- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ეშტორილში ქალებმა ფავორიტები მოიცილეს
<p>ეშტორილის ვაჟთა ტურნირში ყველაფერი ლოგიკურად განვითარდა - ოთხივე მატჩში განთესილებმა იმარჯვეს <br> მამაკაცებმა მორიგ სათამაშო დღეს მერვედფინალური ეტაპი დაასრულეს. მიუნხენში ადგილობრივმა ჩოგბურთელებმა 50-პროცენტიანი შედეგი აჩვენეს - ორმა მოთამაშემ მეოთხედფინალში გააღწია და ორიც გამოეთიშა ბრძოლას.</p><p>ორი წლის წინანდელმა ჩემპიონმა ფილიპ კოლშრაიბერმა გერმანულ დერბიში მოუგო დენის გრემელმაიერს - საათსა და ცხრა წუთში ორი სეტი გათამაშდა. სატურნირო ბადეში სხვა ჩოგბურთელის ტრავმის გამო მოხვედრილმა გრემელმაიერმა რვა ეისი ჩააწოდა, თუმცა ოთხივე ბრეიკ-პოინტი გაანიავა, იმ დროს, როცა კოლშრაიბერმა ექვსი ბრეიკ-პოინტიდან ნახევარი გამოიყენა, რამაც დამაჯერებელი გამარჯვება მოუტანა.</p><p>ყველაზე მაღალ ნომრად განთესილმა გერმანელმა ფლორიან მაიერმა რუსი თეიმურაზ გაბაშვილი დაამარცხა. აღსანიშნავია, რომ მაიერისთვის ეს წელს მეხუთე მეოთხედფინალია ATP-ის ტურნირებზე.</p><p>ბელგრადშიც ყველა მეოთხედფინალისტი გაირკვა და აქაც დღემ ადგილობრივი ჩოგბურთელებისთვის მეტნაკლებად წარმატებულად ჩაიარა.</p><p>კარგი შთაბეჭდილება დატოვა იანკო ტიპსარევიჩმა, რომელმაც მიშა ზვერევს მხოლოდ ორი გეიმი დაუთმო. ამასთან, გერმანელს არც ერთი ბრეიკ-პოინტი არ ჰქონია, ტიპსარევიჩმა კი ცხრა ასეთი შანსი მიიღო და ხუთი გამოიყენა. სერბს უდიდესი უპირატესობა ჰქონდა - საკუთარ მოწოდებაზე იანკომ მხოლოდ ათი ქულა წააგო, მეტოქისაზე - 15. მან უბრალოდ არ შეიმჩნია ზვერევის წინააღმდეგობა.</p><p>სამაგიეროდ წააგო მეორე სერბმა - მეორე ნომრად განთესილმა ვიქტორ ტროიცკიმ. ზვერევის მსგავსად მასაც არ ჰქონია შანსი ესპანელი მარსელ გრანოლერსის წინააღმდეგ. პირენეელი უფრო სტაბილურად თამაშობდა, რაც განსაკუთრებით მნიშვნელოვანია გრუნტის კორტებზე. საბოლოოდ, 13 ბრეიკ-პოინტიდან რვის გამოყენებით გრანოლერსმა უდიდესი უპირატესობა მიიღო და ორ სეტში გაიმარჯვა.</p><p>ასევე წააგო მესამე ნომრად განთესილმა გილერმო გარსია-ლოპესმა. ინდოელ სომდევ დევარმანთან მატჩში, რომელიც სამსაათნახევარი გაგრძელდა, ესპანელმა ტაი-ბრეიკზე დათმო პირველი და მესამე სეტები, ისე კი მეტოქეზე მეტი ქულა აიღო.</p><p>სამაგიეროდ, ყველაფერი ლოგიკურად განვითარდა ეშტორილში - იმ დღეს ჩატარებულ ოთხივე მატჩში განთესილმა ჩოგბურთელებმა გაიმარჯვეს.</p><p>ფერნანდო ვერდასკო პორტუგალიელ ფრედერიკო ჟილს 6:1, 5:1-ს უგებდა, როცა რითმიდან ამოვარდა და საქმე ტაი-ბრეიკამდე მიიყვანა. თუმცა ესპანელმა შემოკლებული გეიმი თავის სასარგებლოდ დაასრულა და მეტოქეს მესამე სეტის შანსი არ მისცა. ვერდასკო ამ სეზონში ძალიან ცუდ სეზონს ატარებს - მისთვის ეს 2011 წელს მხოლოდ მეცხრე მოგება იყო.</p><p>გრუნტის კორტების მიუხედავად, კევინ ანდერსონი კარგად აწვდიდა და ამის ხარჯზე დაამარცხა ვიქტორ ჰანესკუ. მთელი მატჩის განმავლობაში სამხრეთაფრიკელმა მეტოქეს მიღებაზე ერთი შანსიც არ მისცა, თავად კი სამი ბრეიკი გააკეთა და ორ სეტში გაიმარჯვა.</p><p>ასევე ორ სეტში დაასრულეს თავიანთი შეხვედრები ჟილ სიმონმა და მილოშ რაონიჩმა, რომლებმაც შესაბამისად კარლოს ბერლოკი და ჟოაო სოუზა დაამარცხეს.</p><p>* * *</p><p>სამაგიეროდ, ეშტორილში ქალებს შორის იყო უცნაური დღე. ერთბაშად გამოეთიშნენ ბრძოლას პირველი, მეორე და მესამე ნომრები.</p><p>ალისა კლეიბანოვა გერმანელმა კრისტინა ბაროისმა დაამარცხა. ამასთან, პირველ სეტში რუსი 4:1-ს იგებდა, რის შემდეგაც მომდევნო 13 გეიმიდან 11 წააგო. მეორე ნომერმა იარმილა გაიდოშოვამ, როგორც ჩანს, ზედმეტად აქტიურად აღნიშნა ამ კვირას თავისი დაბადების დღე და ვერ გაუმკლავდა მონიკა ნიკულესკუს. არადა, ავსტრალიელს კარგი შანსი ჰქონდა - პირველი პარტია 7:5 მოიგო და მეორეში 4:2 იყო დაწინაურებული, რის შემდეგაც შეცდომებს უმატა და დამარცხებულმა დატოვა კორტი.</p><p>ამ მატჩების ფონზე კლარა ზაკოპალოვას მარცხი ანაბელ მედინა გარიგესთან დიდ მოულოდნელობად არ მოსჩანს. გამოცდილი ესპანელი გრუნტზე ყოველთვის სახიფათოა, რაც დაამტკიცა კიდეც ექვსი ბრეიკის აღებით.</p><p>ბარსელონაში დღე იტალიური გამოდგა, რადგან ამ ქვეყნის ორმა წარმომადგენელმა დამაჯერებელი გამარჯვება მოიპოვა და მეოთხედფინალში გავიდა.</p><p>რობერტა ვინჩი ვირჟინ რაზანოს გაუსწორდა. საერთოდ ეს იტალიელი ბარსელონაში კარგად თამაშობს - 13 მატჩიდან 12 მოგება და მხოლოდ ერთი მარცხი აქვს. ვინჩიმ ორი წლის წინ მოიგო მთავარი პრიზი, შარშან კი ფინალში ითამაშა.</p><p>სარა ერანიმ თავისი თანამემამულე ალბერტა ბრიანტი დაამარცხა, რომელმაც წინა კვირას კარიერაში პირველი ტიტული მოიგო.</p><p>ATP</p><p><strong>BMW Open</strong></p><p>მიუნხენი (გერმანია). გრუნტი</p><p>საპრიზო ფონდი: 398 500 ევრო</p><p><em>1/8 ფინალი</em></p><p>ფლორიან მაიერი (გერ, 5)-თეიმურაზ გაბაშვილი (რუს) 6:4, 7:6; ფილიპ კოლშრაიბერი (გერ, 8)-დენის გრემელმაიერი (გერ) 6:3, 6:3; რადეკ შტეპანეკი (ჩეხ)-დასტინ ბრაუნი (იამ) 7:6, 6:7, 6:3; ნიკოლაი დავიდენკო (რუს, 7)-ჯულიან რაისტერი (გერ) 3:6, 7:6, 6:1; მარინ ჩილიჩი (ხორ, 3)-ორასიო სებალიოსი (არგ) 6:3, 7:6.</p><p><strong>Serbia Open</strong></p><p>ბელგრადი (სერბეთი). გრუნტი</p><p>საპრიზო ფონდი: 373 200 ევრო</p><p><em>1/8 ფინალი</em></p><p>ფილიპო ვოლანდრი (იტა)-ილია მარჩენკო (უკრ) 6:3, 1:6, 6:3; იანკო ტიპსარევიჩი (სერ, 7)-მიშა ზვერევი (გერ) 6:2, 6:0; მარსელ გრანოლერსი (ესპ)-ვიქტორ ტროიცკი (სერ) 6:2, 6:3; სომდევ დევარმანი (ინდ)-გილერმო გარსია ლოპესი (ესპ) 7:6, 2:6, 7:6.</p><p><strong>Estoril Open</strong></p><p>ეშტორილი (პორტუგალია). გრუნტი</p><p>საპრიზო ფონდი: 398 250 ევრო</p><p><em>1/8 ფინალი</em></p><p>მილოშ რაონიჩი (კან)-ჟოაო სოუზა (პორ) 6:3, 6:3; ჟილ სიმონი (საფ)-კარლოს ბერლოკი (არგ) 6:2, 6:1; ფერნანდო ვერდასკო (ესპ)-ფრედერიკო ჟილი (პორ) 6:1, 7:6; კევინ ანდერსონი (ს. აფრ)-ვიქტორ ჰანესკუ (რუმ) 6:4, 6:2.</p><p>WTA</p><p><strong>Estoril Open</strong></p><p>ეშტორილი (პორტუგალია). გრუნტი</p><p>საპრიზო ფონდი: 220 000 დოლარი</p><p><em>1/4 ფინალი</em></p><p>კრისტინა ბაროისი (გერ)-ალისა კლეიბანოვა (რუს, 1) 6:4, 6:2; მონიკა ნიკულესკუ (რუმ)-იარმილა გაიდოშოვა (ავსტრა, 2) 5:7, 6:4, 6:2; ანაბელ მედინა გარიგესი (ესპ)-კლარა ზაკოპალოვა (ჩეხ, 3) 6:3, 7:5; იოჰანა ლარსონი (შვედ)-ალა კუდრიავცევა (რუს) 6:2, 7:5.</p><p><strong>Barcelona Ladies Open</strong></p><p>ბარსელონა (ესპანეთი). გრუნტი</p><p>საპრიზო ფონდი: 220 000 დოლარი</p><p><em>1/4 ფინალი</em></p><p>სარა ერანი (იტა, 5)-ალბერტა ბრიანტი (იტა) 6:2, 6:3; რობერტა ვინჩი (იტა, 6)-ვირჟინ რაზანო (საფ) 6:4, 6:1; ლუსი ჰრადეცკა (ჩეხ)-ესტრელა კაბესა კანდელა (ესპ) 6:4, 6:4; პოლონა ჰერცოგი (სლოვენ)-ლაურა პოუს-ტიო (ესპ) 6:5 შეწყდა.</p>
ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს
ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია
მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის
17-წლამდე ვაჟთა ნაკრები სან მარინოში მიემგზავრება
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა
[VIDEOS] გულიაშვილმა ესპანეთში დუბლი შეასრულა
ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა