<p>წლის უკანასკნელმა ტურმა ერნესტო ვალვერდეს გუნდს საჩემპიონო გზა მოუწმინდა <br> წლის უკანასკნელმა ტურმა ერნესტო ვალვერდეს გუნდს საჩემპიონო გზა მოუწმინდა - თავად ურთულესი კლასიკო იოლად მოიგო და მისმა ორმა "მდევარმაც" წააგო.</p><p>მიუხედავად იმისა, რომ ლა ლიგას ჯერ ეკვატორიც არ გადაულახავს, ბასკი სპეციალისტის გუნდმა ძალიან უნდა "მოინდომოს", რომ ეს საჩემპიონო შანსი ხელიდან გაუშვას.</p><p><span style="color: #3366ff;"><strong>ელ კლასიკო</strong></span></p><p>"მარკას" მთავარი სათაური იუწყებოდა, რომ "რეალმა" ლა ლიგა წააგო. მართლაც, ტიტულის შენარჩუნების შანსი მიზერულია, მიუხედავად იმისა, რომ ზინედინ ზიდანი დანებებას არ აპირებს. ახლა ბევრი რამ მასზე აღარც არის დამოკიდებული.</p><p>მადრიდის "რეალმა" ვერაფერი დაუპირისპირა "ბარსელონას", რომელმაც პირველი ტაიმი პრაგმატულად ჩაატარა, ხოლო მეორეში მიღებული უპირატესობა გამოიყენა - "ელ კლასიკო" "მტრის" მოედანზე მოიგო 3:0.</p><p>54-ე წუთზე ბუსკეტსის მიერ დაწყებული კონტრშეტევა რაკიტიჩმა გააგრძელა, რომელმაც სერხი რობერტო მოძებნა. მარჯვენა მცველმა უმეთვალყურეოდ დატოვებული ლუის სუარესი მოძებნა და ურუგვაელმაც ლა ლიგაში მე-10 გოლი გაიტანა.</p><p>63-ე წუთზე პაულინიოს გოლის გატანაში დანი კარვახალმა ხელი შეუშალა, მაგრამ ეს ხელით გააკეთა და პენალტი ლეო მესიმ გოლად აქცია.</p><p>მატჩის ბოლო წამებზე შეცვლაზე შესულმა ალეიშ ვიდალმა მესის პასით წერტილი დაუსვა "რეალის" ტანჯვას, თუმცა უნდა ითქვას, რომ გოლი არ უნდა ჩათვლილიყო - არგენტინელმა ბურთი გვერდითი ხაზის გადაკვეთის შემდეგ შემოაბრუნა თამაშში.</p><p>ორივე გუნდმა 2-2 ფორვარდით სცადა ფონს გასვლა, რამაც მოედნის შუაში უდიდესი სიმჭიდროვე შექმნა. პირველ ტაიმში "რეალი" ამით სარგებლობდა და ბურთი თითქმის სულ ჰქონდა, მაგრამ მეორეში "ბარსამ" "რეალის" ყველა სისუსტე სათავისოდ გამოიყენა.</p><p>უცნაური იყო ზიდანის გადაწყვეტილებაც - შემტევი ისკოს ნაცვლად, კოვაჩიჩი გამოიყვანა. ამის გამო რონალდოს ლამის მარტო უწევდა წინ ფონს გასვლა, რადგან ბენზემა ისევ ვერ არის ფორმაში.</p><p>პირველ ტაიმში ისევე, როგორც ლამის მთელი სტუმართა გუნდი, ჩრდილში იყო მესიც, თუმცა ერთი მწვავე პასი მაინც გამოუვიდა, მეორეში კი არგენტინელმაც გაილაღა.</p><p>ძნელად თუ ნახავთ კლასიკოს, რომელსაც ასეთი გამოკვეთილი ანტიგმირი ჰყოლია - დანი კარვახალი. მატჩამდე ექსპერტები უფრო "ბარსას" მარჯვენა მცველის პოზიციას მიიჩნევდნენ მთავარ სისუსტედ, ვალვერდეს ურჩევდნენ, სერხი რობერტოს ნაცვლად სემედუ დაეყენებინა, რომ მარსელოსა და რონალდოს ფლანგი არ აეკლოთ. პირიქით კი მოხდა - სერხი რობერტომ შესანიშნავად ითამაშა და საგოლე პასიც მიითვალა. აი, დანი კარვახალმა კი...</p><p>პირველ ტაიმში, როცა "რეალს" უპირატესობა ჰქონდა, კარვახალი უცნაური ჩაწოდებებით და პასებით "გამოირჩა", მეორეში კი ლუის სუარესი ფლანგზე სრულიად უმეთვალყურეოდ დატოვა, შემდეგ კიდევ ჩაუვარდა ფლანგი, რისი გამოსწორებაც მეკარის ილეთით სცადა და "რეალი" 10 კაცის ამარა დატოვა.</p><p>კარვახალმა კიდევ ერთი რამ დააშავა - ზიდანი სამეულის (ასენსიო, ბეილი, ისკო) გამოყვანას აპირებდა და მწვრთნელს გეგმები ჩაუშალა.</p><p><span style="color: #3366ff;"><strong>გაკვეთილი ყველასთვის</strong></span></p><p><strong>ერნესტო ვალვერდე </strong>(ბარსელონა): "ერთ კონკრეტულ მატჩში შეიძლება "ბარსამ" აჯობოს "რეალს" ან პირიქით, მაგრამ ჩვენი გუნდები თანაბარი კლასის არიან. ეს კარგი გაკვეთილი უნდა იყოს ყველასათვის. სეზონის წინ "რეალი" ძალიან კარგად თამაშობდა და აშკარად გვჯობდა, ახლა კი ჩვენ ვაჯობეთ. ფეხბურთში ბევრი ასეთი მომენტია - აღმართს დაღმართი მოჰყვება. ასე რომ, ეს მაგალითია ჩვენთვისაც სამომავლოდ. ჯერ სეზონის ნახევარია გასული, არცკი...</p><p>მეტოქეს რეზერვში ერთი თამაში აქვს და წინ კიდევ ბევრი წინაღობაა. დიახ, კარგად დავწინაურდით, მაგრამ ეს არაფრის გარანტია არ არის. "რეალმა" თამაში კარგად დაიწყო. მათ ბურთი არ დაგვითმეს, ჩვენი მცდელობების მიუხედავად.</p><p>"რეალმა" თავს ისეთი თამაში მოგვახვია, რომელშიც უკეთესია. თუმცა შანსები ჩვენც გვქონდა. საერთო ჯამში, მძიმე მატჩი გამოდგა. მეორე ტაიმი ჩვენი იყო, ბურთს ვაკონტროლებდით. კარგია, რომ 2:0-ზეც არ ჩავთვალეთ, რომ თამაში მოგებული იყო. სხვათა შორის, "რეალს" 10 კაცით მეტი შანსი ჰქონდა, ვიდრე, როცა 11 კაცით თამაშობდა.</p><p>სერხიო ბუსკეტსი საოცრად ეხმარება დაცვას და ამავე დროს, წინაც სასარგებლოა. ის დღეს ბრწყინვალე იყო".</p><p><p><div class="ws_video" id="10854" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2017/12-23/real-0-3-barca.jpg" border="0" alt="Sportall.Ge" title="ლა ლიგა. XVII ტური: სამეფო კაპიტულაცია [VIDEO]" /></p><p><span style="padding: 2px; display: block;">23.12.17. რეალი - ბარსელონა 0:3</span></div></p></p><p><span style="color: #3366ff;"><strong>ზიდანი: არაფერს შევცვლი!</strong></span></p><p><strong>ზინედინ ზიდანი</strong> (რეალი): "შეცდომა დავუშვით და კარს ძალიან ცუდად ვიცავდით, ამ დონეზე კი ასეთი შეცდომა მიუტევებელია. არ ვაპირებთ პანიკაში ჩავარდნას. დიახ, ძალიან მძიმე მარცხია, მაგრამ ის უნდა მივიღოთ. შესაცვლელი კი გუნდში არაფერია. ძალიან კარგად დავიწყეთ და პირველი ტაიმი თანაბარი იყო. ამიტომაც უფრო მძიმეა ეს წაგება ჩვენთვის.</p><p>რას ვიზამთ, ასეთია ფეხბურთი. მიუხედავად 14-ქულიანი ჩამორჩენისა, ჩვენ არ დავნებდებით, რადგან "რეალი" არასდროს ნებდება. ახლა არდადეგებზე გავდივართ და არ უნდა ვიფიქროთ ამაზე. ოჯახებს დავუთმობთ დროს და შემდეგ დავბრუნდებით, არაფერია დასრულებული.</p><p>შემადგენლობას მე ვასახელებ და მე ვარ პასუხისმგებელი. სულ ეს არის. კოვაჩიჩს ლეო მესი უნდა დაეკეტა და მან ამ საქმეს თავი წარმატებით გაართვა. ფეხბურთია და ასეთები ხდება. ამის მერე კიდევ უფრო ძნელი გახდა თამაშში დაბრუნება".</p><p><span style="color: #3366ff;"><strong>ფაქტები</strong></span></p><p><ul> <li>ლიონელ მესი ისედაც კლასიკოების ყველა დროის საუკეთესო ბომბარდირი იყო, ახლა კი მან რეკორდული, 25-ე გოლი გაიტანა.</li> </ul> <ul> <li>ლეო მესიმ "ბარსელონას" მაისურით 526-ე გოლი გაიტანა. ეს ახალი რეკორდია - აქამდე ერთი კლუბის მაისურით ევროპის ტოპ-5 ლიგაში გერმანელ გერდ მიულერს ეკუთვნოდა, ვინც "ბაიერნის" მაისურით 525 ოფიციალური გოლი გაიტანა.</li> </ul> <ul> <li>ლეო მესიმ "ბარსელონას" მაისურით მე-200 საგოლე პასი გააკეთა.</li> </ul> <ul> <li>ლეო მესიმ "ბერნაბეუზე" თავისი მე-15 გოლი გაიტანა.</li> </ul> <ul> <li>ლეო მესიმ ლა ლიგაში 17 გოლი გაუტანა "რეალს", ყველაზე მეტი ისტორიაში.</li> </ul> <ul> <li>ლიონელ მესი ერთადერთი ფეხბურთელია, რომელმაც ლა ლიგის ზედიზედ 10 სეზონში 15 და მეტი გოლის გატანა შეძლო.</li> </ul> <ul> <li>"ბარსელონამ" ზედიზედ მესამე კლასიკო მოუგო "რეალს" "სანტიაგო ბერნაბეუზე", ეს კი ისტორიაში პირველად მოხდა.</li> </ul> <ul> <li>ლუის სუარესმა "რეალს" ლა ლიგაში მე-5 გოლი გაუტანა. რაც ურუგვაელი "ბარსელონაში" თამაშობს, ეს გუნდის საუკეთესო შედეგია.</li> </ul> <ul> <li>ამ სეზონში ქარიმ ბენზემამ უფრო მეტჯერ ძელს გაარტყა (6) ბურთი, ვიდრე გაიტანა (5).</li> </ul> <ul> <li>თუ თომას ვერმალენი თამაშობს, "ბარსა" ლა ლიგაში თამაშს არ აგებს - 16 თამაში, 13 მოგება, 3 ფრე.</li> </ul> <ul> <li>ლუის სუარესმა ლა ლიგის მე-70 000 გოლი გაიტანა.</li> </ul> <ul> <li>"რეალმა" ზიდანის ხელში "ელ კლასიკოზე" ყველაზე დიდი ანგარიშით დათმო.</li> </ul></p><p><span style="color: #3366ff;"><strong>სხვა მატჩები</strong></span></p><p>დიეგო სიმეონეს "ატლეტიკომ" სეზონში პირველად წააგო. ეს ბარსელონაში მოხდა, სადაც კიკე ფლორესის "ესპანიოლმა" 1:0 იმარჯვა. მატჩის მიწურულს "ატლეტიკო" სერხიო გარსიამ დაამწუხრა. "ატლეტიკოს" შემტევმა დუეტმა - გრიზმანი-ტორესი - ვერაფერი შექმნა.</p><p><p><div class="ws_video" id="10858" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2017/12-23/atletiko.jpg" border="0" alt="Sportall.Ge" title="ლა ლიგა. XVII ტური: სამეფო კაპიტულაცია [VIDEO]" /></p><p><span style="padding: 2px; display: block;">23.12.17. ესპანიოლი - ატლეტიკო 1:0</span></div></p></p><p>"ვალენსიამ" ვერ ისარგებლა მადრიდელთა ფეხის დაცდენით და ვალენსიის მხარის დერბიში 0:1 წააგო "ვილიარეალთან". "ყვითელ წყალქვეშა ნავს" კარლოს ბაკამ მოაგებინა და, თამამად შეიძლება ითქვას, რომ "ვალენსიას" სიმონე ძაძამ წააგებინა, რომელმაც ჯერ ხელსაყრელი მომენტი გაანიავა, მერე მსაჯს თავი გააძევებინა.</p><p><p><div class="ws_video" id="10857" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2017/12-23/valencia.jpg" border="0" alt="Sportall.Ge" title="ლა ლიგა. XVII ტური: სამეფო კაპიტულაცია [VIDEO]" /></p><p><span style="padding: 2px; display: block;">23.12.17. ვალენსია - ვილიარეალი 0:1</span></div></p></p><p><span style="color: #3366ff;"><strong>ფაქტები</strong></span></p><p><ul> <li>კიკე სანჩეს ფლორესმა (ესპანიოლი) დიეგო სიმეონე (ატლეტიკო) სამწვრთნელო კარიერაში პირველად დაამარცხა.</li> </ul> <ul> <li>"ატლეტიკომ" ლა ლიგაში საგარეო მატჩი 2016 წლის დეკემბრის მერე პირველად წააგო.</li> </ul> <ul> <li>ატლეტიკომ ლა ლიგის ბოლო 16 თამაშიდან 15-ში პირველ ტაიმში გოლი არ გაუშვა.</li> </ul> <ul> <li>2017 წელს ლა ლიგის მწვრთნელებს შორის ყველაზე მეტი გოლი კიკე სეტიენის გუნდებმა (ლას პალმასი, ბეტისი) გაუშვეს - 81.</li> </ul> <ul> <li>ტაკაში ინუიმ (ეიბარი) 41-ე წამზე გაიტანა. ეს ამ სეზონის ყველაზე სწრაფი გოლია.</li> </ul> <ul> <li>აბელარდოს მეთაურობით "ალავესმა" 4 მატჩიდან 3 მოიგო. ეს მეტია, ვიდრე ზუბელდიას, კაბელიოსა და დე ბიაზრის ხელმძღვანელობით ერთად წინა 13 ტურში - 2 მოგება.</li> </ul> <ul> <li>დავიდ ტიმორმა "ჟირონას" პირველი გოლი გაიტანა საჯარიმო დარტყმით ლა ლიგის ისტორიაში.</li> </ul> <ul> <li>კარლოს ველა (რეალ სოსიედადი) მეორე მექსიკელია ლა ლიგაში, როგორც თამაშების, ისე გოლების მიხედვით - 252 თამაში და 69 გოლი. პირველი უგო სანჩესია - 347 თამაში, 234 გოლი.</li> </ul> <ul> <li>ინიგო მარტინესის (რეალ სოსიედადი) 10 გოლიდან ლა ლიგაში "ანოეტაზე" 7 თავური იყო.</li> </ul> <ul> <li>ბოლო 32 ტურია, "ლას პალმასს" კარი მშრალად ვერ შეუნახავს.</li> </ul> <ul> <li>მადრიდის "ატლეტიკომ" ლა ლიგაში ამ სეზონში პირველი მარცხი განიცადა.</li> </ul></p><p><span style="color: #3366ff;"><strong>ლა ლიგა. XVII ტური</strong></span></p><p><em><strong>ლევანტე-ლეგანესი 0:0</strong></em></p><p>გაძევება: ამრაბატი (68. ლეგანესი), კამპანია (94. ლევანტე, მოედანზე არ იყო)</p><p><em><strong>ხეტაფე-ლას პალმასი 2:0</p><p></strong></em>გოლები: 1:0 კალა (6), 2:0 დიედიუ (15)</p><p><em><strong>სოსიედადი-სევილია 3:1</p><p></strong></em>გოლები: 1:0 ი. მარტინესი (17), 1:1 ბენ იედერი (44), 2:1 ზუბელდია (76), 3:1 ველა (90)</p><p>რეალ სოსიედადი (4-3-3): რული - ოდრიოზოლა, რ. ნავასი, დ. ლორენტე, ი. მარტინესი - ჩაბი პრიეტო, ილიარამენდი, ზურუტუზა (76. ზუბელდია) - იანუზაი (60. ოიარზაბალი), ვილიან ჟოზე, კანალესი (78. ველა)</p><p>სევილია (4-3-3): სორია - კორშია (81. ნოლიტო), კიაერი, გაისი, ესკუდერო - განსო (64. ფ. ვასკესი), პისარო, ბანეგა - სარაბია, ბენ იედერი, კრონ-დელი (81. მურიელი)</p><p><em><strong>ეიბარი-ჟირონა 4:1</p><p></strong></em>გოლები: 1:0 ინუი (1), 2:0 შარლესი (10), 2:1 ტიმორი (26), 3:1 ინუი (54), 4:1 ჟორდანი (92)</p><p><em><strong>ალავესი-მალაგა 1:0</p><p></strong></em>გოლები: 1:0 ელ ჰადადი (60)</p><p><em><strong>ბეტისი-ბილბაო 0:2</p><p></strong></em>გოლები: 0:1 რაულ გარსია (36-პენ), 0:2 ფედალი (85 ს.კ.)</p><p>ბილბაო (4-2-3-1): ერერინი - ლეკუე, ნუნიესი, ლაპორტი, საბორიტი - იტურასპე, მ. რიკო - დე მარკოსი, რაულ გარსია (84. ბენიატი), სუსაეტა (91. კორდობა) - ვილიამსი (71. ადურისი)</p><p>გაძევება: ამატი (34. ბეტისი)</p><p><em><strong>ესპანიოლი-ატლეტიკო 1:0</p><p></strong></em>გოლი: 1:0 ს. გარსია (88)</p><p>ატლეტიკო (4-4-2): ობლაკი - ვრსალიკო, სავიჩი, გოდინი, ფილიპე ლუიში - საულ ნიგესი, თომასი (63. ა. კორეა), გაბი (85. ა. ფერნანდესი), კოკე - ფ. ტორესი (70. გამეირო), გრიზმანი</p><p><em><strong>რეალი-ბარსელონა 0:3</p><p></strong></em>გოლები: 0:1 ლ. სუარესი (54), 0:2 მესი (64-პენ), 0:3 ა. ვიდალი (93)</p><p>რეალი (4-4-2): კ. ნავასი - კარვახალი, ს. რამოსი, ვარანი, მარსელო - მოდრიჩი, კაზემირო (72. ასენსიო), კროოსი, კოვაჩიჩი (72. ბეილი) - რონალდო, ბენზემა (66. ნაჩო)</p><p>ბარსელონა (4-4-2): ტერ შტეგენი - ს. რობერტო (92. ა. ვიდალი), პიკე, ვერმალენი, ალბა - რაკიტიჩი, პაულინიო (84. ანდრე გომეში), ბუსკეტსი, ინიესტა (77. სემედუ) - მესი, ლ. სუარესი</p><p>გაძევება: კარვახალი (63)</p><p><em><strong>ვალენსია-ვილიარეალი 0:1</p><p></strong></em>გოლი: 0:1 ბაკა (24)</p><p>ვალენსია (4-4-2): ნეტო - მონტოია, გაბრიელი, გარაი, ლატორე (69. მინა) - გედეში, პარეხო, კონდოგბია, ა. პერეირა - როდრიგო, ძაძა</p><p>გაძევება: ძაძა (60), ტრიგეროსი (83. ვილიარეალი)</p><p><em><strong>დეპორტივო-სელტა 1:3</strong></em></p><p>გოლები: 0:1 ვასი (3), 0:2 ასპასი (40), 0:3 ასპასი (53), 1:3 ანდონე (59)</p><p><span style="color: #3366ff;"><strong>ბომბარდირები</strong></span>: 15 - ლიონელ მესი (ბარსელონა); 11 - იაგო ასპასი (სელტა); 10 - ლუის სუარესი (ბარსელონა), სიმონე ძაძა (ვალენსია); 9 - სედრიკ ბაკამბუ (ვილიარეალი), კრისტიან სტუანი (ჟირონა); 8 - როდრიგო (ვალენსია).</p><p><strong>მომდევნო ტური</p><p></strong>6 იანვარი: ატლეტიკო-ხეტაფე, ვალენსია-ჟირონა, ლას პალმასი-ეიბარი, სევილია-ბეტისი</p><p>7 იანვარი: ლეგანესი-რეალ სოსიედადი, ბარსელონა-ლევანტე, ვილიარეალი-დეპორტივო, ბილბაო-ალავესი, სელტა-რეალი</p><p>8 იანვარი: მალაგა-ესპანიოლი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
მორწვი
ამ ზიდანის ოპტიმისტობა მარაზმში გადადის, მართალია არ იტყვის დავთმეთ ჩმეპიონობაო მაგრამ ის მაინც თქვას რომ გავიჭირდებაო.
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"ძალიან მეცოდება" - უმტიტიმ ვინისიუს ჟუნიორზე ისაუბრა
"თუ სიმეონეს გუნდი თამაშობს, ტელევიზორს სხვა არხზე ვრთავ" - არგენტინის ნაკრების ყოფილი მწვრთნელი
პსჟ-სთან მატჩამდე - მიქაუტაძის და "ვილიარეალის" გამოუყენებელი შანსები და მარცხი "ესპანიოლთან"
ვალვერდე: უკეთესია, ხალხმა ჩემსა და მესიზე სიმართლე არ იცოდეს
გულიაშვილი არ ათამაშეს - "რასინგმა" "ესპანიოლს" მოუგო
[VIDEO] 5 ყვითელი და 1 წითელი ბარათი - "მადრიდულ დერბიში" "ატლეტიკომ" "რეალი" დაამარცხა
[VIDEO] ვინისიუსმა "ბარსელონას" ჩემპიონობა გადაუდო
[VIDEO] სიტყვები უბრალოდ ზედმეტია - მესის ორი გენიალური გოლი 4 წუთში
[VIDEO] ქოჩორაშვილი თავის დაზღვევის მიზნით შეცვალეს - კაცნაკლულმა "სევილიამ" "ესპანიოლთან" გამარჯვება ხელიდან გაუშვა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
მთავარი კანდიდატი გამოიკვეთა - "ბილბაოს" სავარაუდოდ, ტერზიჩი ჩაიბარებს
[VIDEO] გიულერის ბრწყინვალე მატჩი და ვალვერდეს გასროლა - "რეალმა" ზედიზედ მერვე გამარჯვება მოიპოვა
"ვალენსიამ" 2012 წლის შემდეგ მე-11 მწვრთნელი გადააყენა
[VIDEO] "ბარსელონამ" "ატლეტიკოს" თამაში შემოუტრიალა
ოფიციალურად: საფრანგეთის ნაკრების მთავარ მწვრთნელად ზინედინ ზიდანი დანიშნეს
[VIDEO] წიტაიშვილი ლა ლიგაში პირველ გოლთან ახლოს იყო - "რაიო ვალეკანომ" "ესპანიოლს" მოუგო
ისევ ყოფილ კლუბში - ერნესტო ვალვერდე სამწვრთნელო საქმიანობას დაუბრუნდა
"ჩემი ფეხბურთელები თითქოს ხულიგნები იყვნენ" - ბენინის ნაკრების მწვრთნელის ასისტენტი არგენტინელების მოქმედებით უკმაყოფილო დარჩა
"რეალს" ახალი მეკარე ეყოლება?
[VIDEO] "ბარსელონა" შეუჩერებელია, "არსენალმა" ისევ გაიმარჯვა, "ბაიერნი" "ვიკინგთან" ფრეს დასჯერდა
თავისი კადრები ეყოლება - ზიდანს საფრანგეთის ნაკრებში ბარტეზი მიყავს
[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა
საფრანგეთის ნაკრებს მუნდიალის შემდეგ ზინედინ ზიდანი ჩაიბარებს
ტერზიჩი "ატლეტიკს" გაწვრთნის
"ამჟამად "რეალი" უფრო ძლიერია, ვიდრე პსჟ" - მარკ კუკურელია
"ასეთი რაღაცების გაკეთება არ შემიძლია" - ბელინგემმა საკუთარ უნარებზე ისაუბრა
"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი
"ასე ჩემპიონთა ლიგის მოგება ძალიან გაუჭირდებათ" - კროოსმა "ბარსელონაზე" ისაუბრა
[VIDEO] "ბარსელონამ" "ასტონ ვილა" დაამარცხა, "ბაიერნმა" "ატლეტიკო" - "მანჩესტერ იუნაიტედმა" "რომას" თამაში შემოუტრიალა
"მისი მსგავსი ფეხბურთელი აღარ დაიბადება" - კასანომ მესიზე ისაუბრა
"ჩვენთვის ეს ადამიანი ღმერთთან ახლოსაა" - ტიერი ანრი
პსჟ-მ 22 მილიონად შეძენილი ფეხბურთელი მესამედ გაუშვა იჯარით
"იუვენტუსის" მწვრთნელობა? რატომაც არა" - ზიდანმა სამომავლო გეგმებზე ისაუბრა
"კარგად არ გამოიყურება" - ზიდანმა მბაპეს ტრავმის სიმძიმეზე ისაუბრა
"ბარსელონამ" რაფინიას კონტრაქტი გაუგრძელა
ლეგენდა მშობლიურ გუნდს უბრუნდება? - მესიმ შესაძლოა, კლუბი შეიცვალოს
"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა
კარასკო: გვარდიოლა ჭკვიანია და "ბარსაში" არ დაბრუნდება
"თუ ჩემი იმედი აქვს, ეს უნდა გაითვალისწინოს" - რაფინიას ულტიმატუმი ანჩელოტისა და ბრაზილიის ნაკრებს