<p>ვლადიმერ ვაისი რუს ჟურნალისტს არ ეთანხმება, რომ ქართული ფეხბურთი მკვდარია <br> bombardir.ru-ს ჟურნალისტმა სერგეი ბესედინმა ვრცელი ინტერვიუ ჩამოართვა საქართველოს ნაკრების მწვრთნელს ვლადიმერ ვაისს. გთავაზობთ ამონარიდს, რომელიც ჩვენს ეროვნულ გუნდთან მის მუშაობას და დამოკიდებულებას ეხება.</p><p><strong>- მუნდიალის შესარჩევი ტურნირის შუაში ჩაიბარეთ საქართველოს ნაკრები, როდესაც გუნდს მეორე ადგილზე გასვლის შანსიც კი არ ჰქონდა. რატომ?</strong></p><p>- მომწონს ახალი გუნდების შექმნა. ასე იყო სლოვაკეთში "არტმედიაში". ნულიდან დავიწყე "სატურნში". როდესაც "კაირატში" მივედი, იქ ახალი ეპოქა იწყებოდა. თავი უფრო მშენებებლად მიმაჩნია, ვიდრე მწვრთნელად. მშენებლობას ყველგან ნულიდან ვიწყებ. საქართველოს ფეხბურთის ფედერაციას საფეხბურთო სამყაროში ცნობილი პიროვნება ლევან კობიაშვილი ჩაუდგა სათავეში. ის "შალკესა" და "ჰერტაში" თამაშობდა, ქართულ ფეხბურთში ახალი იდეებით მოვიდა და უნდა თავის ქვეყანაში ფეხბურთი უკეთესი გახადოს. მე მაინტერესებს ამ ახალ პროექტში მუშაობა და საქართველოს ახალი ნაკრების აშენება. ლევანის დიდად მადლიერი ვარ, რომ ახალი გამოცდილების მიღების საშუალება მომცა.</p><p><strong>- ქართული ფეხბურთი ამჟამად უფრო მკვდარია, ვიდრე ცოცხალი. ნაკრებიც ძალიან სუსტია. არ გეშინიათ, რომ რეპუტაციას გაიფუჭებთ?</strong></p><p>- ჩემთვის დიდი პატივია სხვა ქვეყნის ეროვნული გუნდის მწვრთნელობა. ქართველი ფეხბურთელები ყოველთვის ძლიერები იყვნენ და მაღალი დონისად ითვლებოდნენ. საბჭოთა პერიოდისას თბილისმა ევროტურნირი მოიგო. აბა, გაიხსენე, სსრკ-ს დაშლის შემდეგ რამდენი ქართველი თამაშობდა ევროპაში: კალაძე, არველაძე, კობიაშვილი, დემეტრაძე. ვერ დაგეთანხმები, რომ ქართული ფეხბურთი სუსტია. საქართველოში ყოველთვის ბევრი ტალანტი იყო, მათ შესანიშნავი საფეხბურთო ისტორია აქვთ, რომელსაც პატივი უნდა სცე.</p><p><strong>- ისტორია კარგია, მაგრამ ყველას ესმის: ეს წარსულია. მუნდიალის საკვალიფიკაციო ციკლში არც ერთი მატჩი არ მოგიგიათ.</strong></p><p>- ახლა თაობათა ცვლის პროცესი მიმდინარეობს, გუნდი ძალიან ახალგაზრდა და პერსპექტიულია. მხოლოდ ორი ვეტერანი მყავს - დვალიშვილი და კანკავა. დანარჩენები 20-22 წლისა არიან. ბევრი ევროპულ კლუბში თამაშობს. ზოგიერთი ესპანეთსა და იტალიაში. ლა ლიგასა და სერია A-ში არა, თუმცა სეგუნდა და სერია B-ც კარგია. ასეთ გუნდში მუშაობა საინტერესოა და შედეგის მიღწევა შესაძლებელია.</p><p><strong></p><p>- რა შედეგს უნდა მიაღწიო იმ ფეხბურთელებით, რომლებმაც 2 მატჩში თვით მოლდოვა ვერ დაამარცხეს?</strong></p><p>- ყველაფერს თავისი დრო აქვს. ორი კარგი გასვლითი შეხვედრა ჩავატარეთ უელსთან და ავსტრიასთან, ეს მატჩები ფრედ დასრულდა. სახლში ირლანდიასთან არ დავმარცხდით. მოლდოვა პირველ შეხვედრაში საკუთარ მოედანზე უნდა დაგვემარცხებინა, 1:0- ვიგებდით, მაგრამ გაცკანმა თამაშის ბოლოს რაღაც სასწაული გოლი გაგვიტანა და თავის გუნდს ქულა მოუპოვა.</p><p>მეორე, გასვლით მატჩზე გუნდს უკვე მე ვუდექი სათავეში. თამაში ცუდად დავიწყეთ, 0:2-ს ვაგებდით. მერე ანგარიში გავათანაბრეთ. უნდა მოგვეგო, მაგრამ ბურთი ხარიხას გავარტყით, მეკარესთან პირისპირ გასვლა ვერ გამოვიყენეთ. ვიმუშავებთ, ტაქტიკაში მოვუმატებთ და შემდეგ შესარჩევ ციკლში შედეგი გაუმჯობესდება.</p><p><strong>- 90-იან წლებთან შედარებით ქართულმა ფეხბურთმა რატომ განიცადა ასეთი დეგრადაცია?</strong></p><p>- მთავარი პრობლემა ინფრასტრუქტურაა. ახალგაზრდა ფეხბურთელებს არ შეუძლიათ ასეთ პირობებში ზრდა და განვითარება. უნდა აშენდეს ახალი ბაზები, სტადიონები, თანამედროვე საფეხბურთო ცენტრები. სანამ სხვები ამას აკეთებდნენ, საქართველოში ამისათვის არ ეცალათ. ქვეყანამ მძიმე პერიოდი გაიარა. ახლა ყველაფერი ლაგდება. შენდება ახალი აკადემიები, მოედნები, საფეხბურთო სკოლები ვითარდება. ქართველ ხალხს ძალიან უყვარს ფეხბურთი და დარწმუნებული ვარ: ყველაფერი გამოვა.</p>
niko
რა ბაზები და ინფრასტრუქტურა იყო ადრე? ერთი დინამოს ჰქონდა ბაზა და დანარჩენი საქართველო ან ეზოს ფეხბურთს თამაშობდა ან სოფელში შარაგზის ან კიდევ ფეხშიშველა სადმე მინდორზე. ეხლა რომ აქვთ იმდენი როდის იყო? მაგრამ მიჯაჭვულია ბავსვები ტელევიზორს, კომპუტერს, ვიდეო თამაშებს და ფეხებზე ჰკიდიათ ვარჯიში და სირბილი. ერთი კედები დაფხრეწვამდე მეცვა და სანამ მეორეს მიყიდდნენ თუ რამე სხვა ფეხსაცმელი მქონდა ყველა ფეხბურთისგან გაცვეთილი იყო. მერე კიდევ სკოლაში სკამებს ვაძრობდით პლასტმასს და იმით ვთამაშობდით კორიდორებში, სანამ რომელიმე მასწავლებელი ან ქეჩოსი გვჭვდებოდა ან კიდევ თავში წამოგვითაქებდა. ნახეთ აფრიკელები სად თამაშობენ და სწავლობენ და შეხედეთ ყველა დიდ ლიგას რამდენი აფრიკელი ჰყავთ. დინამოს სტადიონზე და მანამ ის გარემონტდებოდა ლოკომოტივზე თამაშზე წასვლა მამაჩემთან ერთად ხომ ყველაფერს სჯობდა. თან სად იყო გასაქანი მაშინ დღეს რომ საშუალება აქვთ. მონდომება არ არის თორემ ბურთი მანახეთ დღესაც და მოედანს ყცბად მოგიძებნით.
უკრაინა - საქართველო | წლის დასკვნითი მატჩი
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
46 წლის ასაკში ლეგენდარული რონალდინიო მოედანს უბრუნდება და ხვალ ძირითად შემადგენლობაში იქნება
მესამე მწვრთნელი სეზონში - "ლანსი" დიდიე დიგარს ჩააბარეს
საუკეთესო ბომბარდირი ისტორიაში - სალაჰმა ჰოსამ ჰასანს გადაასწრო
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
ლეგენდარული მესი "მონუმენტალზე" კიდევ ერთ მატჩს გამართავს, თუმცა უკვე არგენტინელთა მეტოქის რანგში...
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
ოთარ კაკაბაძე: ვიმუშავებთ და აუცილებლად გამოვასწორებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
სობოსლაი: ახლოს ვიყავი იმასთან, რომ საქართველოსთან არ მეთამაშა
ვაისი: რა შეიცვალა საქართველოს ნაკრებში ჩემი წასვლის შემდეგ?
შეთანხმება არ შედგა - ვაისმა აზერბაიჯანელებს უარი შეუთვალა
უკრაინა - საქართველო | წლის დასკვნითი მატჩი
კაშია და კანკავა ზედიზედ მესამედ გახდნენ სლოვაკეთის ჩემპიონები
ვაისი კვლავ ნაკრებს, ამჯერად ჩვენ მეზობლად გაწვრთნის? - კაშიას და კანკავას შესაძლოა, ახალი დამრიგებელი ჰყავდეთ
ქართველებისთვის კარგად ნაცნობ "სლოვანს" იაია ტურეს ჩააბარებენ
"საქართველოში ეს მომენტი არასდროს დამავიწყდება... ვაისმა იქ ფეხბურთელებს თვალები აუხილა და მედიის მიღმა ეს ხდებოდა!" - ინტერვიუ ვაისის ერთ-ერთ ასისტენტთან