<p>კრიშტიანო რონალდო არ არის მთავარი მოვლენა სერია A-ში, რადგან იქ საინტერესო სხვაც ბევრი რამ ხდება, თუმცა, რაკი თავშივე ვახსენეთ, მიმოხილვაც ამით დავიწყოთ...</p><p>მოკლედ, "იუვენტუსში" გადასვლის შემდეგ პორტუგალიელმა მეგავარსკვლავმა პირველი საგოლე პასი (თუმცა ეს უფრო შემთხვევითობა იყო, ვიდრე პასი) გაიფორმა, საიდანაც მარიო მანჯუკიჩმა მეორე ბურთი გაიტანა "ლაციოს" კარში და ყველა კითხვა მოხსნა დღის წესრიგიდან.</p><p>"კიევოსთან" დიდი წვალებით მოგებული (3:2) წინა მატჩის შემდეგ მასიმილიანო ალეგრიმ ტაქტიკური სქემა, რომელშიც კრიშტიანო რონალდო ერთადერთი ფორვარდი იყო, შეცვალა - ამჯერად, წინა ხაზზე, რონალდოსთან ერთად, ფედერიკო ბერნარდესკი და მანჯუკიჩიც განლაგდნენ, პაულო დიბალამ და დუგლას კოშტამ კი სკამზე გადაინაცვლეს...</p><p>პატარა ისტორიული ექსკურსი: შარშან "ლაციომ" სიცოცხლე გაუმწარა "იუვეს" - სერია A-ში ორწლიანი საშინაო წაუგებელი სერია შეუწყვიტა და მერე იტალიის სუპერთასზეც სძლია.</p><p>ამჯერად, ასე ვეღარ იყო. მართალია, "ლაციალე" არ იჯდა გულხელდაკრეფილი, მაგრამ ტურინელთა კლასთან ვერაფერს გახდა. დაახლოებით 20 მეტრიდან ბრწყინვალე გოლი გამოუვიდა მირალემ პიანიჩს - ბურთს დაშვება არ აცალა, ეგრევე ამოსცხო და მეკარისგან მარცხენა დაბალ კუთხეში გაახვია.</p><p>75-ე წუთზე კი, მანჯუკიჩის საგოლე დარტყმამდე წამით ადრე, გატანა რონალდოს შეეძლო - ჟოაო კანსელოს მიერ მარჯვენა ფლანგიდან ჩაწოდებული ბურთი მეკარისგან ფეხზე მოხვდა კრიშტიანოს და ამის შემდეგ მიუგორდა ხორვატს. პორტუგალიელს ეს საგოლე პასად ჩაეთვალა.</p><p>"იუვეს" ფანებს კი სწორედ რონალდოს გოლის ხილვა ეჩქარებათ. ამასთან დაკავშირებით ალეგრიმ თქვა:</p><p>"ეს იყო მისი პირველი მატჩი ჩვენს სტადიონზე. ყველაფერი უნდა გავითვალისწინოთ - მსოფლიოს ჩემპიონატი, ახალი გარემო... მოდი, ვიქონიოთ მოთმინება. რონალდო ბრწყინვალედ მუშაობს და გოლებიც იქნება. იტალიისა და ესპანეთის ჩემპიონატები რადიკალურად განსხვავდება ერთმანეთისგან. ასე რომ, ადაპტაციისთვის გარკვეული დროა საჭირო".</p><p><p><div class="ws_video" id="12529" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/08-25/juvelazio.jpg" border="0" alt="Sportall.Ge" title="სერია A. II ტური: როგორ გაქრა "მილანი"... [VIDEO]" /></p><p><span style="padding: 2px; display: block;">25.08.18. იუვენტუსი - ლაციო 2:0</span></div></p></p><p>გაცილებით საინტერესო და დრამატული გამოდგა შაბათის მეორე მატჩი. "ნაპოლიმ" სტარტზე ზედიზედ მეორე მატჩი მოიგო და კვლავ ანალოგიური სცენარით - ამ შემთხვევაშიც, თავიდან წინ მეტოქე იყო, თან "მილანი" სულაც ორბურთიანი სხვაობით იგებდა...</p><p>მატჩის ერთ-ერთი მთავარი ინტრიგა იყო ჯენარო გატუზო თავისი ყოფილი გურუს, კარლო ანჩელოტის წინააღმდეგ. როგორც ჩანს, ოსტატს შეგირდისთვის ხეზე ასვლა არ უსწავლებია.</p><p>მატჩის შემდეგ გატუზომ თქვა:</p><p>"ძალიან ვწუხვარ, რაც მოხდა. 2:1-ის შემდეგ "მილანი" მოედნიდან გაქრა. რა თქმა უნდა, იყო ფეხბურთელთა ინდივიდუალური შეცდომები, მაგრამ ამაზე ლაპარაკი არ მიყვარს, ყველაფერს საკუთარ თავზე ვიღებ. პირველივე შეცდომის შემდეგ ყველაფერი თავზე დაგვენგრა და არ შეიძლება, ეს მხოლოდ ფეხბურთელების ბრალი იყოს. ასე ხშირად მოგვდიოდა გასულ სეზონშიც".</p><p>ანჩელოტიმ დიპლომატიურად შეაქო "მილანი" - გატუზოს შესანიშნავი გუნდი ჰყავსო, შეტევაში დიდი პოტენციალი აქვსო... რა თქმა უნდა, ქათინაურები არც თავის გუნდს დააკლო:</p><p>"ჩემმა ფეხბურთელებმა თამაშის გადარჩენის უდიდესი სურვილი გამოავლინეს, ყველაზე რთულ მომენტშიც კი არ დაკარგეს საკუთარი ძალების რწმენა და ეს ძალიან მაიმედებს ხანგრძლივი მარათონის ფონზე. თუმცა სამუშაო ჯერ კიდევ ბევრი გვაქვს".</p><p>გატუზოს ფიასკომ კიდევ ერთხელ წამოსწია წინა პლანზე მისი შესაძლო გათავისუფლების თემა. გასათვალისწინებელია, რომ კლუბში აღარ არიან მასიმილიანო მირაბელი და მარკო ფასონე - "როსონერის" ორი მაღალჩინოსანი, ვისი ფავორიტიც გახლდათ სწორედ გატუზო. იტალიურ მედიაში წერენ, რომ ანტონიო კონტე, რომელიც "ჩელსიდან" წამოსვლის შემდეგ უმუშევარია, მზად არის "მილანში" სამუშაოდ...</p><p><p><div class="ws_video" id="12533" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/08-26/milani.jpg" border="0" alt="Sportall.Ge" title="სერია A. II ტური: როგორ გაქრა "მილანი"... [VIDEO]" /></p><p><span style="padding: 2px; display: block;">25.08.18 ნაპოლი - მილანი 3:2</span></div></p></p><p>...კვირას ბევრი გოლი გავიდა. შთამბეჭდავი იყო "ფიორენტინა", "ინტერმა" კი, რომელზეც გვარიანი ავანსები გაიცა სეზონის დაწყებამდე, მეორე ტურში ვერ მოიგო. ეს კი არა, "ტორინომ" არა მხოლოდ ორბურთიანი დეფიციტი გააბათილა, მთელი მეორე ტაიმის განმავლობაში დომინირებდა და კინაღამ გამარჯვების გოლიც გაიტანა...</p><p><p><div class="ws_video" id="12540" style="text-align: center; font-weight: bold; border: 1px solid; margin: 0px auto;"><span style="padding: 2px; display: block; color: #990000; font-size: 14px;">Video</span><img src="http://video.ambebi.ge/files-6/2018/08-27/interi.jpg" border="0" alt="Sportall.Ge" title="სერია A. II ტური: როგორ გაქრა "მილანი"... [VIDEO]" /></p><p><span style="padding: 2px; display: block;">26.08.18 ინტერი - ტორინო 2:2</span></div></p></p><p><span style="color: #3366ff;"><strong>ფაქტები</strong></span></p><p><ul> <li>2011 წლის შემდეგ "ნაპოლიმ" პირველად შეძლო ისეთი თამაშის მოგება, რომელსაც თავიდან 2-ბურთიანი სხვაობით აგებდა. </li> <li>პიოტრ ზელინსკის მიერ სერია A-ში გატანილი გოლების 25 პროცენტი "მილანის" წინააღმდეგ მოდის - 4 გოლი 16-დან.</li> <li>ჯაკომო ბონავენტურამ "ნაპოლის" კარში მე-4 გოლი გაიტანა.</li> <li>სიმონე ინძაგის მწვრთნელობისას პირველად მოხდა, რომ "ლაციომ" სერია A-ში, წინა სეზონის ჩათვლით, ზედიზედ მე-5 მატჩი წააგო.</li> <li>"იუვენტუსმა" სერია A-ში მოიგო ყველა ის 22 მატჩი, რომელშიც მარიო მანჯუკიჩმა გაიტანა მინიმუმ ერთი გოლი მაინც.</li> <li>2018 წელს მირალემ პიანიჩმა სერია A-ში მე-3 გოლი გაიტანა, სამივე - საშინაო მატჩში და სამივე - საჯარიმოს გარედან. </li> </ul></p><p><span style="color: #3366ff;"><strong>სერია A. II ტური</p><p></strong></span><em><strong>იუვენტუსი-ლაციო 2:0</strong></em></p><p>გოლები: 1:0 პიანიჩი (30), 2:0 მანჯუკიჩი (75)</p><p>იუვენტუსი (4-3-3): შჩესნი - კანსელო, ბონუჩი, კიელინი, ალექს სანდრო - ხედირა (84. ბენტანკური), პიანიჩი (69. ემრე ჯანი), მატუიდი - ბერნარდესკი (59. დუგლას კოშტა), რონალდო, მანჯუკიჩი.</p><p>ლაციო (3-5-2): სტრაკოშა - უოლასი, აჩერბი, რადუ - მარუშიჩი, პაროლო (64. ბადელი), ლუკას ლეივა, მილინკოვიჩ-სავიჩი (79. დურმისი), ლულიჩი - ლუის ალბერტო (64. კორეა), იმობილე.</p><p><em><strong>ნაპოლი-მილანი 3:2</p><p></strong></em>გოლები: 0:1 ბონავენტურა (15), 0:2 კალაბრია (49), 1:2 ზელინსკი (53), 2:2 ზელინსკი (67), 3:2 მერტენსი (80)</p><p>ნაპოლი (4-3-3): ოსპინა - ჰისაი, ალბიოლი, კულიბალი, მარიო რუი (75. ლუპერტო) - ალანი, ჰამშიკი (63. მერტენსი), ზელინსკი (73. დიავარა) - კალიეხონი, ინსინიე, მილიკი.</p><p>მილანი (4-3-3): ჯ. დონარუმა - კალაბრია, მუსაკიო, რომანიოლი, როდრიგესი - კესი, ბილია (58. ბაკაიოკო), ბონავენტურა (82. კუტრონე) - სუსო, ბორინი (71. ლაქსალტი), იგუაინი.</p><p><em><strong>სპალ-პარმა 1:0</p><p></strong></em>გოლი: 1:0 ანტენუჩი (49)</p><p>კალიარი-სასუოლო 2:2</p><p>გოლები: 1:0 პავოლეტი (10), 1:1 ბერარდი (53), 2:1 პავოლეტი (73), 2:2 ბაბაქარი (90+9-პენ)</p><p>გაძევება: მარლონი (90+2. სასუოლო)</p><p><em><strong>ფიორენტინა-კიევო 6:1</p><p></strong></em>გოლები: 1:0 მილენკოვიჩი (8), 2:0 ჟერსონი (42), 3:0 ბენასი (54), 4:0 კიეზა (71), 4:1 ტომოვიჩი (76), 5:1 ბენასი (90), 6:1 სიმეონე (90+3)</p><p><em><strong>ჯენოა-ემპოლი 2:1</p><p></strong></em>გოლები: 1:0 პიატეკი (6), 2:0 კუამე (18), 2:1 მრაზი (90+4)</p><p><em><strong>ინტერი-ტორინო 2:2</p><p></strong></em>გოლები: 1:0 პერიშიჩი (7), 2:0 დე ვრეი (32), 2:1 ბელოტი (55), 2:2 მეიტე (68)</p><p>ინტერი (3-4-2-1): ჰანდანოვიჩი - დ"ამბროზიო, დე ვრეი, შკრინიარი - ასამოა (66. დალბერტი), ვესინო, ბროზოვიჩი, ვრსალკო (72. კეიტა) - პოლიტანო (90+2. მარტინესი), პერიშიჩი - იკარდი.</p><p><em><strong>უდინეზე-სამპდორია 1:0</p><p></strong></em>გოლი: 1:0 დე პაული (9)</p><p><em><strong>ფროზინონე-ბოლონია 0:0</p><p></strong></em></p><p><span style="text-decoration: underline;">ორშაბათი. 27 აგვისტო</p><p></span>რომა-ატალანტა 22:30</p><p><strong>ბომბარდირი</strong>: 2 - ალეხანდრო გომესი (ატალანტა), მარკო ბენასი (ფიორენტინა), დომენიკო ბერარდი (სასუოლო), როდრიგო დე პაული (უდინეზე), ლეონარდო პავოლეტი (კალიარი), პიოტრ ზელინსკი (ნაპოლი).</p><p><span style="text-decoration: underline;">მომდევნო ტური</p><p></span>31 აგვისტო. მილანი-რომა</p><p>1-ლი სექტემბერი. ბოლონია-ინტერი, პარმა-იუვენტუსი</p><p>2 სექტემბერი. ფიორენტინა-უდინეზე, ატალანტა-კალიარი, კიევო-ემპოლი, ლაციო-ფროზინონე, სამპდორია-ნაპოლი, სასუოლო-ჯენოა, ტორინო-სპალ</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
კონტე, ნეიმარი და დე ბრუინი — გადაწყვეტილება, რომელმაც ნაპოლის მომავალი განსაზღვრა
იტალიაში პროტესტია და ისრაელთან მატჩის გაუქმებას მოითხოვენ - გატუზო ტექნიკურ მარცხზე საუბრობს
ლორენცო ინსინიე შესაძლოა, იტალიის სერია A-ს დაუბრუნდეს
ზივზივაძე: ასი პროცენტით დავიხარჯებით მოედანზე, რათა საქართველოს ნაკრებს წარმატება მოვუტანოთ
ლატვია V საქართველო - ახალგაზრდულმა რიგაში სრული შემადგენლობით ივარჯიშა
ოფიციალურად - კონსეისაო "ალ-იტიჰადს" ჩაუდგა სათავეში
"ბორჯღალოსნები" | აშშ-ს შემდეგ კანადაც ბათუმში
მორიგი სასიხარულო ამბავი ესპანეთის ნაკრებიდან - ჰუისენი საქართველოსთან ვერ ითამაშებს
კონტრაქტი იგივე რჩება, ხელფასი მნიშვნელოვნად გაიზრდება - რაიამ საწადელს მიაღწია
ტერზიჩმა უარი თქვა, კონსეისაო საუდის არაბეთში წავიდა - "მონაკოს" ორი კანდიდატი დარჩა
სერჟიო კონსეისაო "მილანიდან" წასვლის შემდეგ საუდის არაბეთში დასაქმდა
ნაკრების მზადება ოქტომბრის მატჩებისთვის | ესპანური შეკრების პირველი ვარჯიში
ფანტასტიკური ფინალი საქართველოს სუპერთასის ფინალში - თსუ-მ "ქუთაისი" მესამე ოვერტაიმში დაამარცხა
ევროპული კალათბურთის მომავალი ნისლშია – NBA ახალ დივიზიონს ამზადებს
კასილასს პათოლოგიური სიმთვრალე ჰქონია - ესპანელი ჟურნალისტი ლეგენდარულ მეკარეზე ისტორიას იხსენებს
ტერ შტეგენი პრემიერლიგის გრანდების სამიზნეა - სად გააგრძელებს კარიერას გერმანელი?
"დე ბრუინის მთავარი პრობლემა ისაა, რაშიც კვარაცხელია საუკეთესო იყო" - ფედელეს ქართველი შემტევი ენატრება
ფიბა-მ ქართველი მსაჯები და კომისარი მატჩებით დატვირთა
ტიაგო მოტამ შესაძლოა, საფრანგეთის ლიგა 1-ის გუნდი ჩაიბაროს
ლორენცო ინსინიე შესაძლოა, იტალიის სერია A-ს დაუბრუნდეს
ენდრიკს ალონსო არ ათამაშებს და ბრაზილიელს პრემიერ ლიგის ვარიანტი გამოუჩნდა
"ნაპოლი" "მანჩესტერ იუნაიტედის" კიდევ ერთი ფორვარდის დამატებას გეგმავს
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ქართული ბანერი იტალიურ დერბიში - ინტერვიუ "ინტერის" ქართული აკადემიის დირექტორთან
ვიერიმ "სან სიროს" დანგრევასა და მის ადგილას ახალი სტადიონის აშენებაზე ისაუბრა
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
"სწორედ ეს მჭირდებოდა, ნეაპოლი საცხოვრებლად შესანიშნავი ადგილია" - ჰოილუნდი "პარტენოპეიში" ბედნიერია
მილანის "ინტერი" საქართველოში - ექსკლუზიური ინტერვიუ იტალიელ მწვრთნელთან
"ნა***რო ციგანო, დაცვა სიკვდილისგან ვერ გიხსნის" - სერბს ემუქრებიან
16 წლის ქართველი ტალანტი "იუვენტუსში" - ყველაფერი მალე უნდა გადაწყდეს
"ნაპოლი" "მანჩესტერ იუნაიტედის" კიდევ ერთი ფორვარდის დამატებას გეგმავს
უკრაინელი თავდამსხმელი "ვილიარეალში" არ გადავა, რომელიც მიქაუტაძის შეძენას ცდილობს
ლორენცო ინსინიე შესაძლოა, იტალიის სერია A-ს დაუბრუნდეს
"ინტერმა" "რომას" კუთხურიდან გაუტანა - მოურინიო ისევ ბრაზობს
"მილანი" რობერტ ლევანდოვსკის დამატების ვარიანტს განიხილავს
"ჰგონია რომ ფენომენია, მაგრამ ფეხბურთი საერთოდ არ ესმის" - კასანომ ლეაო კვლავ გააკრიტიკა
"ლამის ვიტირე" - არგენტინელი "იუვენტუსზე" ნაწყენია
"დე ბრუინის მთავარი პრობლემა ისაა, რაშიც კვარაცხელია საუკეთესო იყო" - ფედელეს ქართველი შემტევი ენატრება
სერჟიო კონსეისაო "მილანიდან" წასვლის შემდეგ საუდის არაბეთში დასაქმდა
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"სკუდეტოს მოგება რეალურია" - ლაუტარო "ინტერის" შანსებზე
Gazzetta dello Sport: მამარდაშვილი "იუვენტუსის" პრიორიტეტი აღარაა
[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია
არგენტინის ნაკრების ყოფილმა ნახევარმცველმა 33 წლის ასაკში ფეხბურთელის კარიერა დაასრულა
მოურინიო "იუვესთან" წაგების მერე: ბრწყინვალედ ვითამაშეთ! [VIDEO]
ჯეიდონ სანჩო "რომაში" გადასვლასთან ახლოსაა
გახსოვთ კვარაცხელიას ყოფილი თანაგუნდელი ელმასი? - მისი შეძენის სურვილი "რომას" აქვს
"მილანს" ზინჩენკოს დამატება სურს - "არსენალმა" ფასი დაასახელა
პსჟ-ს ახალი იტალიელი მეკარე ჰყავს
"იუვენტუსი" მოტამ ჩაიბარა
"ნაპოლიმ" "ჯენოას" თამაში შემოუტრიალა
კონტე: "მილანთან" დავმარცხდით და არა რომელიმე აუტსაიდერთან
"გეტყვით, რატომ მოუგო პსჟ-მ "ინტერს" დიდი ანგარიშით" - რობერტო დე ძერბი