<p>სევილიური დერბების ისტორიაში ერთ-ერთი ყველაზე საოცარი მატჩი ვიხილეთ <br> სევილიური დერბების ისტორიაში ერთ-ერთი ყველაზე საოცარი მატჩი ვიხილეთ. იტალიელ ვინჩენცო მონტელას სადებიუტო მატჩში ღამის კოშმარი ელოდა. "ბარსამ" მოიგო, ისევე, როგორც მისმა მდევრებმა... "რეალის" გარდა.</p><p><span style="color: #3366ff;"><strong>ატლეტიკო-ხეტაფე</strong></span></p><p>ლა ლიგის ჩემპიონატი მადრიდული დერბით განახლდა - "ატლეტიკომ" "ხეტაფეს" უმასპინძლა და 2:0 მოუგო. სასტარტო შემადგენლობაში ვიხილეთ დიეგო კოშტა, რომლის ხელახალი დებიუტი მადრიდულ კლუბში სამეფო თასზე უკვე შედგა და ბრაზილიური წარმოშობის ფორვარდმა გოლის გატანაც მოახერხა. "ხეტაფესთან" შეხვედრაში კოშტა პირველად შეუწყვილდა შეტევაში ფრანგ ანტუან გრიზმანს. კიდევ ერთი დებიუტანტი, ვიტოლო, ამჯერად, სათადარიგოს როლით დაკმაყოფილდა.</p><p>მე-18 წუთზე გრიზმანმა ანხელ კორეას გაატანინა. 68-ე წუთზე კი ხორვატმა შიმე ვრსალიკომ, რომელიც ხუანფრანს ამჯობინეს, ლამის ცარიელ კარში გაატანინა დიეგო კოშტას.</p><p>აქ კი კოშტა გმირიდან ანტიგმირად იქცა, ის ტრიბუნებში ავარდა და ისე იზეიმა "ვანდა მეტროპოლიტანოზე" თავისი პირველი გოლი კარიერაში, მოედანზე ჩამოსულს კი მსაჯმა მეორე ყვითელი ბარათი "დაახვედრა". თუმცა "ატლეტიკოს" არც 10 კაცით გასჭირვებია სამი ქულის გაფორმება.</p><p><strong>დიეგო სიმეონე</strong> (ატლეტიკო): "მსაჯისთვის იოლი შეხვედრა არ იყო, რადგან ორივე გუნდს უყვარს ორთაბრძოლები. ის ცდილობდა, რაც შეეძლო. შევეცდები, ამ მატჩიდან მხოლოდ დადებითები დავიმახსოვრო, რაც კოშტამ გააკეთა მოედანზე.</p><p>გაძევებას რაც შეეხება, მსაჯს წესების მიხედვით უნდა ემოქმედა, ემოციას არ უნდა აჰყოლოდა და ის ასეც მოიქცა. წესები იმისთვის არის, რომ შეასრულო. თუმცა ძალიან ბედნიერები ვართ, რომ დიეგო ჩვენთანაა. ვფიქრობ, თამაშით კმაყოფილები უნდა ვიყოთ - დაცვაში კარგად ვითამაშეთ და წინ მომენტები შევქმენით.</p><p>კოშტას გაძევებამდე შეტევებში ვყოჩაღობდით, გაძევების შემდეგ კი დაცვაში ჩინებულად ვითამაშეთ".</p><p><p><div class="ws_video" id="10967" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/01-07/atletiko.jpg" border="0" alt="Sportall.Ge" title="ლა ლიგა. XVIII ტური: მონტელას სევილიური კოშმარი [VIDEO]" /></p><p><span style="padding: 2px; display: block;">06.01.18. ატლეტიკო - ხეტაფე 2:0</span></div></p></p><p><span style="color: #3366ff;"><strong>ფაქტები</strong></span></p><p><ul> <li>პირველად მოხდა, რომ ლა ლიგის ერთსა და იმავე მატჩში დიეგო კოშტამ გაიტანა და თან ის გააძევეს.</li> </ul> <ul> <li>პირველ ტაიმში მსაჯმა ფეხბურთელებს 7 ყვითელი ბარათი უჩვენა, რაც ამ სეზონის რეკორდია I ტაიმებისთვის.</li> </ul> <ul> <li>ანხელ კორეამ გოლი მეტოქის საჯარიმოში მატჩში ბურთთან პირველი შეხებით გაიტანა.</li> </ul> <ul> <li>დიეგო კოშტამ ბოლო 7 დაპირისპირებაში 5 გოლი გაიტანა.</li> </ul> <ul> <li>დიეგო სიმეონემ ატლეტიკოს თავკაცის პოსტზე "ხეტაფესთან" მე-10 მატჩში მე-9 გამარჯვება იზეიმა (1 ფრე).</li> </ul> <span style="color: #3366ff;"><strong>ვალენსია-ჟირონა</strong></span></p><p>მარსელინო "ვალენსიას" სათადარიგოთა სკამზე კისრის ფიქსატორით იჯდა - მოგეხსენებათ, დეკემბერში მწვრთნელი საშინელ ავარიაში მოყვა და მხოლოდ ახლა შეძლო გამოჯანმრთელება.</p><p>"ვალენსიამაც" მოიგო, თუმცა კი თავიდან კლუბის აღზრდილი კრისტიან პორტუგესის (იგივე პორტუ) გოლით მარცხდებოდა.</p><p>პორტუმ "მესტალიაზე" გოლი არ აღნიშნა. "ღამურებმა" მეორე ტაიმში რამალიოს ავტოგოლისა და დანი პარეხოს პენალტის წყალობით იმარჯვეს - 2:1. "ვალენსია" კვლავ მესამეა და კუდში მიჰყვება "ატლეტიკოს". ამ შეხვედრაში საუკეთესო 21 წლის პორტუგალიელი გონსალო გედეში იყო.</p><p><strong>მარსელინო ტორალი</strong> (ვალენსია): "მნიშვნელოვანია, რომ ჩვენ დამსახურებული, მაგრამ ძნელი გამარჯვება მოვიპოვეთ. "ვილიარეალთან" მატჩიც ანალოგიური იყო, მაგრამ ის თამაში დავთმეთ.</p><p>გედეში უკვე დიდი ფეხბურთელია. ის გუნდურად თამაშობს, ბევრს შრომობს და ძალიან ინდომებს. სამწუხაროდ, მე არ შემიძლია მისთვის კონტრაქტის გაფორმება და არც ინფორმაცია გამაჩნია ამის შესახებ. დიახ, ჩემი სურვილია, რომ გედეში "ვალენსიაში" დარჩეს, მაგრამ ეს ჩემს კომპეტენციას სცილდება. დღეს ფანები ძალზე დაგვეხმარნენ, ისინი უბრალოდ ბრწყინვალენი იყვნენ".</p><p><span style="color: #3366ff;"><strong>ფაქტები</strong></span></p><p><ul> <li>ამ სეზონში ლა ლიგაში ყველაზე მეტი გოლი პენალტის ნიშნულიდან დანი პარეხოს აქვს გატანილი - 3.</li> </ul> <ul> <li>"ვალენსიას" აქამდე ბოლო 4 მატჩში 3 მარცხი ჰქონდა, მაშინ, როცა წინა 13 შეხვედრა წაუგებლად განვლო (9 მოგება, 4 ფრე).</li> </ul></p><p><span style="color: #3366ff;"><strong>სევილია-ბეტისი</strong></span></p><p>თამაშის წინა ღამეს "სევილიას" და "ბეტისის" ულტრასები შეთანხმდნენ და... ქალაქის ერთ-ერთ ხიდზე ჯგუფურად იჩხუბეს. შედეგად, პოლიციამ 24 მათგანი დააკავა, ერთმა კი საღამო დანით მიყენებული ჭრილობით საავადმყოფოში გაატარა.</p><p>მოლოდინი დიდი იყო, იმის მიუხედავად, რომ "ბეტისის" სატურნირო მდგომარეობა არცთუ სახარბიელოა და ჩვენც საოცარი ფეხბურთი ვიხილეთ, გოლების წვიმით, მაღალი ტემპით, ძელებით, დერბისთვის ტრადიციული გაწევ-გამოწევით. აი, ასეთ შეხვედრაში შედგა იტალიელი ვინჩენცო მონტელას ნათლობა ლა ლიგაში. იტალიელს იოლი ცხოვრება არ ელის, რადგან მისი ხელმძღვანელობით "სევილიამ" საძულველ მეტოქესთან 3:5 წააგო.</p><p><strong>ვინჩენცო მონტელა</strong> (სევილია): "ეს იყო საოცარი მატჩი, გოლების წვიმით ორივე ტაიმში. ჩვენ მეტის გატანა შეგვეძლო. მეორე ტაიმში ისე ვერ ვითამაშეთ, როგორც საჭირო იყო, თუმცა შედეგი ცოტა უსამართლოა. მე ძალიან ბევრ დერბიში მითამაშია და კარგად მესმის "სევილიას" ფანების ახლანდელი მდგომარეობის. ერთად უნდა ვიშრომოთ, რომ უკეთესები გავხდეთ".</p><p><p><div class="ws_video" id="10966" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/01-07/sevilia.jpg" border="0" alt="Sportall.Ge" title="ლა ლიგა. XVIII ტური: მონტელას სევილიური კოშმარი [VIDEO]" /></p><p><span style="padding: 2px; display: block;">06.01.18. სევილია - ბეტისი 3:5</span></div></p></p><p><span style="color: #3366ff;"><strong>ფაქტები</strong></span></p><p><ul> <li>ხოაკინ სანჩესმა მე-18 დერბი ითამაშა "ბეტისის" რიგებში, გაუსწრო კარდენიოსას და გახდა კლუბის რეკორდსმენი.</li> </ul> <ul> <li>ფაბიან რუისის გოლი ლა ლიგის ისტორიაში უსწრაფესი გოლია "ბეტისის" ფეხბურთელის მიერ "სევილიას" კარში გატანილი.</li> </ul> <ul> <li>ლა ლიგის არცერთ გუნდს არ გაუტანია ამდენი თავური გოლი, რამდენიც "ბეტისს" - 10.</li> </ul> <ul> <li>ფედალმა (ბეტისი) და ლონგლემ (სევილია) ამ სეზონში 3-3 გოლი გაიტანეს, ყველაზე მეტი მცველებს შორის.</li> </ul> <ul> <li>"ბეტისს" "სანჩეს პისხუანზე" 4 და მეტი გოლი ერთ თამაშში 1958 წლის მერე არ გაუტანია.</li> </ul> <ul> <li>"ბეტისმა" "სევილიას" 5 გოლი ლა ლიგაში ისტორიაში პირველად გაუტანა.</li> </ul> <ul> <li>5-წლიანი პაუზის მერე "ბეტისმა" შეძლო "სევილიას" დამარცხება.</li> </ul> <ul> <li>დერბიში 8 ზუსტი დარტყმიდან 8 გოლი გავიდა!</li> </ul></p><p><span style="color: #3366ff;"><strong>ბარსელონა-ლევანტე</strong></span></p><p>მოკრძალებულმა "ლევანტემ" "კამპ ნოუზე" დიდი ინტერესი ვერ გამოიწვია, 60 ათასი კაციც არ მივიდა (სხვათა შორის, ეს ზედიზედ მესამედ მოხდა). ერნესტო ვალვერდეს გუნდმა მშვიდად აჯობა ვალენსიურ კლუბს. ლეო მესიმ თავის მე-400 მატჩში ლა ლიგის ეგიდით გოლი და საგოლე პასი მიითვალა. ლეომ 365 გოლი გაიტანა ლა ლიგაში და გაუთანაბრდა გერდ მიულერს, რომელმაც ბუნდესლიგაში სწორედ 365 გოლი გაიტანა.</p><p>ამ შეხვედრაში ლა ლიგაში 22 წლის ხოსე არნაისის დებიუტი შედგა, რომელმაც მანამდე სამეფო თასზე გოლის გატანა მოასწრო. იმის გამო, რომ გუნდს უსმან დემბელე დაუბრუნდა, ვალვერდემ ისევ 4-3-3-ზე გადააწყო გუნდის ტაქტიკა.</p><p><strong>ერნესტო ვალვერდე</strong> (ბარსელონა): "იმის მიუხედავად, რომ ფავორიტები ვართ, ვიცით, რომ კონკურენტებს ბრძოლა არ შეუწყვეტიათ. ამიტომ ჩვენც ბოლომდე ვიბრძოლებთ. "ლევანტე" არ არის ხელწამოსაკრავი გუნდი, ჩვენ კი მას სამი გოლი გავუტანეთ.</p><p>დემბელემ პირველად ითამაშა და მას ჯერ რიტმში ჩაჯდომა უჭირს, მაგრამ ვიცი, რომ აუცილებლად მოუმატებს. პაულინიოს 7 გოლი არ მიკვირს, რადგან მას საოცარი ალღო აქვს თითქმის დაკარგული ბურთების მოპოვების, ყოველთვის იქ ხვდება ბურთს, სადაც საჭიროა".</p><p><p><div class="ws_video" id="10968" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/01-08/barcelona.jpg" border="0" alt="Sportall.Ge" title="ლა ლიგა. XVIII ტური: მონტელას სევილიური კოშმარი [VIDEO]" /></p><p><span style="padding: 2px; display: block;">07.01.18. ბარსელონა - ლევანტე 3:0</span></div></p></p><p><span style="color: #3366ff;"><strong>ფაქტები</strong></span></p><p><ul> <li>ლეო მესიმ ლა ლიგის მე-400 თამაშში 365-ე გოლი გაიტანა.</li> </ul> <ul> <li>ლუის სუარესმა "ბარსას" ბოლო 7 თამაშიდან 6-ში გაიტანა (8 გოლი).</li> </ul> <ul> <li>სერხი რობერტომ კარიერაში პირველად შეძლო ზედიზედ სამ მატჩში საგოლე პასის შესრულება.</li> </ul> <ul> <li>პაულინიომ ლა ლიგის ნახევარმცველებში ყველაზე მეტი გოლი გაიტანა (7).</li> </ul> <ul> <li>ლუის სუარესმა "ბარსელონას" მაისურით 132-ე გოლი გაიტანა და სამუელ ეტო'ოს გადაასწრო კლუბის ყველა დროის ბომბარდირთა დავაში.</li> </ul></p><p><span style="color: #3366ff;"><strong>სხვა მატჩები</strong></span></p><p>წუხელ ზინედინ ზიდანის "რეალმა" ვიგოში "სელტას" წინააღმდეგ ითამაშა. დანიელ ვასის გოლს გარეთ ბეილმა დუბლით უპასუხა. მეორე ტაიმში იაგო ასპასმა ხელიდან შესანიშნავი შანსი გაუშვა, როცა პენალტი ვერ გაუტანა კეილორ ნავასს. "სელტამ" მაინც გაათანაბრა და "სამეფო კლუბს" ძვირფასი ორი ქულა დააკარგვინა.</p><p><p><div class="ws_video" id="10969" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-5/2018/01-08/reali.jpg" border="0" alt="Sportall.Ge" title="ლა ლიგა. XVIII ტური: მონტელას სევილიური კოშმარი [VIDEO]" /></p><p><span style="padding: 2px; display: block;">07.01.18. სელტა - რეალი 2:2</span></div></p></p><p><span style="color: #3366ff;"><strong>სხვა ფაქტები</strong></span></p><p><ul> <li>გარეთ ბეილმა ზიდანის ხელმძღვანელობით "რეალის" მე-200 გოლი გაიტანა.</li> </ul> <ul> <li>ხოსე ანხელს (ეიბარი) 5 საგოლე პასი აქვს ლა ლიგაში, ყველაზე მეტი მცველებში ჟორდი ალბასთან (ბარსელონა) ერთად.</li> </ul> <ul> <li>ამ სეზონში "ლეგანესზე" (7) მეტჯერ კარი მშრალად მხოლოდ "ბარსელონამ" და "ატლეტიკომ" (11-11) შეინახეს.</li> </ul> <ul> <li>არიც ადურისმა (ბილბაო) ამ სეზონში ყველა შეჯიბრებაში 6 პენალტი გაიტანა.</li> </ul> <span style="color: #3366ff;"><strong>ლა ლიგა. XVIII ტური</strong></span></p><p><em><strong>ატლეტიკო-ხეტაფე 2:0</strong></em></p><p>გოლები: 1:0 ა. კორეა (18), 2:0 დიეგო კოშტა (68)</p><p>ატლეტიკო (4-4-2): ობლაკი - ვრსალიკო, სავიჩი, გოდინი, ლ. ერნანდესი - ა. კორეა (84. ხ. ხიმენესი), კოკე (88. ფ. ტორესი), გაბი, ფერეირა-კარასკო (60. თომასი) - დიეგო კოშტა, გრიზმანი</p><p>გაძევება: დიეგო კოშტა (68)</p><p><em><strong>ვალენსია-ჟირონა 2:1</strong></em></p><p>გოლები: 0:1 პორტუ (8), 1:1 რამალიო (27), 2:1 პარეხო (48-პენ)</p><p>ვალენსია (4-4-2): ნეტო - ნ. ვიდალი (67. ვეზუ), გარაი, გაბრიელ პაულისტა, გაია - ა. პერეირა (82. მაქსიმოვიჩი), პარეხო, კონდოგბია, გედეში - როდრიგო, მინა (74. ვიეტო)</p><p><em><strong>ლას პალმასი-ეიბარი 1:2</p><p></strong></em>გოლები: 1:0 ვიერა (32-პენ), 1:1 ორელიანა (73), 1:2 ენრიჩი (77)</p><p><em><strong>სევილია-ბეტისი 3:5</p><p></strong></em>გოლები: 0:1 რუისი (1), 1:1 ბენ იედერი (13), 1:2 ფედალი (21), 2:2 კიაერი (40), 2:3 დურმისი (63), 2:4 ს. ლეონი (65), 3:4 ლონგლე (67), 3:5 ტელიო (96)</p><p>სევილია (4-2-3-1): ს. რიკო - კორშია (85. სარაბია), კიაერი, ლონგლე, ესკუდერო - ნ'ზონზი, ბანეგა - ხესუს ნავასი, ფ. ვასკესი (57. ხ. კორეა), ნოლიტო (71. მურიელი) - ბენ იედერი</p><p><em><strong>ლეგანესი-სოსიედადი 1:0</p><p></strong></em>გოლი: 1:0 გაბრიელი (75)</p><p><em><strong>ბარსელონა-ლევანტე 3:0</p><p></strong></em>გოლები: 1:0 მესი (12), 2:0 ლ. სუარესი (38), 3:0 პაულინიო (93)</p><p>ბარსელონა (4-3-3): ტერ შტეგენი - ს. რობერტო (85. არნაისი), მასკერანო, ვერმალენი, ალბა - პაულინიო, რაკიტიჩი, ინიესტა (76. ანდრე გომეში) - დემბელე (67. სემედუ), მესი, ლ. სუარესი</p><p><em><strong>ბილბაო-ალავესი 2:0</p><p></strong></em>გოლები: 1:0 ეჩეიტა (8), 2:0 ადურისი (64-პენ)</p><p>ბილბაო (4-2-3-1): ერერინი - დე მარკოსი (83. ლეკუე), ეჩეიტა, ლაპორტი, საბორიტი - იტურასპე, მ. რიკო - სუსაეტა, რაულ გარსია (80. ბენიატი), ვილიამსი - ადურისი (91. საბინი)</p><p><em><strong>ვილიარეალი-დეპორტივო 1:1</p><p></strong></em>გოლები: 1:0 უნალი (30), 1:1 ანდონე (84)</p><p><em><strong>სელტა-რეალი 2:2</p><p></strong></em>გოლები: 1:0 ვასი (33), 1:1 ბეილი (36), 1:2 ბეილი (38), 2:2 მ. გომესი (82)</p><p>რეალი (4-3-1-2): კ. ნავასი - ჰაკიმი, ვარანი, ნაჩო, მარსელო - მოდრიჩი (77. ლ. ვასკესი), კაზემირო, კროოსი - ისკო (77. კოვაჩიჩი) - რონალდო, ბეილი (85. ასენსიო)</p><p>გამოუყენებელი პენალტი: ასპასი (72. სელტა)</p><p><span style="text-decoration: underline;">ორშაბათი, 8 იანვარი</p><p></span>მალაგა-ესპანიოლი 23:59</p><p><span style="color: #3366ff;"><strong>ბომბარდირები</strong></span>: 16 - ლიონელ მესი (ბარსელონა); 11 - იაგო ასპასი (სელტა), ლუის სუარესი (ბარსელონა); 10 - სიმონე ძაძა (ვალენსია).</p><p><span style="text-decoration: underline;">მომდევნო ტური</p><p></span>12 იანვარი: ხეტაფე-მალაგა</p><p>13 იანვარი: ჟირონა-ლას პალმასი, რეალი-ვილიარეალი, ეიბარი-ატლეტიკო, დეპორტივო-ვალენსია</p><p>14 იანვარი: ლევანტე-სელტა, ალავესი-სევილია, ესპანიოლი-ბილბაო, სოსიედადი-ბარსელონა</p><p>15 იანვარი: ბეტისი-ლეგანესი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"მოულოდნელი იყო... "ოქროს ბურთს" ამ 2 ფეხბურთელიდან ერთ-ერთი უფრო იმსახურებდა" - კუკურეია Ballon d'Or-ის დაჯილდოვებაზე
იამალმა პიკეს და შაკირას ყოფილი სახლი 11 მილიონად შეიძინა
"რეალს" ახალი მეკარე ეყოლება?
შერმადინის "ტენერიფემ" ანდრონიკაშვილის "ანდორას" სტუმრად მოუგო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
"ძალიან მეცოდება" - უმტიტიმ ვინისიუს ჟუნიორზე ისაუბრა
"თუ სიმეონეს გუნდი თამაშობს, ტელევიზორს სხვა არხზე ვრთავ" - არგენტინის ნაკრების ყოფილი მწვრთნელი
"ბარსელონა" "სელტასთან" დუბლებით ითამაშებს
ქოჩორაშვილის გარეშე - "სევილიამ" "ალავესს" ვერ მოუგო
[VIDEO] 5 ყვითელი და 1 წითელი ბარათი - "მადრიდულ დერბიში" "ატლეტიკომ" "რეალი" დაამარცხა
დიეგო კოშტა, დიდი ალბათობით, ლა ლიგაში დაბრუნდება
ოფიციალურად: დიეგო კოშტა პრემიერლიგას დაუბრუნდა
ქოჩორაშვილი "ლევანტეში" დაბრუნებაზე ფიქრობს, მაგრამ არის ერთი დიდი "თუმცა"
ქოჩორაშვილის გარეშე - "სევილია" "რეალთან" დიდი ანგარიშით დამარცხდა
"ბარსელონას" დუბლები ვიგოში "სელტასთან" დამარცხდა [VIDEO]
მონტელა თურქეთის ნაკრებს ემოციური წერილით დაემშვიდობა
"მსაჯმა მატჩის მოგების შანსი წაგვართვა" - "სევილიას" მწვრთნელი 1:4 მარცხის შემდეგ
[VIDEO] გიულერის ბრწყინვალე მატჩი და ვალვერდეს გასროლა - "რეალმა" ზედიზედ მერვე გამარჯვება მოიპოვა
კვლავ თავის სტიქიაშია - დიეგო კოშტამ "გრემიოს" 20-წლამდელებშიც იჩხუბა [VIDEO]
იჯარა და შემდეგ გამოსყიდვა - ქოჩორაშვილს საბერძნეთში უხმობენ, მაგრამ ქართველს სხვა გეგმები აქვს
[VIDEO] სათადარიგო საზონოვი და ქოჩორაშვილი შეცვლაზე - "ხეტაფემ" "სევილიას" მოუგო
"ბარსელონამ" რაფინია "სელტაში" დააბრუნა
ერთა ლიგაზე ცუდმა სტარტმა შესაძლოა, სანიოლის შემდეგ მონტელას სკამიც იმსხვერპლოს
[VIDEO] მეტოქის გულშემატკივრების აპლოდისმენტები ქოჩორაშვილს და 3:3 გიჟურ მატჩში
ქოჩორაშვილის დაბრუნება გადაიდო - "სევილიამ" "ოსასუნა" დაამარცხა
[VIDEO] "ბარსელონამ" "ატლეტიკოს" თამაში შემოუტრიალა
თურქეთის ნაკრებს ახალი მთავარი მწვრთნელი ჰყავს
"რეალს" ახალი მეკარე ეყოლება?
ზედიზედ ოთხი მარცხის შემდეგ - თურქებმა მონტელა დაითხოვეს
ქოჩორაშვილის მომავალი გუნდი საბოლოოდ გაირკვა - მის წასვლამდე "სპორტინგს" დამატებით 1 მილიონის გადახდა მოუწია
[VIDEO] "ბარსელონა" შეუჩერებელია, "არსენალმა" ისევ გაიმარჯვა, "ბაიერნი" "ვიკინგთან" ფრეს დასჯერდა
"იმ მომენტში სიმეონეს მოკვლა მინდოდა" - კოშტამ "ატლეტიკოს" დატოვების მიზეზი გაიხსენა
"ლევანტეს" მწვრთნელი "ბარსელონასთან" მატჩამდე: იმ ფეხბურთელებს მოვკლავ, რომლებიც მოედანზე ყველაფერს არ გაიღებენ
[VIDEO] დრამა "ბალაიდოსზე" - "რეალმა" "სელტა" ბოლო წუთზე გატანილი გოლით დაამარცხა
[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა
მუნდიალიდან გავარდნის შემდეგ: კუმანი გადადგა, თურქეთმა მონტელა არ გაუშვა
"ამჟამად "რეალი" უფრო ძლიერია, ვიდრე პსჟ" - მარკ კუკურელია
[VIDEO] "ბარსელონამ" "ასტონ ვილა" დაამარცხა, "ბაიერნმა" "ატლეტიკო" - "მანჩესტერ იუნაიტედმა" "რომას" თამაში შემოუტრიალა
"ასეთი რაღაცების გაკეთება არ შემიძლია" - ბელინგემმა საკუთარ უნარებზე ისაუბრა
"19 წლის იამალი თავის ასაკში მესისა და რონალდოზე ძლიერია" - სტივენ ჯერარდი
"ასე ჩემპიონთა ლიგის მოგება ძალიან გაუჭირდებათ" - კროოსმა "ბარსელონაზე" ისაუბრა
[VIDEO] "ბარსელონას" დიდებული ქამბექი - "ბლაუგრანამ" ჩემპიონობისკენ დიდი ნაბიჯი გადადგა
[VIDEO] მიქაუტაძე შეცდომებს არ პატიობს - ქართველმა "ლევანტეს" გაუტანა
ფეხი სახეში, ძირს დაგდებული ზიზუ - "სელტას" მცველმა ზიდანი ტრავმისთვის გაიმეტა [VIDEO]
ქოჩორაშვილის 67 წუთი - "სევილია" თასის მომდევნო ეტაპზე გავიდა
დიეგო კოშტა: კონტეს სახლში სექსი არ აქვს და ამიტომაა მუდამ მოღუშული
"ბარსელონამ" რაფინიას კონტრაქტი გაუგრძელა
ზაფხულში ლუნინმა შესაძლოა, სერია A-ს მიაშუროს
თურქეთის ნაკრები შესაძლოა, არდა თურანს ჩააბარონ
"მომავალი კვარაცხელიაა" - ენრიკემ პსჟ-ის სპორტულ დირექტორს ამ ფეხბურთელის დამატება მოსთხოვა
"თუ ჩემი იმედი აქვს, ეს უნდა გაითვალისწინოს" - რაფინიას ულტიმატუმი ანჩელოტისა და ბრაზილიის ნაკრებს