ორი განთესილის გარეშე

მადრიდის ტურნირის მეორე წრეში სეზონის ერთერთმა ლიდერმა დავიდ ფერერმა უცნაური შეხვედრა ჩაატარა დღევანდელ მიმოხილვას მამაკაცების ტურნირით დავიწყებთ, სადაც მეორე წრის ბოლო მონაწილეები ირკვეოდნენ. მადრიდის მასტერსი რუსი ჩოგბურთელების გარეშე დარჩა.არგენტინელმა ხუან მარტინ დელ პოტრომ კვირას ეშტორილის ტურნირის მოგების შემდეგ წარმატებით დაიწყო ესპანეთის დედაქალაქში გამოსვლა, თუმცა დაღლა მაინც ეტყობოდა. მისი შეხვედრა რუს მიხაილ იუჟნისთან ორ საათზე მეტხანს გაგრძელდა და ამ დროის განმავლობაში სამხრეთამერიკელმა ათი ბრეიკ-პოინტიდან მხოლოდ სამი გამოიყენა, თუმცა ეს საკმარისი აღმოჩნდა შემდეგ წრეში გასასვლელად, რადგან იუჟნიმ მხოლოდ ერთი ბრეიკი გააკეთა, რისი წყალობითაც მეორე სეტის აღება მოახერხა.წინა კვირის კიდევ ერთმა ლაურეატმა, მიუნხენის ტურნირის ტრიუმფატორმა ნიკოლაი დავიდენკომ ვერ მიბაძა დელ პოტროს და პირველივე შეხვედრა ორ სეტში დათმო ესპანელ მარსელ გრანოლერსთან. რუსი აშკარად მოუმზადებელი ჩანდა, რადგან მთელი მატჩის განმავლობაში ერთი ბრეიკ-პოინტიც არ ჰქონია. სხვათა შორის, მიუნხენის ფინალში დავიდენკოს მეტოქემ, გერმანელმა ფლორიან მაიერმა თავისი მატჩი მოიგო, თანაც ძლიერი სერბის ვიქტორ ტროიცკის წინააღმდეგ.ფრანგმა ჟილ სიმონმა მადრიდის მასტერსის 2005 წლის ფინალისტს ივან ლუბიჩიჩს მოუგო ძალიან იოლად - ხორვატს ერთი ბრეიკ-პოინტის შანსიც არ მისცა.პარალელურად გაიმართა მეორე წრის მატჩები. უცნაური შეხვედრა ჩაატარა სეზონის ერთ-ერთმა ლიდერმა დავიდ ფერერმა. მან მოიგო პირველი სეტი ადრიან მანარინოს წინააღმდეგ, მაგრამ მეორეში "მშრალი" ანგარიშით დამარცხდა. მონტე კარლოსა და ბარსელონას ფინალისტმა საკუთარ გულშემატკივრებს ბოდიში თავისებურად მოუხადა - თავადაც ნულზე მოიგო მესამე პარტია.ფრანგმა ჟო-ვილფრიდ ცონგამ პეპე რიბა დაამარცხა და შემდეგ წრეში გავიდა, მისმა თანამემამულემ გაელ მონფილსმა კი ვერ დაასრულა მატჩი ხუან მონაკოს წინააღმდეგ, თუმცა ისედაც უიმედოდ აგებდა. აღსანიშნავია გაბრიელ გარსია-ლოპესის მოგება ტიემო დე ბაკერის წინააღმდეგ. ესპანელმა შური იძია ჰოლანდიელზე, რომელმაც ერთი დღით ადრე ბრძოლას გამოთიშა ხუან კარლოს ფერერო.* * *ქალთა ტურნიოზე მხოლოდ შვიდი მატჩი ჩატარდა და ერთ-ერთი სენსაციური შედეგით დასრულდა. ავსტრალიელმა იარმილა გაიდოშოვამ ბრძოლას გამოთიშა პოლონელი აგნიეშკა რადვანსკა. ეს უკანასკნელი ძალიან კარგად თამაშობდა მოწოდებაზე - ათი ეისი ჰქონდა და არც ერთი ორმაგი შეცდომა, მაგრამ ამასთან, აგნიეშკამ 13 ბრეიკ-პოინტიდან 10 გაანიავა, იმ დროს, როცა მისმა მეტოქემ რვიდან ხუთი ასეთი შანსი გამოიყენა, რამაც მას მერვედფინალის საგზური მოუტანა. თანაც ავსტრალიელმა ხასიათის სიმტკიცეც გამოავლინა - მეორე სეტში 0:3-ს აგებდა და მეოთხე გეიმში რადვანსკას გეიმბოლი ჰქონდა, მაგრამ შემდეგი 30 გათამაშებიდან 23 მოიგო, რამაც გადაწყვიტა მატჩის ბედი.რადვანსკას გარდა, განთესილებიდან ტურნირს გამოაკლდა მარიონ ბარტოლი. არადა, რუს ანასტასია პავლიუჩენკოვასთან მატჩში ფრანგისთვის ყველაფერი კარგად იწყებოდა - პირველი სეტში 5:2 დაწინაურდა. სწორედ ამ მომენტიდან შეიცვალა მატჩის სურათი - შემდეგი 12 გეიმიდან რუსმა 11 აიღო და ორ სეტში მოამთავრა საქმე.იოლი გასეირნება არ ჰქონია მსოფლიოს პირველ ჩოგან კაროლინ ვოზნიაცკის. მართალია, ბოიანა იოვანოვსკის წინააღმდეგ დანიელი კარგად აწვდიდა და ბრეიკ-პოინტების რეალიზაციის კარგი პროცენტიც (შვიდიდან ხუთი) ჰქონდა, მაგრამ თავისი გეიმებიც არაერთხელ წააგო და ამიტომაც გაიწელა შეხვედრა საათსა და 45 წუთამდე.როლან გაროსის ფინალისტმა სამანტა სტოსურმა დამაჯერებლად ჩამოიცილა გზიდან დანიელა ჰანტუხოვა. ორივე ჩოგბურთელი კარგად აწვდიდა და ავსტრალიელის უპირატესობა გადამწყვეტ მომენტებში ზუსტმა თამაშმა განაპირობა.ამერიკულ დერბიში ბეტანი მატეკმა მხოლოდ ორი გეიმი გაიმეტა ვანია კინგისთვის, არადა, ამ უკანასკნელმა წინა წრეში ნადეჟდა პეტროვას მოუგო. ასევე კარგად გამოიყურებოდა ჩეხი პეტრა კვიტოვა, ვინც ძალების ყოველგვარი დაძაბვის გარეშე მოუგო შანელ სხეპერსს - 6:3, 6:3.WTAMutua Madrid Openმადრირი (ესპანეთი). გრუნტისაპრიზო ფონდი: 4 500 000 ევროII წრეკაროლინ ვოზნიაცკი (დან, 1)-ბოიანა იოვანოვსკი (სერ) 6:4, 6:4; ფრანჩესკა სკიავონე (იტა, 3)-სარა ერანი (იტა) 6:0, 2:6, 6:3; სამანტა სტოსური (ავსტრა, 5)-დანიელა ჰანტუხოვა (სლოვაკ) 7:6(1), 7:5; იარმილა გაიდოშოვა (ავსტრა)¬-აგნიეშკა რადვანსკა (პოლ, 10) 3:6, 6:3, 6:3; ანასტასია პავლიუჩენკოვა (რუს)-მარიონ ბარტოლი (საფ, 11) 7:5, 6:1; პეტრა კვიტოვა (ჩეხ, 16)-შანელ სხეპერსი (ს.აფრ) 6:3, 6:3; ბეტანი მატეკი (აშშ)-ვანია კინგი (აშშ) 6:0, 6:2.ATPMutua Madrid Openმადრირი (ესპანეთი). გრუნტისაპრიზო ფონდი: 4 500 000 ევროI წრეხუან მარტინ დელ პოტრო (არგ,13)-მიხაილ იუჟნი (რუს) 6:1, 3:6, 6:3; იენ ჰსუნ ლუ (ტაივ)-ფერნანდო ვერდასკო (ესპ, 15) 7:6(7), 7:5; ფლორიან მაიერი (გერ)-ვიქტორ ტროიცკი (სერ, 16) 4:6, 7:5, 6:4; მარსელ გრანოლერსი (ესპ)-ნიკოლაი დავიდენკო (რუს) 7:5, 6:2; ჟილ სიმონი (საფ)-ივან ლუბიჩიჩი (ხორ) 7:5, 7:6(8); ტომაშ ბელუჩი (ბრა)-პაბლო ანდუხარი (ესპ) 6:4, 6:2; ფელისიანო ლოპესი (ესპ)-მილოშ რაონიჩი (კან) 4:6, 7:6(2), 6:4; კევინ ანდერსონი (ს. აფრ)-ოლივიე როხუსი (ბელ) 6:2, 6:4.II წრედავიდ ფერერი (ესპ, 6)-ადრიან მანარინო (საფ) 7:5, 0:6, 6:0; ხუან მონაკო (არგ)-გაელ მონფილსი (საფ, 9) 6:2, 3:0 მონფილსის უარი; გილერმო გარსია-ლოპესი (ესპ)-ტიემო დე ბაკერი (ჰოლ) 6:2, 6:3; სერგეი სტახოვსკი (უკრ)-ჯონ ისნერი (აშშ) 7:5, 4:6, 7:6(3); ჟო-ვილფრიდ ცონგა (საფ)-პეპე რიბა (ესპ) 6:4, 6:2.

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

ადესანია ოქტაგონს უბრუნდება - დანა ვაითი მარტში სიეტლში ღონისძიებას ჩაატარებს

[VIDEO] ზედიზედ 3 წაგების შემდეგ "ოკლაჰომამ" "სპურსი" მარტივად დაამარცხა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

კანტე თურქეთში შემცირებული ხელფასით მიდის - შესათანხმებელი ბოლო დეტალები დარჩა

შეთავაზებებს განიხილავს - ალონსო შესაძლოა, სამწვრთნელო საქმიანობას მალევე დაუბრუნდეს

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზივზივაზემ ისევ ვერ ითამაშა - გოჩოლეიშვილის "ჰამბურგის" მატჩი გადაიდო

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა

ფრანგული კლუბის ექს-პრეზიდენტი დედის დაკრძალვაზე მოკლეს

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"არსენალს" რეკორდსმენი აუტების მწვრთნელი ეყოლება