<p>საქართველოს ფუტსალის ლიგის XIII ტურის შეხვედრები ორ დღეზე გადანაწილდა. უხვგოლიანი და დაძაბული დაპირისპირებების შემდეგ ფუტსალის ლიგის სატურნირო ცხრილს ახალი ლიდერი ჰყავს.</p><p>სასტარტო დაპირისპირება 13 მარტს, ქუთაისის სპორტის სასახლეში გაიმართა. ადგილობრივმა "მართვემ" ჩემპიონატის ერთ-ერთი ფავორიტი "კოლხი-გულრიფში" მიიღო და 7:13 დამარცხდა. გამარჯვებულთა რიგებში ოთხი გატანილი გოლით ომით ნაბათალიზადე გამოირჩა. ჰეთ-თრიკია მისი თანამემამულის, ჰამედ ჰოსეინზადეს ანგარიშზე.</p><p>ტურის დარჩენილი შეხვედრები 16 მარტს, თბილისის ოლიმპიურ სასახლეში გაიმართა.</p><p>სათამაშო დღემ სტარტი "აფხაზეთისა" და "თბილისის" შეხვედრით აიღო. გარდამავალი უპირატესობით მიმდინარე დაპირისპირება "დედაქალაქელების" გამარჯვებით, 8:3 დასრულდა. გამარჯვებულებს ხუთი გატანილი გოლით კახაბერ გოგოხიამ ულიდერა.</p><p>მატჩისშემდგომი კომენტარი:</p><p><strong>კახა გოგოხია</strong>, თბილისი: "არ იყო მარტივი შეხვედრა. მატჩის პირველ ნახევარში ვერ შევძელით ბევრი საგოლე მომენტის რეალიზება, თუმცა გავიმარჯვეთ და ანგარიშით კმაყოფილი ვარ, ჩემ მიერ გატანილ გოლებზე მნიშვნელოვანი ანგარიშია. ძალიან მცირე შანსი გვაქვს ოთხეულში მოხვედრის, მაგრამ ბოლომდე ვიბრძოლებთ, დასაკარგი არაფერი გვაქვს".</p><p>წარმატებული სერია შეწყვიტა ბსუ-მ. "სტუდენტები" მიმდინარე ტურში "ტატიშვილს" დაუპირისპირდნენ და უმძიმეს ბრძოლაში 4:7 დამარცხდნენ. განსაკუთრებით საინტერესო მატჩის პირველი ნახევარი გამოდგა, როდესაც "მედიკოსების" ხუთბურთიანი უპირატესობიდან პირველ ტაიმშივე თითქმის არაფერი დარჩა და შესვენებაზე გუნდები მინიმალური ჩამორჩენით გავიდნენ. მეორე ტაიმში ფავორიტმა უკეთესი ფიზიკური მომზადების და კლასის ხარჯზე კიდევ ორი გოლის გატანა შეძლო და დამსახურებული სამი ქულაც იზეიმა, რაც, როგორც შემდგომ გაირკვა, სატურნირო ცხრილის სათავეში მოსაქცევად საკმარისი აღმოჩნდა.</p><p>მატჩისშემდგომი კომენტარი:</p><p><strong>ამირან ასამბაძე</strong>, ბსუ: " ჩვენი მთავარი მინუსი საკადრო პრობლემები იყო, ძირითადის ოთხი ფეხბურთელი გვაკლდა, რაც თამაშზეც აისახა. ბიჭები ბოლოს ძალიან დავიღალეთ. მაყურებელი ალბათ კმაყოფილი დარჩა ამ თამაშით, რადგან 5:0-დან შეხვედრაში ანგარიში 5:4 გავხადეთ და ძალიან ცოტა დაგვაკლდა სასურველ შედეგამდე. ძალიან გართულდა ბრძოლა 4 ადგილისთვის. მე მინდა დიდი მადლობა გადავუხადო მეტოქეს კარგი თამაშისთვის, ისევე, როგორც ჩემს გუნდს".</p><p><strong>გიორგი ლუკავა</strong>, ტატიშვილი: "ბსუ-სთან გვქონდა თამაშის გამოცდილება და დავმარცხდით. დღესაც 5:0-დან 5:4 გაგვიხადეს ანგარიში. ეს ყველაფერი მეტყველებს, რომ ჩვენი დღევანდელი მეტოქე ნამდვილად ძლიერი გუნდია. ალბათ ამ კონკრეტულ მომენტში ჩვენც მოვდუნდით, თუმცა მეორე ტაიმში გამოვედით მობილიზებულები და მოვახერხეთ გამარჯვება. ბურთს ვიჭერდით, რამაც ჩვენთვის სასურველი ანგარიში განაპირობა".</p><p>ტურის ცენტრალურ შეხვედრაში ერთმანეთს მოქმედი ჩემპიონი "სტუ-თელასი" და გათამაშების ერთ-ერთი ფავორიტი "აგორა" დაუპირისპირდნენ. "ენერგეტიკოსების" საკადრო პრობლემებიდან გამომდინარე, მატჩის ფავორიტად "ფინანსისტები" ითვლებოდნენ, თუმცა ასათიანის შეგირდებმა, საოცარი თავდადების და მონდომების ხარჯზე, შეძლეს საჭირო სამი ქულის მოპოვება - 7:4. ამ გამარჯვებით "თელასი" პლეი-ოფისთვის ბრძოლაში უშუალო კონკურენტს, ბსუ-ს ექვსი ქულით დაშორდა და ოთხეულში ადგილი გაიმყარა. "აგორას" კი სეზონში მესამე მარცხი ცხრილში პირველობის დათმობად დაუჯდა.</p><p>მატჩისშემდგომი კომენტარი:</p><p><strong>ავთანდილ ასათიანი</strong>, "სტუ-თელასის" მოთამაშე-მწვრთნელი: "პირველ რიგში, მინდა ჩემს ბიჭებს ძალიან დიდი მადლობა ვუთხრა. რთულია თამაში მაშინ, როცა სათადარიგოთა სკამი არ გყავს. ბიჭები დაღლილები იყვნენ პირველი ტაიმის შემდეგ, ფეხები ეკეცებოდათ, თუმცა მონდომების ხარჯზე მოვახერხეთ მოგება და ჰაერივით საჭირო სამი ქულა ავიღეთ.</p><p>მაქსიმუმს გავაკეთებ, რომ ოთხეულში შევიდეთ. ტრავმების მხრივ, ძალიან რთული მდგომარეობა გვაქვს. რაც მალე დაგვიბრუნდებიან ბიჭები, უკეთესია. იმედი გვაქვს, შოთა თოფურია პლეი-ოფებზე დაგვეხმარება, გიორგი სოზაშვილი კი, სავარაუდოდ, მესამე წრეში შემოგვიერთდება. მოხარულები ვიქნებით, თუ გავძლიერდებით და მოთამაშეები დაგვემატებიან. სურვილი გვაქვს, ვმუშაობთ ამ თემაზე და იმედია, გამოგვივა, თორემ თუ არ გავძლიერდებით, ისე ძალიან გაგვიჭირდება პლეი-ოფში გასვლაც კი".</p><p>ცენტრალური შეხვედრის დაწყებამდე adjarasport.com-მა XII ტურის საუკეთესო ფეხბურთელი დააჯილდოვა, რომელიც sbm.ge-ს, მკითხველთა გადაწყვეტილებით, "კოლხი-გულრიფშის" ფეხბურთელი გოგლა ჭოხონელიძე გახდა.</p><p><span style="text-decoration: underline;">13.03.2018. ფუტსალის ლიგა. XIII ტური (ქუთაისის სპორტის სასახლე)</p><p></span><em><strong>მართვე (ქუთ) - კოლხი-გულრიფში 7:13 (2:5)</p><p></strong></em>გოლები: 02:08’ ხაჭაპურიძე (1:0), 05:40’ ალავერიქჰანი (1:1), 11:41’ ნაბათალიზადე (1:2), 12:09’ ნაბათალიზადე (1:3), 13:10’ გოგსაძე (ს.კ 1:4), 15:22’ ბერეჩიკიძე (2:4), 15:27’ დარჩია (2:5), 20:11’ ბერეჩიკიძე (3:5), 21:26’ ნაბათალიზადე (3:6), 23:24’ ალავერიქჰანი (3:7), 26:12’ გოგსაძე (4:7), 26:46’ დარჩია (4:8), 27:45’ რეხვიაშვილი (4:9), 28:28’ ხაჭაპურიძე (5:9), 32:56’ ბერეჩიკიძე (6:9), 35:06’ ნაბათალიზადე (6:10), 36:37’ ჰოსეინზადე (6:11), 37:05’ ჰოსეინზადე (6:12), 37:54’ ჰოსეინზადე (6:13), 38:01’ გორგოძე (7:3)</p><p>გაფრთხილება: 13:38’ ჰოსეინზადე (კოლ)</p><p><span style="text-decoration: underline;">16.03.2018. ფუტსალის ლიგა. XIII ტური (ოლიმპიური სასახლე)</p><p></span><em><strong>აფხაზეთი - თბილისი 3:8 (2:2)</p><p></strong></em>გოლები: 09:04’ მუმლაძე (1:0), 11:26’ გოგოხია (1:1), 19:28’ ს.ლომიძე (2:1), 19:41’ გოგოხია (2:2), 22:01’ გოგოხია (2:3), 22:15’ კუხიანიძე (3:3), 24:42’ კიკვაძე (3:4), 30:21’ გოგოხია (3:5), 38:14’ სანიკიძე (3:6), 38:47’ ჯოხაძე (3:7), 39:14’ გოგოხია (3:8)</p><p>გაფრთხილება: 23:10’ კუხიანიძე (აფხ), 38:57’ კვანტალიანი (თბ)</p><p><em><strong>ბსუ (ბთ) - ტატიშვილი 4:7 (4:5)</p><p></strong></em>გოლები: 07:12’ ლუკავა (0:1), 08:17’ სილაგავა (0:2), 12:48’ ონიანი (0:3), 13:28’ მურცხვალაძე (0:4), 13:45’ ლუკავა (0:5), 14:08’ ასამბაძე (1:5), 14:58’ ჯალაღონია (2:5), 15:12’ გაბუნია (3:5), 18:43’ ასამბაძე (4:5), 31:14’ თოთლაძე (4:6), 33:40’ ლუკავა (4:7)</p><p>გაფრთხილება: 09:42’ ლუკავა (ტატ), 18:43’ ბუკია (ტატ), 18:43’ ასამბაძე (ბსუ), 18:43’ ბროლაძე (ბსუ), 24:13’ კეკელია (ტატ), 27:44’ ექიზაშვილი (ტატ), 31:02’ მურცხვალაძე (ტატ)</p><p><em><strong>სტუ-თელასი - აგორა 7:4 (4:2)</p><p></strong></em>გოლები: 07:30’ კობაიძე (0:1), 08:31’ ასათიანი (1:1), 08:47’ სიგუნავა (1:2), 10:29’ ჯამბურია (2:2), 11:25’ ჭუმბურიძე (3:2), 19:10’ წვერავა (4:2), 28:21’ დანელია (4:3), 29:19’ ჩიმაკაძე (4:4), 32:56’ წვერავა (5:4), 35:50’ ასათიანი (6:4), 38:33’ წვერავა (7:4)</p><p>გაფრთხილება:34:24’ გეგეშიძე (თელ)</p><p>გაძევება: 17:46’ ალი ასლანი (აგო)</p><p>ცამეტი ტურის შემდეგ 30 ქულით სატურნირო ცხრილს "ტატიშვილი" ლიდერობს, რომელსაც ერთი ქულით ჩამორჩება "კოლხი", ხოლო მესამე ადგილზე ჩამოქვეითებულ "აგორას" 28 ქულა აქვს და სამი ქულით უსწრებს მეოთხე პოზიციაზე მყოფ "თელასს".</p><p><strong>ბომბარდირები</strong>: კახაბერ გოგოხია (თბილისი), ჰამედ ჰოსეინზადე (კოლხი) - 18, გიგა დანელია (აგორა), გიორგი სილაგავა (ტატიშვილი) - 17, ბაბაქ ალავერიქჰანი (კოლხი), ლაშა სიგუნავა - 15.</p><p><strong></p><p>* * *</strong></p><p>ღონისძიების პარტნიორები და მხარდამჭერები არიან: "სოკარი", ტელეკომპანია "SILK", "ნაბეღლავი", იურიდიული ჯგუფი "McGill", "ტატიშვილის სამედიცინო და სპორტული რეაბილიტაციის ცენტრი".</p><p>მედიაპარტნიორები: რადიოები, "იმედი", JAKO FM, "კომერსანტი", "თანამგზავრი", ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, tsff.ge, გაზეთი "ლელო".</p><p><strong></p><p>სპორტული სააგენტო SBM-ის პრესსამსახური</strong><br></p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ფუტსალის ლიგა: პრინციპული მეტოქეების დაპირისპირება "ტატიშვილის" გამარჯვებით დასრულდა
ფუტსალის ლიგა: "თელასი" და "აგორა" ნახევარფინალურ სერიაში დაწინაურდნენ
ფუტსალის ლიგა სეზონის მთავარი მატჩის მოლოდინში!
ფუტსალის ლიგა: უკვე ოფიციალურად, ოთხეული გარკვეულია!
ფუტსალის ლიგის ფინალური მატჩის პრომო [VIDEO]
ფუტსალის ლიგა: XVII ტური "საყაიმო თრილერით" დასრულდა