- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მოღალატე პატრიოტები
<p>გერმანიაში დაბადებული ფეხბურთელები, რომლებმაც სხვა ქვეყნების ნაკრებ გუნდებში ითამაშეს ან თამაშობენ <br> როცა განაში დაიბადები, გაიზრდები, მერე გერმანიაში გადასახლდები, საფეხბურთო კარიერას აიწყობ, თავს გერმანელად იგრძნობ და გადაწყვეტ, რომ გერმანიის ეროვნულ ნაკრებში ითამაშო, ეს აბსოლუტურად ჩვეულებრივი მოვლენაა.</p><p>ალბათ მიხვდით, რომ ამ კონკრეტულ შემთხვევაში ჯერალდ ასამოას ვგულისხმობთ. იყო ისეთი შემთხვევებიც, როცა ბრაზილიელებმა გადაწყვიტეს გერმანიის ნაკრებში თამაში, მაგრამ მათ სხვა მოტივი ჰქონდათ და კერძოდ ის, რომ ბრაზილიის ნაკრებში მოხვედრის შანსი არ გააჩნდათ (რობერტო პაულო რინკი, კაკაუ...). მაგრამ პირიქითაც ხდებოდა, კერძოდ, გერმანიაში იბადებოდნენ, იზრდებოდნენ და მერე ფესვებს უბრუნდებოდნენ. დღეს სწორედ ასეთ ფეხბურთელებზე უნდა მოგითხროთ და ამ სტატიაში ბევრ სიურპრიზს აღმოაჩენთ, რადგან გერმანიაში არერთი ცნობილი არაგერმანელი ფეხბურთელი დაბადებულა და გაზრდილა.</p><p>ერთი გერმანელ-ჰოლანდიელი თავს ყველგან უცხოელად გრძნობდა, ერთმა გერმანიაში, კერძოდ კი დორტმუნდში დაბადებულმა ფეხბურთელმა, ავსტრიის ნაკრებში თამაში გადაწყვიტა და მერე გოლი მაინც გერმანიის სასარგებლოდ გაიტანა, ერთი საშუალო დონის თავდამსხმელი კი შვებულების გასატარებელ კუნძულზე ნამდვილი გმირი გახდა. მოკლედ, გერმანელები, რომლებიც სხვა ქვეყნების დროშის ქვეშ თამაშობდნენ ან თამაშობენ.</p><p>2005 წლის 8 ოქტომბერს გერმანიის პირველმა გუნდმა თურქეთში ამხანაგური თამაში 1:4 წააგო და იმ შეხვედრაში ბუნდესგუნდის წინააღმდეგ ოთხმა გერმანელმა ფეხბურთელმა ითამაშა. ესენი იყვნენ ძმები ალთინთოფები, რომლებიც გელზენკირხენში არიან დაბადებულები, ჰერნეში დაბადებული ილდირაი ბაშთურქი და ნური შაჰინი, რომელმაც დღის სინათლე პირველად პატარა გერმანულ დაბა ლიუდენშაიდში იხილა.</p><p>შაჰინი 16 წლის იყო, როცა დიდ ფეხბურთში გამოჩნდა და არაერთი რეკორდის ავტორია. მას გერმანიის ნაკრებში თამაში სურდა, რადგან თავს გერმანელად მიიჩნევდა, მაგრამ მშობლებმა უმძიმესი წნეხის ქვეშ მოაქციეს და რაკი თურქეთიც საკმაოდ უყვარდა, ფესვებს დაუბრუნდა და ახლა თურქეთის ნაკრებში თამაშობს. გაცილებით რთული იყო ადილ ჩიჰის შემთხვევა. ეს უკანასკნელი დიუსელდორფში დაბადებული და გაზრდილი ფეხბურთელია. 17 წლის ასაკში მან მსოფლიოს 20 წლამდელთა ჩემპიონატზე მაროკოს ნაკრებში ითამაშა, 2006 წლის შემოდგომაზე კი განაცხადა, მომავალში გერმანიის ნაკრების ღირსება უნდა დავიცვაო. ამის თქმა და მამამისის ჭკუიდან შეშლა ერთი იყო! როგორც ჩიჰი ამბობს, მაროკოელი პოლიტიკოსებიც კი ურეკავდნენ და ემუქრებოდნენ. მიუხედავად ყველაფრისა, დღემდე ჩიჰის არც გერმანიის ეროვნულ ნაკრებში უთამაშია და არც მაროკოს პირველ გუნდში.</p><p>ვილი ენტე ლიპენსის კარიერაშიც მამამ ითამაშა უდიდესი როლი. ამ ფეხბურთელმაც გერმანიის ნაკრებში თამაში ისურვა, მაგრამ მამა გაუგიჟდა. „მამაჩემმა მითხრა, თუ გერმანიის ნაკრებში ითამაშებ, თვალით აღარ დამენახოო!“ - თქვა 1945 წელს გრეცლანდში დაბადებულმა ლიპენსმა და მერე ისიც დასძინა, ვერც გერმანიაში ვგრძნობდი თავს გერმანელად და ვერც ჰოლანდიაში ჰოლანდიელადო. ჰოლანდიის ნაკრებში მან ერთადერთი მატჩი ჩაატარა (1971 წელს, 6:0 ლუქსემბურგთან) და მატჩის შემდეგ დაღონებულმა თქვა: „მთელი თამაშის განმავლობაში წინ და უკან დავრბოდი, მაგრამ თანაგუნდელები სრულ იგნორირებას მიკეთებდნენ!“</p><p>ასეა თუ ისე, ფეხბურთელი კი დაიჩაგრა, მაგრამ მამამისსაც უნდა გავუგოთ - ის ჰოლანდიელი იყო, მისი ცოლი კი გერმანელი, ფეხბურთში კი ჰოლანდიელები და გერმანელები ერთმანეთს დასანახად ვერ იტანენ. ჰოლანდიელი კაცისთვის უბრალოდ მიუღებელია ის, რომ მისმა შვილმა გერმანიის ნაკრებში ითამაშოს. გერმანელებისა და ჰოლანდიელების საფეხბურთო მტრობაზე ანეკტოდებიც კია შექმნილი და აი, ერთ-ერთი მათგანიც:</p><p>მიხაელ ბალაკის, რუუდ ვან ნისტელროისა და ლილიან ტიურამის ცოლებმა იმშობიარეს. გამოდის ექიმი, მოჰყავს სამი ბავშვი და დამწუხრებული ამბობს, ცუდი ამბავი გვაქვს, თქვენი შვილები ერთმანეთში აგვერიაო. ბალაკი წამოხტება, შავკანიან ბავშვს ხელს დაავლებს და გარბის! გაოგნებული ტიურამი ხელებს შლის და ბალაკს უყვირის: „რას აკეთებ მიხაელ, ეგ ხომ ნაღდად ჩემი ბავშვია?!“ ბალაკი: „მთავარია, ჰოლანდიელი არ არის!“</p><p>* * *</p><p>გერმანელი ფეხბურთელების დიდმა ნაწილმა გადაწყვეტილება თავისი სურვილით მიიღო. ასეთები თავიანთ ფესვებს დაუბრუნდნენ და იმ ქვეყნის ნაკრებში თამაშობდნენ ან თამაშობენ, საიდანაც მათი გვარი მოდის. მაგალითად, ბოსნიელ ფეხბურთელთა ტრიო: ზვიეზდან მიშიმოვიჩი, ივიცა გრლიჩი (ორივე მიუნხენში დაიბადა) და ზლატან ბაირამოვიჩი, ან ბერლინში დაბადებული ხორვატი ძმები რობერტ და ნიკო კოვაჩები. ამ ფეხბურთელებმა თავიდანვე თავიანთ ნამდვილი სამშობლოს ნაკრებში თამაშის სურვილი გამოთქვეს.</p><p>იყვნენ ისეთებიც, ვინც მხოლოდ მას შემდეგ გადაწყვიტა, ფესვებს დაბრუნებოდა, როცა მიხვდა, რომ გერმანიის ნაკრებში მოხვედრის შანსი არ ექნებოდა. მაგალითად, პფალცის ქალაქ ბეხჰოფენში დაბადებული, ამერიკელი ჯარისკაცის შვილი ტომ დოოლი, რომელიც 1998 წლის მუნდიალზე აშშ-ის ნაკრების კაპიტანი იყო. ზოგიერთმა ფეხბურთელმა კი გერმანიიდან წასვლა და სხვა ქვეყნის ნაკრებში თამაში მას მერე გადაწყვიტა, რაც იმ ქვეყანაში რამდენიმე წელი გაატარა. მაგალითად, ბერნდ კრაუსი, რომელიც დორტმუნდში დაიბადა და ექვსი წლის მანძილზე ვენის „რაპიდში“ თამაშობდა. კრაუსმა ავსტრიის მოქალაქეობა მიიღო და რაკი მიხვდა, რომ ბუნდესგუნდში არასდროს ათამაშებდნენ, ავსტრიის ნაკრებში თამაში დაიწყო. სხვათა შორის, კრაუსს ავსტრიის ნაკრებში გერმანიის წინააღმდეგ ჰქონდა დებიუტი და იმ შეხვედრაში ავტოგოლი გაიტანა.</p><p>რაინერ რაუფმანი ერთი ჩვეულებრივი, საშუალო დონის თავდამსხმელი იყო. ფრანკფურტის „აინტრახტისა“ და ბილეფელდის „არმინიას“ რიგებში ბუნდესლიგის ეგიდით სულ რაღაც 30 მატჩი ჰქონდა ჩატარებული. მერე კი კვიპროსში წავიდა, სადაც „ომონიას“ რიგებში 152 მატჩი 181 (!!!) გოლი გაიტანა. 2002 წელს მან კვიპროსელი ქალი შეირთო და მოქალაქეობაც მიიღო, რის შემდეგაც კვიპროსის ნაკრებში დაიწყო თამაში. ადგილობრივი ფანებისთვის ის გმირი გახდა!</p><p>საინტერესოა ისიც, რომ ზოგიერთი ფეხბურთელის შემთხვევაში გერმანიაში დაბადება შემთხვევითობა იყო. ნახევრად ფინელი და ნახევრად შვედი მიკაელ ფორსელი მიუნსტერლანდში, კერძოდ შტაინფურტშია დაბადებული. რატომ? იმიტომ, რომ იმ დროს მამამისი იქ ფინური ფირმის მუშაკი გახლდათ. სამხრეთ კორეელი დუ-რი ჩა კი ფრანკფურტში მოევლინა ქვეყნიერებას, რადგან მამამისი ბუმ-კუნ ჩა იმხანად ფრანკფურტში თამაშობდა.</p><p>გერმანიაში, კერძოიდ კი ნეკარის შვენინგენშია დაბადებული ლეგენდარული ხორვატი ფეხბურთელი რობერტ პროსინეჩკი, მაგრამ ხორვატი მამისა და სერბი დედის შვილს არასდროს გასჩენია იმის ამბიცია ან სურვილი, რომ გერმანიის ნაკრებში ეთამაშა. და პროსინეჩკიმ ისტორია შექმნა: ის იყო პირველი ფეხბურთელი, რომელმაც მსოფლიოს ჩემპიონატებზე ორი ქვეყნისთვის შეძლო გოლების გატანა: 1990 წლის მუნდიალზე იუგოსლავიის ნაკრების მაისურით გაიტანა, 1998 წლის მუნდიალზე კი ხორვატიის ნაკრების მაისურით. რობერტ პროსინეჩკი დავორ შუკერთან, ზვონიმირ ბობანთან, ალიოშა ასანოვიჩთან და სხვებთან ერთად, ხორვატიის ისტორიაში ოქროს ასოებითაა შესული!</p><p><strong>გერმანიაში დაბადებული ფეხბურთელები, რომლებმაც სხვა ქვეყნების ნაკრებ გუნდებში ითამაშეს ან თამაშობენ</strong></p><p><pre>ფეხბურთელი დაბადების ადგ. დაბადების თარ ნაკრები</p><p>ნური შაჰინი ლიუდენშაიდი 5.09.1988 თურქეთი</p><p>ადილ ჩიჰი დიუსელდორფი 21.02.1988 მაროკო</p><p>ჩეიუნ გიულზელამი მიუნხენი 25.12.1987 თურქეთი</p><p>მარტინ ჰარნიკი ჰამბურგი 10.06.1987 ავსტრია</p><p>სამი ალაგუი დიუსელდორფი 28.05.1986 ტუნისი</p><p>მარკ გუიფე ბიტერფელდი 12.04.1984 კამერუნი</p><p>ჰაქან ბალთა ბერლინი 23.03.1983 თურქეთი</p><p>ჰალილ ალთინთოფი გელზენკირხენი 8.12.1982 თურქეთი</p><p>ჰამით ალთინთოფი გელზენკირხენი 8.12.1982 თურქეთი</p><p>ზვიეზდან მიშიმოვიჩი მიუნხენი 5.06.1982 ბოსნია</p><p>შტეფან ლობუე პფორცჰაიმი 23.08.1981 კოტ დ’ივუარი</p><p>მიკაელ ფორსელი შტაინფურტი 15.03.1981 ფინეთი</p><p>ბაკარი დიაკიტე ფრანკფურტი 9.11.1980 მალი</p><p>დუ-რი ჩა ფრანკფურტი 25.07.1980 სამხრეთ კორეა</p><p>ივან კლასნიჩი ჰამბურგი 29.01.1980 ხორვატია</p><p>ზლატან ბაირამოვიჩი ჰამბურგი 12.08.1979 ბოსნია</p><p>ერსტენ მარტინი მარკტრედვიტცი 23.05.1979 თურქეთი</p><p>ფერიდოონ ზანდი ემდენი 26.04.1979 ირანი</p><p>ილდირაი ბაშთურქი ჰერნე 24.12.1978 თურქეთი</p><p>ალი გიუნეში დონაუეშინგენი 23.11.1978 თურქეთი</p><p>აბდელაზიზ აჰანფუფი ფლიორსჰაიმი 14.01.1978 მაროკო</p><p>უმით ქარანი ბერლინი 1.10.1976 თურქეთი</p><p>ილჰან მანშიზი კემპტენი 10.08.1975 თურქეთი</p><p>ივიცა გრლიჩი მიუნხენი 6.08.1975 ბოსნია</p><p>ოტო ადო ჰამბურგი 9.06.1975 განა</p><p>ტიმო უსტერი ბერლინი 22.10.1974 გამბია</p><p>ოკა ნიკოლოვი ერბახი 25.05.1974 მაკედონია</p><p>რობერტ კოვაჩი ბერლინი 6.04.1974 ხორვატია</p><p>ტაიფუნი შტუტგარტი 2.04.1974 თურქეთი</p><p>უმით დავალა მანჰაიმი 30.07.1973 თურქეთი</p><p>ნიკო კოვაჩი ბერლინი 15.10.1971 ხორვატია</p><p>ტაიფური ჰანაუ 23.04.1970 თურქეთი</p><p>რობერტ პროსინეჩკი შვენინგენი 12.01.1969 იუგ/ხორვატია</p><p>რაინერ რაუფმანი კლევე 26.02.1967 კვიპროსი</p><p>ანტონი ბაფოე ბონი 25.05.1965 განა</p><p>ტომ დოოლი ბეხჰოფენი 12.05.1961 აშშ</p><p>ბერნდ კრაუსი დორტმუნდი 8.05.1957 ავსტრია</p><p>ვილი ლიპენსი ბედბურგ-ჰაუ 10.11.1945 ჰოლანდია</pre></p>
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
ბუნდესლიგის გუნდებმა მიმდინარე სეზონში 3 ტურის შემდეგ უკვე მეორე მწვრთნელი დაითხოვეს
ერიკსენი კარიერას "ვოლფსბურგში" გააგრძელებს
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში