- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დელ ნერი: იუვეში ერთი და ორი წლით არ მოვსულვარ
<p>საერთოდ, ლუიჯი დელ ნერი ძალიან ცოტას ლაპარაკობს და ბევრ საქმეს აკეთებს, თუმცა დგება მომენტები, როდესაც მედიისთვისაც პოულობს რამდენიმე წუთს და ჟურნალისტებთან ურთიერთობს...</p><p><br></p><p>საერთოდ, ლუიჯი დელ ნერი ძალიან ცოტას ლაპარაკობს და ბევრ საქმეს აკეთებს, თუმცა დგება მომენტები, როდესაც მედიისთვისაც პოულობს რამდენიმე წუთს და ჟურნალისტებთან ურთიერთობს. ყოველთვის ღიად საუბრობს, უშუალოა და იტალიაში ეს ძალიან მოსწონთ. როდესაც "კიევოს" მთავარი მწვრთნელის პოსტზე დიდ წარმატებას მიაღწია, ჟურნალისტმა ასეთი კითხვა დაუსვა: "აიხდინეთ ოცნება?" - ამ კითხვაზე ლუიჯიმ შემდეგი პასუხი გასცა: "არა, ახალგაზრდობიდან მოყოლებული, ჩემი ოცნება ლუჩანო პავაროტის კონცერტზე მოხვედრა გახლდათ, რაც ჯერჯერობით ვერ მოვახერხე". ამ ინტერვიუდან რამდენიმე ხანში, ლუიჯიმ პავაროტისგან პირადი მოსაწვევი მიიღო სოლო-კონცერტზე და საპატიო სტუმართა შორის მოხვდა. კონცერტის შემდეგ, დელ ნერიმ ემოციები ვერ დამალა და განაცხადა, ასეთ რამეზე ოცნებასაც ვერ გავბედავდი, დიდმა ტენორმა პირადად მიმიწვია კონცერტზე და საპატიო სტუმართა შორის ვიჯექიო. მიუხედავად იმისა, რომ დიდ წარმატებებს მიაღწია და საქვეყნოდ გაითქვა სახელი, ის ყოველთვის სიამაყით აცხადებს, რომ ერთი პატარა იტალიური სოფლიდან არის წამოსული, სადაც ერთ მშვენიერ დღეს აუცილებლად დაბრუნდება. დღეს კი "იუვენტუსის" მთავარი მწვრთნელია, ყველაზე პოპულარული და ტიტულოვანი გუნდის მთელს ქვეყანაში...</p><p>ყველაზე უკეთ ლუიჯი დელ ნერის მინიმუმისგან მაქსიმუმის მიღება ეხერხება. ანუ, მას შეუძლია საშუალოზე დაბალი კლასის ფეხბურთელებისგან დიდ წარმატებას მიაღწიოს. ბუნებრივია, შემდეგ უკვე იმ ფეხბურთელებსაც ედებათ ფასი და ბევრი ვარსკვლავურ სტატუსსაც იღებს. გავიხსენოთ მისი "კიევო" და შესანიშნავი აღმასვლა, რომელმაც მთელი იტალია და ევროპა გააოგნა. "მფრინავმა ვირებმა" საოცარი სეზონი ჩაატარეს და ოთხეულში მოხვდნენ. მთელი სეზონის განმავლობაში ლიდერებში გახლდნენ, ჩემპიონატის პირველ წრეში კი სულაც პირველ-მეორე ადგილზე ტრიალებდნენ. დელ ნერის სრულიად უცნობი ფეხბურთელები ჰყავდა, რომლებმაც სწორედ მაშინ გაითქვეს სახელი. ბევრს შემდეგ ამბიცია მოეძალა და გაცილებით უფრო ძლიერ გუნდში გადავიდა, თუმცა როგორც გამოჩნდა, მათი კარგად თამაშის საიდუმლო სწორედ დელ ნერიში იყო. გავიხსენოთ თუნდაც ბერნარდო კორადი, რომელიც რომის "ლაციომ" იყიდა, თუმცა დღეს უკვე თამამად შეგვიძლია განვაცხადოთ, რომ დედაქალაქელები სულ ტყუილად დაიხარჯნენ.</p><p>დაახლოებით ანალოგიური რამ მოხდა დელ ნერის "სამპდორიაში" მოღვაწობის პერიოდში. გენუელებს ჰყავდათ მხოლოდ ერთი ევროპული მასშტაბის ვარსკვლავი, ანტონიო კასანო და ერთიც ძალიან კარგი ფორვარდი, ჯამპაოლო პაცინი. დანარჩენებზე შეგვიძლია ვთქვათ საშუალო იტალიური დონის ფეხბურთელები, რომლებიც ნებისმიერ გუნდში მრავლად მოიძებნება. თუნდაც ნახევარდაცვა ავიღოთ: პოლი, გუბერტი, პალომბო - ვერც ერთზე ვერ ვიტყვით თუ როგორ თამაშობენ, რა ხელწერა აქვთ და საერთოდ, რა უნდათ მოედანზე. პალომბო სახელგავარდნილი ფეხბურთელია, მას ხშირად იწვევდა ნაკრებში მარჩელო ლიპი, მაგრამ ალბათ მხოლოდ იმიტომ, რომ ის ლიპი გახლავთ, ვისი საკადრო პოლიტიკაც ვერანაირ ლოგიკაში ვერ ჯდება. პალომბობ დიდი წვლილი შეიტანა "სამპას" აღმასვლაში, მაგრამ ანალოგიურად კარგად იასპარეზეს იმავე პოლიმ და გუბერტიმ. და როგორც ზემოთ აღვნიშნეთ, ის რომ დელ ნერის ხელში ფეხბურთელი შესანიშნავად თამაშობს, არ ნიშნავს, რომ სხვაგანაც გაიბრწყინებს. ერთი სიტყვით, დელ ნერი მწვრთნელი გამოცანაა და ტყუილად არ შეარქვა მას "გაძეტა დელო სპორტმა" შემდეგი მეტსახელი: "მინიმუმიდან მაქსიმუმი".</p><p>როგორი იქნება მისი ტურინული მოღვაწეობა, დღეს ძალიან რთული სათქმელია. ძალიან ენერგიულად შეუდგა საქმეს და როგორც თვითონ აცხადებს, ისეთი მოტივირებულია, როგორც არასდროს. ზემოთ ტყუილად არ აღგვიიშნავს, რომ ხანდახან ის ჟურნალისტებისთვისაც იცლის. მოვუსმინოთ სინიორ ლუიჯის:</p><p>"მოტივაციის ნაკლებობას არასდროს ვუჩივოდი, მაგრამ დღეს ენთუზიაზმი კიდევ უფრო დიდი მაქვს. "კიევოში" მიღწეული წარმატების შემდეგ, გარკვეული პაუზა მქონდა და ერთი პერიოდი ფეხბურთიდან წასვლაზეც კი დავფიქრდი, მაგრამ საბედნიეროდ არ გადავდგი ეს ნაბიჯი და დღეს აქ ვარ, ტურინის "იუვენტუსში". საოცარი პერიოდი გავატარე "სამპდორიაში" და სწორედ გენუელთა დამსახურებაა, რომ დღეს ყველაზე ტიტულოვანი იტალიური გუნდის მთავარი მწვრთნელი ვარ".</p><p>დელ ნერიმ "სამპდორია" ჩემპიონთა ლიგაში გაიყვანა და ისე დატოვა გუნდი. შესაბამისად, "კალჩომერკატოს" ჟურნალისტს ლოგიკური კითხვა გაუჩნდა: "არ გაგიჭიდათ გენუის დატოვება, თქვენ ხომ შეგეძლოთ საკუთარი მიღწევით დამტკბარიყავით და გუნდი ჩემპიონთა ლიგაში გაგეყვანათ?" - აქვე პასუხი: "რა თქმა უნდა შემეძლო და ძალიან მწყდება გული, რომ "სამპდორია" დავტოვე. ცხოვრებაში დგება ისეთი დრო, როდესაც არჩევანი უნდა გააკეთო და სწორედ ასეთ სიტუაციაში აღმოვჩნდი. ერთი მხრივ "სამპა", ჩემპიონთა ლიგა და გარემო, სადაც თავს იდეალურად ვგრძნობდი და მეორე მხრივ, ტურინის "იუვენტუსი", ევროპული ფეხბურთის გრანდი. გადავწყვიტე "ბიანკონერის" ჩავდგომოდი" სათავეში, რადგან კაცმა არ იცის, მომეცემოდა თუ არა ამის შანსი მომავალში. ისეთი დიდი კლუბია, როგორიც "იუვენტუსია", ევროპაში თითზე ჩამოსათვლელია, მწვრთნელი კი ძალიან ბევრი და როდესაც შანსი მოგეცემა, უარი არ უნდა თქვა. სწორედ ამ ლოგიკიდან გამოვედი და თანდათან ვრწმუნდები, რომ აბსოლუტურად სწორი გადაწყვეტილება მივიღე. ბევრმა ჩათვალა, რომ ჩემი გადაწყვეტილების მიზეზი "სამპდორიას" უპერსპექტივობა გახლდათ. ანუ, ის, რომ გენუურ გუნდს ორ ფრონტზე თანაბარი წარმატებით ბრძოლა არ შეეძლო და განწირული იყო და თითქოს ჩაძირული გემიდან გამოვიქეცი... ასე ნამდვილად არ არის, პირიქით, მე ზუსტად მქონდა წარმოდგენილი, როგორი უნდა ყოფილიყო მომდევნო სეზონში "სამპა", რომ სერია A-სა და ჩემპიონთა ლიგაში თანაბარი წარმატებით ეთამაშა. თუმცა დღეს ეს ჩემი საქმე აღარ არის და ყველანაირი კონკრეტიკისგან თავს შევიკავებ".</p><p>რას ისახავს დელ ნერი მიზნდად და რისი მიღწევა სურს პირველივე სეზონში? - ამაზე საკმაოდ საინტერესოდ საუბრობს: "შეიძლება არ დამიჯეროთ, მაგრმ არასდროს დამისახავს გეგმები სატურნირო ცხრილის გადმოსახედიდან. არასდროს მითქვამს, რომ ჩვენი მიზანი ჩემპიონობაა, ან ჩემპიონთა ლიგის ზონაში მოხვედრა. უბრალოდ, ვცდილობ ბრძოლისუნარიანი გუნდი გავაკეთო, რომელსაც ნებისმიერი მეტოქის დამარცხება შეუძლია. სწორედ ამ მიზნით მოვედი ტურინში და ეს იქნება ჩემი ამოსავალი წერტილი. ხშირად ამბობენ, რომ მწვრთნელმა მთელ სეზონზე ძალები უნდა გაანაწილოს, შესაძლოა სადღახც ჩავარდნა დაუშვა, ოდნავ მოდუნდე, რომ შემდეგ, ყველაზე საჭირო დროს მაქსიმალური შედეგი მიიღო. ასეთი საუბრები ყოველთვის მაკვირვებდა, რადგან ვერ წარმომიდგენია, როგორ უნდა მოადუნო გუნდი და არ მოსთხოვო მას მაქსიმუმი. ეს გამორიცხულია, ჩემი გუნდები თითოეულ შეხვედრაში მხოლოდ გამარჯვებისთვის იბრძვიან და ნაკლებად მაინტერესებს, სეზონის სტარტია, შუაწელი, თუ ფინიში".</p><p>დელ ნერი ხშირად იცვლის კლუბებს და დიდ ხანს ფაქტობრივად არსად არ ჩერდება. ბოლოს სწორედ ამ საკითხზე ისაუბრა: ტურინში თუ მაინც აპირებს დიდი ხნით გაჩერებას და თუ არა, მაშინ რა გეგმები აქვს? - მოვუსმინოთ ლუიჯის საფინალო სიტყვას: "ტურინში ერთი და ორი წლით ნამდვილად არ ჩამოვსულვარ და იმედია, ჩემი სურვილები და მიზნები რეალობად იქცევა. მსურს "ბიანკონერის" ისტორიაში ახალი ერა დავიწყო, რომელიც ძალიან წარმატებული და ტიტულებით დახუნძლული იქნება. ამის რესურსს ვხედავ და ასე რომ არ იყოს, დღეს აქ არ ვიქნებოდი. მთავარია, ყველანი გავერთიანდეთ ერთი მიზნის ქვეშ და შედეგი არ დაახანებს".</p>
"რა კრიზისზე საუბრობთ? მათ ხომ კონტე ჰყავთ" - კაპელომ "ნაპოლიზე" ისაუბრა
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
ზირკზე კვლავ სერია A-ში? - მოლაპარაკებები უკვე დაწყებულია
"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის
ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის
სანდრო ალთუნაშვილი "ჰაპოელის" ფეხბურთელი გახდა
ოფიციალურად - "ლიონმა" "რეალისგან" ენდრიკი ინათხოვრა
სპორტის სამინისტრომ 2025 წლის საუკეთესო სპორტსმენები დაასახელა
პსჟ-ს ტრავმის გამო შემტევი გამოაკლდა
ლევან კობიაშვილმა ფიფას კომიტეტის სხდომას უხელმძღვანელა
ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს
პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული
18-წლამდელთა ნაკრები გიორგი ნემსაძემ ჩაიბარა
წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს
მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს
"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე
"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა
"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე
გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს
[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა
ზირკზე კვლავ სერია A-ში? - მოლაპარაკებები უკვე დაწყებულია
[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა
მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს