათი დაშორება დიდი ტრაგედია არ იქნება. პიკეს პოზიცია კი უკვე უცნაურად გამოჩნდება - ერთი მხრივ, ის დამოუკიდებლობისთვის ბრძოლის ავანგარდშია და მეორე მხრივ, ესპანეთის ნაკრებში თამაშს კატალონიელები ვეღარ გაუგებენ ფეხბურთელს. ჯერჯერობით, რბილია "როხას" თავკაც ხულიენ ლოპეტეგის პოზიცია, მაგრამ აი, სერხიო რამოსი კი უკვე აცხადებს, რომ პიკეს საქციელი ნაკრებს ორად გახლეჩს. "როცა გამოდიხარ და ხალხს რეფერენდუმზე მონაწილეობისკენ მოუწოდებ, მერე აღარ უნდა გიკვირდეს, რომ სტადიონზე გისტვენენ", - ამბობს "რეალის" ვარსკვლავი და ნაკრებში პიკეს მეწყვილე.პიკეს "ტვიტერზე" რომ შეიხედოთ, იქ პოლიტიკას უფრო დიდი დოზით აღმოაჩენთ, ვიდრე ფეხბურთს. არც კი ღირს იმაზე დაფიქრება, თუ რა საქმიანობას მიჰყოფს ხელს ჟერარდი საფეხბურთო კარიერის შემდეგ. ის, ფაქტობრივად, უკვე არის პოპულარული პოლიტიკოსი. ახლა მხოლოდ ერთია საკითხავი, როდემდე შეუთავსებს იგი პოლიტიკოსობას ფეხბურთელობას...(იბეჭდება მცირე ცვლილებით)ყოველდღიური სპორტული გაზეთი "ლელო"

კაკა

"რეფერენდუმზე 2,5 მილიონი ადამიანი მივიდა, რომელთა 90%-მა ხმა დამოუკიდებლობას დაუჭირა. ეს კი ცოტაა, რადგან კატალონიაში 7 მილიონი ადამიანი ცხოვრობს" ასეთ რამეს რატომ წერთ? რამდენმაც შეძლო იმდენი მივიდა, თუ ოდნავ მაინც ერკვევით საკითხში უნდა იცოდეთ რომ უბნები დაარბიეს, ბიულეტინების წაართვეს და ასე შემდეგ და ამის შემდეგ ცინიკურად ამბობთ 2,2 მილიონი ცოტააო? 7 მილიონი რომ ცხოვრობს ყველა ხმის უფლების მქონე არაა და წესით ესეც უნდა იცოდეთ. მოკლედ იმდენი რამე უნდა იცოდეთ რაც "არ იცით" რომ ფრანკოს შთამომავალი უნდა იყოთ ...
koka

კარგი სტატიაა

[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა

ალექსის სანჩესი კარიერას ლა ლიგაში გააგრძელებს

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

რაშფორდს მიმდინარე სეზონში ტრებლის მოგების სჯერა

ერთ დროს "ბარსელონას" შეუცვლელი ფეხბურთელი კარიერის 31 წლის ასაკში დასრულებასთან ახლოსაა

გაჭირვებულს ქვა აღმართში მიეწია - "ბარსას" 3 ფეხბურთელი მძიმედ ტრავმირებულია

"ფეხბურთელები მისაბაძი მაგალითები არ არიან" - ჟიულ კუნდე

ჟერარ პიკე: მსაჯები "რეალს" ეხმარებიან

ჟერარდ პიკე პსჟ-სთან პირველი მატჩისთვის ვერ დაბრუნდება

პიკე: არ ვიცი, გავხდები თუ არა "ბარსელონას" პრეზიდენტი

პიკემ ჩემპიონთა ლიგაზე პსჟ-ს მთავარი კონკურენტი დაასახელა

მოდელს მომღერალი არჩია - ლამინ იამალს არგენტინელ ქალბატონთან რომანი აქვს

უარი ხავისგან - "ლევერკუზენი" ახალი მწვრთნელის ძიებაშია

სეტიენის ყოფილმა თანაშემწემ პიკეს გუნდი ჩაიბარა

"ბარსელონამ" პენიას კონტრაქტი გაუხანგლძრივა და იჯარით გაუშვა