<p>საქართველოს ეროვნული ოლიმპური კომიტეტის შტაბ-ბინაში გაიმართა მესამე ახალგაზრდულ ოლიმპიურ თამაშებზე (ბუენოს აირესი, 6-18 ოქტომბერი) საქართველოს სპორტული დელეგაციის გაცილების ცერემონია.</p><p>ამ ტრადიციულ და ემოციურ ღონისძიებას წინ უძღოდა სეოკ-ის აღმასკომის სხდომა, სადაც პირველ რიგში სწორედ ახალგაზრდულ თამაშებთან დაკავშირებული საკითხები განიხილეს. საოლიმპიადო სამზადისზე მოისმინეს სეოკ-ის ვიცე-პრეზიდენტის, საქართველოს ოლიმპიური მისიის ხელმძღვანელის ნინო სალუქვაძის, ცალკეული სპორტული ფედერაციების წარმომადგენლების და მწვრთნელების ინფორმაცია.</p><p>აღინიშნა, რომ ჩვენს ახალგაზრდა სპორტსმენებს, ოლიმპიური კომიტეტის, სპორტის სამინისტროს და შესაბამისი ფედერაციების მხარდაჭერით, ყველა პირობა ჰქონდათ შექმნილი სალიცენზიო ტურნირებისთვის და უშუალოდ თამაშებისთვის მზადების პერიოდში.</p><p>სეოკ-ის პრეზიდენტმა ლერი ხაბელოვმა ისაუბრა მომავალი შეჯიბრების განსაკუთრებულ მნიშვნელობაზე, წინა თამაშებთან შედარებით ლიცენზიანტთა რიცხვის ზრდაზე, ჩვენი სპორტსმენების კვალიფიკაციაზე და იმედი გამოთქვა, რომ ბუენოს-აირესში აუცილებლად აჟღერდება საქართველოს ჰიმნი.</p><p>სეოკ-ის აღმასკომის წევრებმა ერთხმად დაამტკიცეს საქართველოს ოლიმპიური დელეგაციის შემადგენლობა.</p><p>სეოკ-ის ვიცე-პრეზიდენტმა მამუკა ხაბარელმა სხდომას წარუდგინა ინფორმაცია საერთაშორისო ოლიმპიურ დღესთან დაკავშირებით თბილისში ჩატარებული ორი მნიშვნელოვანი ღონისძიების - სრულიად საქართველოს ოლიმპიელთა ფორუმის (რუსთაველის თეატრი) და მასობრივი სპორტული ფესტივალის (კუს ტბა) ჩატარების შესახებ. ითქვა, რომ ორივე ეს ღონისძიება იყო საინტერესო და წარმატებული.</p><p>აღმასკომმა დაადგინა, რომ სეოკ-ის წესდების შესაბამისად, სეოკ-ის საანგარიში სესია გაიმართება 2018 წლის 21 დეკემბერს.</p><p>სხდომის შემდეგ აღმასკომის წევრებმა და მოწვეულმა სტუმრებმა სეოკ-ის ეზოში გადაინაცვლეს, სადაც გაიმართა დელეგაციის გაცილების ცერემონია, რომელსაც უძღვებოდა სეოკ-ის პირველი ვიცე-პრეზიდნტი ელგუჯა ბერიშვილი.</p><p>სპორტსმენებს მიესალმნენ და არგენტინაში წარმატებული გამოსვლა უსურვეს სეოკ-ის პრეზიდენტმა ლერი ხაბელოვმა, საქართველოს განათლების, მეცნიერების, კულტურისა და სპორტის მინისტრის მოადგილემ შალვა გოგოლაძემ, საქართველოს ძალოსნობის ფედერაციის პრეზიდენტმა კახი კახიაშვილმა, სეოკ-ის პარტნიორის - „საქართველოს ბანკის“ საზოგადოებასთან ურთიერთობის დირექტორმა ხათუნა კაკაბაძემ.</p><p>ოლიმპიური მისიის ხელმძღვანელმა ნინო სალუქვაძემ შეკრებილ საზოგადოებას წარუდგინა ლიცენზიანტი სპორტსმენები და მათი მწვრთნელები.</p><p>ოლიმპიური ფიცის ტექსტი წაიკითხა მხატვრულმა ტანმოვარჯიშემ ქეთევან არბოლიშვილმა.</p><p>ბუენოს აირესში, ახალგაზრდულ ოლიმპიურ თამაშებზე, 12 დღის განმავლობაში მსოფლიოს 178 ქვეყნის 4 ათასამდე სპორტსმენი სპორტის 32 სახეობაში მედლების 241 კომპლექტს გაითამაშებს. მათ შორის იქნება საქართველოს 15 წარმომადგენელი, რომლებმაც ოლიმპიადის ლიცენზიები სპორტის 10 სახეობაში მოიპოვეს.</p><p>ბუენოს აირესში გამოვლენ ქეთევან არბოლიშვილი (მხატვრული ტანვარჯიში), ანა მაქაცარია (ჩოგბურთი), ნინო ხუციბერიძე (ტყვიის სროლა - 10 მ, პნევმატური პისტოლეტი), გიორგი გეგელაშვილი(თავისუფალი ჭიდაობა, 48 კგ) გიორგი თოხაძე (ბ/რ ჭიდაობა, 51 კგ), გიორგი ჩხიკვაძე ( ბ/რ ჭიდაობა, 60 კგ), ილია სულამანიძე (ძიუდო, 100 კგ), არჩილ მალაყმაძე (ძალოსნობა, 69 კგ), ზურაბ კინწურაშვილი (ტაეკვონდო, 48 კგ), გიორგი კეკიშვილი (მძლეოსნობა, უროს ტყორცნა), გაგა ხიჯაკაძე (თანამედროვე ხუთჭიდი), 3X3 კალათბურთელთა გუნდი - ლუკა მაზიაშვილი, ლაშა მიქელაძე, ოთარ პერტაია და ზურაბ ჟღენტი.</p><p>2010 წლის სინგაპურის პირველ ახალგაზრდულ ოლიმპიურ თამაშებზე სპორტის 3 სახეობაში (ძიუდო, თავისუფალი ჭიდაობა, ცურვა) 5 ქართველი სპორტსმენი გამოდიოდა. ერთადერთი ბრინჯაოს მედალი ირაკლი მოსიძემ (თავისუფალი ჭიდაობა) მოიპოვა, გუნდურ ჩათვლაში კი 84-ე ადგილზე გავედით.</p><p>მეორე ახალგაზრდულ ოლიმპიურ თამაშებზე, რომელიც 2014 წელს ჩინეთის ქალაქ ნანძინში გაიმართა, საქართველოს 12-მა სპორტსმენმა იასპარეზა სპორტის 7 სახეობაში (ძიუდო, თავისუფალი ჭიდაობა, მძლეოსნობა, კრივი, ცურვა, ბატუტზე ხტომა და ფარიკაობა). მათ ვერცხლის 2 (თამაზ კირაკოზაშვილი - ძიუდო, მექი სიმონია - თავისუფალი ჭიდაობა,) და ბრინჯაოს 1 (ივერიკო ჯულაყიძე - თავისუფალი ჭიდაობა) მედალი აიღეს, გუნდურ ჩათვლაში კი 58-ე ადგილი დაიკავეს.</p><p><strong>მომზადებულია საქართველოს ეროვნული ოლიმპიური კომიტეტის ფეისბუქ-გვერდის მიხედვით</strong><br></p>
ვისოლის“ გუნდის წევრი გიორგი კოდუა King of Drift 2026-ის ჩემპიონი გახდა
როგორ განაპირობებს წარმოების ხარისხი ეზოს ფილების ხანგრძლივ ექსპლუატაციას?
მოვლილი წვერი და უქერტლო თმა - სპეციალურად მამაკაცებისთვის შექმნილი ბრენდი Recipe
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია