გალიანი ბერლუსკონის ემადლიერება

საფეხბურთო იტალია "მილანის" გაჩემპიონების მოლოდინშია - ერთი ქულაც და ალეგრის გუნდი სკუდეტოს მოიპოვებს მთელი საფეხბურთო იტალია "მილანის" გაჩემპიონების მოლოდინშია, ერთი ქულაც და მასიმილიანო ალეგრის გუნდი სკუდეტოს მოიპოვებს. თუმცა, შესაძლოა "როსონერი" უქულოდაც გახდეს ჩემპიონი და ეს იმ შემთხვევაში მოხდება, თუ კი "ინტერიც" დაკარგავს ქულებს.მოკლედ, როგორც მასიმო ამბროზინი ამბობს, იდიოტი უნდა იყო, რომ ასეთი შანსი ხელიდან გაუშვა. "მილანის" კაპიტანს კიდევ მივუბრუნდებით, იქამდე კი ადრიანო გალიანის მოვუსმინოთ, რომელმაც სილვიო ბერლუსკონის გადაუხადა განსაკუთრებული მადლობა:"შესანიშნავი სეზონია, რომელიც აუცილებლად დასრულდება ჩვენი გაჩემპიონებით. თუმცა, ეს იმას არ ნიშნავს, რომ უნდა მოვდუნდეთ და ბოლომდე არ დავიხარჯოთ. პირიქით, სწორედ ის ვითარებაა, როდესაც მთელი ძალები უნდა მოიკრიბო და ბოლო ნაბიჯი გადადგა დასახული მიზნის მისაღწევად.განსაკუთრებული მადლიერებით სილვიო ბერლუსკონი მინდა მოვიხსენიო, რომელმაც ფინანსები არ დაიშურა იმისთვის, რომ დღეს სკუდეტოსთან ასე ახლოს ვყოფილიყავით. იცით რატომ ხდებოდა ბოლო წლებში "ინტერი" ჩემპიონი? - იმიტომ, რომ ტრანსფერებში ფული არ ენანებოდათ. ერთი ხანობა, ჩვენ გარკვეული პრობლემები შეგვექმნა ფინანსური კუთხით და ამიტომ, ძალიან ჩამოვრჩით კონკურენტს, მაგრამ ისევ და ისევ ბერლუსკოინის ძალისხმევით, ყველაფერი თავის ადგილზე დადგა.რას ვაპირებთ ამ ზაფხულს? - ჯერ დასრულდეს სეზონი და ამაზე შემდეგ ვილაპარაკოთ. მასიმილიანო ალეგრი რომ გუნდში რჩება, ალბათ ყველასათვის ნათელია, დავსხდებით მასთან ერთად და გავაანალიზებთ ყველაფერს - რა რგოლს სჭირდება გაძლიერება და ვინ შეიძლება გადავიბიროთ. იქამდე სკუდეტო გვაქვს მოსაგები და მოდით, სატრანსფერო საკითხებზე ჯერ ნუ ვილაპარაკებთ".გალიანი მართალს ამბობს, ამ სეზონში ბერლუსკონი მართლაც დაიხარჯა და მთლიანობაში, "მილანმა" ძალიან აქტიური სატრანსფერო კამპანია აწარმოა. გავიხსენოთ, ზაფხულში "მილანის" რიგები ზლატან იბრაჰიმოვიჩმა, რობინიომ და კევინ პრინც ბოატენგმა შეავსეს, იანვრის სატრანსფერო ფანჯრისას კი მათ რიცხვს ანტონიო კასანო, ურბი ემანუელსონი და მარკ ვან ბომელიც შეურთდნენ. სწორედ ეს ფეხბურთელები არიან დღეს მოწინავე პოზიციებზე და თამამად შეგვიძლია ვთქვათ, რომ მათ გარეშე "მილანს" ძალიან გაუჭირდებოდა უმაღლესი მიზნისთვის ბრძოლა.დიდი ფეხბურთელები არიან ანდრეა პირლო, ჯენარო გატუზო და იგივე მასიმო ამბროზინი, მაგრამ უკვე ასაკში არიან და მათზე დაყრდნობით ალეგრი ალბათ ლეონარდოს ბედს გაიზიარებდა. შეგახსენებთ, რომ გასულ სეზონში სწორედ ბრაზილიელი წვრთნიდა "როსონერის" და გუნდმა ვერანაირი წინააღმდეგობა ვერ გაუწია მის ამჟამინდელ გუნდ "ინტერს". ჩამოთვლილ ფეხბურთელებს "ყველა სიკეთესთან ერთად" ქრონიკული ტრავმები აწუხებთ და სეზონის დიდი ნაწილის გამოტოვება უწევთ - მაგალითად, ამბროზინი და პირლო ორ თვეზე მეტ ხანს მკურნალობდნენ და ჯერ კიდევ შორს არიან ოპტიმალური ფორმისგან. კაპიტანი სულაც გასულ უქმეებზე, "ბოლონიასთან" მატჩში დაუბრუნდა მოედანს და ნამატჩევს შემდეგი განაცხადა:"ისეთ პოზიციაში ვართ, იდიოტები უნდა ვიყოთ, რომ სკუდეტო ხელიდან გავუშვათ. "ინტერს" მთელი რვა ქულით ვუსწრებთ და საკმარისია, ერთი ქულა ავიღოთ, რომ ყველაფერი დასრულდება. "რომა" ძლიერი მეტოქეა, თანაც საკუთარ მოედანზე გვეთამაშება და ბოლომდე იბრძოლებს. თუ ქულაზე ვიფიქრებთ, აუცილებლად დავისჯებით, მიზნად მხოლოდ გამარჯვება უნდა დავისახოთ. ძალიან მიხარია, რომ მოედანს დავუბრუნდი და ყველაზე მნიშვნელოვან მომენტში გუნდთან ერთად ვარ. ბუნებრივია, ჯერ მიჭირს საუკეთესო თვისებების გამოვლენა, მაგრამ მონდომება არ მაკლია და მჯერა, რომში ბევრად უკეთ ვიასპარეზებ".როგორც უკვე აღვნიშნეთ, მომდევნო შეხვედრას "მილანი" "რომასთან" გამართავს და თანაც გასვლაზე, "სტადიო ოლიმპიკოზე". "ჯალოროსიმ" სასწაული თამაში მოიგო "ბარისთან" და ჯერ კიდევ აქვს შანსი, ჩემპიონთა ლიგის საგზური მოიპოვოს. გამომდინარე აქედან, ერთმანეთის პირისპირ ორი ზემოტივირებული გუნდი წარსდგება და ასეთ დროს, პროგნოზების გაკეთება ურთულესი საქმეა. ექსპერტთა ნაწილი მიიჩნევს, რომ "როსონერისთვის" უკეთესია თუ კი დამარცხდება რომში და უკვე მომდევნო ტურში, გადაჭედილ "სან სიროზე" გაიფორმებს სკუდეტოს. მოტივი გასაგებია - ტრიუმფის საკუთარ გულშემატკივრებთან ერთად აღნიშვნას სულ სხვა ელფერი აქვს. მასიმილიანო ალეგრის ასეთი საუბრები მხოლოდ ღიმილს გვრის:"მთელი სეზონია სკუდეტოს მოპოვებისთვის ვიბრძვით და დღეს, როდესაც ასე ახლოს ვართ მიზანთან, ყველაზე ნაკლებად ტრიუმფის დროში გადავადების "პერსპექტივა" მხიბლავს. დარწმუნებული ვარ, ჩვენი გულშემატკივრებიც უბედნიერესები იქნებიან თუ ჩემპიონები რომში გავხდებით და ამ ამბავს სამომავლოდ აღარ გადავდებთ. სხვა საქმეა, რომ ამის გაკეთება ძალიან რთული იქნება, რადგან მეტოქედ ლიგის საგზურისთვის მებრძოლი "რომა" გვყავს. ვინჩენცო მონტელა საკმაოდ კარგ მუშაობს, შესანიშნავ გუნდს აკეთებს და ვფიქრობ, რომ იმსახურებენ კიდეც დედაქალაქელები ოთხეულში მოხვედრას. თუმცა, ჩვენ ჩვენი მიზანი გვაქვს, კიდევ უფრო დიდი და მას აუცილებლად შევწვდებით".

იტალიაში საუკეთესოები აღიარეს - მაკტომინეი, "ნაპოლი", კონტე

[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია

ინსინიე სერია A-ში ბრუნდება - კონტრაქტი უკვე შეთანხმებულია

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს