<p>ჩემპიონთა ლიგაზე ჯგუფური ეტაპის მეორე წრე იწყება - ისევ ის წყვილები თამაშობენ, რომელთაც მესამე ტურში ითამაშეს, ოღონდ მოედნებს გაცვლიან. შესაძლოა, პლეი- ოფის პირველი მონაწილეების ვინაობაც შევიტყოთ...</p><p>"ატლეტიკო" მადრიდში "დორტმუნდს" დაუხვდება და შური აქვს საძიებელი 0:4-ისთვის. მადრიდულმა კლუბმა ისტორიაში მეორედ წააგო ამ ანგარიშით ჩემპიონთა ლიგაზე, ხოლო დიეგო სიმეონეს 391-მატჩიან კარიერაში მადრიდელთა თავკაცის პოსტზე ეს პირველი 4-ბურთიანი მარცხი იყო. მართალია, "ატლეტიკოს" კარგი დროება არ უდგას, რაც "ლეგანესთან" მადრიდულ დერბიშიც გამოჩნდა, მაგრამ დორტმუნდელთათვის გაბრაზებული "ატლეტიკო" ერთიორად საშიშია. როგორც უკვე ვთქვით, 4 ბურთით სიმეონეს გუნდმა პირველად წააგო, მაგრამ 2016/17 წლების სეზონში "რეალმა" ორჯერ 3:0 მოუგო "ატლეტიკოს", რაზეც სიმეონეს გუნდმა სამი მოგებითა და ერთი ფრით უპასუხა. ერთხელ "ვილიარეალმა" აჯობა "ატლეტიკოს" 3:0, რასაც სიმეონეს გუნდის ზედიზედ 4 გამარჯვება მოჰყვა "ყვითელ წყალქვეშა ნავზე". ასე რომ, სიმეონეს "ატლეტიკო" წყენას იოლად არ ივიწყებს.</p><p>ტიერი ანრის ევროთასებზე "მონაკოს" მწვრთნელის რანგში დებიუტი აქვს "ლუი მეორეზე". ყველა შორეულ 1997 წელს იხსენებს, როცა მოთამაშე ტიერი ანრის ჰქონდა საშინაო დებიუტი ლიგაზე. მაშინ მისმა "მონაკომ" "ლევერკუზენს" 4:0 მოუგო, ხოლო ანრიმ 2 გოლი გაიტანა. ფრანგებს ესღა აძლევთ იმედს. ისე კი, "მონაკო" საშინელ ფორმაშია და მას არც ანრის მისვლამ უშველა - ლიგა 1-ის მორიგ ტურში "მონაკო" უსახელოდ დამარცხდა და გასავარდნ ზონაშია.</p><p><p><div style="text-align: center;"><span style="color: #3366ff;"><span style="font-size: medium;"><strong>ოთხეულის შანსი</p><p></strong></span></span></div></p></p><p>მეოთხე ტურშივე ჩემპიონთა ლიგის მერვედფინალის საგზურის მოპოვება რამდენიმე გუნდს შეუძლია. ესენია: "დორტმუნდი", "ატლეტიკო", "ბარსელონა", "ინტერი", "აიაქსი", "ბაიერნი", "მანჩესტერ სიტი" და "იუვენტუსი". ამ 8 გუნდიდან 4 დღეს თამაშობს. თანაც, ისინი ერთმანეთს ეთამაშებიან - "ატლეტიკო" "დორტმუნდს" დაუხვდება, ხოლო "ინტერი" "ბარსელონას" მასპინძლობს.</p><p>მაშ ასე, "დორტმუნდი" მადრიდში მოგებით პლეი-ოფში გადის. ამ თამაშს თუ "ატლეტიკო" მოიგებს, ის პლეი-ოფის საგზურს გაინაღდებს, თუკი ჯგუფის მეორე შეხვედრა ფრედ დასრულდება. "დორტმუნდს" მოგება არა მარტო საგზურს, არამედ გარანტირებულ პირველ ადგილს მოუტანს.</p><p>"დორტმუნდის" მსგავსად, "ბარსას" "სან სიროზე" მოგება პირველ ადგილსა და პლეი-ოფის საგზურს მოუტანს. "ინტერი" მოგებითა და ჯგუფის მეორე მატჩში დაფიქსირებული ფრის წყალობით გავა პლეი-ოფში. ვნახოთ, რომელი კლუბი მოიპოვებს პირველი გაზაფხულის საგზურს ჩემპიონთა ლიგაზე.</p><p><strong><span style="color: #3366ff;">A ჯგუფი</span></strong></p><p><strong>მონაკო-ბრიუგე 21:55</strong></p><p>სავარაუდო შემადგენლობები</p><p>მონაკო (4-5-1): ბენალიო - ტურე, გლიკი, ჟემერსონი, ჰენრიხსი - გოლოვინი, აიტ-ბენასერი, დიოპი, ტილემანსი, შადლი - ფალკაო</p><p>ბრიუგე (3-5-2): ჰორვატი - დენსვილი, მიშელი, პულენი - მატა, ნაკამბა, ვანაკენი, ვორმერი, ვლიეტინკი - ვესლი, შრივერსი</p><p><strong>ატლეტიკო-დორტმუნდი 23:59</strong></p><p>სავარაუდო შემადგენლობები</p><p>ატლეტიკო (4-4-2): ობლაკი - ხუანფრანი, გოდინი, ხიმენესი, ფილიპე ლუიში - ლემარი, როდრი, საულ ნიგესი, ა. კორეა - გრიზმანი, მარტინში</p><p>დორტმუნდი (4-2-3-1): ბიურკი - პიშჩეკი, აკანჯი, ზაგადუ, გერეირო - ვიტსელი, დელეინი - პულიშიჩი, რეუსი, სანჩო - პაკო ალკასერი</p><p><strong><span style="color: #3366ff;">B ჯგუფი</span></strong></p><p><strong>ინტერი-ბარსელონა 23:59</strong></p><p>სავარაუდო შემადგენლობები</p><p>ინტერი (4-2-3-1): ჰანდანოვიჩი - ვრსალკო, შკრინიარი, დე ვრეი, ასამოა - ბროზოვიჩი, ვესინო - პოლიტანო, ნაინგოლანი, პერიშიჩი - იკარდი</p><p>ბარსელონა (4-4-2): ტერ შტეგენი - სერხი რობერტო, პიკე, ლონგლე, ალბა - ვიდალი, რაკიტიჩი, ბუსკეტსი, არტური - მესი (კოუტინიო), ლ. სუარესი</p><p><strong>ტოტენჰემი-პსვ 23:59</strong></p><p>სავარაუდო შემადგენლობები</p><p>ტოტენჰემი (4-2-3-1): ვორმი - ორიე, სანჩესი, ალდერვეირელდი, დევისი - დემბელე, ვინკსი - სონი, ერიკსენი, ალი - კეინი</p><p>პსვ (4-3-3): ზოეტი - ანხელინიო, ვიერხევერი, შვააბი, დუმფრისი - ჰენდრიქსი, პერეირო, როსარიო - ბერგვეინი, დე იონგი, ლოსანო</p><p><span style="color: #3366ff;"><strong>C ჯგუფი</strong></span></p><p><strong>ცრ.ზვეზდა-ლივერპული 21:55</strong></p><p>სავარაუდო შემადგენლობები</p><p>ცრვენა ზვეზდა (4-4-1-1): ბორიანი - სტოიკოვიჩი, დეგენეკი, სავიჩი, როდიჩი - ებესილიო, იოვიჩიჩი, ბენი, კრსტიჩიჩი - მარინი - პავკოვი</p><p>ლივერპული (4-3-3): ალისონი - ალექსანდერ-არნოლდი, ლოვრენი, ვან დეიკი, რობერტსონი - ფაბინიო, მილნერი, ვეინალდუმი - სალაჰი, ფირმინო, მანე</p><p><strong>ნაპოლი-პსჟ 23:59</strong></p><p>სავარაუდო შემადგენლობები</p><p>ნაპოლი (4-4-2): ოსპინა - მაქსიმოვიჩი, ალბიოლი, კულიბალი, მარიო რუი - კალეხონი, ალანი, ჰამშიკი, რუისი - მერტენსი, ინსინიე</p><p>პსჟ (3-4-3): ბუფონი - მარკინიოსი, ტიაგო სილვა, კიმპემბე - მონიე, დრაქსლერი, ვერატი, ბერნატი - ნეიმარი, კავანი, მბაპე</p><p><span style="color: #3366ff;"><strong>D ჯგუფი</strong></span></p><p><strong>შალკე-გალათასარაი 23:59</strong></p><p>სავარაუდო შემადგენლობები</p><p>შალკე (3-5-2): ნიუბელი - სტამბული, სანე, ნასტასიჩი - კალიჯური, რუდი, შიოპფი, სერდარი, ჰარიტი - ემბოლო, უთი</p><p>გალათასარაი (4-2-3-1): მუსლერა - მარიანო, ოზანი, სერდარ აზიზი, ლინესი - ნდიაიე, დონკი - ფეგული, ბელჰანდა, როდრიგეში - ონიეკურუ</p><p><strong>პორტუ-ლოკომოტივი 23:59</strong></p><p>სავარაუდო შემადგენლობები</p><p>პორტუ:(4-3-3): კასილიასი - მაქსი, ფელიპე, მილიტაო, ალექს ტელიესი - დანილო, ოლივერი, ოტავიო - კორონა, ბრაჰიმი, მარეგა</p><p>ლოკომოტივი (4-5-1):გილერმე - იგნატიევი, ჩორლუკა, კრიხოვიაკი, ჰიოვედესი - დენისოვი, ბარინოვი, ფერნანდეში, ან. მირანჩუკი, ალ. მირანჩუკი - ფარფანი</p><p>ნიკოლოზ ნეფარიძე (იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p><p><br></p>
"ბარსელონას" კიდევ ორი ფეხბურთელი პსჟ-სთან ვერ ითამაშებს
რაშფორდი: დიდხანს მინდა "ბარსელონაში" დავრჩე
პსჟ სიაში მესამეა - სუპერკომპიუტერმა ჩემპიონთა ლიგის ფავორიტი დაასახელა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
[VIDEO] "კვარა" "ატალანტასთან" მატჩის MVP გახდა - ქართველს პრიზი გადასცეს
პსჟ-ს წილისყრაში არ გაუმართლა - ჩემპიონთა ლიგაზე ქართველთა გუნდების მეტოქეები გაირკვა
ჩემპიონთა ლიგა სრულად დაკომპლექტდა
პსჟ სიაში მესამეა - სუპერკომპიუტერმა ჩემპიონთა ლიგის ფავორიტი დაასახელა
ხვიჩა ლიგაზე ნაცნობი მეტოქით და მსაჯით იწყებს - მიქაუტაძე დღეს გატანას ლონდონში ეცდება
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?