- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
საერთაშორისო დონის უელსელი მსაჯები დიდ 10-ში
<p>დიდი 10-ის მიმდინარე სეზონის რეგულარული გათამაშების ბოლოსწინა ტურის ორ მატჩს საერთაშორისო კატეგორიის უელსელი მსაჯები განსჯიან.</p><p>საქართველოს რაგბის კავშირის ინიციატივით და ირლანდიის მსაჯთა განვითარების ყოფილი ხელმძღვანელის, დევიდ მაკქიუს დახმარებით, ჩვენი სამსაჯო კორპუსი ბრიტანელებთან ურთიერთობებს ამყარებს. უელსის მსაჯთა კორპუსთან შეთანხმება უკვე მიღწეულია და ორი უელსელი რეფერი საქართველოში იმყოფება, შემოდგომაზე კი, ქართველი მსაჯები საპასუხო ვიზიტით უელსში ჩავლენ.</p><p>პარასკევს, 29 მარტს, „ლელო-არენაზე“ ‘ლელო-სარასენსი’ მარნეულის ‘არმაზს’ მასპინძლობს და რეფერი მაიკ ინგლიში იქნება, რომელიც რეგულარულად მსაჯობს რაგბი ევროპის ჩემპიონატის შეხვედრებს.</p><p>მე-17 ტურის ერთ-ერთი ცენტრალური შეხვედრა 16 საათზე დაიწყება. ეს გუნდები საფლეიოფო ექვსეულში მოსახვედრად იბრძვიან და მათ შორის სხვაობა მხოლოდ 3 ქულაა - ‘ლელო-სარასენსი’ 36 ქულით მე-5 ადგილზეა, ხოლო ‘არმაზი’ 33 ქულით მეშვიდეა. შედეგად, თბილისელები გამარჯვებით ექვსეულში ადგილს იბევებენ, ‘არმაზს’ კი გამარჯვებით მეტოქეზე გასწრების შესაძლებლობა ექნება.</p><p>ბოლო ტურში ორივე გუნდმა მარცხი განიცადა და ახლა რეაბილიტაცია და ხასიათის გამოკეთება ჭირდებათ. ‘ლელო-სარასენსს’ ‘არმიამ’ თამაში მეორე ტაიმში შემოუტრიალა და 29:15 დაამარცხა, ხოლო ‘არმაზს’ რუსთავის ‘ხარებმა’ ბონუსით, 19:3 სძლია. პირველ წრეში, როდესაც ‘არმაზი’ კარგ ფორმაში იყო, მათ თბილისელები 15:6 დაამარცხეს და ახლაც თუ იგივე მოახერხეს, ექვსეულამდე ერთი ნაბიჯიღა დარჩება.</p><p>შაბათს, 30 მარტს, 14 საათზე თბილისის ‘ლოკომოტივი’ გორის ‘ჯიქს’ დაუხვდება და ამ მატჩის რეფერი დენ ჯოუნსი იქნება, რომელსაც საერთაშორისო რაგბში დიდი რეპუტაცია აქვს. მისი კარიერული წინსვლა საქართველოდან დაიწყო, რადგან საერთაშორისო დებიუტი სწორედ აქ გამართულ 20-წლამდელთა ჩემპიონატზე ჰქონდა. ის რეგულარულად მსაჯობს რაგბი ევროპის ჩემპიონატის შეხვედრებს, უმაღლეს სანაკრებო დონეზე კი საფრანგეთის ნაკრებისა და ბარბაროსების, ასევე შოტლანდიისა და არგენტინის ნაკრებების შეხვედრა იმსაჯა. გარდა ამისა, ჯოუნსი რეგულარულად მსაჯობს პრო 14-ის შეხვედრებს.</p><p>„ჩვენი სურვილია, რომ გაცვლითი პროგრამები ბევრ ქვეყანასთან გვქონდეს, რათა ამაღლდეს როგორც ჩვენი შიდა ჩემპიონატის, ასევე ქართველი მსაჯების დონე. არ არის კარგი, როდესაც ერთიდაიმავე მსაჯს სეზონის განმავლობაში ერთი გუნდის რამდენიმე შეხვედრის მსაჯობა უწევს და ერთის მხრივ ამ პრობლემას ავიცილებთ თავიდან, მეორეს მხრივ კი, სხვადასხვა ქვეყნის ჩემპიონატებში მუშაობით, ჩვენი მსაჯების დონე იზრდება. გაცვლითი პროგრამები უკვე გვაქვს უელსთან და რუმინეთთან და ამ კუთხით მუშაობა გრძელდება“ - განაცხადა საქართველოს მსაჯთა განვითარების მენეჯერმა ლუკა კილასონიამ.</p><p>რაც შეეხება უშუალოდ შეხვედრას, ‘ლოკომოტივმა’ გასულ ტურში ‘ბათუმთან’ განცდილი მარცხის (16:18) შემდეგ, მეორე ადგილი დაკარგა და დარჩენილ ორ ტურში მის დაბრუნებას ეცდება, რათა ფლეი ოფის პირველ ეტაპზე თამაშმა აღარ მოუწიოს და პირდაპირ შესარჩევ ფინალში მოხვდეს. აღსანიშნავია, რომ საქართველოს ჩემპიონმა ზედიზედ ორი მარცხი განიცადა და ახლა თვითრწმენის დაბრუნებას ეცდება.</p><p>გასულ ტურში ქუთაისში ‘აიასთან’ დამარცხდა გორის ‘ჯიქიც’ (17:23), თუმცა 35 ქულით მე-6 ადგილი შეინარჩუნა. მაგრამ მასთან ძალიან ახლოს იმყოფება ‘არმაზი’ და გორელებს ქულები ჰაერივით ჭირდებათ. პირველ წრეში რკინიგზელებმა გორში 19:16 იმარჯვეს და სავარაუდოდ, შეხვედრა ახლაც დაძაბული გამოვა.</p><p>ტურის დანარჩენ სამ შეხვედრაში გასავარდნი ზონის სიახლოვეს მყოფი გუნდები სტუმრად თამაშობენ. შაბათს, 16 საათზე, გათამაშების ლიდერი ‘ბათუმი’ აუტსაიდერ ‘არმიას’ მასპინძლობს. ზღვისპირელებს მოტივაცია ნაკლები ექნებათ, რადგან პირველ ადგილს მათ ვეღარავინ შეეცილება, თუმცა საკუთარ მოედანზე ქომაგის გახარებას ეცდებიან. რაც შეეხება ‘არმიას’, 2019 წელს დიდი პროგრესი განიცადა, ექვსიდან ოთხი შეხვედრა მოიგო და დიდ 10-ში დარჩენის შანსიც გაუჩნდა. მას ‘ვეფხვების’ მსგავსად 24 ქულა აქვს და მეტოქეს მხოლოდ დამატებითი მაჩვენებლებით, ‘აკადემიას’ კი 2 ქულით ჩამორჩება. ამრიგად, მისთვის თითოეულ ქულასაც კი დიდი ფასი აქვს. პირველ წრეში არმიელებმა ‘ბათუმთან’ 6:13 წააგეს და ბონუსი აიღეს.</p><p>კვირის პირველ მატჩში, 13:45 საათზე ‘ხარები’ რუსთავში თბილისის ‘აკადემიას’ მასპინძლობს. მასპინძლები მიმდინარე სეზონში კარგად გამოიყურებიან და გასულ ტურში მოპოვებული გამარჯვებით, მეორე ადგილზეც აინაცვლეს. ახლა მათ დარჩენილი ორი შეხვედრის ბონუსით მოგება მართებთ და შესარჩევი ფინალი, ანუ მინიმუმ მესამე ადგილი გარანტირებული ექნებათ. ‘აკადემიამ’ ერთი კვირის წინ ‘ვეფხვებს’ პატარძეულში 14-ქულიანი ჩამორჩენა „ამოუქაჩა“, მატჩი ფრედ 17:17 დაასრულა და მდევრებთან 2-ქულიანი უპირატესობა შეინარჩუნა, მაგრამ ეს მას უძლიერესთა შორის დარჩენის გარანტიას არ აძლევს და რუსთავში გამარჯვებისთვის მოუწევს ბრძოლა. აღსანიშნავია, რომ „მხატვრებმა“ პირველ წრეში ეს მოახერხეს და ‘ხარები’ 22:15 დაამარცხეს.</p><p><p><p>ტური ქუთაისში, ‘აიასა’ და პატარძეულის შეხვედრით დასრულდება და ის 16 საათზე დაიწყება. მასპინძლები 38 ქულით მე-4 ადგილზე არიან და ამ თამაშის მოგებით ფლეი ოფს ინაღდებენ, თანაც ისე, რომ ფლეი ოფის პირველ ეტაპზე მასპინძლის სტატუსით სარგებლობისკენ დიდ ნაბიჯს დგამენ. დიდი 10-ის დებიუტანტ ‘ვეფხვებს’, ცოტა ხნის წინ უძლიერესთა შორის ადგილის შენარჩუნება თითქმის დაბევებული ჰქონდა, მაგრამ ‘არმიას’ წარმატების ფონზე, ახლა გასავარდნ ზონას მხოლოდ დამატებითი მაჩვენებელი აშორებს და მისთვისაც ყველა ქულას ოქროს ფასი აქვს. პირველ წრეში კახელებმა მეტოქეს დიდი ბრძოლა გაუმართეს და მცირედი მარცხისთვის (22:27) ბონუსსაც გამორჩნენ.</p></p></p><p><p><p><strong>მომზადებულია rugby.ge-ს მიხედვით</strong></p></p></p><p><br></p>
crocobet დიდი 10 | ყაზბეგი 17:36 ბათუმი
დიდი 10 | ბათუმი 32:20 გორი
Crocobet დიდი 10-ის ახალი სეზონის დაწყებამდე დარჩა 4 დღე!
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ