<p>ჰოკეი. NHL. პლეი ოფი. 1/8 ფინალი <br></p><p>გუშინდელი სათამაშო დღის შემდეგ დარწმუნებით შეიძლება იმის თქმა, რომ წელს სტენლის თასს ახალი მფლობელი ეყოლება. 0:3-დან სერიის გადარჩენას არათუ წლევანდელი, არამედ შარშანდელი ტრიუმფატორი "ჩიკაგოც" ვერ შეძლებდა.</p><p>აღმოსავლეთი</p><p><strong>რეინჯერსი-ვაშინგტონი 3:2</p><p></strong>0:0, 1:1, 2:1</p><p>გოლები: 1:0 კრისტენსენი-1 (ვოლსკი-2, მაკეიბი-1), 1:1 ოვეჩკინი-2 (არნოტი-2, მაიკ გრინი-3), 2:1 პროსპალი-1 (მ. სტაალი-1, დუბინსკი-1), 2:2 ნუბლი-1 (ბექსტრიომი-1, ოვეჩკინი-2), 3:2 დუბინსკი-1.</p><p>სერია: 1-2</p><p>ვაშინგტონში ორი წაგების შემდეგ "რეინჯერსს" უკანდასახევი გზა მოჭრილი ჰქონდა და ამჯერად ნიუიორკელებმა ხარისხიანი თამაშის გარდა დადებითი შედეგიც მიიღეს.</p><p>მეორე მატჩისგან განსხვავებით, გუნდებმა უფრო შემტევი ჰოკეი აჩვენეს, რომელშიც ინიციატივა "რეინჯერსის" ჰოკეისტებს ჰქონდათ.</p><p>პირველ გოლს მაყურებელი პერიოდზე მეტხანს ელოდა. მეორე 20-წუთეულის მეექვსე წუთზე კრისტენსენმა მახვილი კუთხიდან გაუტანა ნოივირტს, რომელსაც პირველ ორ მატჩში მხოლოდ ერთი შაიბა ჰქონდა გაშვებული. სტუმრებმა პერიოდის ბოლო წამებზე ოვეჩკინის გოლით უპასუხეს.</p><p>მორიგი შედეგიანი შეტევა "მედისონ სკვერ გარდენში" მესამე პერიოდში გათამაშდა - პროსპალმა შეძლო მახვილი კუთხიდან ნოივირტის გაწბილება. და ამჯერადაც დედაქალაქელებმა მონახეს ძალა ღირსეული პასუხისთვის: ძირითადი დროის დასრულებამდე ხუთი წრით ადრე ნუბლმა აღადგინა სტატუს-ქვო.</p><p>თუმცა სტუმრების ლიდერებმა ბოლომდე ვერ გაიხარეს. "ვაშინგტონის" პირველ წაგებაში მთავარი დამნაშავე ბრენდონ დუბინსკი გახდა, რომელმაც თავის გუნდს გამარჯვება საფინალო სირენამდე ორი წუთით ადრე მოუტანა.</p><p>დასავლეთი</p><p><strong>ნეშვილი-ანაჰაიმი 4:3</p><p></strong>2:0, 0:2, 2:1</p><p>გოლები: 1:0 ერატი-1 (ფრანსონი-2, ჯ. უორდი-1), 2:0 ტუტუ-1 (სმიტსონი-1), 2:1 სელიანე-3 (პერი-3), 2:2 სელიანე-4 (პერი-4), 3:2 ლეგვანდი-1 (რ. სუტერი-2, ერატი-2), 3:3 ბელესკი-1 (ს. კოივუ-3), 4:3 ფიშერი-3 (ს. კოსტიცინი-3, რ. სუტერი-3).</p><p>სერია: 2-1</p><p>"ნეშვილი" ერთი თავით მაღლა იდგა "ანაჰაიმზე". მასპინძლები სამივე პერიოდში დომინირებდნენ მოედანზე და ამასთან, კინაღამ ხელიდან გაუშვეს გამარჯვება.</p><p>მას შემდეგ, რაც "ნეშვილმა" პირველ პერიოდში ორი შაიბით წაიყვანა ანგარიში, მასპინძლებისთვის ყველაფერი შესანიშნავად განვითარდა. შემდეგ წუთებშიც უფრო მათ შეეძლოთ ანგარიშის გაზრდა, ვიდრე "ანაჰაიმს" შემცირება.</p><p>მაგრამ მეორე პერიოდის ბოლოსკენ სტუმრებმა არათუ შეამცირეს სხვაობა, არამედ ანგარიშიც გაათანაბრეს. "იხვების" გადარჩენა ტეემუ სელიანემ აიღო თავის თავზე - ფენომენალურმა ფინელმა ვეტერანმა 30 წამის ინტერვალით შეასრულა დუბლი.</p><p>მესამე 20-წუთეულის დასაწყისში გუნდებმა შაიბები გაცვალეს და წავიდა ორმხრივ იერიშებში თამაში. დარჩენილი წუთები ოვერტაიმს ჰგავდა - ყველაფერს ერთი შაიბა გადაწყვეტდა. ადგილობრივი პუბლიკის გასახარად ეს მაიკ ფიშერმა გააკეთა.</p><p><strong>ჩიკაგო-ვანკუვერი 2:3</p><p></strong>1:0, 1:2, 0:1</p><p>გოლები: 1:0 კეიტი-1 (ტეუვზი-1), 1:1 ერჰოფი-1 (ჰ. სედინი-3, დ. სედინი-2), 1:2 დ. სედინი-3 (ედლერი-1, ბიეკსა-2), 2:2 შარპი-1 (ტეუვზი-2, პ. კეინი-2), 2:3 სამუელსონი-1 (ჰ. სედინი-4, ერჰოფი-2).</p><p>სერია: 0-3</p><p>თითქოს "ბლეკჰოქსი" ცუდად არ თამაშობს, მაგრამ აშკარად ჩანს, რომ "ვანკუვერი" ერთგვარად ძალების დაზოგვით მოქმედებს და ნებისმიერ წუთს შეუძლია მოუმატოს. დაახლოებით ასეთი სცენარი ჰქონდა მესამე მატჩსაც.</p><p>შეხვედრის მსვლელობისას გუნდები მონაცვლებით გავიდნენ წინ და მესამე პერიოდი 2:2-დან დაიწყეს. ამ წუთებში მეტოქეები შეტევაზე არც ფიქრობდნენ და რისკი მინიმუმამდე დაიყვანეს - ერთი შეცდომა მოკლავდა ან დაუბრუნებდა ინტრიგას ამ სერიას.</p><p>საბოლოოდ, პირველმა ვარიანტმა იმუშავა. "ჩიკაგოს" მცველების უხეში შეცდომის შემდეგ მიკაელ სამუელსონმა შეაგდო შაიბა კროუფორდის კარში და როგორც აღმოჩნდა, ეს გამარჯვების გოლი იყო.</p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია