- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბაჩანა არაბული - "რეალის" ქომაგი ინგლისური ოცნებით
<p>"მანჩესტერ სიტიში" სინჯებზე მოვეწონე და იქ მოხვედრის საკმაოდ რეალური შანსი მაქვს"</p><p><br> შარშან, შემოდგომაზე თბილისში ევროპის 17-წლამდელთა ჩემპიონატის შესარჩევი ტურნირი გაიმართა, სადაც ქართველმა ქომაგმა კიდევ ერთი ამომავალი ვარსკვლავი გაიცნო.</p><p>საქართველოს ნაკრების თავდამსხმელმა ბაჩანა არაბულმა სამივე მატჩი უმაღლეს დონეზე ჩაატარა და ეფექტური თამაშითა და გოლებით ჩვენი გუნდის ელიტრაუნდში გასვლაში ლომის წილი დაიდო.</p><p>საფრანგეთში მარტში გამართულ ელიტრაუნდში კი კობა ჟორჟიკაშვილის გუნდმა არაბულის გარეშე ითამაშა - ნანტში გამგზავრებამდე ორიოდე დღით ადრე იგი ვარჯიშისას დაშავდა და ნაკრებს გამოაკლდა. მის გარეშე ქართველმა 17-წლამდელებმა ელიტრაუნდში უსახურად ითამაშეს - სამივე მატჩი ისე წააგეს, ერთი გოლიც არ გაუტანიათ.</p><p>არაბულს ჯერ ჯანმრთელობის მდგომარეობაზე დავევკითხეთ, შემდეგ კი სამომავლო პერსპექტივებზე ველაპარაკეთ.</p><p><strong>- დიაგნოზი როგორი იყო?</p><p></strong>- ჯვარედინი იოგები 70-80 პროცენტით გამიწყდა. ბეწვზე ვარ გადარჩენილი. იოგების სრულად გაწყვეტის შემთხვევაში ოპერაცია დამჭირდებოდა და მოედანს საუკეთესო შემთხვევაში ექვსი თვის შემდეგ დავუბრუნდებოდი. მერე კი, კაცმა არ იცის, როდის აღვიდგენდი ფორმას. ნაკრებსმიღმა დარჩენამ გული ძალიან კი დამწყვიტა, მაგრამ, მეორე მხრივ, მიხარია, რომ ბედმა არ გამწირა და თამაშს უახლოეს პერიოდში შევძლებ.</p><p><strong>- კონკრეტულად როდისთვის ვარაუდობ თამაშის განახლებას?</p><p></strong>- სეზონი დასასრულს უახლოვდება, სანაკრებო თამაშებიც ჯერ არ მელის, ასე რომ, საჩქარო არაფერია. აჩქარებას ბევრი ფეხბურთელისთვის გაუფუჭებია საქმე და არ მინდა, მეც ასე დამემართოს. ვარჯიშს დაახლოებით ორ კვირაში შევუდგები, თამაშს კი - ცოტა მოგვიანებით. ძველ ფორმასაც მალე აღვიდგენ და ახალ სეზონს სრული მზადყოფნით შევხვდები. ამჟამად კი თბილისში ინტენსიურ სამედიცინო პროცედურებს გავდივარ და სატრენაჟორო დარბაზსაც ხშირად ვაკითხავ, რათა ორგანიზმი არ მოდუნდეს და წონის პრობლემები არ შემექმნას. ტკივილები ჯერ კიდევ მაწუხებს, მაგრამ ყველაფერი უკეთესობისკენ მიდის.</p><p><strong>- მოედანზე დაბრუნების შემდეგ ფსიქოლოგიური პრობლემები ან ტრავმის განმეორების შიში ხომ არ გექნება?</p><p></strong>- თამაშს მაშინ განვაახლებ, როცა ზუსტად მეცოდინება, რომ ფეხი სრულად მოვირჩინე. ასაკის მიუხედავად, საკმაოდ მყარი ფსიქიკა მაქვს და ძველებურად ვითამაშებ, მოედანზე ბოლომდე დავიხარჯები და არც ორთაბრძოლებს მოვერიდები. თან ეს ტრავმა ჩემთვის პირველი არ არის და ამგვარ სიტუაციებს მიჩვეული ვარ.</p><p><strong>- ტრავმის პერიოდში მკურნალობის გარდა რით ხარ დაკავებული?</p><p></strong>- განსაკუთრებულს არაფერს ვაკეთებ, ტელევიზორში ვუყურებ ფეხბურთს და მიხარია მადრიდის "რეალის" ბოლოდროინდელი წარმატებები. სამეფო კლუბის დიდი ქომაგი ვარ. ფეხბურთის გარდა, ძალიან მიყვარს კალათბურთი და ხშირად ვუყურებ NBA-ს მატჩებს.</p><p><strong>- განათლებისთვის თუ გრჩება დრო?</p><p></strong>- სკოლაში შეძლებისდაგვარად დავდივარ, მაგრამ სწავლისთვის ბევრი დრო არ მაქვს. დროს მხოლოდ უცხო ენებს ვუთმობ, რადგან აუცილებლად დამჭირდება. ვცდილობ, რაც შეიძლება საფუძვლიანად დავეუფლო ინგლისურს. ახლა ვერა, მაგრამ მომავალში აუცილებლად ვიფიქრებ უმაღლესი განათლების მიღებაზე.</p><p><strong>- ელიტრაუნდში ნაკრების წარუმატებლობის მიზეზი მხოლოდ შენი არყოფნაა თუ ცუდი შედეგი სხვა ფაქტორებმაც განაპირობა?</p><p></strong>- ზედმეტი თავმდაბლობის გარეშე ვიტყვი, რომ გუნდს თავდასხმაში ძალიან გაუჭირდა, რაზეც ისიც მეტყველებს, რომ ელიტრაუნდში ერთი გოლიც ვერ გაიტანა, თუმცა მომხდარს მხოლოდ ჩემს არყოფნასაც ვერ დავაბრალებდი, რადგან კარგად ვერც სხვა რგოლებმა ითამაშეს.</p><p>გუნდთან ერთად არ ვიყავი და ამიტომ მიზეზების დასახელება გამიჭირდება, ფაქტია, რომ ნაკრებს ჩემ გარეშეც შეეძლო ფინალური ეტაპისთვის ბრძოლა. საფრანგეთში გამგზავრებამდე გუნდი შესანიშნავად გამოიყურებოდა, საკონტროლო მატჩებიც მაღალ დონეზე ჩაატარა, ამიტომ ვერაფრით წარმოვიდგენდი, ყველაფერი ასე ცუდად თუ დასრულდებოდა.</p><p><strong>- დღეს უკვე საქართველოს 19-წლამდელთა ნაკრების კანდიდატი ხარ, არც ის არის გამორიცხული, უახლოეს მომავალში ახალგაზრდულშიც მიგიწვიონ.</p><p></strong>- ახალგაზრდული ნაკრებისთვის ჯერ მოუმწიფებელი ვარ, 19-წლამდელებში მოხვედრის იმედი კი ნამდვილად მაქვს. ამ გუნდის მთავარი მწვრთნელი გიორგი დევდარიანი ჩემს შესაძლებლობებს კარგად იცნობს, მისი ხელმძღვანელობით აქამდეც მითამაშია და თუ დავიმსახურე, ალბათ, ნაკრებში დამკვიდრების შანსსაც მომცემს. შემოდგომაზე 19-წლამდელებს ევროპის ჩემპიონატის შესარჩევი ტურნირი ელით და დიდი იმედი მაქვს, რომ მასში მეც მივიღებ მონაწილეობას.</p><p><strong>- ცოტა ხნის წინ "მანჩესტერ სიტიში" სინჯებზე იყავი. ხომ არ არის ცნობილი, რა გადაწყვეტილება მიიღეს ამ გუნდის მწვრთნელებმა?</p><p></strong>- როგორც ვიცი, "სიტიში" მოხვედრის საკმაოდ რეალური შანსი მაქვს, მაგრამ არ მინდა, მოვლენებს გავუსწრო. ვიცი, რომ ინგლისელებს მოვეწონე და ახლა მხარეებს შორის აქტიური მოლაპარაკებები მიმდინარეობს. ბუნებრივია, "სიტიში" გადასვლის უდიდესი სურვილი მაქვს, ეს ჩემს კარიერაში უდიდესი წინგადადგმული ნაბიჯი იქნება. ბუნებრივია, "სიტის" ასაკობრივი გუნდიდან დიდ ფეხბურთამდე კიდევ დიდი გზა მექნება გასავლელი, მაგრამ მზად ვარ, საკუთარი შესაძლებლობები მაღალ დონეზე დავამტკიცო, დაუღალავი შრომით საფეხბურთო ოცნებები ავისრულო და ქართველი გულშემატკივრები გავახარო.</p>
-
irakli
შენი იმედი გვაქვს,იმედი არ გაგვიცრუო, წარმატებები !!!
U17 | საქართველო 3:0 ლიეტუვა
16-წლამდელებმა აზერბაიჯანის ტურნე გამარჯვებით დაასრულეს
[VIDEO] დებიუტი შედგა - ჯამალ კაიშვილმა საქართველოს ახალგაზრდულ ნაკრებში პირველად ითამაშა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ