ფეხბურთი სკოლაში: "დინამოს" გაკვეთილები

თბილისის ილია ჭავჭავაძის სახელობის 23-ე საჯარო სკოლას "დინამოს" მართლაც წარმომადგენლობითი დელეგაცია სტუმრობდა! გუშინდელი დღე თბილისის ილია ჭავჭავაძის სახელობის 23-ე საჯარო სკოლის მოსწავლეებს, ალბათ, ძალიან დიდხანს ემახსოვრებათ: დედაქალაქის ერთ-ერთ უძველეს და პრესტიჟულ სასწავლო დაწესებულებას თბილისის "დინამოს" მართლაც წარმომადგენლობითი დელეგაცია სტუმრობდა!"დინამოს" სპორტულ დირექტორს გიორგი ნემსაძეს, გუნდის ფეხბურთელებს ალექსანდრე კოშკაძეს, გიორგი ლორიას, გიორგი თექთურმანიძეს, ირჟი ჰომოლასა და კლუბის პრესატაშეს გიგა გვენცაძესაც ანალოგიური განცდა დაუფლებოდათ - დაახლოებით სამი საათის განმავლობაში ავტოგრაფების დარიგებას ვერ აუდიოდნენ და სკოლაში მოწყობილი საფეხბურთო ზეიმის ეპიცენტრში რომ იყვნენ მოქცეული......ახალი რა უნდა ვთქვათ: თბილისის "დინამო" მრავალი თაობების საყვარელი გუნდი და ცხოვრების განუყოფელი ნაწილი იყო; სამწუხაროდ, ნურც მწარე რეალობას დავივიწყებთ: უკვე მერამდენე წელია, "დინამოს" საშინაო მატჩებს ძალიან ცოტა მაყურებელი რომ ესწრება. რაღა თქმა უნდა, კლუბშიც კარგად უწყიან ამ პრობლემის შესახებ და სხვა (უპირველეს ყოვლისა, წმინდა საფეხბურთო) საკითხებთან ერთად, "დინამოსთვის" გულშემატკივარის დაბრუნებაც ერთ-ერთი პრიორიტეტული მიმართულება იქნება.საერთოდაც, "დინამოში" ახალი ხელმძღვანელობის, კერძოდ, გენერალური დირექტორის ზურაბ პოლოლიკაშვილის მოსვლის შემდეგ კლუბში არაერთი საინტერესო აქციაც იგეგმება, მათ შორის განსაკუთრებული ყურადღება უნდა დაეთმოს პატარებში ცხოვრების ჯანსაღი წესის დამკვიდრებას. ერთ-ერთ ასეთ აქციას (რომელსაც პირობითად "დინამოს გაკვეთილები" შეიძლება რომ ვუწოდოთ) გუშინ 23-ე საჯარო სკოლამ უმასპინძლა. სააქტო დარბაზში შეკრებილ მოსწავლეებს საპატიოზე-საპატიო სტუმრები სკოლის დირექტორმა თეიმურაზ კიკნაძემ წარუდგინა, შემდეგ პატარების წინაშე საქართველოს ნაკრებისა და თბილისის "დინამოს" ყოფილი კაპიტანი და დღესდღეობით ამ კლუბის სპორტული დირექტორი გიორგი ნემსაძე წარსდგა კლუბის პრესატაშემ გიგა გვენცაძემ "დინამოს" ფეხბურთელები გააცნო მოსწავლეებს, ამას გარდა, დარბაზში მყოფთ საშუალება ჰქონდათ "დინამოს" მდიდარ ისტორიაზე გადაღებული დოკუმენტური კადრები ეხილათ. თუმცა, "მთავარი" მაინც წინ იყო: სააქტო დარბაზიდან ყველამ სკოლის ხელოვნურსაფარიან მოედანზე გადავინაცვლეთ, სადაც მეტად და მეტად საინტერესო "ოთხთა ტურნირი" ჩატარდა. თუმცა, მანამდე სკოლის მეხუთეკლასელთაგან ოთხი გუნდი ჩამოყალიბდა და იქ მყოფი ოთხივე დინამოელი (კოშკაძე, ლორია, თექთურმანიძე, ჰომოლა) ამ გუნდების კაპიტნებადაც შეიძლება რომ მოვიხსენიოთ და მოთამაშე-!წვრთნელებადაც...მატჩები ათწუთიანი იყო და პირველ ნახევარფინალში ერთმანეთის პირისპირ ალექსანდრე კოშკაძისა და გიორგი თექთურმანიძის მიერ დაკომპლექტებული გუნდები შეხვდნენ; დაძაბული შეხვედრა ფრედ დასრულდა, პენალტების სერიაში კი გიორგი თექთურმანიძის გუნდმა გაიმარჯვა. სხვათა შორის, "დინამოს" ახალგაზრდა ნახევარმცველი გუშინდელ დღეს განსაკუთრებული ყურადღების ქვეშ იყო მოქცეული, - როგორც, 23-ე სკოლის... კურსდამთავრებული!არანაკლებ საინტერესო გამოდგა მეორე ნახევარფინალიც და გამარჯვებულის გამოსავლენად იქაც პენალტების სერიის ჩატარება გახდა საჭირო. კულმინაცია იყო გადამწყვეტი დარტყმები: გიორგი ლორიამ პენალტი ზუსტად შეასრულა, მერე კი (როგორც "დინამოს" თუ საქართველოს ნაკრებში "დაგვაჩვია") კარში ჩადგა და ჩეხი ირჟი ჰომოლას პენალტი მოიგერია!ფინალურ მატჩიც საინტერესო გამოდგა და საბოლოოდ გიორგი თექთურმარიძის გუნდმა გაიმარჯვა. ორივე ფინალისტს "დინამოს" ლოგოთი დამშვენებული სპორტული გადასაცმელები გადაეცათ, გამარჯვებულებს კი - "დინამოს" მიერ დაწესებული ლამაზი თასი და ფეხბურთელების ავტოგრაფებით დამშვენებული ბურთები. თუმცა, გუშინ უსაჩუქროდ არც სხვები დარჩენილან: აქციის ყველა მონაწილესა თუ გულშემატკივარს (ამ კატეგორიაში კი გოგონები სჭარბოდნენ, თანაკლასელებს მხურვალედ და ემოციურად რომ ქომაგობდნენ) საქართველოს ჩემპიონატის XXX ტურის ცენტრალური მატჩის ("დინამო"-"ოლიმპი") მოსაწვევები დაურიგდათ."დინამოს გაკვეთილები" ამიერიდან სისტემატურ ხასიათს მიიღებს და დედაქალაქში სხვა სკოლებშიც ჩატარდება ისე, ჩვენგან რა ესწავლებათ "დინამოს" ხელმძღვანელობას, მაგრამ, ალბათ, უპრიანი იქნებოდა თბილისში არსებულ უმაღლეს სასწავლებლებთანაც დამყარებულიყო მსგავსი კონტაქტები. მით უფრო, რომ ამა თუ იმ უმაღლესი სასწავლებლის სტუდენტებიც ალბათ არ იქნებიან გულგრილნი თბილისის "დინამოს" მიმართ...

ddd

ეგრე, რა! სხვა კლუბებიც თუ მიხვდებიან, რო უმარტივესი გასაკეთებელი საქმეა და დიდი დივიდენდები მოაქვს, ახლავე და შორეულ პერსპექტივაშიც, კარგი იქნება. კლუბისთვისაც, ზოგადად _ ფეხბურთისთვისაც და ქვეყნისთვისაც. ,დინამო', არ გაჩერდე!მიბაძეთ ,დინამოს,! დინამოს ახალი არაფერი გამოუგონებია. ყველა წესიერ საფეხბურთო ქვეყანაში კლუბს აქვს დიდი სოციალური დატვირთვა. კლუბი საზოგადოების აქტიური ნაწილია და იმიტო ყავს ნაღდი გულშემატკივარი, რომელიც იცნობს ფეხბურთელებს და პატივს სცემს კლუბს.

კალანდაძე თბილისის "დინამოში" დაბრუნდა

[VIDEO] "რამდენიმე ფეხბურთელს ვესაუბრებით" - "ტორპედოს" მწვრთნელმა შესაძლო ტრანსფერებზე ისაუბრა და შეკრება შეაფასა

თბილისის "დინამომ" ბოსნიელი მცველი დაიმატა

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა