სკანდინავიური სასწაული

ჩოგბურთი. ტურნირები იტალიის დედაქალაქში ორივე ტურნირზე პირველი წრე დასრულდა და მეორე რაუნდი დაიწყო. და კვლავ, მამაკაცთა შორის ერთი მოულოდნელი შედეგი დაფიქსირდა. ტომაშ ბელუჩიმ, რომელიც ერთი კვირის წინ მადრიდის მასტერსზე ნახევარფინალში გავიდა და სეტნახევარი უგებდა ნოვაკ ჯოკოვიჩს, დიდ ფიზიკურ დატვირთვებს ვერ გაუძლო და რომში პირველივე რაუნდში გამოეთიშა ბრძოლას.ადგილობრივი პუბლიკა გაახარა პაოლო ლორენციმ, რომელმაც საათსა და 48 წუთში დასასვენებლად გაამგზავრა ბრაზილიელი. იტალიელი აღნიშნულ შეხვედრაში ყველა კომპონენტში ოდნავ უფრო ძლიერი იყო და ამიტომაც გავიდა მეორე რაუნდში.ძლიერი მოწოდების მქონე ორი ჩოგბურთელი გამოეთიშა ბრძოლას. ხორვატმა ივო კარლოვიჩმა ტრავმის გამო ვერ დაასრულა თანამემამულე მარინ ჩილიჩთან შეხვედრა, ამერიკელ ჯონ ისნერს კი სწორედ თავისმა მთავარმა იარაღმა უღალატა - მეორე მოწოდებაზე ქულების მხოლოდ 30 პროცენტი აიღო და ხუან იგნასიო ჩელასთან თითქმის უბრძოლველად დამარცხდა - საათი და 11 წუთი არაფერია გრუნტის საფარზე ჩატარებული მატჩებისთვის.პირველ წრეში ორი განთესილი ჩოგბურთელი თამაშობდა. მათ იტალიელი მოთამაშეები დაამარცხეს. ნიკოლას ალმაგრომ ტურნირის მიღმა დატოვა სიმონე ბოლელი, სტანისლას ვავრინკამ კი ფაბიო ფონინისთან იწვალა, მაგრამ სამ სეტში მაინც მოიგო.მეორე წრეში მოულოდნელობები არ მომხდარა. ენდი მიურეიმ მხოლოდ სამ სეტში დაამარცხა ქსავიე მალისე. ბრიტანელმა ჩააგდო მეორე სეტი, როცა მეტოქეს სამი ბრეიკის საშუალება მისცა, მაგრამ დროზე მოვიდა გონს და გადამწყვეტ პარტიაში იყოჩაღა - 6:2, 2:6, 6:3.რობინ სიოდერლინგმა კი თითქმის შეუძლებელი შეძლო ფერნანდო ვერდასკოსთან მატჩში. ესპანელი მატჩზე აწვდიდა და სამმაგი მატჩბოლი ჰქონდა! და ამ ურთულესი სიტუაციიდან შეძლო შვედმა გამოძრომა. ვერ ვიტყვით, რომ რობინმა და ფერნანდომ მაღალი დონის ჩოგბურთი აჩვენეს - ორივეს ძალიან ბევრი შეცდომა დაუგროვდა, სამაგიეროდ, მატჩის სცენარმა არ მოაწყინა მაყურებელი. მესამე სეტში განათებამაც კი ვერ გაუძლო დაძაბულობას და ჩაქვრა. გადამწყვეტ პარტიაში დასანანი მარცხის მიუხედავად ვერდასკო არ დანებდა და 0:3-დან შეძლო ანგარიშის გათანაბრება, თუმცა ბოლოს მაინც დამარცხდა.* * *ქალთა ტურნირში აგრძელებს ჩვენს გაკვირვებას ამერიკელი ბეტანი მატეკი, რომელმაც სამსეტიან ბრძოლაში დაამარცხა ადგილობრივი პუბლიკის მთავარი იმედი ფლავია პენეტა. ამ უკანასკნელმა ვერაფრით იპოვნა ამ სეზონში საჭირო ფორმა და მისი პრობლემები აღნიშნულმა შეხვედრამაც დაადასტურა.ინტერესი გამოიწვია იტალიურმა დერბიმ რობერტა ვინჩისა და სარა ერანის შორის, თუმცა იქ ბრძოლა არ ყოფილა, რადგან ვინჩიმ მეორე სეტში ტრავმა მიიღო, პირველ პარტიაში კი სწორედ ამ მიზეზით ითამაშა სუსტად.ანდრეა პეტკოვიჩმა მარია კირილენკო დაამარცხა, იტალიელმა გულშემატკივრებმა კი მაინც გაიხარეს, რადგან რომინა ოპრანდიმ მოულოდნელად ესტონელი კაია კანეპი დაამარცხა. ბალტიისპირელი ბოლო დროს ტრავმების ებრძოდა და როგორც ჩანს, ჯერ ვერ შევიდა ოპტიმალურ ფორმაში.მეორე წრის მატჩებს რაც შეეხება, ასეთი სულ ორი იყო და ფავორიტებმა იძალეს - მარია შარაპოვამ და ფრანჩესკა სკიავონემ ძალიან იოლად დაამარცხეს შესაბამისად ეკატერინა მაკაროვა და კრისტინა მაკჰეილი.ATPInternazionali BNL d’Italiaრომი (იტალია). გრუნტისაპრიზო ფონდი: 2 227 500 ევროI წრესტანისლას ვავრინკა (შვეიც)-ფაბიო ფონინი (იტა) 6:7, 6:2, 6:4; ნიკოლას ალმაგრო (ესპ)-სიმონე ბოლელი (იტა) 6:0, 7:5; სემ კუერი (აშშ)-კევინ ანდერსონი (ს. აფრ) 7:6, 1:0 ანდერსონის უარი; ხუან იგნასიო ჩელა (არგ)-ჯონ ისნერი (აშშ) 6:4, 6:1; ივან ლუბიჩიჩი (ხორ)-ფლავიო ჩიპოლა (იტა) 6:2, 6:3; მარინ ჩილიჩი (ხორ)-ივო კარლოვიჩი (ხორ) 6:4, 1:0 კარლოვიჩის უარი; ჟო-ვილფრიდ ცონგა (საფ)-მარკოს ბაღდატისი (კვიპ) 6:3, 6:2; ფელისიანო ლოპესი (ესპ)-მიკაელ ლოდრა (საფ) 7:6, 6:1; პაოლო ლორენცი (იტა)-ტომაშ ბელუჩი (ბრა) 7:6, 6:3.II წრერიშარ გასკე (საფ)-იგორ ანდრეევი (რუს) 6:1, 6:2; იარკო ნიემინენი (ფინ)-სერგეი სტახოვსკი (უკრ) 6:7, 6:3, 6:4; ტომაშ ბედიხი (ჩეხ)-ხუან მონაკო (არგ) 6:2, 6:2; ენდი მიურეი (ბრიტ)-ქსავიე მალისე (ბელ) 6:2, 2:6, 6:3; რობინ სიოდერლინგი (შვედ)-ფერნანდო ვერდასკო (ესპ) 2:6, 7:5, 6:4.WTAInternazionali BNL d’Italiaრომი (იტალია). გრუნტისაპრიზო ფონდი: 2 050 000 დოლარიI წრეშაარ პეერი (ისრ, 10)-ბოიანა იოვანოვსკი (სერ) 3:6, 6:0, 6:4; ანდრეა პეტკოვიჩი (გერ, 12)-მარია კირილენკო (რუს) 7:5, 6:1; რომინა ოპრანდი (იტა)-კაია კანეპი (ესტ, 14) 7:5, 3:6, 6:1; ბეტანი მატეკი (აშშ)-ფლავია პენეტა (იტა, 15) 6:4, 4:6, 6:3; ანასტასია პავლიუჩენკოვა (რუს, 16) შანელ სხეპერსი (ს. აფრ) 6:3, 7:5; ლუსი საფაროვა (ჩეხ)-კიმიკო დატე (იაპ) 7:5, 6:2; სარა ერანი (იტა)-რობერტა ვინჩი (იტა) 6:2, 1:0 ვინჩის უარი; ანასტასია როდიონოვა (ავსტრა)-იაროსლავა შვედოვა (ყაზ) 6:4, 6:4; ალბერტა ბრიანტი (იტა)-ჟიე ჟენგი (ჩინ) 6:4, 7:5.II წრეფრანჩესკა სკიავონე (იტა, 2)-კრისტინა მაკჰეილი (აშშ) 6:3, 6:1; მარია შარაპოვა (რუს, 7)-ეკატერინა მაკაროვა (რუს) 6:1, 6:1.

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა