- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართველებმა რუსული არმია დაამარცხეს
<p><p>ქართული გოლები, დებიუტები და... გაძევება</p> <br> <p>ლეგიონის უქმეების მიმოხილვას რუსული პრემიერლიგით დავიწყებთ, სადაც მე-14 ტური გაიმართა. ჩემპიონმა "რუბინმა" ყაზანში მოსკოვის "დინამოს" უმასპინძლა და 2:0 მოუგო. მასპინძელთა დაცვის მარჯვენა ფლანგზე საიმედოდ გაისარჯა ლაშა სალუქვაძე. 28 წლის ქართველმა მცველმა "ჩემპიონატისგან" კარგი შეფასება მიიღო - 6. ჩემპიონატის დასაწყისში ლაშას გაუჭირდა სასტარტო შემადგენლობაში ადგილის შენარჩუნება, მაგრამ აგერ უკვე 5 ტურია ქართველი შეუცვლელად იცავს რუსეთის ჩემპიონის ღირსებას. სხვათა შორის, მოსკოველთა შემადგენლობაში პრემიერლიგის დებიუტი ჰქონდა 18 წლის ირაკლი ლოგუას, რომელიც მოსკოვის "დინამოს" აღზრდილია და რუსეთის მოქალაქეა. "რუბინს" 29 ქულა აქვს.</p><p>მალხაზ ასათიანის "ლოკომოტივი" ნოვოსიბირსკსს ეწვია და ადგილობრივ "სიბირს" 2:2 დაუზავდა. რკინიგზელები პირველი ტაიმის შემდეგ იგებდნენ 2:0-ს, მაგრამ 49-ე წუთზე კუთხურის ჩამოწოდების შემდეგ ასათიანმა საჰაერო ორთაბრძოლა წააგო, ბურთი უხეიროდ მოიგერია და ალექსეი მედვედევმა გაიტანა. ალბათ სწორედ ამიტომ ასათიანის თამაში "ჩემპიონატმა" 5 ბალით შეაფასა. "ლოკომოტივმა" 14 ტურში 22 ქულა დააგროვა.</p><p>მოსკოვის ცსკა-მ "ხიმკის" არენაზე უმასპინძლა ნალჩიკის "სპარტაკს" და 1:2 წააგო. სამივე გოლი პირველ ტაიმში გავიდა. სტუმრებს ქართველმა ლეგიონერებმა მოაგებინეს. მე-8 წუთზე დავით სირაძემ საჯარიმოში მიიღო ბურთი და ერთი შეხებით ის არმიელთა კარში გადაგზავნა. 45-ე წუთზე თავი გოგიტა გოგუამ გამოიჩინა. გოგუა ძალზე აქტიური იყო მთელი პირველი ტაიმის განმავლობაში 41-ე წუთზე ის ალან ძაგოევმა წააქცია, რასაც მცირე გარჩევა მოჰყვა, მსაჯმა ორივე გააფრთხილა. შესვენებაზე კრასნოჟანმა გოგუა სათადარიგოთა სკამზე დასვა, შეეშინდა ემოციურ ქართველს წითელი ბარათისთვის არ გამოეკრა ხელი. მე-2 ტაიმში სირაძეც გააფრთხილეს, მსაჯთან კამათისათვის. ქართველი ფორვარდი 82-ე წუთზე შეცვალეს. გოგუა და სირაძეც საუკეთესოები იყვნენ ნალჩიკელთა რიგებში - მათ 6,5-6,5 ბალი დაიმსახურეს. მატჩის შემდეგ "სპარტაკის" მწვრთნელმა აღნიშნა, რომ გოგუას მცირე ტრავმა ჰქონდა, თანაც მსაჯ სუხინას ის ადრე ორჯერ ჰყავდა გაძევებული... სირაძემ და გოგუამ ჩემპიონატში თავიანთი მე-2 გოლები გაიტანეს. "სპარტაკმა" 25 ქულა მოაგროვა.</p><p>ჩრდილოკავკასიურ დერბიში "ანჟიმ" 1:0 მოუგო "ტერეკს". მასპინძელთა რიგებში მხოლოდ დავით კვირკველიამ ითამაშა ჩვენებურთაგან (5,5), ხოლო ნუკრი რევიშვილი და გიორგი ილურიძე სათადარიგოთა სჯამზე დარჩნენ. სტუმართა რიგებში 85-ე წუთზე გამოჩნდა ლევან გვაზავა, რომელმაც ყვითელი ბარათის მიღება "მოასწრო". "ტერეკს" 17 ქულა დარჩა, "ანჟის" 16 გაუხდა.</p><p>მოსკოვის "სპარტაკმა" სტუმრად ვერ მოუგო "კრილია სოვეტოვს". სპეციალისტთა მტკიცებით, ჯანო ანანიძე ერთ-ერთი საუკეთესო იყო გუნდში, კარპინმა ის 85-ე წუთზე შეცვალა. "ჩემპიონატმა" 17 წლის ქართველის თამაში 6 ბალით შეაფასა. "სპარტაკი" 20 ქულით მე-6 ადგილზეა.</p><p>უკრაინული ვიშალიგის III ტურში ვასილ გიგიაძის "ტავრიამ" 2:1 მოუგო დონეცკის "მეტალურგს". მასპინძელთა ვეტერანმა ფორვარდმა 71-ე წუთამდე ითამაშა. 35-ე წუთზე მას გოლის გატანა შეეძლო, მაგრამ 8 მეტრიდან ააცილა, არადა იდაჰორმა მას გამოზომილი პასი მისცა. "ტავრიას" მთავარმა მწვრთნელმა სერგეი პუჩკოვმა გიგიაძის შეცვლის მიზეზად ქართველის დაღლა დაასახელა.</p><p>უჩა ლობჟანიძის "დნიპრომ" სეზონი შესანიშნავად დაიწყო, 3 მატჩში 3 მოგება. შაბათს "დნიპრო" სტუმრად "ილიჩევეცს" გაუსწორდა - 5:1. როცა ანგარიში 4:1 იყო, მწვრთნელმა ლობჟანიძე (75-ე წუთი) დასვა. ვლადიმირ ბესონოვმა აღნიშნა, რომ მეორე ტაიმში ლობჟანიძე ვერაფერს უხერხებდა კრივოშეენკოს, ამიტომაც შეცვალა. ამ მატჩში მასპინძელთა რიგებში მხოლოდ 85-ე წუთზე გამოჩნდა გიორგი გაბედავა. სხვათა შორის, წინა დღით "დნიპროს" დუბლებში ევგენი ბოხაშვილმა დუბლი მიითვალა.</p><p>"ზესტაფონის" მომავალმა მეტოქე "კარპატიმ" შინ 1:0 მოუგო ზაპოროჟიეს "მეტალურგს". სანდრო გურული სასტარტოში იყო, მაგრამ თამაშის ჩამთავრება არ ეწერა, 75-ე წუთზე მან უხეშობისთვის ყვითელი ბარათი მიიღო, ბოლო წუთზე კი უარესად იუხეშა და მსაჯისგან მეორე ყვითელი ბარათიც მიიღო.</p><p>ფინური იკონენლიგის მე-14 ტურში ანზორ კალაძის ოპს-მ შინ 1:0 მოუგო გიორგი ოსიტაშვილის "კოტეპეს". კალაძე 75-ე წუთზე შეცვალეს, ოსიტაშვილი - 61-ეზე. ირაკლი სირბილაძის კპვ "კემის" ესტუმრა და 2:5 დამარცხდა. სირბილაძეს ამჯერად თავი არ გამოუჩენია. ისე კი მის ანგარიშზე "სოკერვეის" ინფორმაციით 8 გოლია.</p><p>გუშინ ერთპიროვნულმა ლიდერმა "როვანიემიმ" სტუმრად 3:0 გაანადგურა აუტსაიდერი ტპვ. პავლე ხორგუაშვილი სასტარტოში იყო, მეორე ტაიმში მოედანზე მისი ტყუპისცალი ვალტერიც გამოჩნდა. ქართველებს ამჯერად თავი არ გამოუჩენიათ. 14 ტურის შემდეგ "როვანიემი" 33 ქულით პირველია და მდევარს 7 ქულით უსწრებს.</p><p>მოლდოვის ჩემპიონატი ტირასპოლის დერბით გაიხსნა, ლამის მუდმივმა ჩემპიონმა "შერიფმა" "ტირასპოლს" დიდი ანგარიშით მოუგო - 3:0. ვაჟა თარხნიშვილი კვლავ კაპიტნის სამკლავურით გაუძღვა გუნდს. აგვისტოში თარხნიშვილი 39 წლისა ხდება, ის უკვე 11 წელიწადია "შერიფშია" და მე-13 სეზონი დაიწყო გუნდთან ერთად.</p><p>ჩემპიონატი დაიწყო შვეიცარიის ჩელენჯლიგაშიც (რანგით მეორე), "შაფჰაუზენში" იჯარით საქართველოს ახალგაზრდული ნაკრების ფორვარდი გიორგი ივანიშვილი გადავიდა. "შაფჰაუზენმა" კარგი სტარტი აიღო, სტუმრად "ნიონი" 4:1 გაანადგურა. სტუმართა მე-19 ნომერმა ქართველმა II ტაიმი ითამაშა.</p><p>ბელარუსის ჩემპიონატის მე-19 ტურში ბრესტის "დინამომ" მსაჯის მიერ დამატებულ მე-5 წუთზე გაიტანა მასპინძელი "ვიტებსკის" კარში - 1:0. 90 წუთი ითამაშა სტუმართა ახალწვეულმა გივი კვარაცხელიამ, ზაზა ჭელიძეს არ უთამაშია. "დინამო" 27 ქულით მეექვსეა.</p><p>ვირსლიგის ლატგალიურ დერბიში თამაზ პერტიას "დაუგავამ" 2:0 მოუგო "ბლაზმას". ანგარიში 70-ე წუთზე მამუკა ღონღაძემ გახსნა. პერტიას გუნდის სასტარტო შემადგენლობაში ითამაშეს ჯემალ ჯალიაშვილმა და ახალწვეულმა მამუკა ღონღაძემ, მეორე ტაიმში ორივე შეცვალეს, გიორგი ჩიხრაძეს კი არ უთამაშია. რიგის დერბიში "სკონტომ" 6:1 გაანადგურა "ოლიმპსი", რომლის შემადგენლობაში კოტე ზარნაძემ, ლაშა ღონღაძემ და დავით ჯანელიძემ 90-90 წუთი ითამაშეს. სტუმართა ერთადერთი გოლის ავტორი ლაშა ღონღაძეა (მე-13 წუთი).</p><p>ესტონულ მეისტრილიგაში იქაური "კლასიკო" გაიმართა - "ლევადიამ" "ფლორას" უმასპინძლა და 2:2 დაუზავდა. სტუმართა რიგებში 69-ე წუთზე ზაქარია ბეგლარიშვილი გამოჩნდა. ლიდერთა მატჩს 3,2 ათასი მაყურებელი დაესწრო - სიამაყით გვამცნობს ესტონური "სოკერნეტი"...</p><p>ქართული გოლი გავიდა ყაზახეთშიც, 10 კაცით დარჩენილმა "ატირაუმ" მაინც შეძლო 2:1 მოგება სტუმრად. 33-ე წუთზე გამარჯვების გოლი "ჟეტისუს" კარში გიორგი ფეიქრიშვილმა გაიტანა.</p><p><em>ლელო</em></p></p>
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] გოლი 97-ე წუთზე - გოჩოლეიშვილის "ჰამბურგი" "დორტმუნდს" ფრედ ეთამაშა
[VIDEO] კვერნაძის საგოლე პასი - "ფროზინონემ" გალიდერების შანსი დაკარგა
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
"ბორჯღალოსნები" | ქოქრილმა "არწივებისთვის" 23 შეარჩია
"ვილი საქართველოს ნაკრებისთვის საუკეთესო მწვრთნელია და მომავალშიც იქნება" - სანიოლის და იაშვილის პრესკონფერენცია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
"ჯიუტად აგრძელებენ იმას, რაც წარუმატებლობისთვის განწირულია" - გულიტმა "ბარსელონას" შესახებ ისაუბრა
"ძალიან სასიამოვნო გრძობაა, როცა ოცნება ხდება" - იური ტაბატაძე
მბაპეს აღარ შეეცილებიან - "რეალში" პენალტების შემსრულებელი ფრანგი იქნება