უცნაურობა გრძელდება

რუსეთის პრემიერლიგა. VIII ტური რუსულ პრემიერლიგაში „უცნაურობანი“ გრძელდება: ჩემპიონატის სტარტზე, ყველასათვის მოულოდნელად, ნიჟნი ნოვგოროდის „ვოლგა“ დაწინაურდა. თუმცა, პრემიერლიგის დებიუტანტს ამჟამად კრიზისული პერიოდი აქვს - ომარ თეთრაძის გუნდმა ზედიზედ მეოთხე მატჩი წააგო. ამ ტურში „ვოლგას“ მეტოქე „ანჟი“ იყო და დიდ ინტერესს იწვევდა მწვრთნელთა პაექრობაც.შეგახსენებთ, რომ ევროპიდან დაბრუნების შემდეგ თეთრაძე-ფეხბურთელი იმ დროისათვის რუსეთის პირველ ლიგაში მოასპარეზე „ანჟიში“ ჩაირიცხა და წლების განმავლობაში გაჟი გაჯიევის ხელმძღვანელობით ასპარეზობდა. ამის შემდეგ, გაჯიევმა თეთრაძე თავის ასისტენტად აიყვანა და ამ „დუეტმა“ მახაჩყალის გარდა სამარის „კრილია სოვეტოვშიც“ ერთად იმუშავა. ახლა კი, მოსწავლე და მასწავლებელი ერთმანეთს დაუპირისპირდნენ და რობერტო კარლოსის „ანჟიმ“ ამ გამარჯვებით ლიდერთა ჯგუფში გადაინაცვლა.ფინანსურად გაძლიერებული დაღესტნური კლუბის წარმატებული თამაში მეტ-ნაკლებად პროგნოზირებადი თუ იყო, ამას ვერავინ იტყოდა კრასნოდარის „ყუბანზე“: რუმინელი მწვრთნელის, დან პეტრესკუს გუნდმა ამჯერად რუუდ გულიტის „ტერეკს“ აჯობა და ლიდერთა სამეულშიც დამკვიდრდა.კვლავაც არასტაბილურად აგრძელებს ასპარეზობას მოსკოვის „სპარტაკი“: ვალერი კარპინს, ალბათ, ახლა უკვე არაფერი უშველის და დიდი შანსია, რომ რუსების „სახალხო გუნდს“ მომავალ ტურში ახალი მწვრთნელი ჰყავდეს.ტურის ცენტრალური მატჩი კი, მართლაც, საინტერესოდ წარიმართა: სერგეი იგნაშევიჩისა და სეიდუ დუმბიას გოლებით ცსკა ორჯერ უგებდა მოსკოვის „დინამოს“, მაგრამ საბოლოოდ მხოლოდ ქულას დასჯერდა. მატჩის, უდავოდ, საუკეთესო ფეხბურთელი „დინამოს“ კაპიტანი, უკრაინის ნაკრების ფორვარდი, 31 წლის ანდრეი ვორონინი გახლდათ: პირველი ტაიმის ბოლო წუთზე ზვეზდან მისიმოვიჩისა და კუვან კურანის (გეცნობათ, ამათი გვარ-სახელები?) წამოწყებული კომბინაცია ზუსტი დარტყმით დაასრულა, შემდეგ კი, მსაჯის მიერ დამატებულ მესამე წუთზე ვორონინმა თავით ზუსტად უპასა მარკო ლომიჩს და სერბმა ლეგიონერმაც ამ დრამატული შეხვედრის საბოლოო შედეგი დააფიქსირა.ამ ტურში, როგორც იქნა ნავსი გატეხა რუსეთის ბოლო წლების ერთ-ერთმა საუკეთესო გუნდმა „რუბინმა“: ყაზანელებს ხუთმატჩიანი მოუგებელი სერია ჰქონდათ, მაგრამ 31 წლის გიოქდენიზ კარადენიზის „დუბლით“ გაიმარჯვეს. არადა, მატჩის დებიუტი მასპინძელთათვის კოშმარული გამოდგა: 34 წლის რომან შარონოვმა ავტოგოლი გაიფორმა, მერე კი, „რუბინის“ 26 წლის ეკვადორელმა ლეგიონერმა კრისტიან ნობოამ პენალტი ვერ გამოიყენა, მაგრამ რუსული პრემიერლიგის ერთ-ერთმა ყველაზე ტანმორჩილმა (169 სმ) ფეხბურთელმა, თურქეთის ნაკრების შემტევმა ნახევარმცველმა კარადენიზმა თამაშის ბედი გადაწყვიტა.ტომი-კრილია 1:1გოლები: 1:0 იოკიჩი (60), 1:1 კუზნეცოვი (88)ყუბანი-ტერეკი 2:1გოლები: 1:0 ვარგა (18-პენალტით), 2:0 დავიდოვი (90), 2:1 ზენგე (90)გაძევება: ომელიანჩუკი (71, ტერეკი)ვოლგა-ანჟი 1:2გოლები: 1:0 შულენინი (29), 1:1 გოლენდა (55), 1:2 ლახიალოვი (67)როსტოვი-სპარტაკი (ნალჩიკი) 0:0გაძევება: იანკოვი (72, როსტოვი)დინამო-ცსკა 2:2გოლები: 0:1 იგნაშევიჩი (4), 1:1 ვორონინი (45), 1:2 დუმბია (80), 2:2 ლომიჩი (90)სპარტაკი (მოსკოვი)-ამკარი 1:2გოლები: 1:0 მაკგიდი (75), 1:1 მიხალევი (82), 1:2 ბურმისტროვი (90)რუბინი-კრასნოდარი 2:1გოლები: 0:1 შარონოვი (10-საკუთარ კარში), 1:1 კარადენიზი (36), 2:1 კარადენიზი (68)ზენიტი-ლოკომოტივი 1:1გოლები: 1:0 ლაზოვიჩი (65-პენ), 1:1 მაიკონი (68)

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!