ფავორიტმა პოზიცია განიმტკიცა

ევროპის ჩემპიონატის შესარჩევ მატჩში საქართველოს წყალბურთელთა ნაკრები საბერძნეთის ეროვნულ გუნდთან 8:11 დამარცხდა საბერძნეთის წყალბურთელთა ნაკრები მეშვიდე წელიწადია, სპორტის ამ სახეობის მსოფლიო ელიტაში შედის. ამდენად, ის კონტინენტის შესარჩევ ჯგუფში თავიდანვე ფავორიტად მიიჩნეოდა. ელადელებმა გუშინ ეს კიდევ ერთხელ დაამტკიცეს, თუმცა, საქართველოს ნაკრების სასახელოდ უნდა ითქვას, რომ მრისხანე მეტოქეს მედგარი წინააღმდეგობა გაუწია – უფრო მეტიც, პირველ და მეორე მეოთხედებში არაფრით ჩამოუვარდებოდა სტუმრებს. დარჩენილ დროში კი გამოცდილებამ თავისი გაიტანა.„ოლიმპიკის“ აუზში თავიდან ბერძნები დაწინაურდნენ 2:0, მაგრამ პერიოდის ბოლომდე ჩომახიძემ, კორდიჩმა და ბაღათურიამ სამი ბურთი გაიტანეს. პირველი რვაწუთიანი მონაკვეთი მაინც ფრედ დამთავრდა (3:3) – წონასწორობა ელმისიანმა აღადგინა. მეორე პერიოდიც დაძაბულად წარიმართა. ელინელები შესვენებამდე ერთბურთიანი სხვაობით გავიდნენ წინ. მატჩში გადამწყვეტი მესამე პერიოდი აღმოჩნდა. ორგზის ოლიმპიური ჩემპიონის, სერბი დრაგან ანდრიჩის შეგირდებმა ის ორბურთიანი უპირატესობით (3:1) მოიგეს. საბოლოოდ ჯგუფის ფავორიტმა 11:8 გაიმარჯვა და სატურნირო ცხრილში ერთპიროვნულად დაწინაურდა. ამ გუნდების განმეორებითი შეხვედრა ათენში გაიმართება.თბილისი. „ოლიმპიკის“ აუზი. 30 მარტიევროპის ჩემპიონატის შესარჩევი მატჩისაქართველო-საბერძნეთი 8:11 (3:3, 3:4, 1:3, 1:1)საქართველო: 1. ზურაბ ჭუმბურიძე (ლიგამუსი), 2. გალაქტიონ ლაითაძე (თბილისი, 1 ბურთი), 3. მარკო ელაჩა (რიეკას პრიმორიცა, ხორვატია,), 4. იოვან პოპოვიჩი (ლიგამუსი), 5. მარკო კორდიჩი (ლიგამუსი,2), 6. გიორგი ხვედელიანი (ლიგამუსი), 7. რევაზ ჩომახიძე (ლიგამუსი, 1), 8. მიხეილ ბაღათურია (თბილისი, 2), 9. ზურაბ რურუა (კ. ლიგამუსი), 10. კონსტანტინე გეგელაშვილი (ლიგამუსი), 11. ტატო ნიკოლეიშვილი (ლიგამუსი), 12. მარკო ელეზი (ბრეშია, იტალია, 2), 13. ალექსანდრე ნამორაძე (თბილისი). მთავარი მწვრთნელი ზვიად დავითიანი, მწვრთნელი მირიან ასათიანი.საბერძნეთი: 1. ფილიპოს კარამპეტსოსი (პანათინაიკოსი), 2. ემანუილ მილონაკისი (ოლიმპიაკოსი, 1), 3. არტინ ელმისიანი (ვოულიაგმენი, 1), 4. ანდრეას მირალისი (პანიონიოსი), 5. ევანგელოს-იოანის დელაკასი (ოლიმპიაკოსი, 1), 6. არგირის ტეოდოროპოულოსი (ოლიმპიაკოსი), 7. ხრისტოს ასროდაკისი (ოლიმპიაკოსი), 8. გეორგიოს ტიკასი (ოლიმპიაკოსი, 4), 9. კონსტანტინოს მოურიკისი (პანიონიოსი, 2), 10. იოანის ფოუნტოულისი (ოლიმპიაკოსი, 2), 11. ავრაამ ალიჩანდისი (ლარისა), 12. მატეოს ვოუგარაკისი (ვოულიაგმენი), 13. სტილიანოს პროტონოტარიოსი (ვოულიაგმენი). მთავარი მწვრთნელი დრაგან ანდრიჩი, მწვრთნელი კონსტანტინოს ვამიაკირისი.მსაჯები - გერვინ რეინინკი (გერმანია) და გემ ფალიკრაჩი (თურქეთი).დელეგატი: ბულგარელი ანდრეი კონსტანტინოვი.თამუნა ყულუმბეგაშვილის ფოტო.

საქართველოს წყალბურთელთა ნაკრებმა მსოფლიო თასზე ბოლო მატჩი ჩაატარა

ისტორია დაიწერა - საქართველოს წყალბურთელთა ნაკრები მსოფლიო თასზე გავიდა!

წყალბურთი - საქართველოს ნაკრებმა უკრაინას მოუგო და ნახევარფინალში გავიდა

რატიშვილი რიგაში იკომისრებს

"მანჩესტერ სიტიმ" მაროკოელი ნახევარმცველი 100 მილიონად შეიძინა

ოქტომბრის სანაკრებო მატჩები | ინფორმაცია ბილეთების შესახებ

ქართველი მსაჯები კონფერენს ლიგის პლეი-ოფის მატჩზე

"იუვენტუსმა" მეკარე "პალერმოს" მიჰყიდა

სავინიოს შემდეგ "სიტიდან" "ტოტენჰემში" მარმუშიც გადავიდა

"დანაშაული" და საჯელი? - ლუის ენრიკემ დემბელე დასასვენებლად გაუშვა

ხარობს სრულიად აზერბაიჯანი - "საბაჰი" ჩემპიონთა ლიგაზე გავიდა

"იუვენტუსმა" პოლონელი მეკარე დაიმატა

"მიფრთხილდით" - მოურინიო ჟურნალისტს სახალხოდ "დაემუქრა"

"ლივერპული" პსჟ-ს დუბლიორების იმედადაა - შეძლებენ ბარკოლას და მბაიეს შეძენას?

[PHOTO] "ლაციოში" მუსოლინის შვილთაშვილის დებიუტი შედგა - ბოლონიას სტადიონი 100 წლის წინ იტალიის ყოფილმა დიქტატორმა გახსნა

გიორგი აბურჯანია კარიერას ინდოეთის ჩემპიონატში გააგრძელებს

"ვალენსიამ" 23 წლის ნიდერლანდელი მეკარე დაიმატა

ოფიციალურად: სავინიო "ტოტენჰემის" ფეხბურთელია

კიევის "დინამოს" თავდამსხმელი შეიძლება "გალათასარაიში" გადავიდეს

"პსჟ-ში ხელშეუხებელი ფეხბურთელი აღარ არსებობს, ენრიკემ მეთოდები გაამკაცრა" - რას წერს ფრანგული პრესა კვარაცხელიასა და დემბელეს შეცვლის შემდეგ

"ბორნმუთმა" "იუვენტუსის" მეკარე ინათხოვრა

ჩემპიონების საყვარელი წიგნები - ის, რასაც გამარჯვება ვერ ასწავლის

"არავის სჭირდება კონფლიქტური ვინისიუსი" - ბრაზილიელზე კანისარესმა და მოურინიომ ისაუბრეს