ბერიაშვილის პირველი ლეგიონური

ლატვიასა და ბელარუსში ჩემპიონატი ქართულად გაიხსნა აზერბაიჯანულ პრემიერლიგაში მე-2 ეტაპის მე-3 ტურის მატჩები გაიმართა. საჩემპიონო ექვსეულში მთავარი შეხვედრა რესპუბლიკურ სტადიონზე შედგა, სადაც ლიდერმა "ნეფთჩიმ" გიორგი ადამიას "ყარაბახს" 2:0 მოუგო. სტუმართა რიგებში 90 წუთი ითამაშა ჩვენმა თანამემამულემ, რომელიც ბომბარდირთა დავაში მეორე ადგილზეა, 0:2-ზე ხელსაყრელი შანსი გაუშვა ხელიდან, ადამიამ კარგად დაარტყა, მაგრამ ბურთი "ნეფთჩის" მეკარე მეხტიევმა მოიგერია.მიუხედავად იმისა, რომ კახა ცხადაძის "ინტერს" დიდი სათამაშო უპირატესობა ჰქონდა აზალთან მატჩში, გოლი აქეთ გაუშვა და 0:1 დამარცხდა. სხვათა შორის, თავიდან გავრცელდა ცნობა, რომ გოლის ავტორი აზალის ქართველი შემტევი ნუგზარ კვირტიაა, მაგრამ სინამდვილეში გოლი გენადი ბლიზნიუკმა გაიტანა, რაშიც ვიდეომიმოხილვის ნახვის შემდეგ დავრწმუნდით. გიორგი ლომაია სათადარიგო იყო, ქართულმა კვარტეტმა კი ითამაშა: კახა მჟავანაძემ და ვალერი აბრამიძემ შეუცვლელად, დავით ოდიკაძე მატჩის მიწურულს შეცვალეს, ილია კანდელაკი კი - პირველივე ტაიმში. სამწუხაროდ, ჩვენებურმა საკმაოდ მძიმე ტრავმა მიიღო (მხარი ამოიგდო)."ყარაბახი" 48 ქულით მესამე ადგილზეა, აზალი 42 ქულით მეოთხეზე გადავიდა, ხოლო "ინტერი" (41) მეხუთეზე დაქვეითდა. პრემიერლიგაში დარჩენისთვის მებრძოლ ექვსეულში "თურანმა" 1:0 მოუგო სტუმრად "სიმურგს". ეს ერთადერთი გოლი "ვიტ ჯორჯიასა" და "ოლიმპის" ყოფილ ფორვარდ გიორგი ბერიაშვილის ანგარიშზეა, მან მე-8 წუთზე საჯარიმო დარტყმით გაიტანა. სხვათა შორის, ეს ჩვენებურის პირველი გოლია აზერბაიჯანში. 73-ე წუთზე ბერიაშვილი შეცვალეს, 58-ე წუთიდან ჩაება თამაშში "თურანის" კიდევ ერთი ქართველი ოლეგ გველესიანი. გოგა ბერაიას "გაბალა" შინ 1:1 ეთამაშა ზურაბ ძამსაშვილის "განჯას". ორივე ჩვენებურმა 90-90 წუთი ითამაშა და ორივე გააფრთხილეს. მოიკისა და "მუღანის" უღიმღამო მატჩში (0:0) სტუმართა რიგებში შეუცვლელად ითამაშა გიორგი გულორდავამ, "გაგრას" ყოფილმა ნახევარმცველმა. აღსანიშნავია, რომ მეორე ექვსეულის ქართველთა გუნდებს გავარდნა არ ემუქრებათ.სომხეთის ჩემპიონატში ჯერ სულ სამი ტურია ნათამაშები. კარგად დაიწყო ჩემპიონატი ქართველთა "ულისმა", რომელიც 7 ქულით ერთპიროვნული ლიდერი გახდა. "ულისმა" შინ "პიუნიკი" დაამარცხა - 1:0. ლევან აკობიამ, თენგიზ უგრეხელიძემ და გიორგი კრასოვსკიმ შეუცვლელად ითამაშეს, კონგოელი პატოს ნაცვლად შესვენების შემდეგ შოთა ჯიქია გამოჩნდა."განძასარმა" 1:0 სძლია "შირაკს", ორივე გუნდის კარში კი ქართველი იდგა, მასპინძელთა ღირსებას ლევან ბუბუტეიშვილი იცAავდა, ხოლო სტუმართა რიგებში ტრავმირებული კოლეგა 49-ე წუთზე შეცვალა გელა ძამუნაშვილმა. არც ერთ ჩვენებურს გოლი არ გაუშვია, მასპინძელთა გუნდში 78-ე წუთზე დავით ხანიშვილი გამოჩნდა. გაგა თიბილაშვილის "იმპულსმა" 2:0 დაამარცხა "არარატი".მოლდოვის ნაციონალურ დივიზიონში ლევან კორღალიძემ 61-ე წუთამდე ითამაშა "დაჩიას" შემადგენლობაში, მამუკა ლომიძემ - მთელი შეხვედრა, ერთ-ერთმა ლიდერმა კი 2:0 მოუგო "ოლიმპიას". სანდრო შუღლაძის "ისკრა-სტალმა" სტუმრად 3:0 დაამარცხა "გაგაუზია", ჩვენებურმა 90 წუთი ჩაამთავრა. ვაჟა თარხნიშვილმა შეუცვლელად ითამაშა "შერიფისა" და "მილსამის" მატჩში, რომელიც ჩემპიონმა 2:1 მოიგო.ამ უქმეებზე დაიწყო ბელარუსის ჩემპიონატი (ახლა ევროპაში მხოლოდ ერთი ქვეყანაღა დარჩა, სადაც სეზონი არ დაწყებულა ან არ განახლებულა - ფინეთი). პირველივე ტურში ქართული გოლიც ვიხილეთ, ის ბრესტის "დინამოს" 24 წლის ნახევარმცველის, ზაზა ჭელიძის ანგარიშზეა. ზაზამ 72-ე წუთზე დაუსვა წერტილი "ვიტებსკის" ტანჯვას - 3:0. ჩვენებურმა 90 წუთი ითამაშა.ბელარუსის უმაღლეს ლიგასთან ერთად დაიწყო ლატვიის ვირსლიგაც. სტარტი კარგი გამოუვიდა თამაზ პერტიას "დაუგავას", რომელმაც 3:1 დაამარცხა "გულბენე". სამიდან ორი გოლი ქართულია, თავი ჯერ გიორგი ჩიხრაძემ გამოიჩინა, შემდგომ - მამუკა ღონღაძემ. რიგის "ოლიმპსი" ლიეპაიას "მეტალურგსთან" 1:4 დამარცხდა. წაგებულთაგან ერთადერთი გოლი თომა ტაბატაძის ანგარიშზეა. ესტონეთში კვლავ "ფლორას" სარეზერვო გუნდში ითამაშა ზაქარია ბეგლარიშვილმა და კვლავ გაიტანა, ამჯერად "ლეგიონის" კარში - 4:2.

მიქაუტაძე შეცვლაზე შევიდა - "ვილიარეალმა" ქვედალიგურ გუნდს პენალტების სერიაში სძლია

[VIDEO] გოჩოლეიშვილს შეეძლო მატჩის გმირი გამხდარიყო - "ჰამბურგი" თასზე "ჰოლშტაინთან" პენალტების სერიაში დამარცხდა

[VIDEO] ალისონის განსხვავებული შეფასებები - "ლივერპული" "სანდერლენდთან" წაგებას გადაურჩა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს