<p>საქართველოს ნაკრების პირველ კაპიტანი ხორვატიასთან 26 მარტის შეხვედრაზე, “ინტერსა” და სხვა საინტერესო თემებზე საუბრობს <br> საქართველოს ნაკრების პირველ კაპიტანს, აზერბაიჯანის ჩემპიონ “ინტერის” მთავარ მწვრთნელ კახა ცხადაძეს ხორვატიასთან 26 მარტის შეხვედრაზე, “ინტერსა” და სხვა საინტერესო თემებზე ვესაუბრეთ.</p><p><strong>ნაკლი ხორვატიასაც გააჩნია</p><p></strong>მძიმე მატჩი იქნება, რადგან ხორვატია ყველა თვალსაზრისით ძალიან სერიოზული მოწინააღმდეგეა. მას შემდეგ, რაც საერთაშორისო სარბიელზე დამოუკიდებლად გამოსვლა დაიწყო, ყოველთვის ამბიციური მიზნები ჰქონდა. საინტერესო, შემტევ ფეხბურთს თამაშობენ, რაც დაბალანსებული შემადგენლობის შედეგია, გუნდი საკმაოდ კარგად არის შეთამაშებული და მაღალი კლასის ფეხბურთელები ჰყავს.</p><p>თუმცა უიმედოდ არ უნდა ვიყოთ, რადგან თემურ ქეცბაიას ხელში საქართველოს ნაკრები გაძლიერდა, ფეხბურთელებიც უფრო თავდაჯერებულები გახდნენ და დაამტკიცეს, რომ შედეგისთვის ბრძოლა შეუძლიათ. თანაც შინ ვთამაშობთ, სტადიონის მხარდაჭერა გარანტირებულია. არადა, სამარცხვინოდ ჩაგდებული ციკლის შემდეგ ჩვენს წარმატებულ სტარტს არავინ ელოდა.</p><p>ახლა ჯგუფის ლიდერებში ვართ და პირველ-მეორე ადგილებზე გასვლის შანსი გვაქვს. ამიტომ ამ შეხვედრას დიდი მნიშნელობა ენიჭება. თუ ასეთ ძლიერ ნაკრებს მოვუგებთ, ეს ჩვენი გუნდის ფსიქოლოგიურ სიმტკიცესა და სატურნირო მდგომარეობაზე ძალიან სასიკეთოდ აისახება.</p><p>ნაკლი ყველა ნაკრებს აქვს და ამდენად, მოგება ხორვატიასთანაც შეიძლება. დარწმუნებული ვარ, ქეცბაია მოწინააღმდეგის თამაშში დაინახავს იმ ნაკლს, რომლითაც ჩვენ უნდა ვისარგებლოთ.</p><p>საჩვენო ფაქტორებად კი სავსე ტრიბუნები და ჩვენების ბრძოლისუნარიანობა მიმაჩნია. ბიჭები უკვე არავის ეპუებიან და ასე ნებისმიერ მეტოქესთან შეიძლება წარმატების მიღწევა. მე ჩვენი ნაკრების ეს თვისება მაიმედებს.</p><p><strong>ინტერი </strong>-<strong> აქცენტი თასზე</p><p></strong>წლეულს არასტაბილურად ვთამაშობთ და სატურნირო მდგომარეობა ძალიან გავირთულეთ. რამდენიმე ისეთი უსახური შეხვედრა ჩავატარეთ, გახსენებაც არ მინდა. საბოლოოდ, მნიშვნელოვანი ქულები დავკარგეთ და სამეულის გუნდებმა საგრძნობლად გაგვასწრეს. გუნდმა ძალიან კარგად ითამაშა “თანამეგობრობის თასზე”, მაგრამ გაძლიერება ვერ მოვახერხეთ, მენეჯერებმა საჭირო ფეხბურთელები ვერ მოძებნეს. ამ დროს კი ყველა მოწინააღმდეგე გაძლიერდა.</p><p>პირველი ორი შეხვედრა იოლად მოვიგეთ, მაგრამ “ხაზართან” 1:3 წავაგეთ, მინიმუმ ფრეს მაინც ვიმსახურებდით. ამან დიდი ფსიქოლოგიური დარტყმა მოგვაყენა. შოკიდან კარგა ხანი ვერ გამოვედით და თასზე პირველლიგელ “აფშერონთან” 0:0 ვითამაშეთ, რასაც დაემატა “ყარაბახთან” 0:2 მარცხი. ეს ყველაფერი მძიმე გადასატანი აღმოჩნდა.</p><p>სერიოზული დაფიქრება დაგვჭირდა, რა ხდებოდა გუნდში. ფეხბურთელები გონს მოვიდნენ და როგორც იქნა, თამაშის ხარისხიც გავაუმჯობესეთ. ბოლო ტურში “ბაკი” დავჩაგრეთ, მაგრამ მხოლოდ ფრეს დავჯერდით - 1:1. თუმცა იმედი გამიჩნდა, რომ ახლა მაინც დავლაგდებით.</p><p>ასეთ ვითარებაში ჩემპიონობის შენარჩუნება არარეალურია. აქედან გამომდინარე, აქცენტი თასზე გადავიტანეთ, ჩემპიონატში კი სამეულში მოსახვედრად ვიბრძოლებთ.</p><p><strong>პრეტენზია ინტერის ქართველებზე</p><p></strong>“თანამეგობრობის თასზე” ჩვენებმა ძალიან კარგად ითამაშეს, მაგრამ ახლა მათთან, ისევე, როგორც სხვა ფეხბურთელებთან, ბევრი პრეტენზია მაქვს - ძალიან არასტაბილურად თამაშობენ. გული მწყდება, ტრავმის შემდეგ ფორმა რომ ვერ აღიდგინა კახა მჟავანაძემ, არადა, მისი დიდი იმედი მქონდა.</p><p><strong>ევროპული და ქართული კილომეტრები</p><p></strong>თემურ ქეცბაიამ საქართველოს ნაკრებში დაამტკიცა, რომ საქმის გაკეთება შესაძლებელია, თუ გულიანად მუშაობ და საქმე იცი. დავბრუნდებოდი თუ არა საქართველოში? ვინ თქვა, რომ არ ვაპირებდი? ამაზე ბევრჯერ მიფიქრია, საკუთარ ქვეყანაში მუშაობა ვის არ ურჩევნია? ნეტავ აქ იყოს პირობები და სიამოვნებით... პირობებში ვგულისხმობ არა მხოლოს ხელფასს, არამედ გუნდის სავარჯიშო და მოსამზადებელ მინიმალურ პირობებს, სხვაგვარად მუშაობას რა აზრი აქვს?</p><p>მიუხედავად იმისა, რომ საქართველოს ჩემპიონატი დაბალი დონისაა, 100 პროცენტით ვარ დარწმუნებული, რომ შესაძლებელია ისეთი გუნდის ჩამოყალიბება, რომელიც ევროპის ლიგის ჯგუფურ ეტაპზე მოხვდება. ჯერ ერთი, იმიტომ, რომ ნიჭიერი ფეხბურთელები გვყავს და მათ ორ-სამ გამოცდილ უცხოელს თუ დავუმატებთ, შევუქმნით სავარჯიშო პირობებს, თანამედროვე აღდგენითი პროცედურებით, ექნებათ ვიტამინიზაცია და სხვა, სერიოზული გუნდი ჩამოყალიბდება.</p><p>დღეს ევროპაში ფეხბურთელები საშუალოდ 12-13 კილომეტრს დარბიან, ჩვენს ჩემპიონატში კი - მაქსიმუმ 5-6 კილომეტრს, რასაც ევროპელები 30 წუთში ფარავენ. მაგრამ ახლა პატრონი გამოუჩნდა თბილისის “დინამოს”, ქუთაისის “ტორპედოს”, მანამდეც პატრონობდნენ რუსთავის “ოლიმპს”, “ზესტაფონსა” და “ვიტ ჯორჯიას” და ეს მაიმედებს. ქართული ფეხბურთის გულშემატკივარმა ფეხბურთზე მზრუნველ ყველა ამ ადამიანს მადლობა უნდა გადაუხადოს, რადგან ჩვენი ჩემპიონატი მათ მხრებზე დგას.</p>
იური ტაბატაძე შეცვალეს - "კადისი" "სეუტასთან" ფრეს დასჯერდა
"ტოტენჰემი" მიქაუტაძის 60 მილიონად შესაძენად ემზადება
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
ფრე ქუთაისში... და "თელავის" მოგება "გაგრასთან"
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე