"შერატონში" ევროპის დროა

"შერატონ მეტეხი პალასში" მოჭადრაკე ქალთა ევროპის ჩემპიონატი დაიწყო, რომელშიც 26 ქვეყნის 130 წარმომადგენელი მონაწილეობს გასული საუკუნის 70-80-იან წლებში მოჭადრაკე ქალთა მსოფლიოს ჩემპიონის გვირგვინისთვის 5 ფინალური ორთაბრძოლა საქართველოს მოჭადრაკეთა მონაწილეობით გაიმართა: 1975 წ. ნონა გაფრინდაშვილი-ნანა ალექსანდრია 8,5:3,5, 1978 წ. ნონა გაფრინდაშვილი-მაია ჩიბურდანიძე 6,5:8,5, 1981 წ. მაია ჩიბურდანიძე-ნანა ალექსანდრია 8:8, 1986 წ. მაია ჩიბურდანიძე-ელენა ახმილოვსკაია (მაშინ იგი თბილისში ცხოვრობდა) 8,5:5,5, 1988 წ. მაია ჩიბურდანიძე-ნანა იოსელიანი 8:5:7,5.ის მაგიდები, რომლებზეც სახელოვან დიდოსტატთა გადამწყვეტი პაექრობები გაიმართა, დღეს წარწერებითურთ "შერატონ მეტეხი პალასის" საკონფერენციო დარბაზში დგას, სადაც შაბათს სტარტი აიღო მოჭადრაკე ქალთა ევროპის ჩემპიონატმა.შეჯიბრებაში 26 ქვეყნის 130 წარმომადგენელი მონაწილეობს. მათ შორის მსოფლიოს რეიტინგის პირველი ათეულის 6 წარმომადგენელი ჩაება მედლებისთვის ბრძოლაში. ხუთმა მათგანმა (რუსი დები - ტატიანა და ნადეჟდა კოსინცევები, ნანა ძაგნიძე), სლოვენიელი ანა მუზიჩუკი, უკრაინელი კატერინა ლახნო) სწორედ ამ მაგიდებზე ითამაშა პირველ ტურის პარტიები. ოთხმა წარმატებას მიაღწია: ტურნირის რეიტინგფავორიტმა ნადეჟდა კოსინცევამ ინგა ხურცილავას სძლია, ტატიანამ - ნელი აგინიანს (სომხეთი), ძაგნიძემ - ირინა ბულამაგას (რუმინეთი), ლახნომ - სოფიო ნიკოლაძეს. სამაგიეროდ, პირველ ტურში სიურპრიზები შემოგვთავაზეს ქეთი წაწალაშვილმა და მერი არაბიძემ - მათ თეთრი ფიგურებით, შესაბამისად, ოცწლიანებში მსოფლიოს ჩემპიონი მუზიჩუკი და მსოფლიოს და ევროპის ექსჩემპიონი ალექსანდრა კოსტენიუკი (რუსეთი) აიძულეს, ზავზე მოეწერათ ხელი.პირველ ტურში ქართველთაგან (ყველას შედეგს ვერ გაუწყებთ, რადგან ევროპის ჩემპიონატში 46 ჩვენებური მონაწილეობს) წარმატებას მიაღწიეს ბელა ხოტენაშვილმა, ლელა ჯავახიშვილმა, სალომე მელიამ, ნინო ხურციძემ, სოფიკო ხუხაშვილმა, ნაზი პაიკიძემ...საგულისხმოა, რომ პირველ ტურში სულ 11 შეხვედრა დამთავრდა ყაიმით, გუშინ მეორე ტურში მათი რაოდენობა 20-მდე გაიზარდა. აღსანიშნავია ისიც, რომ ფავორიტებმა ნახევარ-ნახევარი ქულა დაკარგეს: ორგზის ევროპის ჩემპიონი ტატიანა კოსინცევა თანამემამულე ბაირა კოვანოვას დაუზავდა, ასევე, ყაიმით დამთავრდა მაკა ფურცელაძისა და ფიდეს ქალთა გრანპრის ერთ-ერთი ტურის გამარჯვებულის ნანა ძაგნიძის, ორგზის ევროპის ჩემპიონ პია კრამლინგისა (შვედეთი) და სოფიო გვეტაძის შეხვედრები. ქეთი წაწალაშვილმა კი კოსტენიუკსაც აართვა ნახევარი ქულა. ალბათ, ამიტომაც საკუთარ თავზე გაბრაზებულმა ექსჩემპიონმა სასწრაფოდ დატოვა დარბაზი.გათამაშების ცხრილში მეორე ქულა ჩაიწერეს ნადეჟდა კოსინცევამ (დაამარცხა ლატვიელი ლაურა როგულე), კატერინა ლახნომ (მირანდა მიქაძე), სომეხმა ელინა დანიელიანმა (იტალიელი ოლგა ზიმინა), ბულგარელმა მსოფლიოს და ევროპის ექს-ჩემპიონმა ანტოანეტა სტეფანოვამ (სლოვაკი იულია კოჩეტკოვა) ლიტველმა ვიქტორია ჩმილიტემ (აზერბაიჯანელი ზეინაბ მამედიაროვა), ბელა ხოიტენაშვილმა (პოლონელი კარინა ჰოროვსკა), სომეხმა ლილით მკრტიჩიანმა (სერბი ანჟელინა სტოიანოვიჩი), უკრაინელმა ანა უშენინამ (აზებაიჯანელი გულნარა მამადოვა), შოტლანდიის სახელით მოასპარეზე ქეთევან არახამია-გრანტმა (რუსი დარია ჩაროჩკინა), ლელა ჯავახიშვილმა (ლიტველი დეიმან დაულიტე), სოფიკო გურამიშვილმა (ავსტრიელი ევა მოზერი), ნინო ხურციძემ (სლოვენიელი იანა კრივეჩი), ნაზი პაიკიძემ (ნათია ჯანჯღავა), რუსმა ევგენია ოვიდმა (თანამემამულე ზოია სევერიუხინა), რუსმა მარინა რომანკომ (სომეხი ნელი ალექსანიანი), სომეხმა ლილით გალოიანმა (აზერბაიჯანელი სამინა იბრაჰიმოვა).დღეს მე-3 ტურის პარტიები გაიმართება. წილისყრამ ორ-ორქულიანები ასე დააწყვილა: ნადეჟდა კოსინცევა-არახამია-გრანტი, ლახნო-ჯავახიშვილი, დანიელიანი-ხურციძე, ოვოდი-სტეფანოვა, ჩმილიტე-პაიკიძე, ხოტენაშვილი-რომანკო, მკრტიჩიანი-გალოიანი, გურამიშვილი-უშენინა.

[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა

ალექსის სანჩესი კარიერას ლა ლიგაში გააგრძელებს

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო

ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს

როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!

[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია