მაიამი უფრო ძლიერია

კალათბურთი. NBA. პლეი ოფი. 1/4 ფინალი "მაიამი" მთელი მატჩის განმავლობაში აგებდა "ბოსტონთან", მაგრამ ბოლოსკენ იპოვნა ძალები 16:0 გაქცევისთვის. ეს გარღვევა ლებრონ ჯეიმსის ბრწყინვალე თამაშის წყალობით გახდა შესაძლებელი."ლეიკერსის" შემდეგ პლეი ოფს კიდევ ერთი ლეგენდარული გუნდი გამოაკლდა, რომელიც ბოლო სამი წლის განმავლობაში აღწევდა ფინალს. რა თქმა უნდა, კალიფორნიელებისგან განსხვავებით "ბოსტონი" მთლად უიმედოდ არ გამოიყურებოდა, მაგრამ ისიც აშკარად გამოჩნდა, რომ ამ ეტაპზე "მაიამი" ობიექტურად ძლიერი იყო თავის მეტოქეზე. ამაზე თუნდაც ის ფაქტი მეტყველებს, რომ 2004 წლის შემდეგ პირველად "სელტიქსმა" სერიაში ვერ შეძლო 100 ან მეტი ქულის დაგროვება.რაც შეეხება გუშინდელი მატჩის სცენარს, ის "ბოსტონისთვის" ერთგვარად გულდასაწყვეტი იყო. სტუმრები სამმეოთხედნახევარი კარნახობდნენ მეტოქეს საკუთარი პირობებს. პირველ რიგში, ეს დაცვაში კარგი თამაშისა და რეზერვისტების უნარიანი მოქმედების ხარჯზე ხდებოდა. რეი ალენის სამქულიანებსა და კევინ გარნეტის აქტიურობას თუ არ ჩავთვლით, "ბოსტონის" მხრიდან შეტევაში რომელიმე კალათბურთელის გამოყოფა შეუძლებელია. პირსი და რონდო მხოლოდ საკუთარი თავის აჩრდილები იყვნენ და სერიის ანტირეკორდები დაამყარეს - პირსმა დაგროვილი ქულებითა (12) და მოხსნებით (3), რონდომ - შედეგიანი გადაცემებით (3).საფინალო სირენამდე 4 წუთითა და 28 წამით ადრე ნენად კრსტიჩის ზუსტი ტყორცნის შემდეგ "მწვანეები" ექვსი ქულით დაწინაურდნენ - 87:81. სწორედ იმ მომენტში სტატისტიკურმა სამსახურმა ტელემაყურებლებს საინტერესო ფაქტი მოგვაწოდა - "ბოსტონმა" მოიგო მიმდინარე პლეი ოფის ხუთივე მატჩი მაშინ, როცა მეტოქეზე უკეთესი ტყორცნების რეალიზაცია ჰქონდა (იმ მომენტისთვის სხვაობა კოლოსალური იყო - 53.2 42.6-ის წინააღმდეგ).მაგრამ, როცა ერთი გუნდის რიგებში თამაშობენ უეიდი, ჯეიმსი და ბოში, ექვსქულიანი ჩამორჩენა თუნდაც "ბოსტონის" წინააღმდეგ, ბევრს არაფერს ნიშნავს. მით უმეტეს, თუ მეტოქეს პოზიციური შეტევისას არაფერი გამოსდის. საფინალო სირენამდე დარჩენილ დროში "სელტიქსმა" თამაშიდან ვერც ერთი ბურთი ვეღარ ჩააგდო, ხუთჯერ ააცილა კალათს, სამი შეცდომა დაუშვა და შესაბამისად, "ჰიტის" 16:0 გაქცევა მიიღო.დუეინ უეიდის სტატისტიკა ცალკე აღნიშვნის ღირსია - 34 ქულა, 10 მოხსნა, 5 პასი და 4 დაფარება, მაგრამ მატჩის გმირი ლებრონ ჯეიმსი გახდა. თავიდან მან ორი ბრწყინვალე პასით ჯონსსა და კრის ბოშს ჩააგდებინა, შემდეგ პირსის აქტიური მეურვეობის მიუხედავად ორი სამქულიანი ჩააგდო, სოლო გამოსვლა კი თავისივე ჩაჭრის შემდეგ ეფექტური ჩატენვით (ფოტოზე) და საშუალო მანძილიდან ზუსტი სროლით დაამთავრა - 97:87.აღმოსავლეთიმაიამი-ბოსტონი 97:8716:24, 31:25, 24:24, 26:14მ: უეიდი (34+10 მოხსნა+5 პასი+4 ჩაჭრა), ჯეიმსი (33+7 მოხსნა+4 პასი), ბოში (14+11 მოხსნა), ჰოვარდი (5), ბიბი (3), ჯონსი (3), მილერი (2), ჩელმერსი (2), ენტონი (1+6 მოხსნა).ბ: ალენი (18), გარნეტი (15+11 მოხსნა+3 პასი), პირსი (12+4 პასი), უესტი (10), გრინი (9), კრსტიჩი (8+2 დაფარება), რონდო (6+3 პასი), დევისი (6), ჯ. ო'ნილი (3 + 2 დაფარება).სერია: 4-1* * *სერიის მეხუთე მატჩში "ოკლაჰომა-სიტი" ბრწყინვალე სტილში გაუსწორდა "მემფისს" და ამ სერიაში პირველად დაწინაურდა.შეგახსენებთ, რომ წინა მატჩში "ოკლაჰომამ" სამი ოვერტაიმის შემდეგ დაამარცხა მეტოქე. 1993 წლიდან მოყოლებული კიდევ სამმა გუნდმა შეძლო სამ დამატებით დროში შეხვედრის მოგება: "ფინიქსმა" 1993 წელს ("ჩიკაგოს" წინააღმდეგ), "ნიუ ჯერსიმ" 2004 წელს ("დეტროიტის" წინააღმდეგ) და "ჩიკაგომ" 2009 წელს ("ბოსტონის" წინააღმდეგ). ყველაზე საინტერესო ის არის, რომ ასეთ თრილერში გამარჯვებული აუცილებლად მარცხდებოდა შემდეგ შეხვედრაში და უფრო მეტიც - მთლიანად სერიაში. გუშინ ეს ტრადიცია დაირღვა - "თანდერმა" მეხუთე მატჩში გაანადგურა "მემფისი" და სერიის მოგების ძალიან კარგი შანსი მიიღო.მესამე და მეოთხე მატჩებში სკოტ ბრუქსის შეგირდებს ერთი სენი შეეყარათ - ვერ ინარჩუნებდნენ მოპოვებულ უპირატესობას. თავიდან ქარს გაატანეს 16-ქულიანი სხვაობა და ოვერტაიმში დამარცხდნენ, შემდეგ კი ბოლო მეოთხედში 10-ქულიანი უპირატესობა გაფლანგეს და ამას მოჰყვა სწორედ ის სამი ოვერტაიმი და ნერვების წყვეტა.ამჯერად ასეთი რამ არ მომხდარა. მატჩის ბედი საფინალო სირენამდე კარგა ხნით ადრე გადაწყდა და მეოთხე მეოთხედმა უბრალოდფორმალური ხასიათი მიიღო. მასპინძელთა გუნდი არ დააღალატეს რეზერვისტებმა - ნიკ კოლისონმა, დეშუან კუკმა, ნაზრ მოჰამედმა და ჯეიმს ჰარდენმა. ეს უკანასკნელი განსაკუთრებით ეფექტური იყო - მისმა სარგებლიანობის კოეფიციენტმა "+29" შეადგინა.ბუნებრივია, წინა სამოვერტაიმიანმა მარათონმა ორივე გუნდის კალათბურთელებს უამრავი ძალა წაართვა და წესით, ეს აუცილებლად უნდა დატყობოდა გუშინდელი მატჩის მონაწილეებს. "ოკლაჰომა" ახალგაზრდული გუნდია და ძალები მალე აღიდგინა, რასაც ვერ ვიტყვით "მემფისზე", კერძოდ კი მის ლიდერ ზაკ რენდოლფზე. ის ყველაზე დაღლილი ჩანდა და მეორე ტაიმში ძლივს დარბოდა მოედანზე. მატჩის ბოლოს მის ანგარიშზე მოკრძალებული 9 ქულა და 7 მოხსნა მოდიოდა - ლიდერის ასეთი თამაშით "მემფისს" მოგება არ ეწერა. არადა, რენდოლფი ამ სერიის წინა მატჩებში საშუალოდ 26 ქულასა და 14 მოხსნას აგროვებდა.წინ სერიის მეექვსე მატჩია, რომელიც "მემფისის" მოედანზე გაიმართება. საინტერესოა, ეყოფა თუ არა ძალა და მონდომება მასპინელთა გუნდს სერიის მეშვიდე შეხვედრამდე მისაყვანად.დასავლეთიოკლაჰომა-მემფისი 99:7217:17, 29:18, 25:17, 28:20ო: დურანტი (19+7 მოხსნა+2 დაფარება), კუკი (18), უესტბრუკი (11+6 პასი), მოჰამედი (10+6 მოხსნა), იბაკა (9+3 დაფარება), კოლისონი (9+10 მოხსნა), ჰარდენი (9+6 მოხსნა+5 პასი), პერკინსი (5), ივეი (3), რობინსონი (3), სეფოლოშა (2+6 მოხსნა), მეინორი (1+9 პასი).მ: მ. გასოლი (15+5 მოხსნა+3 ჩაჭრა+2 დაფარება), რენდოლფი (9+7 მოხსნა), კონლი (9+5 მოხსნა+4 პასი), არტური (9), ალენი (8), ვასკესი (6+3 პასი), მაიო (5+4 პასი), იანგი (4), ჰადადი (4+2 დაფარება), პოუ (3).სერია: 3-2

[VIDEO] გენიალური სტეფ კარის შოუ ნიკოლა იოკიჩის "დენვერ ნაგეთსთან"

[VIDEO] ლეგენდარული ჩემბერლენის შემდეგ პირველი - "ფილას" ახალწვეულის ისტორიული მატჩი და დამარცხებული "ბოსტონი"

[VIDEOS] სუპერმატჩი ოკლაჰომაში და დონჩიჩის 43 ქულა - NBA ხმაურიანად დაიწყო!

საქართველო - მოლდოვა | ქალთა ნაკრებმა მატჩისწინა ვარჯიში გამართა

მესიმ "ინტერ მაიამისთან" კონტრაქტი გაახანგრძლივა

"შავი ლომი" | დავით აბდუშელიშვილი - თანაგუნდელების დახმარების გარეშე ეს შეუძლებელი იქნებოდა

2 წელზე მეტი გავიდა - პოგბა მოედანზე დაბრუნებასთან ახლოსაა

მძიმე ტრავმის შემდეგ ჯამალ მუსიალამ ვარჯიში დაიწყო

ყველაზე ახალგაზრდა ფეხბურთელი და რეკორდი - კეინმა კარლს წარმატება მიულოცა

საიუბილეო მე-300 მატჩი და მე-4 საუკეთესო შედეგი - კურტუა ბრწყინვალე ასპარეზობას განაგრძობს

ტერ შტეგენს მუნდიალზე თამაში უნდა - გერმანელი სავარაუდოდ, ზაფხულში "ბარსელონადან" წავა

ცნობილი კამერუნელი გოლეადორი კარიერას აზერბაიჯანის ჩემპიონატში განაგრძობს

[VIDEO] სასიამოვნო კადრები - როგორ შეხვდნენ ერთმანეთს მიქაუტაძე და შერკი "ვილიარეალი" სიტის" მატჩამდე

[VIDEOS] მამუკელაშვილის წარმატებული დებიუტი - ბითაძეს ორმაგ დუბლამდე ცოტა დააკლდა

"ბარსელონამ" შეიძლება ტერ შტეგენი სხვა კლუბში გაუშვას

"ბორჯღალოსნები" | ნოემბერში ინგლისელი, ზელანდიელი და ირლანდიელი გვიმსაჯებს

ფანცულაია გოლებს აგროვებს; "სამგურალმა", "გარეჯმა" და "თელავმა" გაიმარჯვეს

"სპორტინგმა" ქოჩორაშვილის გარეშე მოიგო - "რეალმა" "იუვენტუსი" ბელინგემის გოლით დაამარცხა

გამარჯვება ოთხი წაგების შემდეგ - მამარდაშვილის "ლივერპულმა" "აინტრახტი" დაჯაბნა

ოსიმენის დუბლი - "გალათასარაიმ" და "ატლეტიკმა" გაიმარჯვეს

მამარდაშვილი "აინტრახტთან" სასტარტოშია, ქოჩორაშვილი "მარსელთან" სათადარიგოა

თბილისის "დინამოს" ახალგაზრდულმა გუნდმა ჩემპიონთა ლიგაზე ისევ გაიმარჯვა