იბერიული იდილია

ევროპის ლიგა. 1/4 ფინალი. I მატჩები: მოურინიოს მოწაფის, ანდრე ვილას-ბოასის "პორტუმ" რუსული "სპარტაკიდან", ქვა-ქვაზე არ დატოვა - 5:1 მოუგო ევროპის ლიგაში პორტუგალიურმა კლუბებმა გაილაღეს - პირველი მეოთხედფინალური მატჩების შემდეგ ცხადი გახდა, რომ ორი მათგანი ცალი ფეხით ნახევარფინალშია, ერთსაც ამის ჩინებული შანსი აქვს.ჟოზე მოურინიოს მოწაფის, 33 წლის ანდრე ვილას-ბოასის "პორტუმ" რუსული "სპარტაკიდან" ქვა-ქვაზე არ დატოვა - 5:1 მოუგო. მასპინძელთა თითქმის ყველა ფლანგური ჩაწოდება უკიდურესად სახიფათო იყო, "პორტუ" კი ერთობ ძლიერი და შეკრული კოლექტივის შთაბეჭდილებას ტოვებდა, მაშინაც კი, როცა "სპარატაკი", თითქოს, უკეთ თამაშობდა (მატჩის დასაწყისში).თამაშის გმირი პორტუგალიის მიმდინარე სეზონის ჩემპიონის ფორვარდი ფალკაოა, რომელმაც ევროპის ლიგაზე მეორე ჰეთ თრიკი შეასრულა. სამი გოლიდან ორი ფალკაომ ფანტასტიკური თავური დარტყმებით გაიტანა, ერთხელ კი დაუმუშავებლად ფეხით.ამ თამაშზე ერთსაც ვიტყვით, ვალერი კარპინმა სათადარიგოთა სკამზე დატოვა ჯანო ანანიძე და ალბათ სწორიც გააკეთა - ორიოდე დღის წინათ გამოჯანმრთელებული თინეიჯერის შეყვანა ასეთ თამაშში (როცა მეტოქეს უკვე ყველაფერი გამოსდიოდა), მისი გაწირვის ტოლფასი იქნებოდა. ვერ გეტყვით, აქვს თუ არა რაიმე პრაქტიკული მნიშვნელობა საპასუხო თამაშს მოსკოვში, ალბათ არავითარი.გასულ უქმეებზე "პორტუმ" ჩემპიონობა ასე ნაადრევად უშუალო კონკურენტის დამარცხებით გაინაღდა, "ბენფიკას" ვგულისხმობთ, რომელმაც წუხელ არანაკლები დღე აყარა ჰოლანდიურ პსვ-ს - 4:1. დუბლი შეასრულა არგენტინელმა სალვიომ, რომელიც მადრიდის "ატლეტიკოდან" იჯარით თამაშობს. დანარჩენი ორი გოლიც არგენტინელების ანგარიშზეა, თუმცა მათი სახელები ბევრად მეტს გვეუბნება - პსვ-ს კარში აიმარმა და სავიოლამ გაიტანეს.მართალია, არ მოუგია, მაგრამ "ბრაგამაც" ბრწყინვალე შედეგს მიაღწია - კიევში "დინამოს" 1:1 ეთამაშა, თანაც მეტოქეს ანდრეი შევჩენკო გაუძევეს, რომელიც საპასუხო მატჩში არ იქნება.დაბოლოს, "ვილიარეალმა" 5:1 გადაურბინა ჰოლანდიის ჩემპიონ "ტვენტეს", დუბლი ბრაზილიელი ნილმარის ანგარიშზეა.პორტუ (პორტუგალია)-სპარტაკი (რუსეთი) 5:1პორტუ (4-3-3): ელტონი - ფუსილე, როლანდო, მაიკონი, ფერეირა - გუარინი (69. ბელუში), ფერნანდო, მოუტინიო - ჰალკი (80. კ. როდრიგესი), ფალკაო, ვარელა (72. ჯ. როდრიგესი).სპარტაკი (4-4-1-1): დიკანი - კ. კომბაროვი, სუხი, როხო, მაკეევი (86. იაკოვლევი) - მაკგიდი (68. ძიუბა), კარიოკა, იბსონი, დ. კომბაროვი - ალექსი - ველიტონი.გოლები: 1:0 ფალკაო (37), 2:0 ვარელა (65), 3:0 მაიკონი (70), 3:1 კ. კომბაროვი (71), 4:1 ფალკაო (84), 5:1 ფალკაო (92)მაყურებელი: 38 209ბენფიკა (პორტუგალია)-პსვ (ჰოლანდია) 4:1ბენფიკა (4-3-1-2): რობერტო - პერეირა, ლუიზაო, ჟარდელი, კოენტრაო - სალვიო, ხ. გარსია, გაიტანი (78. ხარა) - აიმარი (78. პეიშოტო) - სავიოლა, კარდოსო (90. მენეზესი).პსვ (4-3-3): ისაკსონი - მანოლევი, მარსელო, ბოუმა, პიეტერსი (72. ვუიტენსი) - ჰატჩისონი, ბაკალი, ენგელაარი - ლენსი, ბერგი (79. ლაბიადი), ჯუჯაკი.გოლები: 1:0 აიმარი (37), 2:0 სალვიო (45), 3:0 სალვიო (52), 3:1 ლაბიადი (80), 4:1 სავიოლა (94)მაყურებელი: 60 026ვილიარეალი (ესპანეთი)-ტვენტე (ჰოლანდია) 5:1ვილიარეალი (4-4-2): დ. ლოპესი - მარიო, გონსალო (71. კაპდევილა), მუსაჩიო, კატალა (82. კიკო) - ბ. ვალერო (79. კანი), მარჩენა, ბრუნო, კასორლა - ნილმარი, როსი.ტვენტე (4-3-3): მიჰაილოვი - დუგლასი, ვიზგერჰოფი, ონიევუ, ტიენდალი - როსალესი, ბრამა (77. ლანდზაატი), იანსენი - რუისი (60. ჩადლი), დე იონგი (32. იანკო), ბაირამი.გოლები: 1:0 მარჩენა (22), 2:0 ბ. ვალერო (43), 3:0 ნილმარი (45), 4:0 როსი (55), 5:0 ნილმარი (80), 5:1 იანკო (91)მაყურებელი: 22 000დინამო (უკრაინა)-ბრაგა (პორტუგალია) 1:1დინამო (4-4-2): შოვკოვსკი - სილვა, ხაჩერიდი, იუსუფი, პოპოვი - გუსევი, ერიომენკო, ვუკოევიჩი, იარმოლენკო - კრავეცი (46. შევჩენკო), მილევსკი.ბრაგა (4-5-1): არტური - მ. გარსია, კაკა, პაულაო (46. კუსტოდიო), სილვიო - ალანი, ვანდინიო, სალინო (74. მოსორო), ვიანა, პაულო სესარი - ლიმა (83. მეიონგი).გოლები: 1:0 იარმოლენკო (6), 1:1 გუსევი (13 ს.კ.)გაძევება: შევჩენკო (61)მაყურებელი: 16 000..

ევროპა ლიგა. ორივე ფრანგულმა გუნდმა გაიმარჯვა

[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა

ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან

"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია

ფრე ქუთაისში... და "თელავის" მოგება "გაგრასთან"

პირველი ტაიმის შემდეგ პსჟ "ოსერს" 1:0 ამარცხებს

"ოსერთან" მატჩში პსჟ-ს სასტარტო შემადგენლობა ცნობილია

ზივზივაძის "ჰაიდენჰაიმმა" ნანატრი გამარჯვება მოიპოვა

[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა

[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა

გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა

"იუნაიტედი" "ბრენტფორდთან" დამარცხდა - გაუშვებენ ამორიმს?

[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან

FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა

დუდუ დადიანის მემორიალის 24-ე გათამაშება ოლიმპიურ სასახლეში დაიწყო

"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა

"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ

"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია

"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა

[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა

"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები

Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა

პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე