- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სკოლარიმ ხმა ამოიღო
<p>ამბები კულისებიდან <br> “ჩელსის” ყოფილმა დამრიგებელმა ლუიშ ფელიპე სკოლარიმ ბრაზილიურ ტელევიზიას ინტერვიუ მისცა, სადაც ყოფილ კლუბ “ჩელსის” შიდა სამზარეულოდან საინტერესო ამბები გაიხსენა. სენიორ ლუიშ ფელიპე “სტემფორდ ბრიჯზე” 2008 წლის ივლისში მიიწვიეს. როგორც ჩანს, ლონდონელთა ბოსები მას თავიდანვე ნაკლებად ენდობოდნენ, რადგან ტრანსფერებისთვის სულ რაღაც 8 მილიონი ფუნტი გამოუყვეს, რომელიც “ბარსელონადან” დეკუს გადაბირებაში დაიხარჯა. სამხრეთამერიკელმა სპეციალისტმა თანამდებობაზე მხოლოდ თებერვლამდე გაძლო - ის დაითხოვეს. ეს ის ინფორმაციია, რომელსაც საზოგადოება ისედაც ფლობდა... მაინც რა ილაპარაკა საინტერესო? კი, ბატონო, მოუსმინეთ მას: “ძალიან მიჭირდა გუნდში თავმოყრილი ამდენი ვარსკვლავის დამორჩილება. ზოგიერი ფეხბურთელი იქამდეც კი მიდიოდა, რომ პირდაპირ საბოტაჟს მიწყობდა და ჩემს დარიგებებს დემონსტრაციულად არ უსმენდა. მთავარი პრობლემა რომელსაც გუნდში შევეჯახე, ეს დიდიე დროგბა იყო. მას თავი გუნდის უმთავრესი ფიგურა ეგონა, რომელსაც ჩემი წესების საწინააღმდეგოდ, ძირითადში ადგილი გარანტირებული უნდა ჰქონოდა. მე დროგბას ადრიანოში გაცვლა მსურდა, თუმცა ეს გარიგება პირადად რომან აბრამოვიჩმა დაბლოკა. ძალიან მინდოდა რობინიოს ყიდვაც, თუმცა ამის წინააღმდეგ ისევ და ისევ აბრამოვიჩი წავიდა და საბოლოოდ ის “მანჩესტერ სიტის” დარჩა. ფეხბურთელებს ერთმანეთთან მეგობრობას ვერ მოვთხოვდი, მაგრამ ის, რაც მიხაელ ბალაკსა და დეკუს შორის ხდებოდა, ზღვარს გადადიოდა. გერმანელი უბრალოდ არ ელაპარაკებოდა თანაგუნდელს. მიხაელს დეკუსი უბრალოდ შურდა. ბალაკს იმის პრეტენზიაც ჰქონდა, რომ გასახდელში ლიდერი ყოფილიყო, თუმცა იქ ძალიან ბევრი ვარსკვლავი და ძალიან ბევრი ძლიერი ფეხბურთელი იყო, რომ მას ეს მისია ეტვირთა.</p><p>ყველაფრის მიუხედავად, “ჩელსიდან” წამოსვლა ძალიან განვიცადე, რადგან ლონდონი მშვენიერი საცხოვრებელი ადგილია, პრემიერლიგა კი დიდებული ტურნირი. მას მერე მთელი ორი თვე ვიყავი დეპრესიაში და ფეხბურთის გაგონებაც კი აღარ მსურდა”.</p><p><strong>იბრა ისევ ფეხებს იქნევს</p><p></strong>ზლატან იბრაჰიმოვიჩი გარდა იმისა, რომ თავის ტექნიკურ არსენალს მშვენივრად იყენებს თამაშებისას, ფეხებს ხანდახან “არადანიშნულებისამებრაც” ხმარობს და კარატისტის ტექნიკას უადგილო ადგილას იყენებს, მაგალითად თანაგუნდელებთან ჩხუბში. ალბათ გახსოვთ, რომ მან “მილანელოზე” როდნი შტრასერი გალახა, ხოლო ოგუჩი ონიევუს ვარჯიშზე ლამის ფეხი მოსტეხა. როგორც შვედური პრესა წერს, იბრა მოლდოვასთან მატჩის წინ (2:1 შვედეთის სასარგებლოდ) ნაკრებში მის თანაგუნდელებზე “გადაერთო”. მან და კრისტიან ვილჰელმსონმა ბურთი ვერ გაიყვეს, რასაც თავდამსხმელის მხრიდან აგრესია მოჰყვა – ფეხი საჯდომში საკმაოდ მტკივნეულად ამოარტყა. ფაქტი, რომ ფეხბურთელებს საქმის წიხლებით გარჩევა აღარ გაუგრძელებიათ, შვედეთის ნაკრების სხვა ფეხბურთელების დამსახურებაა.</p><p><strong>მწვრთნელი 21 აპრილს</p><p></strong>გუშინ უკრაინის ფეხბურთის ფედერაციაში აღმასრულებელი კომიტეტის სხდომა გაიმართა, რომელსაც ნაკრების მთავარი მწვრთნელის საკითხი უნდა გადაეწყვიტა. შეგახსენებთ, რომ იური კალიტვინცევი დღემდე მხოლოდ მოვალეობის შემსრულებლად მიიჩნევა. სხდომის შემდეგ სპეციალური პრესკონფერენცია გაიმართა, რომელზეც ჟურნალისტების წინაშე გრიგორი სურკისი წარდგა. გთავაზობთ მის განცხადებას: “ახლა ყველა ელის, რომ ახალი მთავარი მწვრთნელის ვინაობას დავასახელებ, მაგრამ ამას ამწუთას ვერ გავაკეთებ. ჩვენ ავწონ-დავწონეთ კანდიდატურები და იმ რამდენიმე პიროვნებაზე შევთანხმდით, რომლებიც შეიძლება რომ დაინიშნონ. საბოლოო გადაწყვეტილება 21 აპრილს გამოცხადდება. იქამდე ჩვენ ჯერ კიდევ ძალიან ბევრ კონსულტაციას გავივლით და გავმართავთ მოლაპარაკებებს პოტენციურ კანდიდატებთან”.</p><p>სურკისმა დაადასტურა, რომ აღმასკომს მხოლოდ რამდენიმე მწვრთნელზე ჰქონდა მსჯელობა. ესენი არიან იური კალიტვინცევი, ოლეგ ბლოხინი, პაველ იაკოვენკო, პრეზიდენტმა მხოლოდ გაკვრით ახსენა მარჩელო ლიპი.</p><p><strong>ლუკასის თანხმობა, მექსეს უარი</p><p></strong>“ლივერპულის” ოფიციალურმა საიტმა გუშინ გაავრცელა ინფორმაცია, რომ კლუბმა 28 წლის ლუკას ლეივასთან ახალი, ხანგრძლივი კონტრაქტი გააფორმა. შეგახსენებთ, რომ ეს ფეხბურთელი “ენფილდზე” 2007 წელს რაფაელ ბენიტესმა გადაიყვანა. მან მას შემდეგ თავი ვერაფრით შეაყვარა “წითლების” გულშემატკივრებს. ამის მიუხედავად, კენი დალგლიშმა ბრაზილიელ ფეხბურთელთან თანამშრომლობის გაგრძელება საჭიროდ მიიჩნია.</p><p>გარდა წარმატებისა, ამ გზაზე მერსისაიდელებმა მცირე მარცხიც იწვნიეს. “რომას” ფრანგმა ცენტრალურმა მცველმა ფილიპ მექსემ “ლივერპულს” კატეგორიული უარი უთხრა. ფილიპმა არა ზოგადად კლუბის, არამედ ქვეყნის დატოვება არ ისურვა. მას კარიერის იტალიაში გაგრძელება სურს. ხმების თანახმად, მისი სამსახურით დაინტერესებული იყო “არსენალიც”. რეალურ კანდიდატურებს შორის მხოლოდ “მილანს” ასახელებენ.</p><p><strong>ლუჩო მარსელში დარჩება</p><p></strong>ბოლო დროს ძალიან ბევრს წერენ “მარსელის” ერთ-ერთ ლიდერ ლუჩო გონსალესის სატრანსფერო ამბებზე. ისიც კი ითქვა, თითქოს, მას საფრანგეთიდან წასვლა გადაწყვეტილი ჰქონოდა. ფეხბურთელმა კატეგორიულად უაყო ეს ხმები. მისი თქმით, ის კლუბთან სიამოვნებით გაახანგრძლივებდა კონტრაქტს. “ჩემს ხელშეკრულებას “ოლიმპიკთან” ვადა ორ წელიწადში გასდის, თუმცა ახალ შეთანხმებას ხვალვე თუ შემომთავაზებენ, მზად ვარ, ამ წინადადებაზე დავფიქრდე. მარსელში თავს შესანიშნავად ვგრძნობ და სხვა ქალაქში საცხოვრებლად გადასვლის პერსპექტივა არ მხიბლავს,” – განაცხადა ფეხბურთელმა.</p><p>შეგახსენებთ, რომ “ველოდრომზე” არგენტინელი 2009 წელს “პორტუდან” გადავიდა. ფრანგებს მისი ტრანსფერი 18 მილიონი ევრო დაუჯდათ.</p><p><strong>ლიონი გარაიზე ფიქრობს</p><p></strong>აღმოჩნდა, რომ “რეალის” არგენტინელი ცენტრალური მცველი ესეკილ გარაი “ლიონის” სატრანსფერო გეგმების ნაწილია. ესპანური გამოცემა “ასის” მტკიცებით, ფრანგები მზად არიან 24 წლის ფეხბურთელში 10 მილიონი ევრო გადაიხადონ. იმავე გაზეთის მტკიცებით, ეს თანხა საკმარისი არგუმენტი უნდა აღმოჩნდეს სამეფო კლუბის ხელმძღვანელობისთვის, რათა მათ სამხრეთამერიკელი “ლიონს” დაუთმონ. გარაის კონტრაქტს ვადა 2014 წელს გასდის. თუმცა მოსალოდნელია, რომ ფეხბურთელისთვის ბრძოლაში “ვოლფსბურგი”, “მილანი” და “ვილიარელიც” ჩაებმებიან. მიმდინარე სეზონში ფეხბურთელმა სულ რაღაც 2 მატჩი ჩაატარა. ის უთამაშებლობით აშკარად შეწუხებულია.</p><p>ფრანგული პრესის მტკიცებით, “ლიონის” ბრაზილიელ მარცხენა მცველ მიშელ ბასტოსს “იუვენტუსის” გარდა “ტოტენჰემიც” ეკურკურება. ლონდონელები ამ ფრონტზე მხოლოდ იმ შემთხვევაში გააქტიურდებიან, თუკი გაირკვა, რომ ისინი თავის უელსელ ვარსკვლავ გარეთ ბეილს ვერ შეინარჩუნებენ.</p><p><strong>ლევან ბიბილაშვილი</strong></p>
[VIDEO] ნეიმარის ჰეთ-თრიქი 17 წუთში - "სანტოსმა" უმნიშვნელოვანესი გამარჯვება მოიპოვა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
ფუტსალის ნაკრები საერთაშორისო ტურნირზე იასპარეზებს
[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა
პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა
[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ
[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ
სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან
"შავი ლომი" ჩელენჯ თასს "მონპელიეთი" იწყებს
[VIDEO] "ბარსელონამ" სახლში "ატლეტიკოს" მოუგო
20 წ. | დიდი სხვაობით "კუდუსთან"
"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს
"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა
მამის ნაკვალევზე - ისაგო სილვამ "ჩელსისთან" კონტრაქტი გააფორმა
"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა
იტალიაში საუკეთესოები აღიარეს - მაკტომინეი, "ნაპოლი", კონტე
რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს
"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა
"ბაიერნის" პრეზიდენტმა ჰარი კეინის მომავალზე ისაუბრა
დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს
ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ
ონანას არ დაუძახეს - ის აფრიკის თასზე კამერუნის ნაკრებში არ იქნება