- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფედერერის გარეშე
<p>მონტე კარლოს მასტერსის 1/4 ფინალში ავსტრიელმა იურგენ მელცერმა შვეიცარიელს ორ სეტში მოუგო და ნახევარფინალში დავიდ ფერერს შეხვდება <br> მონტე კარლოს მასტერსის მერვედფინალურ ეტაპზე ყველაფერმა ლოგიკურად ჩაიარა. თითქმის ყველა მატჩს გარკვეული ინტრიგა ახლდა თან.</p><p>მაგალითად, მილოშ რაონიჩს შეეძლო რევანში აეღო დავიდ ფერერისთვის ავსტრალიის ღია პირველობაზე დამარცხების გამო. მაგრამ იმის გათვალისწინებით, რომ მილოში კარიერაში მხოლოდ მესამე შეხვედრას ატარებდა გრუნტის საფარზე, ხოლო მისი მეტოქე თიხნარის აღიარებული ოსტატია, არავის სჯეროდა, რომ კანადელი წარმატებით დაძლევდა ამ ბარიერს. მართლაც, რაონიჩის ძლიერი მოწოდება დავიდისთვის სერიოზული საფრთხე არ ყოფილა. მთელი მატჩის განმავლობაში ესპანელმა ხუთი ბრეიკი გააკეთა - 6:1, 6:3.</p><p>ამის შემდეგ ცენტრალური კორტი მსოფლიოს პირველ ჩოგანს რაფაელ ნადალსა და რიშარ გასკეს დაეთმოთ. ფრანგმა რამდენჯერმე კარგი ბრძოლა აჩვენა ესპანელის წინააღმდეგ, მაგრამ ვერც ერთი ვერ მოიგო (პირადი შეხვედრების ანგარიში იყო - 0:7). ამჯერად მან ისევ ღირსეულად ითამაშა. პირველ სეტშიც, რომელიც ნადალმა ორი ბრეიკით მოიგო, ბევრი ბრძოლა იყო - ესპანელმა გაჭირვებით აიღო რამდენიმე ხანგრძლივი გეიმი. მეორე სეტში ნადალი ისევ ბრეიკით გავიდა წინ (4:3) და თითქოს ეს გადამწყვეტი მომენტი იყო მატჩში, მაგრამ გასკე არ დანებდა და საპასუხო ბრეიკი გააკეთა. თუმცა უფრო აგრესიულად მოთამაშე რაფამ ზედიზედ ორი გეიმი აიღო და მესამე სეტის შანსი არ მისცა ფრანგს - 6:2, 6:4.</p><p>მარინ ჩილიჩი და როჯერ ფედერერი მეორედ ხვდებოდნენ ერთმანეთს. ნადალისგან გასხვავებით შვეიცარიელს უფრო იოლი მატჩი ჰქონდა, რადგან მოწინააღმდეგე ეხმარებოდა შეცდომებით. მეტოქეებმა ერთნაირი რაოდენობის "ვინერსები" მოაგროვეს, მაგრამ ჩილიჩს 17-ით მეტი უნებლიე შეცდომა ჰქონდა. ამის გამო მან სერიოზული წინააღმდეგობა ვერ გაუწია როჯერს - 4:6, 3:6.</p><p>განთესვის პირველი ოთხთეულიდან ყველაზე დიდ ინტერესს ენდი მიურეი იწვევდა. საქმე ისაა, რომ იანვრის შემდეგ ბრიტანელმა პირველი მატჩი წინა დღეს რადეკ შტეპანეკთან მოიგო. შოტლანდიელის მეორე მეტოქეს - ჟილ სიმონს უყვარს გრუნტზე თამაში, ამიტომაც მიურეის სერიოზული გამოცდა ელოდა. პირველ სეტში ფრანგი არაფერში ჩამოუვარდებოდა მიურეის, მაგრამ პარტიის მეორე ნახევარში ჩავარდნა ძვირად დაუჯდა. გარდა ამისა, მან ტრავმაც მიიღო და ერთი პირობა უარს ამბობდა ბრძოლის გაგრძელებაზე, მაგრამ მაინც გავიდა კორტზე. დაჩენილ დროში სიმონი აშკარად ფეხს უფრთხილდებოდა, რითაც კარგად ისარგებლა ენდიმ და მოჭრილ დარტყმებზე გადავიდა, რითაც პუბლიკამ სტვენით უპასუხა. შოტლანდიელის უპირატესობა ეჭვს აღარ იწვევდა - 6:3, 6:3.</p><p>მერვედფინალურ ეტაპს გარკვეული სარეიტინგო ინტრიგა ახლდა თან. მას შემდეგ, რაც წინა დღეს ფერნანდო ვერდასკომ ტომი რობრედოსთან წააგო, კლასიფიკაციის პირველ ათეულში ადგილი განთავისუფლდა - ფერნანდომ ვერ დაიცვა შარშანდელი ფინალი და ტოპ-ათეულიდან გავარდა. მის ადგილს ორი ჩოგბურთელი უმიზნებდა: მარდი ფიში და ნიკოლას ალმაგრო. თუმცა ამერიკელი მონტე კარლოში არ თამაშობს, ასე რომ მასზე არაფერი იყო დამოკიდებული.</p><p>ყველაფერი ნიკოლას ალმაგროს ხელში იყო, რომელსაც ერთი მოგება სჭირდებოდა ათეულში შესასვლელად. მაგრამ მას ძლიერი მეტოქე ჰყავდა - იურგენ მელცერი, რომელიც რეკორდულ მერვე ადგილზე გადავიდა კლასიფიკაციაში. ალმაგრომ წინა დღეს სამსაათიანი მარათონი მოუგო მაქსიმო გონსალესს და ეტყობა ძალების აღდგენა ვერ მოასწრო. საბოლოოდ, ავსტრიელმა იოლად გაიმარჯვა - 6:1, 6:4.</p><p>* * *</p><p>მელცერი ალმაგროს ძლევით არ დაკმაყოფილდა და გუშინ სენსაციურად მოუგო ფედერერს. თანაც ავსტრიელმა ამისთვის ორი სეტი იკმარა. იურგენმა თითო პარტიაში თითო ბრეიკი აიღო და ეს საკმარისი აღმოჩნდა გასამარჯვებლად. როჯერმა საკუთარ თავს უნდა დააბრალოს ეს მარცხი, რადგან ორივე სეტის ბოლოს ჰქონდა ბრეიკ-პოინტები, მაგრამ შეცდომების გამო ვერ გამოიყენა შანსი. მელცერი ნახევარფინალში ესპანელ დავიდ ფერერს შეხვდება.</p><p>იოლად შეაღწია საუკეთესო ოთხეულში ნადალმაც. მას მხოლოდ პირველი სეტის სტარტზე გაუჭირდა ივან ლუბიჩიჩთან მატჩში, როცა ხორვატმა მეტოქის ბრეიკს ანალოგიური წარმატებით უპასუხა, მაგრამ ამის შემდეგ 35 წუთში რაფამ ზედიზედ ხუთი გეიმი და მასთან ერთად სეტი მოიგო - 6:1. მეორე პარტიაში ნადალმა სტარტზე აღებული ბრეიკი ბოლომდე შეინარჩუნა, მიუხედავად იმისა, რომ მის ორ გეიმში ლუბიჩიჩს ორმაგი ბრეიკ-პოინტი ჰქონდა. დღეს დიდ ინტერესს იწვევს ნადალისა და მიურეის ნახევარფინალი.</p><p>აღსანიშნავია, რომ მერვედფინალური და მეოთხედფინალური ეტაპის 12 შეხვედრაში სამი სეტის თამაში არ გამხდარა საჭირო.</p><p><strong>ATP</strong></p><p>Monte-Carlo Rolex Masters</p><p>მონტე კარლო. გრუნტი</p><p>საპრიზო ფონდი: 2 227 500 ევრო</p><p><em>1/8 ფინალი</em></p><p>დავიდ ფერერი (ესპ, 4)-მილოშ რაონიჩი (კან) 6:1, 6:3; ივან ლუბიჩიჩი (ხორ)-ტომაშ ბერდიხი (ჩეხ, 5) 6:4, 6:2; ვიქტორ ტროიცკი (სერ, 11)-ტომი რობრედო (ესპ) 3:6, 2:1 უარი; რაფაელ ნადალი (ესპ, 1)-რიშარ გასკე (საფ, 13) 6:2, 6:4; ფედერიკო ჟილი (პორ)-გაელ მონფილსი (საფ, 8) 7:6(6), 6:2; როჯერ ფედერერი (შვეიც, 2)-მარინ ჩილიჩი (ხორ, 15) 6:4, 6:3; ენდი მიურეი (ბრიტ, 3)-ჟილ სიმონი (საფ, 16) 6:3, 6:3; იურგენ მელცერი (ავსტრია, 7)-ნიკოლას ალმაგრო (ესპ, 9) 6:1, 6:4.</p><p><em>1/4 ფინალი</em></p><p>დავიდ ფერერი (ესპ, 4)-ვიქტორ ტროიცკი (სერ, 11) 6:3, 6:3; იურგენ მელცერი (ავსტრია, 7)-როჯერ ფედერერი (შვეიც, 2) 6:4, 6:4; რაფაელ ნადალი (ესპ, 1)-ივან ლუბიჩიჩი (ხორ) 6:1, 6:3; ენდი მიურეი (ბრიტ, 3)-ფედერიკო ჟილი (პორ) 6:2, 6:1.</p>
მხოლოდ 1 გეიმი - ბასილაშვილმა პეკინის ტურნირზე გამოსვლა დაასრულა
უცნაურია - მუსეტიმ ზედიზედ მეხუთე ფინალი წააგო
ბასილაშვილი ფორმაში შედის - ATP-ის ტურნირის მეოთხედფინალში გავიდა და ასეულში დაბრუნების შანსი აქვს
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ