ვან დერ ვილი დაკონკრეტდა

ნაპოლის ალაბა უნდა, კლოზესთან მოლაპარაკებები ჯერ არ დაწყებულა, როისს მიუნხენშიც უმიზნებენ ოთხშაბათს, მიუნხენის „ზებენერშტრასეზე“ განსაკუთრებული დღე იყო: „ბაიერნის“ ვარჯიშის სანახავად დაახლოებით 2000 გულშემატკივარი მივიდა. ცხადია, პირველ რიგში ეს კარგმა ამინდმა გამოიწვია, მაგრამ ისიც ფაქტია, რომ „ლევერკუზენთან“ 5:1-ის შემდეგ, ფანები ისევ „ბაიერნისკენ“ შებრუნდნენ. შესაბამისად, რეკორდმაისტერის ხელმძღვანელებიც დამშვიდებულები ჩანან - „ლევერკუზენთან“ მოპოვებულმა ბრწყინვალე გამარჯვებამ ბავარიული გრანდი ხომ მესამე ადგილზე, ანუ, ჩემპიონთა ლიგის ზონაში დააბრუნა.„ახლა უკვე იმ ადგილზე ვართ, რომელზეც გაცილებით ადრეც უნდა ვყოფილიყავით. „ჰანოვერი“ უნდა იყოს ჩვენი მდევარი და არა პირიქით,“ - კმაყოფილია „ბაიერნის“ პრეზიდენტი ული ჰიონესი.ეს ყველაფერი კარგია, მაგრამ ფაქტია, რომ რაც მიუნხენურ გრანდს ამ სეზონში დაემართა, გაისად არაფრისდიდებით არ უნდა განმეორდეს. სწორედ ამიტომ, ფაქტობრივად გადაწყვეტილია, რომ ახლო მომავალში, „ბაიერნის“ მენეჯერი კრისტიან ნერლინგერი ქომაგებს მინიმუმ ოთხ ახალ, მაღალი კლასის ფეხბურთელს წარუდგენს. ამ ოთხიდან, ერთი მეკარე იქნება (სავარაუდოდ მანუელ ნოიერი), ერთი თავდამსხმელი, ერთი ცენტრალური მცველი (სავარაუდოდ ჟერომ ბოატენგი) და ერთიც ფლანგის მცველი.„კიკერის“ ინფორმაციით, რეკორდმაისტერის ფლანგის ახალი მცველი ამსტერდამის „აიაქსისა“ და ჰოლანდიის ნაკრების 23 წლის ფეხბურთელი გრეგორი ვან დერ ვილი იქნება. მიუნხენელებს ამ უკანასკნელის ყიდვა 2010 წლის ზაფხულში, მსოფლიოს ჩემპიონატის შემდეგაც უნდოდათ, მაგრამ მაშინ ტრანსფერი იმის გამო არ შედგა, რომ „ბაიერნი“ „აიაქსს“ სატრანსფერო თანხაზე ვერ მოურიგდა. იმის გამო, რომ ვან დერ ვილმა მუნდიალი უმაღლეს დონეზე ჩაატარა, ამსტერდამელები მის სანაცვლოდ 17 მილიონ ევროს ითხოვდნენ. ახლა კი ვან დერ ვილის ფასი დაეცა და დაახლოებით 10 მილიონი ევროა. თუ ტრანსფერი შედგა, ჰოლანდიელი მარჯვენა მცველის პოზიციაზე ითამაშებს, ფილიპ ლამი კი მარცხნივ გადაინაცვლებს. რეკორდმაისტერის კაპიტანმა უკვე განაცხადა, თუ გუნდს სჭირდება, მარცხენა მცველის პოზიციაზე თამაშს დავთანხმდებიო. ლამის ალტერნატივად კი 20 წლის დიეგო კონტენტო დარჩება, რომელიც ძალიან პერსპექტიული ფეხბურთელია, თუმცა მას რამდენიმე წინადადება აქვს როგორც მშობლიური იტალიიდან, ისე ბუნდესლიგის სხვა გუნდებისგანაც. გამორიცხული არაა, რომ მიუნხენელებმა კონტენტო ერთწლიანი არენდით გაუშვან, რადგან „ბაიერნში“ დანიელ პრანიჩიც ირიცხება.კლოზე კაიზერსლაუტერნში არ დაბრუნდებაფეხბურთელი, რომელმაც ჯერ კიდევ არ იცის, დარჩება თუ არა მიუნხენში, გერმანიის ნაკრების თავდამსხმელი მიროსლავ კლოზეა. 32 წლის გოლეადორს რეკორდმაისტერთან კონტრაქტი ეწურება და თუ ახალი ხელშეკრულება არ გააფორმა, ზაფხულში უფასო იქნება.„გადაწყვეტილება ჯერ არ მიმიღია და ყველაფერი შესაძლებელია, - უთხრა კლოზემ „კიკერს“ და იქვე დასძინა, - გადაჭრით მხოლოდ იმის თქმა შემიძლია, რომ „კაიზერსლაუტერნში“ ჯერ არ დავბრუნდები.“ მირო არ ნერვიულობს იმის გამო, რომ „ბაიერნის“ ხელმძღვანელებს მისთვის ახალი კონტრაქტი ჯერ კიდევ არ შეუთავაზებიათ. სანერვიულო არც არაფერი აქვს, რადგან ძალიან ბევრი მსურველი ჰყავს - მათ შორის, გერმანიის მომავალი ჩემპიონი დორტმუნდის „ბორუსია“. ჰიონესმა მარტში თქვა, თუ მიროსთან კონტრაქტის გაგრძელება მოგვინდება, ხელფასის შემცირებას უნდა დათანხმდესო. კლოზე კი ამბობს, რომ მისთვის ფული მეორეხარისხოვანია, მაგრამ შეთავაზების საერთო პაკეტს კი დიდ მნიშვნელობას ანიჭებს.როისი განიხილებაგუშინდელ ნომერში ვწერდით, რომ დორტმუნდის „ბორუსიას“ „გლადბახის“ 21 წლის გარემარბ მარკო როისის გადაბირება უნდა. გაირკვა, რომ უნიჭიერესი შემტევი ნახევარმცველის ყიდვა „ბაიერნსაც“ მოუნდა და BVB-სთვის კონკურენციის გაწევას აპირებს. გაურკვეველია 18 წლის დავიდ ალაბას მომავალი, რომელიც ახლა „ჰოფენჰაიმშია“ განათხოვრებული, „ბაიერნთან“ კი კონტრაქტი 2013 წლამდე აკავშირებს და ზაფხულში მიუნხენში უნდა დაბრუნდეს. „კიკერის“ ინფორმაციით, ალაბას იტალიაში, კერძოდ, „ნაპოლიში“ ეპატიჟებიან.

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს

უარი ხავისგან - "ლევერკუზენი" ახალი მწვრთნელის ძიებაშია

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!