- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ინტრიგების კასკადი
<p>ბუნდესლიგა. XXVIII ტურის წინ: დორტმუნდში ბრძოლა, მიუნხენში კლასიკა, ვოლფსბურგში ერთმანეთს თვით მაგათი და დაუმი უპირისპირდებიან <br> სანაკრებო პაუზის შემდეგ, გერმანიაში საკლუბო ფეხბურთი გაზრდილი ინტრიგით ბრუნდება. გუშინ, რალფ რანგნიკს „შალკეს“ მთავარი მწვრთნელის რანგში დებიუტი ჰქონდა. დღეს, ყურადღების ცენტრში დორტმუნდია, სადაც ლიდერი „ბორუსია“, რომელსაც ორმატჩიანი მოუგებელი სერია აქვს, მესამე ადგილზე მყოფ „ჰანოვერს“ მასპინძლობს.</p><p>მიუნხენის „ბაიერნი“ ბუნდესლიგის კლასიკაში მიონხენგლადბახის „ბორუსიას“ ხვდება და მერე რა, რომ „გლადბახი“ ბოლო ადგილზეა - თუ გადარჩენა უნდა, ამ გუნდმა უდიდესი თავგანწირვით უნდა იბრძოლოს. რომ არა „სამწვრთნელო საგიჟეთი“, კვირას „ვოლფსბურგსა“ და ფრანკფურტის „აინტრახტს“ შორის დაგეგმილი მატჩი ერთი ჩვეულებრივი შეხვედრა იქნებოდა. ახლა კი, ამ თამაშს უდიდესი ინტრიგა აქვს, რადგან ერთმანეთს თვით ფელიქს მაგათი და კრისტოფ დაუმი უპირისპირდებიან - თანაც, ორივე გუნდი გადარჩენისთვის იბრძვის.</p><p><strong>მოიგებს დორტმუნდი?</p><p></strong>„დორტმუნდმა“ ზედიზედ ორი თამაშის მოგება ვერ შეძლო (0:1 „ჰოფენჰაიმთან“, 1:1 „მაინცთან“), რის შემდეგაც, ჩემპიონობისთვის ბრძოლა ცოტათი დაიძაბა. ამ ტურის წინ, „ლევერკუზენი“ „ბორუსიას“ 7 ქულით ჩამორჩება და საკმარისია, იურგენ კლოპის ბიჭებმა „ჰანოვერთანაც“ წაიფორხილონ, ხოლო „ფარმაცევტებმა“ კი „კაიზერსლაუტერნს“ მოუგონ, რომ ვეღარავინ იტყვის, დორტმუნდელთა ჩემპიონობას „წყალი აღარ გაუვაო“. „ჰანოვერი“ კი (მით უმეტეს ამ სეზონში) ნამდვილად განეკუთვნება ისეთი კლუბების კატეგორიას, რომლებსაც „ბორუსიას“ გამწარება შეუძლიათ - მირკო სლომკას ძალიან კერკეტი გუნდი ჰყავს, რომელიც 27 ტურის შემდეგ, ყველასათვის მოულოდნელად მესამე ადგილზეა და ჩემპიონთა ლიგის საგზურისთვის იბრძვის და ცხადია, ქვემოსაქსონიელებს ამ პოზიციის შენარჩუნება სურთ.</p><p>ხუთშაბათს, გერმანიის კრიმინალისტიკურმა სამსახურმა „ვესტფალენშტადიონის“ შესასვლელებთან ასაფეთქებელი ნივთიერებები აღმოაჩინა და ამით, სავარაუდოდ, უდიდესი ტერორისტული აქტი აღკვეთა (გუშინელ ნომერში დაწვრილებით ვწერდით). მიუხედავად ამისა, თამაში არ გადადებულა - დორტმუნდის პოლიცია მობილიზებულია და ოფიციალურ განცხადებაში ნათქვამია, რომ ფანების უსაფრთხოება მაქსიმალურად იქნება გარანტირებული.</p><p>„დორტმუნდმა“ რომც წაიფორხილოს, „ლევერკუზენს“ სამი ქულა ნამდვილად არ აქვს გარანტირებული, რადგან „ფარმაცევტები“ გადარჩენისთვის მებრძოლ „კაიზერსლაუტერნს“ სტუმრობენ, „ფრიც-ვალტერ-შტადიონზე“ მოგება კი, მოგეხსენებათ, ძალიან ძნელია.</p><p><strong>კლასიკა მიუნხენში</p><p></strong>ის ფაქტი, რომ „გლადბახი“ ბოლო ადგილზეა და მეორე ბუნდესლიგაში დაქვეითების საფრთხე ყველაზე მეტად ემუქრება, „ბაიერნისა“ და მიონხენგლადბახური კლუბის კლასიკურ დუელს დამატებით ინტრიგას სძენს. დღეისათვის ქულების დაკარგვა არც მიუნხენურ გრანდს ეპატიება, რადგან რეკორდმაისტერი ჩემპიონთა ლიგის საგზურისთვის იბრძვის და არც მიონხენგლადბახურ კლუბს, რომელიც ბოლო დროს აზრზე მოვიდა, ქულების დაგროვება დაიწყო და ჯერ კიდევ აქვს გადარჩენის იმედი.</p><p>ეჭვგარეშეა ის, რომ ლუსიენ ფავრის ბიჭები „ალიანს არენაზე“ უდიდესი თავგანწირვით იბრძოლებენ და თუ რამდენად საკმარისი იქნება ეს მიუნხენიდან თუნდაც ქულის წასაღებად, ამას უშუალოდ მატჩი გვიჩვენებს. „გლადბახი“ სარელეგაციო მე-16 ადგილს 5 ქულით ჩამორჩება, რის გამოც ფავრის გუნდს მიუნხენში დიახაც 3 ქულა სჭირდება, რაც ერთი შეხედვით უტოპიად გვეჩვენება, მაგრამ მეორემხრივ, გამორიცხული არაფერია...</p><p>მთავარი თემა გადარჩენისთვის ბრძოლაა „ვერდერისა“ და „შტუტგარტის“ დაპირისპირებაშიც. ბრემენელები მე-12 ადგილზე არიან, შვაბები კი მე-15 პოზიციაზე იმყოფებიან. მათ შორის განსხვავება მხოლოდ სამი ქულაა, რაც იმას ნიშნავს, რომ ამ მატჩის წაგება ორივესთვის ძალიან ცუდი იქნებოდა. ბრემენელებს პირველი წრის მატჩის გახსენებაც კი არ სურთ - „შტუტგარტმა“ „ვერდერი“ საკუთარ მოედანზე 6:0 გაანადგურა. „მუსიკოსებს“ შურისძიებისთვის ბრძოლა მთავარი გოლეადორის, კლაუდიო პისაროს გარეშე მოუწევთ - პერუელი თავდამსხმელი დისკვალიფიცირებულია. შვაბთა თავკაც ბრუნო ლაბადიას კი კაკაუ და ბოკა გამოუჯანმრთელდნენ.</p><p>მაინცის „ბრუხვეგშტადიონზე“ ერთმანეთს ადგილობრივი გუნდი და „ფრაიბურგი“ დაუპირისპირდებიან. ეს გუნდები არც ჩემპიონობისთვის იბრძვიან და არც გადარჩენისთვის, სამაგიეროდ, საუკეთესო ხუთეულში მოსახვედრად იბრძვიან - მაინცელებიც და ფრაიბურგელებიც ევროპის ლიგის საგზურზე ოცნებობენ. „მაინცი“ სწორედ მეხუთე ადგილზეა და „ფრაიბურგი“ თომას ტუხელის გუნდს შვიდი ქულით ჩამორჩება, რაც იმას ნიშნავს, რომ „ფრაის“ დღეს მხოლოდ გამარჯვება აწყობს. თუ ბრაისგაუელები „ბრუხვეგშტადიონიდან“ სამ ქულას ვერ წაიღებენ, სეზონის დარჩენილი მატჩების მშვიდად, ყოველგვარი ნერვიულობის გარეშე ჩატარება მოუწევთ და მთავარი მწვრთნელი რობინ დუტი, რომელიც ზაფხულში „ლევერკუზენს“ ჩაიბარებს, ფრაიბურგის პუბლიკას ნერვაუტოკებლად დაემშვიდობება.</p><p><strong>იონინგს პოსტის შენარჩუნება უნდა</p><p></strong>შაბათის საღამოს მატჩი „ჰოფენჰაიმისა“ და „ჰამბურგის“ ჯახია. იმ დროს, როცა „ჰოფენჰაიმს“ პრაქტიკულად არაფრის შანსი აღარ აქვს და არც ელიტიდან გავარდნის საფრთხე ემუქრება, ჰამბურგელები ჯერ კიდევ ოცნებობენ ევროპის ლიგის საგზურზე. თუკი HშV ამ მიზანს მიაღწევს, დიდი შანსია, რომ დროებით მწვრთნელი მიხაელ იონინგს ხანგრძლივი კონტრაქტი გაუფორმონ.</p><p><strong>მაგათი და დაუმი ფოკუსში</p><p></strong>ხვალ, პირველი დაპირისპირება კიოლნში შედგება, სადაც ასევე საუკეთესო ხუთეულში მოხვედრაზე მეოცნებე „ნიურნბერგი“ ჩადის. მართალია, „კიოლნი“ მე-11 ადგილზეა, მაგრამ გასავარდნ ზონას მხოლოდ ოთხი ქულა აშორებს, რაც იმას ნიშნავს, რომ „თხები“ ჯერ კიდევ არ არიან სამშვიდობოს. თუმცა ლუკას პოდოლსკის და კომპანიას ზედიზედ ექვსი საშინაო მატჩი აქვთ მოგებული და რაკი ხვალაც საკუთარ მოედანზე თამაშობენ, „ნიურნბერგს“ დიდი სიფრთხილე მართებს. ერთი სიტყვით, მატჩის წინ „კიოლნი“ დაძაბულია, ნიურნბერგელები კი მშვიდად არიან.</p><p>მართალია, ფრანკები საუკეთესო ხუთეულზე ოცნებობენ, მაგრამ ვალდებულები სულაც არ არიან, რომ ევროპის ლიგის საგზური მოიპოვონ. სწორედ ასეთი მდგომარეობაა მათი სიმშვიდის გარანტია.</p><p>ტურის ბოლო მატჩში კი, რომელიც „ფოლკსვაგენ-არენაზე“ გაიმართება (ვოლფსბურგი-აინტრახტი), ყურადღების ცენტრში პირველიდან ბოლო წუთამდე მწვრთნელები იქნებიან. ორივე გუნდი გადარჩენისთვის იბრძვის და ორივე გუნდს ახალი დამრიგებელი ჰყავს - თანაც, რა დამრიგებლები: ფელიქს მაგათი, რომელიც ვოლფსბურგის პუბლიკის წინაშე წელიწადნახევარიანი პაუზის შემდეგ პირველად წარსდგება და კრისტოფ დაუმი. მაგათის განმეორებითი დებიუტი წინა ტურში შედგა (1:1 შტუტგარტში), დაუმისთვის სწორედ ხვალინდელი თამაშია სადებიუტო. ფაქტია, ამ შეხვედრაში წაგებულის მდგომარეობა ძალიან დამძიმდება.</p><p><em>დღეს</em></p><p><em><strong>ბაიერნი-ბორუსია (მ) 18:30</strong></em></p><p>ტრავმა: ვან ბუიტენი, ოლიჩი - ვისინგი, დე კამარგო</p><p><em><strong>ვერდერი-შტუტგარტი 18:30</strong></em></p><p>დისკვალიფიკაცია: პისარო (ვერდერი)</p><p>ტრავმა: ბიონიში, ნალდო, პრიოდლი, ბარგფრედე, დ. იენსენი - ბიჩაქჩიჩი, ფუნკი</p><p><em><strong>ბორუსია (დ)-ჰანოვერი 18:30</strong></em></p><p>ტრავმა: კაგავა, კრინგე - ცილერი, ავევორი, ანდრეასენი</p><p><em><strong>მაინცი-ფრაიბურგი 18:30</strong></em></p><p>ტრავმა: ჰ. მიულერი, კარჰანი, სოტო, შალაი - პუპლინი, იეგერი, ვილიამსი, ბეხმანი, რაიზინგერი</p><p><em><strong>კაიზერსლაუტერნი-ლევერკუზენი 18:30</strong></em></p><p>ტრავმა: შიმუნეკი, ილიჩევიჩი - კასტრო, მ. ფრიდრიხი</p><p><em><strong>ჰოფენჰაიმი-ჰამბურგი 21:30</strong></em></p><p>დისკვალიფიკაცია: ვან ნისტელროი (ჰამბურგი)</p><p>ტრავმა: იაისლე, ვაისი, ობასი - დრობნი, კასტელენი</p><p><em>ხვალ</em></p><p><em><strong>კიოლნი-ნიურნბერგი 18:30</strong></em></p><p>დისკვალიფიკაცია: პინოლა, ჩანდლერი (ორივე ნიურნბერგი)</p><p>ტრავმა: იანულისი, შორხი, ფაასენი - ფრანტცი, ბუნიაკუ, შიბერი</p><p><em><strong>ვოლფსბურგი-აინტრახტი 20:30</strong></em></p><p>დისკვალიფიკაცია: პეკარიკი (ვოლფსბურგი)</p><p>ტრავმა: ჩიგერჩი - კრისი, ბაირამოვიჩი</p><p>თ მ ფ წ ბ ქ</p><p>1. ბორუსია (დ) 27 19 5 3 54-16 62</p><p>2. ლევერკუზენი 27 16 7 4 56-34 55</p><p>3. ჰანოვერი 27 16 2 9 39-36 50</p><p>4. ბაიერნი 27 14 6 7 59-34 48</p><p>5. მაინცი 27 14 2 11 42-34 44</p><p>6. ნიურნბერგი 27 12 6 9 42-36 42</p><p>7. ჰამბურგი 27 12 4 11 43-44 40</p><p>8. ფრაიბურგი 27 11 4 12 34-38 37</p><p>9. ჰოფენჰაიმი 27 9 9 9 42-39 36</p><p>10. შალკე 27 9 6 12 31-33 33</p><p>11. კიოლნი 27 9 5 13 37-49 32</p><p>12. ვერდერი 27 8 8 11 37-53 32</p><p>13. კაიზერსლაუტ. 27 8 7 12 36-43 31</p><p>14. აინტრახტი 27 9 4 14 27-37 31</p><p>15. შტუტგარტი 27 8 5 14 46-49 29</p><p>16. ზანკტ პაული 27 8 4 15 29-47 28</p><p>17. ვოლფსბურგი 27 6 9 12 31-40 27</p><p>18. ბორუსია (მ) 27 6 5 16 38-61 23</p><p>ბომბარდირები: 19 - გომესი (ბაიერნი); 18 - სისე (ფრაიბურგი); 16 - გეკასი (აინტრახტი); 12 - პოდოლსკი (კიოლნი), შიურლე (მაინცი), ია კონანი (ჰანოვერი).</p>
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
"ბაიერნი" 23 წლის კოსოვოელი ფორვარდის დამატებას აპირებს
მძიმე ტრავმის შემდეგ ჯამალ მუსიალამ ვარჯიში დაიწყო
საქართველო 5:0 ესტონეთი
[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა
"ლიონთან" მატჩში პსჟ-ს შემადგენლობა ცნობილია
[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია
14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა
ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს
დერბი ვერ მოიგო, თუმცა 1000-იანთა კლუბში შევიდა - სპალეტის მორიგი მიღწევა სამწვრთნელო კარიერაში
ალვარესი "ატლეტიკოში" მხოლოდ ორ შემთხვევაში დარჩება - ფეხბურთელმა პსჟ-ში ჩაშლილ ტრანსფერზე ისაუბრა
“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა
ქოჩორაშვილი არ ათამაშეს - "სპორტინგმა" რთულ მატჩში გაიმარჯვა
მიქაუტაძის გარეშე - "ვილიარეალმა" მოიგო და მეორე ადგილზე აღზევდა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
[VIDEO. ეროვნული ლიგა] ორი გოლი პროტესტის ფონზე! "იბერია 1999" პირველ ადგილს ინარჩუნებს...
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
[VIDEO] გოლი 97-ე წუთზე - გოჩოლეიშვილის "ჰამბურგი" "დორტმუნდს" ფრედ ეთამაშა
[VIDEO. ეროვნული ლიგა] უცვლელი ამოცანები! "თელავს" ძალა და კლასი არ ეყო...
დღეს - პარიზელები ლიდერობის დასაბრუნებლად და "მამარდას" დიდი მატჩი