ბილიჩი დიდ გულზეა: საქართველოს მოვუგებთ!

ხორვატიის ნაკრების თავკაცი დარწმუნებულია, რომ თბილისში განცდილი მარცხისთვის რევანშის აღებას შეძლებს ახლახან ხორვატიის ნაკრების საკადრო პრობლემებზე გიამბეთ და იმედი გამოვთქვით, რომ სლავენ ბილიჩის გუნდში რამდენიმე წამყვანი ფეხბურთელის არყოფნა საქართველოს ნაკრებს 3 ივნისს სპლიტში წარმატების შანსს დაუტოვებს.თუმცა ხორვატიულ პრესასთან ბილიჩი ოპტიმისტური განწყობით ლაპარაკობს და ქართველებთან რევანშის დიდი იმედი აქვს, მეტიც, წარმატებაში ეჭვი არ ეპარება:"დარწმუნებული ვარ, რაც თბილისში დაგვემართა, ეს სპლიტში აღარ განმეორდება. საშინაო მატჩი აუცილებლად უნდა მოვიგოთ და მერე შემდგომ წარმატებებზე ვიფიქროთ."თბილისში განცდილი მარცხი კი ხორვატთა თავკაცმა კიდევ ერთხელ მიაწერა უიღბლობას, ამავდროულად, საკუთარი ფეხბურთელების მიმართ აუგი არ დასცდენია და პასუხისმგებლობა თავად იტვირთა."ასეთი სიმწარე ნებისმიერ გუნდს შეიძლება შეხვდეს, მაგრამ, როცა მეტოქეებს საგრძნობლად ჯობიხარ, ვალდებული ხარ, ჯგუფში პირველი ადგილი დაიკავო. ყველაფერი ჩვენს ხელთაა და დარწმუნებული ვარ, მიზანს აუცილებლად მივაღწევთ", - აცხადებს ბილიჩი.რაც შეეხება ტრავმირებულთა სიმრავლეს, ხორვატიის ნაკრების დამრიგებელი მიიჩნევს, რომ ივიცა ოლიჩსა და ივან რაკიტიჩს სრულფასოვანი შემცვლელები მოეძებნებათ: "ორი ვარსკვლავი გვაკლია და ამის ანაზღაურება გაგვიჭირდება, მაგრამ გვყავს მაღალი დონის სხვა ფეხბურთელებიც, რომლებიც მათ არყოფნას არ გვაგრძნობინებენ." ბილიჩს განსაკუთრებით ედუარდოსი ეიმედება. შეგახსენებთ, დონეცკის "შახტარის" ბრაზილიური წარმოშობის ფორვარდმა ტრავმის გამო თბილისური მატჩი გამოტოვა.ბილიჩმა გუნდის სხვა რგოლებში არსებულ ვითარებაზეც ილაპარაკა. მან აღიარა, რომ მეკარე ვედრან რუნიე ბოლო დროს დამაჯერებლად ვეღარ თამაშობს, მაგრამ იმედი გამოთქვა, რომ საფრანგეთის ნაკრებთან მაღალ დონეზე ჩატარებული მატჩი მას საკუთარი თავის რწმენას დაუბრუნებს. ბილიჩი ჯერჯერობით რუნიეს რეალურ კონკურენტს ვერ ხედავს.მწვრთნელი დამწუხრებულია იმაში, რომ ვეტერან იოსიპ შიმუნიჩს გერმანულ "ჰოფენჰაიმში" აღარ ენდობიან, რის გამოც ნელ-ნელა ნაკრებშიც კარგავს პოზიციებს. სამაგიეროდ, ძალიან სწრაფად პროგრესირებს ლიონელი დეიან ლოვრენი, რომელსაც დაცვის ნებისმიერ პოზიციაზე შეუძლია თამაში, შესანიშნავ ფორმაშია ტოტენჰემელი ვედრან ჩორლუკაც. ნახევარდაცვა კი, ბუნებრივია, ხორვატთა უძლიერესი რგოლია...ბილიჩს ისიც ჰკითხეს, უარყოფითად ხომ არ უმოქმედია ნაკრებზე მისი ასისტენტის, რობერტ პროსინეჩკის სერბულ "ცრვენა ზვეზდაში" წასვლას, რაზეც მან მიუგო, იგი შესანიშნავი სპეციალისტია, მაგრამ სისულელეა იმის თქმა, რომ საქართველოს ნაკრებთან მისი არყოფნის გამო დავმარცხდითო.ედუარდოს შემდეგ კი ხორვატიის ეროვნულ ნაკრებში კიდევ ერთი ბრაზილიელის გამოჩენაა მოსალოდნელი, ოღონდ საქართველოს წინააღმდეგ არა, უფრო მოგვიანებით. წლებია, ზაგრების "დინამოში" წარმატებით ასპარეზობს 23 წლის თავდამსხმელი სამირი, რომელიც, ხორვატიის მოქალაქეობას თუ მიანიჭებენ, ნაკრებში დამკვიდრების შანსს აუცილებლად მიიღებს.

LASHA

მთავარია ნაკრებმა ჯიგრით ითამაშოს და გუნდში ერთსულოვნება იყოს და ყველაფერი კარგად იქნება. ქეცბაიას საქმეებში ვერ ჩავერევით მაგრამ გოგუა მაინც საჭირო კაცი მგონია, თამაშში სხვა მუხტი შეაქვს, ისე გოგუამაც უნდა აკონტროლოს თავი
gujakakhadze

ვარსკვლავები კი გყავს, მაგრამ გამოგადგა?
Tornike

აქაც 2 ვარიანტია, ან მოგვიგებენ, ან არა :)

"უბრალოდ, საქართველოს ნაკრების ამ მატჩს შეხედეთ" - მილევსკიმ ერთა ლიგაზე უკრაინის ნაკრების შანსები შეაფასა

"ქართველებს კვარაცხელიას გარდა არავინ ჰყავთ" - უკრაინელი ექსპერტი საქართველოს ნაკრებზე

საბო: საქართველოს დამარცხება შეიძლება - პუტინის მარიონეტ ორბანის უნგრეთთან ჩეხვა იქნება

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა