<p>"თიბისი რაგბის სერიები 2018"-ის დაწყებამდე თვეზე ნაკლები რჩება. სერიის პირველ ტესტ-მატჩში "ბორჯღალოსნები" გასვლაზე იტალიას ფლორენციაში, "არტემიო ფრანკის" სტადიონზე 10 ნოემბერს დაუპირისპირდებიან. შეხვედრა საქართველოს დროით 18 საათზე დაიწყება.</p><p>სერიის ორი მომდევნო თამაში შინ გვაქვს - 17 ნოემბერს საქართველოს ნაკრები სამოას "ავჭალის" სტადიონზე ერკინება, ერთი კვირის შემდეგ კი, "ბორჯღალოსნები" სერიის დამაგვირგვინებელ ტესტში ტონგას "მიხეილ მესხის" სტადიონზე უმასპინძლებენ. ორივე საშინაო მატჩი საქართველოს დროით 18 საათზე დაიწყება.</p><p><p><div style="text-align: center;"><span style="font-size: medium;"><strong><span style="color: #3366ff;"><span style="background-color: #ffffff;">ბილეთები</span></span></strong></span></div></p></p><p>ტრადიციულად, "თიბისი რაგბის სერიების" ბილეთების შეძენა ონლაინ <a href="https://beta.tkt.ge/Show/5331/ragbi-tibisi-ragbis-seriebi-2018" target="_blank"><span style="color: #3366ff;">tkt.ge</span>-</a>ზე არის შესაძლებელი.</p><p><p><div style="text-align: center;"><span style="color: #3366ff;"> <span id="ctl00_DesktopThreePanes1_ThreePanes_ctl09_labelTemplate2"><span style="font-size: 16px;"><strong>სამოასთან ავჭალაში</p><p></strong></span></span></span></div></p> რატომ "ავჭალის" სტადიონზე - იქიდან გამომდინარე, რომ თბილისში არსებული ორივე დიდი სტადიონი ამ დროს დაკავებულია და ქართულ რაგბის საკუთარი დიდი სტადიონი ამ ეტაპზე არ გააჩნია, მატჩის გამართვა "ავჭალის" რაგბის სტადიონზე გადაწყდა.</p><p><p><div style="text-align: center;"><span style="font-size: medium;"><span style="color: #3366ff;"><strong>ტონგასთან მესხზე</strong></span></span></div></p></p><p>"თიბისი რაგბის სერიების" დამაგვირგვინებელი ტესტ-მატჩი ტონგასთან "მიხეილ მესხის" სტადიონზე გაიმართება.</p><p><p><div style="text-align: center;"><span style="color: #000000;"><span style="font-size: medium;"><strong>მეტოქეების შესახებ</p><p></strong></span></span><strong></strong></p><p><strong></strong></div></p> <p><div style="text-align: center;"><strong><span style="font-size: medium;"><span style="color: #3366ff;">იტალიასთან მეოთხედ</p><p></span></span></strong></div></p> იტალიას ისტორიაში მეოთხედ, 15-წლიანი პაუზის შემდეგ კვლავ სტუმრად შევხვდებით. პირველად ამ მეტოქეს 1998 წელს ლაკვილაში, 1999 წლის მსოფლიო თასის შესარჩევი ეტაპის მატჩში შევხვდით და მასპინძლებმა 31:14 იმარჯვეს. 2000 წელს, ექვსი ერის ზღვარზე მყოფმა იტალიამ ლივორნოში მიგვიღო და 51:7 იმარჯვა.</p><p>"აძურას" ბოლოს 2003 წელს ვეთამაშეთ. მაშინ გუნდები მსოფლიო თასისთვის ემზადებოდნენ და ასტიში მაყურებელმა დაძაბული ბრძოლა იხილა, შეხვედრა კი იტალიის ნაკრების 9-ქულიანი გამარჯვებით დასრულდა - 31:22.</p><p>მომავალი შეხვედრა 10 ნოემბერს ფლორენციაში, საფეხბურთო კლუბ "ფიორენტინას" სტადიონზე, "არტემიო ფრანკიზე" გაიმართება.</p><p>"არტემიო ფრანკიმ" საერთაშორისო სარაგბო მატჩს ორჯერ უმასპინძლა და იტალიელთა ისტორიული გამარჯვების მოწმეა: "აძურამ" 2010 წლის 20 ნოემბერს ფლორენციაში ავსტრალია მიიღო და 14:32 დამარცხდა, ხოლო 2016 წელს 19 ნოემბერს სამხრეთ აფრიკას უმასპინძლა და ამ გუნდთან არსებობის ისტორიაში პირველი გამარჯვება იზეიმა - 20:18.</p><p>მოცემული მომენტისთვის საქართველო და იტალია მსოფლიო რეიტინგში მეზობლად არიან. "ბორჯღალოსნები" 73,13 ქულით მე-13 საფეხურს იკავებს, ხოლო იტალია 72,56 ქულით მას კვალში უდგას.</p><p><span style="font-size: medium;"><strong><span style="color: #3366ff;"></p><p></span></strong></span> <p><div style="text-align: center;"><span style="font-size: medium;"><strong><span style="color: #3366ff;">მეხუთედ სამოასთან</span></strong></span></div></p></p><p>იტალიიდან შინ მობრუნებული "ბორჯღალოსნები" 17 და 24 ნოემბერს თბილისში ორ ტესტ-მატჩს გამართავენ. 17 ნოემბერს საქართველოს სამოა მესამედ ეწვევა და ჩვენს გუნდთან მეხუთე მატჩს გამართავს.</p><p>კუნძულელებთან პირველი ნაცნობობა 2003 წელს, ავსტრალიაში გამართულ მსოფლიო თასზე შედგა. "ბორჯღალოსნები" სარაგბო ელიტაში პირველ ნაბიჯებს დგამდნენ და ძლიერ მეტოქესთან ვერაფერს გახდნენ - 9:46.</p><p>განვითარების ეტაპების გავლის შემდეგ, უკვე მოძლიერებულმა "ბორჯღალოსნებმა" მეორე დონის ქვეყნის ნაკრებებთან ტესტ-მატჩების გამართვის უფლება მოიპოვეს და პირველი შეხვედრიდან 10 წლის თავზე, 2013 წლის ნოემბერში საქართველოს სამოა პირველად ეწვია. გიორგობა დღეს (23 ნოემბერს), ჩვენმა გუნდმა დაძაბულ ბრძოლაში პირველი დიდი გამარჯვება მოიპოვა და იმ მომენტისთვის რეიტინგში მე-8 ადგილზე გამაგრებული სამოა 16:15 დაამარცხა.</p><p>საქართველო სამოას საპასუხო ვიზიტით 2016 წელს ეწვია, აპიაში მეტოქეს არაფერი დაუთმო და შეხვედრა ფრედ, 19:19 დაასრულა.</p><p>იმავე წლის ნოემბერში სამოელებს მეორედ ვუმასპინძლეთ თბილისში. თამაში ამჯერადაც "მიხეილ მესხზე" გაიმართა და დაძაბულ ბრძოლაში გამარჯვება კვლავ ქართველებს დარჩათ - 20:16.</p><p>ამრიგად, სამოასთან, რომელიც დღეისათვის მსოფლიო რეიტინგში მე-16 ადგილს იკავებს (68,28 ქულა), ჩვენს გუნდს დადებითი ბალანსი აქვს - 2 მოგება, 1 ფრე და 1 მარცხი.</p><p><p><div style="text-align: center;"><strong><span style="color: #3366ff;"><span style="font-size: medium;">მეშვიდედ ტონგასთან</span></span></strong></div></p></p><p>სამოას კვალდაკვალ, 24 ნოემბერს კიდევ ერთ კუნძულელს, ტონგას ვეთამაშებით, რომელთანაც განვლილ წლებში უკვე 6 ტესტ-მატჩი მოგვიგროვდა.</p><p>მათთან პირველად გასული საუკუნის მიწურულს, 1999 წლის მსოფლიო თასის შესარჩევ ეტაპზე გადავიკვეთეთ. 1999 წლის მარტში ტონგას პირველად და უკანასკნელად ვეთამაშეთ მათ მშობლიურ ნუკუჰალოფაში და მატჩი მასპინძლების გამარჯვებით დასრულდა - 37:6. სამი კვირის თავზე კუნძულელები თბილისში საპასუხოდ გვეწვივნენ და მომწიფების გზაზე შემდგარმა "ბორჯღალოსნებმა" რევანში აიღეს, ოღონდ მეტოქეს მინიმალურად სძლიეს (28:27) და ორი მატჩის ჯამში 1999 წლის მსოფლიო თასზე ტონგა გავიდა.</p><p>2014 წლის ნოემბერში ტონგა მეორედ ეწვია თბილისს და ტესტ-მატჩში 23:9 იმარჯვა, თუმცა ერთი წლის თავზე, 2015 წლის მსოფლიო თასზე, გლოსთერში "სულ სხვა" ბორჯღალოსნების პირისპირ აღმოჩნდნენ და საქართველოს ნაკრებმა 17:10 მოგებით ისტორიულ შედეგს (მსოფლიო თასზე ორი მოგება) ჩაუყარა საფუძველი.</p><p>მას შემდეგ საქართველომ მეტოქე კიდევ ორჯერ დაამარცხა და ორივეჯერ ნეიტრალურ მოედანზე, ტონგას მეზობელი ფიჯის ქალაქ სუვაში. 2016 წლის წყნარი ოკეანის წარმატებული ტურნეს ფარგლებში, მილთონ ჰეიგის შეგირდებმა მეტოქეს 23:20 სძლიეს, ხოლო ამა წლის ივნისში, უკვე წყნარი ოკეანის თასის ფარგლებში "ბორჯღალოსნებმა" ტონგას 16:15 სძლიეს და ამ მეტოქესთან დადებითი ბალანსი გაიმყარეს - 4 მოგება და 2 მარცხი.</p><p>მიუხედავად ამისა, 2018 წლის ნოემბრის ტესტებს ტონგა მსოფლიო რეიტინგში უკეთესი პოზიციით ხვდება - ის 73,84 ქულით მე-12 ადგილზეა.</p><p><strong>მომზადებულია rugby.ge-ს მიხედვით</strong></p><p><br></p>
რიგითი გულშემატკივარი
რაგბი ჩვენი თამაშია?
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
ლევან მაისაშვილის მდგომარეობა დამძიმდა - "ბორჯღალოსნების" მწვრთნელი იოჰანესბურგის საავადმყოფოშია
კაცნაკლულმა "ბორჯღალოსნებმა" რუმინეთს სძლიეს და რაგბი ევროპის ჩემპიონატი მოიგეს [VIDEO]
საქართველო - რუმინეთი (საუკეთესო მომენტები) [VIDEO]
"საქართველოს 6 ერში შესვლის შანსის მისაღებად 1 მოგება სჭირდება" - ავსტრალიაში მოღვაწე ექსპერტი
ჩემი გადარჩენის მხოლოდ 1 კაცს სჯეროდა, ექიმები ამბობდნენ, რომ ვერ გადავიტანდი - მაისაშვილი
"ბორჯღალოსნების" შემადგენლობა რუმინეთთან