ხარები ზაზას ელიან

კალათბურთი. NBA. პლეი ოფი. 1/8 ფინალი მეორე გუნდი, რომელმაც პლეი ოფის მეოთხედფინალში თამაშის უფლება მოიპოვა, რეგულარული ჩემპიონატის გამარჯვებული "ჩიკაგო ბულზია". გარდა ამისა, ერთი ნაბიჯით მიუახლოვდა შემდეგ ეტაპს მოქმედი ჩემპიონი "ლოს ანჯელეს ლეიკერსი".აღმოსავლეთიჩიკაგო-ინდიანა 116:8936:25, 18:21, 30:19, 32:24ჩ: როუზი (25+6 პასი), დენგი (24+7 პასი+6 მოხსნა+3 ჩაჭრა), ბოგანსი (15), ნოა (14+8 მოხსნა+4 დაფარება), კორვერი (13), გიბსონი (10+7 მოხსნა), უოტსონი (6+7 პასი), ბატლერი (3), ბუზერი (2+5 მოხსნა), აშიქი (2+5 მოხსნა), ბრიუერი (2).ი: გრეინჯერი (20+6 მოხსნა), ჰენსბრო (14+11 მოხსნა), ჰიბერტი (11+5 მოხსნა), ჯონსი (10), კოლისონი (7+5 პასი), ჯორჯი (7), რაში (7), პრაისი (7), დანლივი (4), ფორდი (2).სერია: 4-1"ჩიკაგომ", როგორც იქნა, ისე ითამაშა, როგორც რეგულარული ჩემპიონატის საუკეთესო გუნდს შეჰფერის. "ხარები" განვლილ ოთხ შეხვედრაში ცუდად არ გამოიყურებოდნენ, მაგრამ არ ჰქონიათ აღმოსავლეთის მერვე გუნდთან შესამჩნევი უპირატესობა. ახლა კი მათ რეალურად დაანახეს მეტოქეს თავიანთი მაღალი კლასი.ამ მატჩის წინ ეჭვქვეშ იყო "ჩიკაგოს" ლიდერის დერიკ როუზის თამაში. გამთამაშებელმა წინა დღეს ფეხი დაიზიანა და ბოლო მომენტამდე არ იცოდნენ დართავდნენ თუ არა ექიმები მას მოედანზე გასვლის ნებას. საბოლოოდ, როუზმა ითამაშა მეხუთე მატჩში და დებიუტში საუკეთესოც იყო მოედანზე.მასპინძლებისთვის ყველაფერი კარგად მიდიოდა - სხვაობა იზრდებოდა, მეტოქე შოკირებული იყო, "ბულზის" სნაიპერები კი შესანიშნავ ფორმას აჩვენებდნენ. და აქ მოულოდნელად "ჩიკაგოს" პრობლემები შეექმნა: მის ლიდერებს პერსონალურები დაუგროვდათ. როუზი, ბუზერი და ნოა ოთხ-ოთხი პერსონალურით სათადარიგოთა სკამისკენ გაემართნენ. "პეისერსს" შანსი გაუჩნდა და სტუმარმა მისი გამოყენება სცადა.მესამე მეოთხედის შუა ნაწილისთვის მასპინძლების სოლიდური უპირატესობა ოთხ ქულამდე დავიდა. ტომ ტიბოდოს როუზის მოედანზე დაბრუნება მოუწია. დერიკმაც შეძლო სტუმრების დაშოშმინება - მეოთხედის დასრულებამდე დარჩენილ 6 წუთში 10 ქულა დააგროვა, მისმა გუნდმა კი დროის ეს მონაკვეთი 23:8 გაქცევით დაასრულა.თამაშის ბედის კიდევ ერთხელ შემოტრიალება "ინდიანამ" ვერ შეძლო. მხოლოდ ჯოშ მაკრობერტსმა "გამოიჩინა" თავი - უმწეობისგან ჯერ ზურგში ჰკრა ხელი ნოას, შემდეგ კი იდაყვის ჩარტყმა სცადა. მსაჯებმა მაკრობერტსი მოედნიდან მიაბრძანეს."ჩიკაგომ" მოიგო მატჩი და სერია და ახლა, "ორლანდოსა" და "ატლანტას" წყვილში გამარჯვებულს დაელოდება.ორლანდო-ატლანტა 101:7626:13, 32:22, 21:18, 22:23ო: ჯ. რიჩარდსონი (17), რედიკი (14), ანდერსონი (11+7 მოხსნა), თურქოგლუ (9), ბასი (9+7 მოხსნა), ნელსონი (9+5 პასი+3 ჩაჭრა), არენასი (9+4 პასი), ჰოვარდი (8+8 მოხსნა), კ. რიჩარდსონი (7+6 მოხსნა), დუჰონი (5), კლარკი (2), ალენი (1).ა: სმიტი (22+11 მოხსნა), უილიამსი (12+5 მოხსნა), ჰორფორდი (9+14 მოხსნა+6 პასი), კროუფორდი (8), ჰაინრიხი (6), ჯონსონი (5), ტიგი (5), ფაჩულია (4), უილკინსი (2), პაუელი (2), არმსტრონგი (1).სერია: 2-3დასავლეთილეიკერსი-ნიუ ორლეანი 106:9023:32, 31:19, 25:21, 27:18ლ: ბრაიანტი (19), ბინუმი (18+10 მოხსნა), პ. გასოლი (16+8 მოხსნა), ფიშერი (13), ოდომი (13+7 მოხსნა), არტესტი (11), ბრაუნი (8), ბარნსი (5), ბლეიკი (3).ნ-ო: არიზა (22), ბელინელი (21), პოლი (20+12 პასი), ლენდრი (8), გრინი (8), ოკაფორი (5+5 მოხსნა), იუინგი (3), სმიტი (2), ჯეკი (1).სერია: 3-2NBA-ის მოქმედ ჩემპიონს აუცილებლად სჭირდებოდა გამარჯვება მეხუთე მატჩში და მან მიზანს მიაღწია. თანაც დამაჯერებლად. აქაც ეჭვქვეშ იყო ფავორიტი გუნდის ლიდერის თამაში - კობი ბრაიანტმა წინა მატჩში ტერფი დაიზიანა. მაგრამ კობი მოედანზე გავიდა და ერთ-ერთი საუკეთესოც იყო. ლიგაში დაფარებებების ერთ-ერთი საუკეთესო სპეციალისტი, "ნიუ ორლეანის" ცენტრი ემეკა ოკაფორი ვერაფერს უხერხებდა ბრაიანტის გარღვევებს - კალიფორნიელი ვარსკვლავი ხან მარჯვენა და ხან მარცხენა ხელით ტენიდა ბურთს ფარში.მასპინძლებს მხოლოდ სასტარტო მეოთხედში ჰქონდათ პრობლემები. "ლეიკერსის" ყოფილმა მოთამაშემ ტრევორ არიზამ პირველ 12 წუთში 10 ქულა დააგროვა, კრის პოლმა კი 8 შედეგიანი პასი მიითვალა. მაგრამ ამით ყველაფერი დასრულდა - კალიფორიელებმა უკვე მეორე მეოთხედში გაათანაბრეს ანგარიში. იმ დღეს "ლეიკერსში" ყველა კარგად თამაშობდა - სასტარტო ხუთეულის ყველა წევრმა და ოდომმა 10-ქულიან ზღვარს გადააჭარბეს. მოხსნებში კი მასპინძლების უპირატესობა უდიდესი იყო - 42:25 (შეტევაში: 15:3).მესამე მეოთხედში ასე თუ ისე თანაბარი თამაში იყო, მაგრამ ბოლოსკენ ჩემპიონმა წალეკა კრის პოლის გუნდი.

[VIDEO] დონჩიჩის 34 და რივზის 33 - "ლეიკერსმა" ლებრონის გარეშე მოიგო

[VIDEO] დონჩიჩმა ყოფილი გუნდის წინააღმდეგ ორმაგი დუბლი შეასრულა - "დალასს" დევისის დაბრუნებამაც არ უშველა

[VIDEO] მამუკელაშვილის 7 ქულა და ინგრამის გეიმვინერი - "ტორონტომ" "ინდიანა" ბოლო წამებზე დაამარცხა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება