ჰამითი "რეალში", კლოზე "იუვეში"?

მიუნხენის „ბაიერნი“ სატრანსფერო ციებ-ცხელებაში ჩაება, ჯერ მხოლოდ მიუნხენიდან წამსვლელ მოთამაშეებზეა საუბარი ჩემპიონთა ლიგის საგზურის განაღდების შემდეგ, მიუნხენის „ბაიერნი“ სატრანსფერო ციებ-ცხელებაში ჩაება, ოღონდ, ჯერ კონკრეტულად მხოლოდ მიუნხენიდან წამსვლელ მოთამაშეებზეა საუბარი. ფაქტობრივად გადაწყვეტილია, რომ 22 წლის მეკარე თომას კრაფტი ბერლინის „ჰერტაში“ გადავა, 21 წლის ნახევარმცველი მეჰმეთ ექიჩი, რომელიც „ნიურნბერგშია“ განათხოვრებული, ბრემენის „ვერდერს“ უნდა და ეს ტრანსფერიც თითქმის გადაწყვეტილია (უბრალოდ, „ვერდერს“ ექიჩიში „ჰამბურგიც“ ეცილება). ამასობაში, მადრიდის „რეალმა“ „ბაიერნის“ რეზერვისტი ნახევარმცველის, ჰამით ალთინთოფის გადაბირება მოისურვა, მიროსლავ კლოზეს კი დორტმუნდის „ბორუსიასა“ და ტურინის „იუვენტუსში“ ეპატიჟებიან.გუშინ დილას კრაფტმა ჩვეულებრივად ივარჯიშა და თორმეტის ნახევარზე გულშემატკივრებს ავტოგრაფებიც ჩამოურიგა. ვარჯიშის შემდეგ კი ახალგაზრდა მეკარე ბერლინში გაფრინდა, ოღონდ ეს ვიზიტი გასაიდუმლოებული იყო, თუმცა „ბილდის“ ჟურნალისტებს ხომ არაფერი გამოეპარებათ. „ჰერტას“ მთავარმა მწვრთნელმა მარკუს ბაბელმა რამდენიმე დღის წინ კიდევ ერთხელ გაიმეორა, კრაფტი ძალიან მაგარი მეკარეა, რომელიც მაგრად გვჭირდება და იმედი მაქვს, რომ მომავალ სეზონში „ჰერტას“ კარს დაიცავსო - შეგახსენებთ, ლევან კობიაშვილის გუნდმა უკვე გაინაღდა პირველი ბუნდესლიგის საგზური და ერთწლიანი მეორელიგელობის შემდეგ ისევ ელიტაში ბრუნდება. „ბილდის“ ინფორმაციით, კრაფტი „ჰერტასთან“ ოთხწლიან ხელშეკრულებას გააფორმებს და წელიწადში ერთ მილიონ ევროს აიღებს.მოგვიანებით, თვითონ თომასმაც არ დამალა, რომ ბერლინელებთან შეთანხმებას მიაღწია: „ჰერტა“ დიდი ისტორიისა და ტრადიციების მქონე გუნდია, ბერლინი კი ევროპაში ერთ-ერთი საუკეთესო ქალაქია. ამ გუნდში თამაში ჩემთვის დიდი პატივი იქნება“, - უთხრა კრაფტმა ჩვენს გერმანელ კოლეგებს.მიუნხენიდან წასვლა გადაწყვეტილი აქვს მეჰმეთ ექიჩისაც, რომელიც ამ სეზონში „ნიურნბერგშია“ განათხოვრებული. გუშინ, „ბაიერნის“ სპორტულმა დირექტორმა კრისტიან ნერლინგერმა და მისმა ბრემენელმა კოლეგამ კლაუს ალოფსმა მოლაპარაკებები გამართეს. აღსანიშნავია, რომ ექიჩისთვის „ჰამბურგიც“ იბრძვის.კლოზეს „ბაიერნთან“ კონტრაქტი რომ უმთავრდება, ეს ამბავი მკითხველებს დიდი ხანია ვაცნობეთ. შეგახსენებთ მხოლოდ იმას, რომ აქედან გამომდინარე, თუ ახალი ხელშეკრულება არ გააფორმა, მირო ზაფხულში უფასო იქნება. კლოზემ უკვე შეუთვალა უარი „ჰოფენჰაიმს“. მისი გადაბირება დორტმუნდის „ბორუსიას“, „ტოტენჰემსა“ და „იუვენტუსს“ სურთ. ჩვენი გერმანელი კოლეგების აზრით, მირო არჩევანს „იუვესა“ და „ბორუსიას“ შორის გააკეთებს.რაც შეეხება ჰამით ალთინთოფს: 28 წლის თურქ ნახევარმცველს კლოზეს დარად კონტრაქტი უმთავრდება. მისდამი ყველაზე დიდ ინტერესს თურქული გრანდები იჩენენ, მაგრამ სხვადასხვა გერმანული გაზეთები წერენ, რომ ჰამითის გადაბირება მადრიდის „რეალმა“ მოინდომა - სამეფო გუნდი კი, როგორც ხვდებით, უკონკურენციო იქნება.ვინ მოვა? საკითხავი აი, ეს არისაი, პოტენციური ბაიერნელების სიაში კი განსაკუთრებული სიახლე ჯერ არ არის. დაცვის ცენტრისთვის ჟერომ ბოატენგი (მანჩესტერ სიტი) და ჟუანი (რომა) განიხილებიან, ნახევარდაცვისთვის არტურო ვიდალი (ლევერკუზენი), მეორე მეკარეობისთვის კი ჰაინც მიულერი (მაინცი) და გერჰარდ ტრემელი (ზალცბურგი). მიუნხენური გრანდის შეფებს ფრანკ რიბერისა და არიენ რობენის დამზღვევი გარემარბების შეძენა სურთ, რომლებიც ფრანგს ან ჰოლანდიელს დაშავების ან დისკვალიფიკაციის შემთხვევაში ჯეროვნად შეცვლიან და მიზანში ორი ფეხბურთელი ჰყავთ ამოღებული: მარკო როისი (მიონხენგლადბახის „ბორუსია“) და ივო ილიჩევიჩი (კაიზერსლაუტერნი). ფაქტია ისიც, რომ თუ განახორციელა, რეკორდმაისტერი ამ ტრანსფერებითაც არ დაკმაყოფილდება.

"ბაიერნის" პრეზიდენტმა ჰარი კეინის მომავალზე ისაუბრა

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს

გირასი წასვლაზე თანახმაა - ფეხბურთელი ევროპის ტოპ კლუბებს სურთ

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება