ინძაგიმ დერბი გამორიცხა

და რაულს დაემუქრა ერთ-ერთ წინა ნომერში გაუწყეთ იმის შესახებ, რომ ფილიპო ინძაგის გამოჯანმრთელების პროცესი სწრაფი ტემპებით მიმდინარეობს და ისიც დავძინეთ, რომ პიპოს მილანურ დერბიში ასპარეზობის შანსი გაუჩნდა. ეს ცნობა ელვისებური სისწრაფით გავრცელდა იტალიაში და "მილანის" გულშემატკივრებიც იმედებით აღივსნენ. თუმცა, მთლად ასე კარგადაც არ ყოფილა საქმე და ამაში თავად ინძაგის სიტყვები დაგარწმუნებთ:"თავს ძალიან კარგად ვგრძნობ, ფეხის ტკივილი აღარ მაწუხებს და იმის უფლებაც კი მომცეს, რომ მინდორზე გავიდე და ბურთი გავაგორო. ამასთან, მსუბუქად ვვარჯიშობ, რომ ნელნელა ფორმის აღდგენის პროცესი დავიწყო. ეს ყველაფერი ძალიან მახარებს, მაგრამ გავრცელებული ინფორმაცია ჩემი მილანურ დერბიში შესაძლო ასპარეზობის შესახებ, სიმართლეს არ შეეფერება. მინიმუმ ოცი დღე კიდევ მჭირდება იმისთვის, რომ საკუთარ თავს ჯანმრთელი ვუწოდო და მოედანზე სათამაშოდ გავიდე. ეს მინიმუმ და ისე, შესაძლოა ერთი თვეც დამჭირდეს. ასე რომ, ჩემი დერბიში ასპარეზობა გამორიცხულია. ექიმები კატეგორიულად მოითხოვენ, რომ მხოლოდ მაშინ დავუბრუნდემოედანს, როდესაც 100%-ით გამოჯანმრთელებული ვიქნები".ინძაგი დიდი მატჩების სპეციალისტია, გადამწყეტ მომენტში შეუძლია გოლის გატანა და თამაშის ბედის გადაწყვეტა. სწორედ ამიტომ, გულშემატკივრებს დიდი სურვილი ჰქონდათ, რომ პიპო დერბიმდე გამოჯანმრთელებულიყო. ასეა თუ ისე, "მადონინა" ინძაგის გარეშე ჩაივლის - უშუალოდ მატჩის შესახებ მას შემდეგი მოსაზრება აქვს: "როგორც წესი, ასეთ მნიშვნელოვან თამაშებს ფავორიტები ვერ იგებენ, მე კი მუდმივად მესმის საუბრები იმის შესახებ, რომ ფავორიტი სწორედ "ინტერია". ლეონარდოს გუნდი მაღალი დონის ფეხბურთს აჩვენებს და შედეგიც შესანიშნავი აქვს, მაგრამ მაინც მგონია, რომ გამარჯვება და სკუდეტო ჩვენ დაგვრჩება. რაც მთავარია, სატურნირო ცხრილს სწორედ ჩვენ ვუდგავართ სათავეში და რადაც არ უნდა დაგვიჯდეს, ლიდერის პოზიცია არ უნდა დავთმოთ. "ინტერი" აუცილებლად შეგვიტევს და შეეცდება მოედნის ცენტრზე გაბატონდეს - ჩვენ კი ორი არჩევანი გვაქვს, ან უკნიდან ვითამაშოთ, ან ცენტრში გავმართოთ ბრძოლა. ჩემი პირადი აზრია, რომ აუცილებლად პირველ ნომრად უნდა ვითამაშოთ და უკან არც ერთი ნაბიჯით არ დავიხიოთ".ფილიპო ინძაგის სამომავლო გეგმებზეც მოუხდა საუბარი და მეტად საინტერესო კომენტარი გააკეთა: "ჩემი სურვილია, რომ მომდევნო სეზონში "მილანთან" ერთად ჩემპიონთა ლიგა მოვიგო და ევროპის უპრესტიჟულეს საკლუბო ტურნირში კიდევ არაერთი გოლი გავიტანო. ამ დროისთვის, გოლების რაოდენობით ყველა დროის რეკორდსმენი რაულია, მაგრამ კუდში ვუდგავარ და კარგი შანსი მაქვს, რომ გადავასწრო კიდეც. მართალია, "შალკე" მეოთხედფინალში გავიდა, მაგრამ არა მგონია, რომ "ინტერთან"' რამეს გახდეს, მომდევნო სეზონში კი გელზენკირხენელები და შესაბამისად, რაული ლიგის მიღმა რჩებიან. მე კი აუცილებლად ვითამაშებ ამ ტურნირში და ვეცდები ესპანელი უკან მოვიტოვო. თუმცა, ეს იმას არ ნიშნავს, რომ ჩემი უმთავრესი მიზანი საკუთარი მიღწევების გაუმჯობესებაა, გუნდურ ინტერესებს ყოველთვის პირველ ადგილზე ვაყენებდი და ასე იქნება მომავალშიც. აქვე, მინდა ჩემი დიდი პატივისცემა გამოვხატო რაულის მიმართ, რომელთანაც მხოლოდ ჯანსაღი კონკურენციის პირობებში ვარ. ჩემი აზრით, ესპანელი ყველა დროის ერთ-ერთი საუკეთესო თავდამსხმელია და საერთოდაც, ფეხბურთის თამაში ჩემზე უკეთ გამოსდის".

[VIDEO] "ნაპოლი" "ატალანტასთან" დამარცხდა და "ინტერს" 14 ქულით ჩამორჩა

ტოტიმ დაადასტურა - ლეგენდარული იტალიელი "რომას" უბრუნდება

[VIDEO] დე ლაურენტისის ვაჟი პოლიციამ იხსნა - ლუიჯის საკუთარი კლუბის გულშემატკივრები განურისხდნენ

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა